 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
06-27-2007
| ||||
| ||||
| مـسـجـــات لــعــيـونكم السـلام عـليــكم يا أحبـابي لكم مني مجموعة مسجات متنوعه أرجــوا إنها تعـجبـكم ღ♥ღ ترسل لكل الناس إلا أنا ليش ماني مثل الناس و لا غير أنا ღ♥ღ تنظر للناس بحب و إطراء و أنا من دون الناس بلهاء أستنى منك نظرة و أحسان و إنت عني مو سألان ღ♥ღ أنا ما ابيك تشوف غيري و لا ترسل لأي أحد ثاني أنا بس اللي تفكر فيها وتحاول بكل الطرق تسعدها ღ♥ღ كل ما أتصل مشغول وكل ما أطرش مسج مسطول بغيري دايم مفتون و أنا على الرف مسكون ღ♥ღ يا خفايا الشوق خبريه بعيد عنه ما اقدر أعيش لا يفكر بغيري وينساني مثلي ما بيلقى ثاني ღ♥ღ أنا الغيرة بتقتلني و هو مو سائل عني أنساه و لا اسأل فيه يا ربي و لا احاول أصبر و شعوري أخفي ღ♥ღ يا طير طاير بالهوا حبيبي راح و ما سأل إن شفته خبره بجروحي و سأله شو الحل وياه ღ♥ღ أنا الصبر ذبحني و الغيرة قتلتني معاك إيش أسوي مليت انا من قهري ღ♥ღ الناس عايشة فرحانة و أنا من دون الناس زعلانة أغير عليه من هوا النسمة و من وجهي إختفت البسمة ღ♥ღ ليتك عرفت بس فيني وش يصير..!! لاشفت واحد بين ادينك تضمه.. مدري غلا والا محبه وتقدير..!! أو هو مكاني ما أبي من يشمه.. ღ♥ღ صباح الورد متعطر بعطركـ أقدم لك كلمة أحبكـ مع مشاعر ماتهدكـ وهمس يذوب على خدكـ وشوق يغني على قلبكـ وعيون بس خاطرها تشوفكـ وإذن ماتريد تسمع غير صوتكـ ولي قلب يصون حبكـ وماقدر أقول شي ثاني غير اني ~ أحبكـ موت ~ ღ♥ღ أبغيك مثل الــ/ ورد في الروح مزروع والروح والاحساس والنفس بيتك أبغيك مثل الــ/ نور في العين مطبوع وأنظرك يوم أشتاق شوفك فديتك أبغيك مثل الــ/ طير له صوت مسموع صوت يداعب مسمعي لو "بغيتك" ღ♥ღ اكتبني في حياتك عاشق مجنون مامل اشتياقه ماعرف وشلون يقرا العشق او يكتب غرامه ارسمني صورة الولهان بالوان الطفوله تجرحه كلمه وتجيبه ابتسامه مغرم فيك لو رفض يبدي غرامه تفضحه كلمة ومقصده اهتمامه ღ♥ღ حاكني بأقوى تعابير " الكــــــلام " للفرح باسلوب تكفى دلـــــــني.! وضمني بأدفى مراسيل " الغــــــرام " ومن شتات الوقت يمك لمــــــني .! خلني طفل على صدرك " ينــــــام " غير قــــــــربك يالغلا ماهمني .! ღ♥ღ ناولني يديكـ لــ/ أكتب بصفحة كفك ما لا أود أن يقرأه سواكـ ولــ/ أقبل أطراف أناملكـ فبين يديك .. وشفتيّ تاريخ من الوفاء .. ღ♥ღ ودي بحضنك في الهوى دون تفريــق ..!! وأشفــي عــذابي بريح وردك وأشمــك.. وأحيــا بقــربك..دون كــل المخــاليق .. وابعــد وكلــي شوق وارجــع واضــمك.. وأبحــر بحبك وأغرق القلب تــغريــق .. حتى تذوووب أشواااق قلبــي بدمـــك..!! ღ♥ღ لو هبوب الريــح طير جادلـــــك قلت لك غطيه ولا ظفريــــــــــــه ولو زلال الما يلامس شفتــــــك انقهرت وقلت لا لا تشربــــــيه ولوشعاع الشمس لامس وجنتك قلت غطي وردها لا تحرقيــــــــــه مابـــــي الا وسط قلبي أسجــــنك وما اسمح الا ايديني اتلامس يديه ღ♥ღ ياللى تبوس الطفل وعيوني تشوف وش حلل التبويس بخدود الاطفال ؟! تبوس لك طفل بكى منك مكسوف واللى بكى لك شوق ماهوعلى البال!! ღ♥ღ ღ مسجات الحب ღ * الهوى ما يقبل أنصاف الحلول ،،، يا نصير .. أو يا حبيبي ما نصير * إنتظرته و قلبي إحساسه يقول ،،، صوت خلي اليوم ما أظن أسمعه * شفت الحطب لظمته لهفت النار ،،، هذاك آنا كلي حطب و إنت ناري * يا حبيبي لك الحب كله ... و لك غلا محدن وصله ... دامك خذيت القلب ... وش تبي بالعقل خله * عسى الزمان إللي جمعنا على الطيب ،،، يبقى على طيبه و نبقى حبايب * أخاوي الوافين مثلك و شرواك ،،، و إلا ترى مالي بالأنذال حاجه * غلاك من قده غلاك ... تكبر و هو يكبر معاك و ياك بالصح و الغلط ... شوف وين وداني غلاك * كل هالناس بكف و إنت بكف ... و مهما يزيدون تبقى كفتك أرجح * ما يحببني بقلبك يا الحبيبة إلا فضوله ،،، و ما ينسيني