بسم الله الرحمن الرحيم
بصراحة اشوف بعض القصائد الرائعة تكتب ثم تنسى ففكرت بان نجمع قصائد مشاغبي المدرسة في ديوان واحد يكون مرجع للقصائد المتميزة .... فارجوا من كل الاعضاء وضع قصائدهم المتميزة في هذا الديوان للمتعه والفائدة

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

مليت انا هم(ن) علـى الصـدر خيـام = ومليت انـا وقـت(ن) بدنيـا عقيمـه
اشوف عمري ناقـص(ن) بـزود الآلام = واشوف عيني ترسل امطار غيمـه
ان كان وقتي مسرع(ن) في سرق الايام = عـزاه يـا قلـب(ن) غدربـه غريمـه
جر ح الزمن طابع على القلب بوسام = وافشى حكاية حـب كانـت قديمـه
وحكم على النفس الجريح بالاعـدام = وثبت على مهاجر ابشـع جريمـه
وصار الوفي في ذا الزمن صار نمام = والصدق في ذا الوقت دقـه قديمـه
بكيت قلب(ن) احتـوى الحـب اعـوام = بكيت نفـس(ن) مـن هواهـا يتيمـه
وعرفت حظي نايم(ن) مـا بعـد قـام = نايم على نفسـي ونفسـي سقيمـه

V
v
v

طلبتك يا زمن وقف قبل ما تنهي أيامي = بعيش اللي بقى من عمري ترى باقي أمل فيني
عدمت الفرحة في عيني و بعد ناوي على إعدامي = حرام تسوي كل هذا ترى اللي فيني يكفيني
أشوف و ما أشوف إلا عذاب بداخلي حامي = يجي أحيان يخليني بغيبوبة و ينهيني
أبي مره و لو مره أشوف الفرحة قدامي = و لكن وينها الفرحة أموت و ما تعزيني
قضى عمري و انا أعطي غيري بالفرحة و انا ضامي = أفرحهم و أجاملهم و انا بحر الحزن فيني
كبيرة حيل طعناتي و كبيرة ارماحي و اسهامي = أطيح و رافع ٍ إيدي أبي أحد ٍ يقويني
أبي أي شخص يفهمني و يواسي جرحي الدامي = أجي كل يوم متضايق و أبي من يواسيني
ملامح وجهي عطاها الشقى و الهم و اوهامي = كأن الوقت في عمري خلق ضيقة تخاويني
أجي بك يا زمن أركض أسابق خطوة أقدامي = و مصيبة يوم انا جيتك من الأحزان تسقيني
وصلتك يا زمن ميت أبي تجمع لي احطامي = وصل لرحمتك و أنت و ضميرك لا تخليني
و ربي قمت احس إن الألم يفرح بآلامي = و حتى أصابعي بيدي تساوت عندي بعيني

مـات حبـك والبقيـة فـي حـياتـك = فـي حنـايـا خـافقـي لاقـى مصيـره
خـذ مـع الجثـمان باقـي ذكـرياتـك = تجـربـة حبـي معـك كانـت مـريـرة
يا عـدو الحـب ركـب الحـب فـاتـك = لا تجـيب ان طعنتـني للحـب سـيــرة
ما يعـرف الحـب من سـوى سواتـك = يجهـل الاخـلاص مـن ضيـّع ضميـره
حبـك اللـي تدعّـي هـو حـب ذاتـك = ومـن يحـب الـذات ما يخلـص لغيـره
غـرنّي يا صـاحبـي ظاهـر صفـاتـك = غلطتـي للأســف كـانـت كـبيــرة