غرامك غير تكرار المصايب * يا ليت مثلك بالخلايق ملايين !!! لكن حلاة الشي نادر وجوده ..!! * بنك المحبه لك على طول مديون ... لو زاد صرفك ما يخلص رصيدك ..!! * أحلى ما فيك كلك .. و كل ما فيك أحلاك .. قلبي و كلي يحبك .. و محد عندي يسواك .. * كيف أناديك بكلمة "عمري" و العمر فاني .. إنت غير الناس عندي و لك غلا ثاني !!! * منهو أنا و منهو إنت ؟! عين و هدب .. روح وجسد .. و شوق وحنين .. و حب للأبد * أحبك لو يموت الحب و تصير القلوب قبور أشوف الحب هو موتي و أشوفك إنت تابوتي * هذا إللي بين كل الناس حبيته ... أغليه وأدري كثر ما أغليه يغليني !!! * ذبحتني بكلمة أبيك .. عذبتني و شلون أجيك .. يا تقول أحبك .. أو تتركني أموت فيك .. * إن كان المعزة تبني بقلوبنا دار ..! إعرف ترى لك داخل القلب ديره ..!!! * لك بقلبي وردتين و لك بعيني كلمتين "أحبك" بعين و "مقوى فراقك" بعين * يمكن أنا بقلبك مالي مكان .. بس وش حيلتي يوم إنك في قلبي أغلى إنسان * تمنيت البشر مثلك و أثاري ما بهم شرواك أنا أحط البشر في عين و إنت بعين تكفيني * هذي حياتي إبتدت و أشرقت شمس .. دامي كسبتك نور أنا فيك مغرور * يا ترى لو قلت أحبك وش يصير ؟؟ خايف الكلمة صغيره و إنت تستاهل كثير * ما أقول أنسى عيون الناس على شانك ... أقول أنسى جميع الناس لعيونك * لا تلوم إللي يحبك باع عمره و إشتراك ذنبه الأول يحبك و ذنبه الثاني غلاك * ما يهمني أي شي حتى لو عمري يفوت .. بس خايف و أنا حي إني في قلبك أموت * أنا أسأل الليالي وش رد الوفا ..؟؟ لصار خلي بالعطا أصبح بخيل ..!! * تهت بين الأرقام من يستاهل سلام !! دلني قلبي عليك يا أجمل و أعز إنسان .. * يسإلوني وش يبقالي لو فقدتك ..!! قلت أبسألكم : هو بعد الروح يبقى بقايا !! * إن مد الله في عمري و طالت عشرتي وياك أوعدك تشوف بعينك وش هو معنى "غلاك" * الدنيا علمتني من تحبه لا تبين له غلاه !! إلا إنت ما قويت أخفي عليك الغلا ؟! * أحبك و أستحي منك و لدري ويش أسويلك ... أخاف أصارحك تزعل و أخاف أسكت تعذبني * سويتها فيني ... و خليتني أهواك ... أسهرتلي عيني و حرمتني لقياك ... * أهدي لك سلام ما ينعد ... و باقة ورد ... و بوسه خد ... و عطني رد ... تحبني و إلا لا ؟؟!! * أخاف أتعود عليك و ما أنام إلا بين يديك و أحبك و أموت فيك و بالآخر تقول ما أبيك * هني من معاك سولف .. هني من قعد يمك .. يغرق في بحر عينك .. و لو زاد الوله لمك * أحدن ينام و عنده إللي يضمه ... و أحدن ينام ما لقى من يغطيه * تموت بعيوني قلوب ومواليف .. و تبقى رفيق الروح حتى وفاتي .. * لو أفرش الدنيا حرير ما هو على مثلك كثير تستاهل أكثر من كذا محلك بقلبي كبير * على رشفة أمل ضامي أبي نغمة هلا بشفاك أبي أغرق إلين أغرق و أذوب بموج أحضانك * تحدتني بك الدنيا خذتك بعيد و بكتني ،، و لكن ما قوت تنزع غلاك من داخل ضلوعي * ترى الغلا نفس الغلا ما تبدل ، طال الزمن و إلا قصر "ميت فيك" * لو دروبي عنك بعيده .. و إتصالاتي ما هي عديدة .. بس محبتك في قلبي أكيدة * إنت مثل الدمعة بعيني أخاف تنزل أفقدها ،، و إذا إنزلت غصب عني أحط إيدي و أحضنها * ما عطيت الحب غيرك بعت غيرك لو شراني و كل حب غير حبك في قدم رجلي وطيته * إنتهت كل الرسايل ما بقى عندي جديد غير كلمة أحبك أبتدي فيها و أعيد * أشوف في عيونك غناتي عن الناس ..! و أحس في قلبك وفاء الكون كله ..! * الله خلق إبليس .. عاصي و فاجر و ملعون .. و الله خلقني فيك .. مغرم وعاشق و مفتون * لو تحبني هات رنه .. لو تموت فيني هات رنتين .. لو تعشقني إتصل وقول أحبك * أنا ماني مثل غيري أحبك يوم و يوم أنسى أنا وربي أحبك موت حتى ولو علي تقسى * إبشر بقلب ما يجازيك بالصد .. قلب على طول الليالي مصافيك * يا ريتني رسام أرسمك و أمحيك ،، و أرسمك مره ثانيه و أحتفظ فيك * "حيرتني" يا سيد البشر ،، "مدري" هو كلامك حلو ،، و إلا أنا إللي حيل أغليك * قد يبيع الإنسان شيئاً قد شراه ،، و لكن لا يبيع قلباً قد هواه * يا جعل قلب ما يعزك ويغليك عسى البلا يبلاه لو كان قلبي * عسى الفرح دايم يغرد بدنياك ،، و عسى الحزن يمك يضيع طريقه * آخر "نفس" يا الزين جالك هديه ،، ومن "يهدي الأنفاس" مع "طلعت الروح" * قالوا : حبيبك بعيد .. قلت : المحبة تزيد .. قالوا : تبقى وحيد .. قلت : هو بالوريد * مدري غلاج بداخلي يخفي عيوبج ... أو إنج أصلن من عيوب البشر خاليه * لو ما إتصلتي ! لو ما أرسلتي ! لو ما سألتي ! لو طنشتي! إنتي بقلبي مثل ما إنتي يا حبيبة قلبي * ما أقدر أوصف روعت "غلاك" كل ما كتبت أشطب و أقول لا يا حبيبي "ما تليق بمستواك" * لو ينشري قلبك ترى الكاش مدفوع نشري قلوب إللي ذبحنا غلاها * محظوظ منهو ملك وقتك و لو "ساعه" كان تبتسم دنياه و تنتهي قصة أوجاعه * الود ودي أكتب إسمك على صدري لكن أخاف طيا عمري" تزعجك نبضات قلبي * إن كان غيرك تبتسم له شفاياي ،، إنت عروق القلب تضحك لشوفك * شخص عطاني وده أبد ماني بناسيه ،، و من شرى ودي أنا دايم الدوم شاريه * الله يديم المحبة .. و يديم حبك لنا .. و نصير أحلى ثلاثة .. الحب و إنت و أنا .. * عمري لو هديته لك "ما أضن تعرف غلاك" أحلف إني أحبك "و أشتري بروحي" "رضاك" * ما دريت إني أحبك لين قلبي مات فيك ما أبيك تموت فيني بس ذوقني غلاك ؟؟؟؟ * ما نسيتك بس تعمدت نسيانك بأشوفك .. تسأل علي !! أو ما يهمك غيابي * (خاص نوكيا) : إرجع إلى صفحة كتابة الرسايل و ضع يدك على الشاشة و إكتب 33662888 * إذا أرسلت لك رسالة راح يتم الإرسال .. لكن الغلا شلون أرسله لك ؟؟ * لو نسى المهموم همه أو تنكر طفل لأمه ما ينساك قلب حبك و جرى حبك وسط دمه * لو عيوني .. تنطق .. حروف و كلام .. كان قالت .. إنك أغلى من .. نظرها .. * أنا الغلا !! و أكثر من النفس مغليك .. أنا الوفا !! رغم الجفا جيت شاريك .. أنا السهر !! لا نمت عيني تراعيك .. أنا الذي !! لا ضاق صدرك يسليك .. أنا غرامك !! بس في صورة إنسان .. أبختصرها و أعترف جيت هاويك .. * أهديك شيك بمليون بوسه إصرفه من بنك حبي شارع روحي الدور الأول من قلبي!! * ياليت ربي خالق القلب شفاف حتى تشوف وش موقعك فيه * أحبك كثر ما تطري على بالي و لا ألقاك .. كثر خوفي عليك و منك و كثر ما أشهق بإسمك * أحلف بإللي خلق آدم قدرك يساوي عيوني لو عطوني ملك هالعالم فيك ما يعوضني * أحبك .. بعد أحبك .. و الله أحبك .. كيفي أحبك .. للصبح أحبك .. حيل أحبك .. و الله لأدوخك أحبك .. أظل أحبك .. أحبك .. لو تكسر الزر أحبك .. لا تستغرب .. أحبك .. أنا أحبك .. أحبك .. المرسل : يحبك .. * لك .. من صميم الروح .. ميزه عن الغير .. و لك .. في خفوقي .. من الوله شي ثاني .. القلب يحمل لك .. ميزه و تقدير .. و العين تعشق .. شوفتك لو ثواني .. و الروح عندك .. عايفه عالم كبير .. ماهو بيدي .. لا صار غلاك هو كياني * قبل إتصالك تجي لهاتفي حاله .. يهتز لو ميزة الهزاز ملغيه .. يتنهد من الفرح و يسوق مواله .. و تظهر على شاشته ألعاب ناريه .. غلطان من يعرفك و يصك جواله .. مفروض تحسب عليه رسوم إضافيه .. * من يقول إن الغلا حده حدود .. و من يقول إن الهوى جامل أحد .. جيتك بالوعد ياأحلى الوعود .. جيت بالشوق و اللهفه بعد .. بأنثر حروفي على أرضك ورود ..و بأفتخر إني .. أخاويك للأبد .. * ترى هذا مو طبعي إني أهمل ناسي و ربعي لكن وقتي "القاسي" يغير دوم من وضعي * من طيب أصلك و وصلك ضاقت المعاني .. تمنيت الناس مثلك و كانت أصعب الأماني * إن كان أنا من كثر حبه طحت مشلول !! خذوا الدوى من ريقه و إدهنوني .. و إن كان أنا من كثر حبه صرت مقتول !! وصيتي في ثوبه كفنوني .. و إن جاكم لا تدفنوني على طول !!قولوا له ( إنت السبب ) و إدفنوني .. * رجف قلبي من غلاكم و حلف ما يعشق سواكم وينكم ساسي و ناسي ماتت الضحكه بلاكم ღ مسجات الغيره ღ * لا تلومني ترى من زود حبي لك ،،، خلاني أغار حتى من نفسي عليك * حس فيني نار الغيرة إحرقت يوفي ،،، مدري أبكي و إلا أصيح بعالي الصوت * من تحداني في غلاك ؟ أقبل تحديه ! و من يشاركني حبك من الأرض أمحيه !! ღ مسجات الشوق ღ * دام شوفك ياهوى بالي صعيب ،،، العوض في صوتك إللي نسمعه * عمر المسافة ما تعيق المحبين ... يبقى الغلا و الشوق لو هم بعيدين .. * تغيب ودك تشعل الشوق فيني ... إن غبت أو ما غبت ... لك شوق بداخلي ما غاب ! * لك .. وحشه .. تسلب قلوب المحبين .. و دنيا بلا حسك تراها خسارة .. * تعودنا على قربك و صار الشوق يذبحنا ترى الدنيا و لا تسوى دخيلك لا تقاطعنا * حاولت أجاري حرقت الشوق و أسكت ، لكن فضحني صمتي إللي كتبلك مشتاق مشتاق * مدري .. غلا .. و إلا وله .. و إلا محبه .. لا شفت رقمك غصب عني تبسمت .. * يقولون المحبة شوق و أنا شوقي بيقتلني ، صحيح إنك بعيد عني و لكن مسكنك قلبي * غالي دون البشر .. ليه البعد و الهجر .. أنا بشوق أنتظر .. لو سمحت مسج لأنفجر * ثلاث تقطع القلب :- مريض بلا طبيب .. إنسان بلا حبيب .. و إنت لما تغيب .. * ليه الرسايل طولت ما تجينا .. ما أدري "جفا" و إلا علينا "خسارة" * مشتاق أسولف معاك ،، و أحس لحظه بهواك من كثر ما أقول غالي زاد بغيابك غلاك * (أعز الناس) وينك : نشوفك ما تراسلنا > إذا بصحة طمنا و إذا تتغلى علمنا * ترى و الله لك وحشه و قلبي فيك أحرجني لقيته شايل عفشه و جاك يقول إلحقني * أنا عمري بقايا شمع أحرقني الأسى و الشوق إذا ما فيك ترحمني إحرق ما بقى مني * لو هي الدنيا بكيفي و الأماني ما تخيب ،،، كان أسكنتك عيوني و عن نظرها ما تغيب * ------ نايمه و خذيت تلفونها ودزيتلج مسج لأني ولهانة عليج المرسل : قلب ------- * وصل همسك مدى قلبي دعاني الشوق ولبيته فدى عيونك أنا أرسل يا أغلى شخص حبيته * حب كلمه من حرفين سوت لي همين هم فراقك و هم غيابك عن العين * يمكن إبتعدت و إنشغلت و عليك ما سألت مده و قصرت !! بس الأكيد إشتقت لك وولهت * على الذكرى أنا وياك و رب الكون ما أنساك أبرسلك أنا مشتاق و عيني تنتظر لقياك * تسلملي عيون إللي يراسلوني خاب ظني و ما نسيتوني أحن لكم و الله وحشتوني * هزني الشوق وقلت أرسل رسالة ... عسى قلبه يحن و أجي شوي على باله ... * مبطي و أنا لك يا أبيض القلب مشتاق ... شوق العمي لمشاهد الكون ساعة ... * يا رسايل الشوق ... رشي الطيب ... بيد الحبيب ... و بلغيه إنه عن ... الخاطر ما يغيب * لا فؤادي و لا عيوني لو خسرتك ينفعوني يا صدى صوتي و سكوتي بعدي عنك هو موتي * يا حروف أحلى رسالة خبري أغلى البشر إني مشتاق لشوفه ويومي من غيره شهر * عيني بعينك .. خل عنك التغلي ..! في ذمتك .. ما إشتقت لصوتي و طرياي ..!! * كل ما جاني مسج حسبته منك !! و أثريني واحشه كل الناس !! إلا إنت !! ما وحشتك * تشتت بالفكر عقلي .. تحيرت و نفذ صبري .. نهيت الشوق لا يرحل .. و عيا لا يطاوعني حبسته داخل ضلوعي منعته في قفص صدري .. قهرني و كسر ضلوعي .. تجاوزها و تجاوزني .. يعاندني و يحرجني .. و دايم ما يطيع أمري .. إذا قرر يجي يمك !! يروح و ما يشاورني * ضاق خلقي بدونك و قلبي إشتاق لجنونك وينك يا بعد عمري ما تبي مجنونك ؟ * أنا رساله جيت من عند غالي .. شخص موصيني أوصل سلامه .. جيتك أشيل الشوق بأول و تالي .. في شاشة الجوال هنا كلامه .. وش هي علومك يا بعد حال حالي * أغيب لاكني على العهد باقي .. يردني "شوق" على الود لا زال .. ما غيركم يا زين للعين لاقي .. لك بالمحبه في لجى الروح منزال .. هاك العهد مني ليوم الفراقي .. ما أنسى غلاكم لو الزمن بيننا طال ..؟؟ * أغيب و أبطي عنكم ما هو جفا فيكم .. قصدي بس لاجيتكم تكونون لي مشتاقين * لا تحسب إني لوبعدت بنساك ..إنت مثل شمس الشتا بعيد لكن ما أروع دفاك * مشتاق صدقني لعطفك و راجيك .. ( أرجوك ) .. لا تكسر عيوني بفرقاك .. رغبة طفل كلي يحبك و يغليك .. كنك حنان الأم و الجنه .. رضاك .. يا شيخ ما هو هين .. أنسى و أخليك .. يلعن أبو العشره إذا القلب ينساك .. * ليت أخسر عيوني و لا أعيش بالنظر ممنون يقولون أعمى و لا يقولون من شوفتك محروم * قالو : البعد يخليك تشتاق!! قلت : ورب الكون حتى و أهو جنبي أنا ميت من الأشواق * أبرسل مع الطير شوقي و طيفك بالحشا موجود و ماني بقاطع حبك لو دربي بالهوى مسدود * يا دنيا مشتاقه لهم وش كثر حلو حبهم ويوم أتذكر صوتهم أتمنى بقلبي أضمهم * ودي بشوفك لكن الوقت ما طاع !! حكم الظروف و مالنا حيله.. * أخرت مراسيلي لجل تشتاق و أشتاق .. و أشوف إللي لها القلب يشتاق .. * دورت له كلام أعبر فيه عن إحساسي ما لقيت إلا ( مشتاق ) أرسلها مع أنفاسي * تغيب ودك تشعل الشوق فيني !! مجنون إنت !!!! إن غبت أو ما غبت لك شوق بداخلي ما غاب .. * وقف و قلي .. من قتل فيك الأشواق .. و خلاك تنسى حب حطم كياني .. تبفى عزيز و جرحك إللي بالأعماق .. ذكرى عزيزه من حبيب كواني .. أشتاق لك وقت مضى و أرجع أشتاق .. و اقول معقوله حبيبي نساني ؟؟ ღ مسجات زعل و حزن ღ * أنا مزاجي و أطيع إللي يطاوعني ،،، و إن كان لي خلق أمررها..أمررها * أبعتذر عن كل شي إلا الهوى مال الهوى عندي عذر .. * ما كل من يضحك مع الناس مبسوط ،،، يا كثر من يضحك و نفسه حزينة * أضحك مع الناس و أبكي مع نفسي ،،، و أمشي بلا إحساس محدٍ درى عني * من الفرحة نسيت إني عليك البارحة زعلان نسيت أقول لو تسمح تكرم لا تكلمني * يا ضايق الصدر بالله وسع الخاطر ،،، دنياك يا الزين ما تستاهل الضيقة * مصدر حياتي عزتي و إعذريني ،،، مقدر أواصل بالهوى حاني الراس * أون و كلٍ يحسب إني أغني ،،، عليل و كلٍ يحسب إني مداوي * أنا ما أمشي ورى غيرك و لو إنه يطق الباب ... و ترى عيبٍ عليْ أطعن و لو كثرت سكاكيني ... * لا تلومني حبيبي لو مره قسيت عليك و إفهم شعوري و إعرف إني أموت فيك * طلبتك لاتخلي ضايق الصدر بالحاله .. تراني على حد القهر لا تخليني.. * دامك عزيز و لا يساويك (مخلوق) ،، سيف ! الغلى طالبك لا تسله ؟! * هي أجمل الكلمات قلها كلما ضج الفؤاد و ضاقت الأزمان .. ( لا إله إلا الله ) * عودتني ما أزعل عليك بحياتي .. و إن الزعل مرفوض ما بين الأحباب * كابر قد ما تكابر راضي و متحمل و صابر يا إللي الحياة من دونك (حبيبي)أعذبها مرار * إن كنت تضحك يا عساها على طول .. و إن كنت متضايق يا عساها دقايق * تكابر و إنت تغليني .. تقدرني و تموت فيني .. أهمك أو ما أهمك .. أنا في قلبك و دمك .. * إن كان صدر إللي أعزه وسعني ماهمني ضيق الزمن و إتساعه * آسف على الطيب تردى حاله .. و إلا الردي ما من عليه حسافه * كل الجروح بالدوى تبرى .. لكن إطعوني ما لها إدوى * بأشتري ضحكة شفاتك بألف دمعه من عيوني .. و بحتوي حزنك و لو ضاعت كل سنيني * قلت أبكتب لك رسالة كلها لوم وعتب و يوم أنهيت الرسالة غير أحبك ما إنكتب * مصير جروحنا تذبل قصر هالوقت أو طالي .. بس خوفي صياحها يحيي جروح ميته فيني .. * ضايق و أشوف الحال ما هوب ينطاق .. لا الأرض تاسعني .. و لا الجو جوي * لو إنت سبب جرحي عساه ما يطيب .. و لو أنا سبب همك .. عساني عن هالدنيا أغيب .. * أحس الجرح ما يبرى كبير و حطم آمالي !! خذلني واحدٍ غالي أرخصني يوم أغليته * رشوا على قبري من دموع عينه .. لا بد يندم كامل الزين وينوح * تبسم للزمن تكفى .. ترى صمت القهر حراق و (حذاري) تذرف الدمعة لو إن النفس مجروحة * لا ضاق صدري تصفحت الرسايل ، و أرسلت للي يبعد عن الضيق طاريه * خلك كذا أحسن يا زهرة السوسن ،،، نصيحة من قلبي إترك الأسى أهون * تلومني لا جيت كلي من أقصاي !!! هو في غيرك لا تضايقت جيته ؟؟؟ * مشكور يا قلبٍ صفالي من الناس عسى الحزن يمك يضيع طريقه * لا تزيد إطعوني أوجعت الخناجر ،،، ما بقى عرقٍ بقلبي ما ثنيته * أنا معك في مجلس الضيق (مركاك) و (سبحة) .. يمينك .. تلتهيبي إليا ..(ضقت) * أمانه لا تلوم القلب إذا منه حصل تقصير ترى يكفيه يا عمري سهوم الوقت تجرح به * نصحت القلب لا تبكي .. و قال القلب وحداني .. أبي أضحك أبي أحكي .. و لكن وين خلاني * عزاه من وقتٍ مضالي بالأفراح ... أنشهد إني مفلس اليوم عنها * لا تسيل دموعك و إن سمعت كلمه من حقير إضحك .. ترى غبن الحقير إبتسامة الإحتقار * إن كنت ما أدري بغلاتي و أنا حي ..!! وش مكسبي كانك حزنت بوفاتي * أكره الدنيا إذا كنت علىْ زعلان و يا زين هالدنيا إذا قلبك علىْ ولهان * مدري وشلون صارت جروحي ،،، تسليك عقب الوفا و شلون !! (غرتك دنياك) * يا ليت لي جرح ينشاف دمه مير البلا من جرح ما إنشاف له دم * بانتظر باكر عساه يصير أحسن من أمس .. تهدا النفوس و تبرد عروق دمي * خل المعاند و إترك إللي براسك .. تلقاني أكثر من صدق لك بهالكون * من راح عني قلت يا عله مصيب .. دورت له عذرٍ كريم و عذرته * إللي يبي بعدي أنا ماني قريب .. أما ربحني و إلا أنا ما خسرته * أنا ماني عصا بيدك تحركها يمين يسار .. أدلل من يدللني و من يلعب تناسيته * طبعك معي موجب ولي طبع موجب .. أشبهك و أقطاب التشابه تنافر * لا تعتقد في روحتي بتخسر شي .. خذني سحابة صيف مرت وعدت * للي صدق وياي أنا أصدق إنسان .. و للي كذب وياي كذبي مصيبة * صارت غيبتي عادي يمر اليوم و ما تسأل يسره قلبك إبعادي و قلبي بغيبتك يزعل * ودي ولكن كيف تحقيق ودي؟ عيا (زماني) لا يجيني على الكيف * شرب على غير الضما يجرح الكبد ..!! و حب على غير المودة خسارة * للعشق براسي يا بنيه رصيد .. لو يطيح الحب وش لي بالحياة * بعلمك وفاي إللي تموت و ما تعلمته ! و بترك لك خطاك إللي بموت و ما تعلمني! * بعد الخيانة إنتهت رغبتي فيك .. و إن كنت تذكرنا ترانا نسيناك * أنا مع الأيام طحت و تعثرت إحتجتلك و بضيقتي ما لقيتك قصر زماني بالوفا وإنت قصرت ضحيت من عمري و صنت ووفيتك ما دمت بوصلك عليا تكاثرت أرخص حياتي إن كان في يوم جيتك و اليوم حددت النهاية و قررت لاعاد يوم به عشقت و بغيتك لو يرجع إللي فات ومني تعذرت ما تلحق إللي في حياتي عطيتك * أبرحل و الطريق إللي يودي ما يرجعني يبي يغنيني الله عن هوى حبك و طاريه.. لا ذكرى و لا طاري تجيبك عندي بعد اليوم نسيتك مالك بقلبي لا ذكرى و لا طاري * أبشرك ما عاد يوجعني فراق .. و أقسى ( وجع ) فيني يزول بثواني .. عودت قلبي لا حمل هم أو ضاق .. أرمي و لا أسأل عن إللي رماني .. و عودت نفسي "للمتاهات" ما أنساق .. و لا اسيل دمع عيني و اعاني .. * لا ضاق صدرك لا تلتفت و تحتار .. لك صاحبن يكسر عظام (المصيبه) * و إنت مو يمي أنا ياما بكيت من صبري و عناي .. زاد علي همي و إنت مادريت أنا مت و حييت و إنت مو معاي.. * فيني ألم ما مر في " قلب مطعون" فيني حزن ما مر في "عيون الأيتام" * و لا تزعل و لا تتعب شعورك و لاتاخذ على خاطرك مني أبي أتأسف إلين أرضي غرورك و بقول إني مقصر غصب عني * علموج القساومه و إنتي طبعج حنون .. كيف تجرحين دموعي و إنتي وسط العيون .. * لا تحسبك لا أخطيت أضعف و أراضيك .. أحط ( أنا ) قمت غرورك ورايا .. * أنا عندي بهالدنيا قناعه ألم جرحي و لا أطلب شفاعه .. و لا أشكي و دمعي عيب علي أهله * نصيحه : إترك حبيب في عذابه يبكيك ..حبه و شوفه و إتصاله ( مزاجي ) * في جيتك لي ترى ما تحرك أشجاني ..!! لا يفز قلبي و لا تشتاق لك عيني * ما دمنا أحباب و الأعذار مقبوله .. الزله إللي تجي من بيننا عادي * نافق تعيش و جامل الناس تنحب و بيع الضمير و تشوف كلن يجيلك * جيتك على رجوى معالج جروحي .. ما كنت أظنك تلحق الجرح بالجرح .. * يا حلو الأيام لو ترجع على كيفي .. ماكان قلبي شكى فرقا مواليفي * إترك عنادك معي بعرضه و طوله و أنا معك بأتلطف و أترك عنادي * إذا رجلك بدت تمشي بدرب الصد و النسيان سلامة رجلك الحلوه أبنسى قبل تنساني * من عقب الأحباب مكسوره مجاديفي .. غرقان و الموج يلعبي على كيفه * روح خل إللي خذاك من عيوني يسليك .. بكره تشوف الفرق بينه و بيني .. * أنا جريح الأمس و اليوم و الغد .. و هذي جروح العمر أحصي عددها .. لقيت أنا الدنيا ترى ملعنت جد .. فيها الكلاب السود تاكل أسدها .. ღ♥ღ مدري علامي صرت ضايق ومليت... قعدت أفكر في زمان مضى لي... وسااال دمعي فوق خدي وصديت... صدت حزين غربلته الليالي... لا شك ماراح أنساك... مهما تناسيت..! ورقمك بدقه كل "ماضاق بالي" ღ♥ღ طمـنوني شـلونـهـا كيـف حـال عـيـونـهـا ؟؟ الله يـسـامح هـالـزمـن خـلانـي أحـيا بـدونها مـدري كـيـف أوضـاعـهـا ؟ عـصاها الزمن أو طاعـها ؟ تسعـدها ذكراهـا معي أو تـزيـد أوجـاعـهـا الحـب بعـدي شـافـته والا مـثـلي عـافـتـه ؟ تضحك حياتي وتبتسم والا حـزينه وساكته..!! ღ♥ღ شفت الخيول الجامحه ؟ هاذي انا ... ناظر جموح الخيل وتعرف عزتي .. ماتنلجم خيل ظهرها مانحنى للذل يانفسي على العز اثبتي .. شفت النجم بالليل يرمي بالسنا.؟ انا نظير سهيل حاذر رميتي.. شفت الرماح الواقفه شفت القنا ؟ انا القنا والرمح يشبه قامتي. ღ♥ღ من مد لي يمناه مديـت لـه خمــس ومـن صـد عني عفـت شيـفت بــلاده لاني عزيز وعـزتـي تـحكم النفــس والنفـس ماترضى بهـون المكــاده ღ♥ღ والله لخلي عزتك تحت ماطاي تمشي وعينك ماتعدا مواطيك ابيك درس لكل خاين ونساي وافهمك قدرك وقيمة مباديك والله لهينك لين تبكي تبي رضاي ذليل تكسر عين منهو يراعيك ღ♥ღ مليت من هالاماني ........ دام ماهي ممكنه لاهي تحقق ... ولا يأسي بوجهي يبين الى وين أنا وانت ... مثل الشمس والازمنه !! مع كل صبح يجددني لشمسك حنيــن أبيع عمري لجل انساك!! أو ارهنه ! واعيش ليله ... اقول ان جيتني .... انت مين.. ღ♥ღ اخــاوي اللي صـــــــان قـــــدرهـ وشــــله ولاضعيــــــف النفــــس وشـــلي بممشـــاهـ عليــــــكـ باللــي لابغيتـــــــــه تســـــله سيفــــــــــن علـــــى صكـــــــات بقعـــــا تمنــــــاهـ نـــاكـــــر جميــــلكـ لاقســـــــى الــوقت خلـــه حتـــــى يعـــــرف انــــــه علــــى غيـــــر مجــــراهـ كــم واحــــــدن يفقـــــد رفيقـــــــــــه بـــــزلــــــــه لاصـــار مــاثمــــن كـــــلامـن تحـــاكـــاهـ ღ♥ღ أحباب في عيون القرايب والأغراب وحنا مثل ليـــل يوادع نهـــــارة مانلتقى الاعلى عيووون الأقراب والليل ينهي في النهار إنتظارة باكر تعرف ابعاد مجروح الأحباب اللي خذا الفرقا بعيـــــن إعتبـــارة ღ♥ღ ترفع الصوت وأطلب منك بعض الاحترام والغريبة تعود وترفعـــــــــة من جديــــــد دوم نضحك ونختم ضحكنا بالشتــــــــام ودوم نحكــي ونختم حكيـــنا بالوعيــــــد ودوم تحطــيم قلبي قبل وقـــت المنـــــام وماتهنى بنومك غير لمـــا تكيـــــــــــد ღ♥ღ ياشوووق تكفى لاتخلية يرتـــاح ياشوووق تكفى داعبة في غيابي خلــه يحس اني معة وين ماراح خلـــه يحس ةشلون لذة عذابـــي عطر الفراق اللي مع غيبتة فااااح عطرت بة جرحي وباقي ثيـــــابي ღ♥ღ توك قبل لحظه على البال مريت توي اسولف عن غلاك لعيوني اقسملك اني عنك أنا ماتخليت يهون عمــري وانت لاماتهوني مثلك عزيز لاحشى ماتناسيت لوكان وقتي والمشاغل خذوني قل غيرها واستوعب الجرح وأرتاح الا الغياب وجرح غيرة عوافـــــــي أمنتك الله لاتجي بنيــة مـــــــزااااح قصدك سفر والا انت قصدك تجافي؟؟!! ღ♥ღ من قبلها والحظ بالحيل عاثــر ومن بعدها والحظ لولو ومحار لعيونها مديت كف المشاعر واهديتها قلب جرح كل الأعذار ღ♥ღ مـــاني من اللي ينسى عشرتــك ويروح!!! لكني من اللي يغرسك بين"الحشا والرووووح"......... ღ♥ღ يكفي فهمتك يوم صديت عني؟؟!! أثرة خذاك اللي هويتة وصديت!!! ღ♥ღ ان كان ودك تسمع مني الرد.. ودك تعرف خاطري وش طرابة أنا اسألك هل المطـر يوم ينعـــد؟؟!! طبعا ً تقول"لأ" وهي الإجابـــــة..... حبي لكم مثل المطر يوم شتـــــد ماينتهي ماداااام وصلك<سحــابة>0000 ღ♥ღ خطاي اني سألت وجيت أدور للغياب اسباب... خطاي اني تعلمت الوفا والناس كذابــــــــــــة حسايف يازمن ماعاد باقي في الزمن أحبااااااب على حسب المصالح كل وااحد يحسب احسابة!!!! ღ♥ღ ان مد الله في عمــري وطالت عشرتي وياااك.... أوعـــدك تشوف بعينك شنــــو معنــتى غلاااااك..... ღ♥ღ آة ياليل التجــافي ماأطول ليلة العــاشق ثوانيها طواااال؟؟!!!!! ღ♥ღ حبيبي لوبكيت طاحت الدنيا سمى وتراااب,,,,,, حبيبي لوبكااني طاحت الدنيا من عيــــــووني..... ღ♥ღ ابكي وأهل الدمع لامن طرالــي,,, أغلى حبيب في حياتـــي هويتــة.... ღ♥ღ اللي عطيتة كل حبي صفعني::بالغدر يالله وين ذيك الليالي؟؟؟ ღ♥ღ يسعد صباحك والمسى وآخر الليل وأول نهارك والظهر والعصاري ياللي غلاك بوسط روحي سكن حيل سيطر على قلبي ومع الدم جااااااري ღ♥ღ امانتك قلبي تحطة بيمنـــــــاااااااك تكفى عطة من الغلا فوووق حـــدة أرخي عليه من الوصل لاعد منااك أبية يشبع منك حااااااذر تصـــــــدة لالاتحاول تبعد عنة بجـــفـــــااااااك أمااانتك قلبـــي عن الكل بــــــــدة ღ♥ღ دام (الكويت) كلها حيل تهواك وإشلون قلبي بعدها ما يحبك في (عمان) صافح الود يمناك (البحرين) كلها تترجى قربك,, (الإمارات) وكلها أهلها تفداك (والسعوديه) تروح فدوة لقلبك (وقطر) بحرها كم تمناك «والشاهين» بالوفا كم تعزك ღ♥ღ رجعت لدروبي وعودت زعلان .. تركتك لحالك ورديت بابي .. مادام في قلبك غلا غيري إنسان .. الليله إفرح في سوالف غيابي .. أببتعد والله حبيبي علشان .. ما يجرحك صوت الغضب في عتابي! ღ♥ღ "لو كان قلبي يكفي" الكون كله.. ماظنتي يسكن به اليوم إلا انت.. قلبي خذيته وصار أسمك محــــله.. "ارجوك حبه دام منه" تمكنـــت.. لا تترك سيوف المحبه تسله.. لا تتركه في دنيته ماله إلا أنت.. ღ♥ღ أغليك لاتحسب كلمتي زلة لسان الغلا ما يحتمل شك ويقين اللسان بساعة الشده حصان والخجل مايبعده مسح الجبين معك ينساب الحكي حب وحنان وكل شدة باس قدامك تلين مابقي للصمت بصدري مكان إيه أغليك قلتها والله يعين ღ♥ღ "أيه أعــــزك" قلتها والصدى غطى المكان والتفت! من كان حولي منذهل من كلمتي... ثم جلست أردد الكلمه الى وقت الأذان ثم ذكرت الله وبديت بدعوتي. ربي أحفــــظ من ملـــكني طيبها ღ♥ღ من تردد ساعة العازه بطا مايلاقي حزة الشده سنيد دايم الدنيا ترى أخذ وعطا من يفيد اليوم باكر يستفيد الرفيق الصح سترك والغطا ودرعك وسيفك على الخصم الضديد لو على جمر الغضا لأجلك وطا زعلتك حزنه وفرحك يوم عيد ღ♥ღ شب الزمن جمرة يسمونها الصيف,, والصيف ماهو بأرتفاع الحـــــــــــراره !! الصيف والله لاجفوك المواليف,, وبقى لهم بالصدر قدر وصـــــــــداره !! تسمع لهم في وسط صدرك سواليف,, ماكنهم غابوا.. ولا به زيـــــــــاره !!! ღ♥ღ أحبك وش بقى مني حطام العاشق المغرور وماظن الزمان اللي مضى يرجع من أسبابك ولكن صدقيني الصدق في هذا الزمان شعور يحبك من صدقلك مرة ماهمه عتابك ღ♥ღ كانك على قولك تعني لي الخير ساعدني أنسى حبك الي خذاني خلاحياتي كلها تنقلب غير وأنسى الحبايب والزمن والمكاني ღ♥ღ إذا تقوي على فراقي وبعدي عنك خليني أنا مليت من دور الكرامة ولعبة الغفران قليل العمر ياللي أنتي دموعك ماتساويني حرام أنه يضيع فراق..هي من قلة الأحزان..؟! ღ♥ღ إذا كانك أخذت الجفا بافارقك وابكي عليك ياصاحبي والله على الفرقى وهجرانك يعين كانك تبيني لاتخليني وأنا احبك وابيك أخاف توحشني ويذبحني غيابك والحنين ღ♥ღ دريت أنك حبيبي قبل أموتك وأعشقك وأحياك وصرت أول طريقي وآخر أحبابي وعشاقي سمعت أحلى أحبك في حياتي كلها بشفاك أثر بعض الشفايف همسها غيمة وبراقي ღ♥ღ مافيه يمنى ناعمه مثل يمناه هذاك رضيع إن حط كفي بكفه والمشكله إني لاتعندت وياه قلبي وهو قلبي يوقف بصفه مـــع التـحـيــات ღ♥ღ سـجـيـن الـصـمـت ღ♥ღ لا تحرموني من ردودكم الطيبه   |
|
#2
03-19-2008
| |||
| |||
 رد: مـسـجـــات لــعــيـونكم الف شكر والله يخليك يالغالي على المسجات الحلوه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
