 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
06-28-2007
| ||||
| ||||
 الجزء الثاني : عزوز وصلوح وإعادة الاختبار .. السلام عليكم ورحمة الله وبركاته .... وبعد بعد أن تم الجزء الأول ، من قصة عزوز وصلوح ومع الاختبارات ها نحن جاءناكم بالدور الثاني اقصد الجزء الثاني .. الله يعينكم على القراءه .. أعذرونا .. على تمارين الإطاله والسويد أقصد الإطاله .. نبدأ بسم الله الجزء الأول : خربوها الشباب :عزوز وصلوح ليلة الاختيار ؟ الجزء الثاني : 7 7 ================================= خرج صلوح من عند عزوز مع أذان صلاة الفجر ...، طبعاً خرج وهو يحمل جرعه من الايمان حركها فيه عزوز ، شغل الددسن حقته ..بآدب ,احترام .سبحان مغير الاحوال ومقلب القلوب ..وعشق وتوجهه الى حارتهم .. ويوم وصل.. الا هذا ابو علي مأذن المسجد بعصاه يمشي .. متجه الى المسجد تقول نخله راكعه ظهره منطعج ..الشاصي جته ضربه ايام شبابه ،... وقف صلوح عنده وفتح القزاز : السلام عليكم العم ابو علي ، اركب اوصلك .. ابو علي : وش تقول ؟ .. ابو علي عنده مشكلة في السمع يحتاج فرمته وتوضيب مكينه الكبر شين ..بس لا يغركم بعض الاحيان يحط ستوب الي يمنع الصرفيه ...وتمشي اموره ... صلوح وهو يصرخ : السلام عليكم ،،، اركب اوصلك .. ابو علي : يقرب بجنبه .. من انت صلوح ولد ابو صالح ... غريبه ! مي عاده لك تصلي الفجر .. صلوح : الله يهدينا .. اركب اوصلك .. ابو علي : وش تقول ( اوصلك ) .. اصبخك .. صلوح : انا قلت اصبخك .. وش فيك ؟ .. ابو علي : ( فيك ) فيل ؟ انا فيل يا صلوح يا ولد بو صالح ... ادري انك تكرهني انت ابوك .. ابوك منقهر مني لاني اروح للمسجد على رجليي واصلي وانا واقف مو مثله هالشايب ، يصلي على كرسي . صلوح : انا لله وانا اليه راجعون ... الحين وش جاب طاري ابوي .. يا ابو علي خاف ربك .. ما تعرف حديث الرسول صلى الله عليه وسلم .. الي معناه يعمل الواحد اعمال مثل الجبال ويجي يوم القيامه وقد سب وشتم وضيع اعماله ابو علي : ما شاء الله يا صلوح .. صاير مطوع .. ادري فيك تبي تزحلقني وتصير مأذن المسجد لكن معصي يا صلوح يا ولد ابو صالح . صلوح : سبحان الله الي تبيه تسمعه ... والي ما تبيه ما تسمعه ....ابو صالح اخلص اركب تراهم الان يصلون وانا ماني متوضي ... ابوعلي : وش تقول يصلون ... ؟ ليش هو اذن ؟ يالله امش بسرعه الحين ابوك يقيم الصلاه ما يصدق اني تأخرت ؟ انا مالي عاده اتاخر بس العجوز الي عندي الله يعني عليها ، الكبر شين .. مو مثل اول كانت تقوم قبل الصلاه بوقت ... صلوح بينه وبين نفسه : اقول كثري منها ! .. كل شيء تحطه بظهر هالمسكينه .. وانت كل يوم .. مقدم الآذان ربع ساعه وإلا ماخره نص ساعه الله يعينا عليكم يا هاشياب .. ابو علي : وش فيك مصنف وش تفكر فيه ... لا تكون تحش فيني .. صلوح : اسم الله علينا وش فيك انت أحش فيك ؟ وش ابي فيك ... صلوح : كش من هالشايب .... وصل صلوح للمسجد ونزل ابوعلي وراح للمسجد ، وصلوح راح الى دورة المياه الله لا يقرفكم ويكرمكم ...... .. صلوح : طبعاً العاده بيارة المسجد طافحه ؟ الله يكرم السامعين .. ويطق لطمه صلوح ويدخل الى الوضوء .. توضى وبعدين راح للمسجد .. يوم دخل عند مكان النعول وانتم كرامه .. الا هذا ابوعلي ، جالس يقلب بنعول . صلوح : يا ابوعلي وش تسوي انت ، وش لك بهنعول تقلبهن .. ابوعلي : انت جاهل : هذا شغل حرام يقلبون النعول بوجهه الله .. صلوح : ومن قال لك حرام ؟ ابوعلي : ما اقولك تبي تزاحمني بالمسجد .. والله ياعيال هالجيل الجديد كل يوم جاينا بدين جديد .. صلوح : الله يهديك يا ابو علي ..الي يقول الحق جاهل .. دخل ابو علي ، المسجد واول ما دخل المسجد ، الا المسجد مليان على غير عاده .. ويلتفت الى صلوح : صلوح هذا اكيد مسجدنا والا انت مودينا مكان ثاني .. صلوح : لا مسجدنا .. ابوعلي : غريبه.. هذي صلاة الفجر والا الجمعه . صلوح : وش فيك ابوعلي الفجر ؟ ابوعلي : اجل وش فيه المسجد زحمه اليوم . صلوح : يمكن عشان الاختبارات ... ابوعلي : ايه قلي كذا ,,,, صل المصلي لأمر يطلبه ..... فلم قضي الأمر فلا صلا ولا صام .. صلوح : اذكر الله يا عم .. ويتعكز على عصاه ابوعلي ويدخل بين المصليين .. ويلتفت يمينه الا واحد من الشباب راكع و لابس جنز بارمود وهو يسوطه ( يضربه ) على مقفه ... ويصرخ وين حنا بمجمع والا على الشاطى .. هذا لبس ماينوتى به ( يجيبه ) للمسجد .. ويمسكونه جماعة المسجد .. اذكر الله يا ابو علي تعوذ من ابليس ... المهم : اقامة الصلاه وتقدم الامام بعد ما جلسوا ينتظرون ابوعلي اكثر من اربعين دقيقه ... وبعد ما انتهت الصلاه ، راحت الناس .. وصلوح جالس ينتظر ابوه .. عشان يوصله للبيت... عملي فيه ؟ يبي يعلمه انه صلى اليوم ... وانتظر ما فيه فايده الشايب شكله يبي يجلس لطلوع الشمس .. وهو يروح له ويحب على راسه .. صلوح : يبه ما تبي تروح للبيت . ابوه : ماشاء الله اليوم مصلي .. صلوح : أي يبه الله يهديني... كنت اذاكر .. ابوه : اها ...صل المصلي لأمر يطلبه ..... فلم قضي الأمر فلا صلا ولا صام صلوح : يابيي اذكر الله .. ودع لي بالهدايه ابوه : الله يهديك يا وليدي .. رح وانا ابوك للبيت .. انا بجلس انتظر ابوعلي يمشي .... ابي اصير اخر واحد يطلع ..ما ابيه يكون احسن مني ...( كثري منها والله من الحسد بينكم ياهاشياب ) صلوح : انا لله وانا اليه راجعون يابي وش لك بهسوالف . ابوه : اقول اذلف .. بس .. ويروح صلوح للبيت ، ويدخل ، الا هذي امه قدامه بصاله .. جالسه على سجادته وتوها خالصه صلاه تسبح وتهلل.. ويقرب منها صلوح ويسلم عليها .. امه : هلا بصلوح .. وشلونك يا وليدي ..وشلون مذاكرتك صلوح : الحمد الله الله يوفق .........ودخل نفسه يقول ( بلاكي ما تدرين وش الي صار البارح .. علوم واخبار وجغرافيا وتارخ ) امه : ياربي يوفقك وينجحك وتصير دكتور اد الدنيا ..على بالها اد الدنيا كماله لكلمة دكتور متأثره بالمسلسلات المصريه هههههههه صلوح : دكتور مره وحده .. شرهانه يمه .. اقول عسانا ننجح .. حدي عسكري والا وساده اكبرها عندك .. امه : وليه يا وليدي ، عبيد ولد حصه احسن منك .. ... تبيني طول عمري اتمنن خلق الله .. جيبو لي ابر سكر وحبوب ضغط ... وحبوب شحوم ( قصده دهنيات خانها التعبير ) .. صلوح : اقول .. يمه انا بدخل غرفتي .. ابي اذكر شوي قبل الاختبار تكفين انتبهي لي مري علي .. الساعه سته ووخمس طعش دقيقه ... امه : انا وش يعرفني للخمس طعش دقيقه .. صلوح : يعني سته وربع .. امه : قل سته وربع والا لازم تمدنون وتقلدون الغرب .. طول عمرنا نعرفها واربع .. انتم ياهالجيل غير شكل . دخل صلوح الغرفه .. ونسدح على سريره وفتح كتاب الرياضيات .. وأول ما فتحه الا موضوع المعادلات من الدرجه الممتازه .. ويضيق صدره 360 درجه على مقياس رختر للضغط الجوي .. ويلتفت يمين بزاويه منفرجه .. والا على يمينه الريموت يتبسم له ويقول : وينك عني زمان ..تعال ما تبي وناسه ... ويأخذه صلوح ويرميه على الجدار .. ويطيح المسكين .. وهو يقول هذي اخرتها ... يا شين خاتمتك ... من الي يونسك لضاق صدرك ؟ .. صلوح : والله ما جاب لي ضيقة الصدر والضياع الا انت وجهك .. يالله اهرب عن وجهي والا اتيتك ووريتك شغل الله فيك .. رجع لكتابه ... ومازالت المعنويات جاريت اقصد منحطت التحميل .. وبدت عيونه ..تغمز رويداً رويداً مثل البزران .. قام ينود ( ينعس ) وعيونه تغمز كأنهن مسحات سياره ..وتقول ابي انام ترك دوختني وش فيك مسهرني الليله ..المهم ما صبر الرجال نام ...والكتاب مفتوح لسان حاله يقول ..وخير جليس بالزمان كتابا وانا بهالوقت شر جليس .. وبدات شكمانات السياره تشتغل بدا يشاخر الرجال ... وفجاءه تدخل عليه ، ذبابه .. مروقه على هالصبح ماكله عصيده وهي تنشد .. دوها يا دوها الحلوه شفوها .. طايعه لأمه وطايعه لأبوها ...دايم نشيطه .. ما هي عبيطه .. بنت ظريفه دايم نظيفه .. وانت جت تسولف ..ما هي خفيفه رص هنا بشويش 7 أناشيد إبداع - دوها يادوها الحلوة شوفوها وتجي عند صلوح وتقوم دور على راسه .. وز وز وز وتهبط في على خشته بهبوط اضطراري ويقوم ينسفها بيده وطير ولما يهدا اعصار جونو ترجع تهبط مره ثانيه .اخرتها فكت مع صلوح ..ويخبطه بكل ما اوتي من قوه .. وطيح الضعيفه .. وهي تنشد دوخه يا دوخه الحلوه ذبحوها ههه صارت الساعه سته وربع وجت امه تصحيه ... بعد معركه استمرت قليلاً من الزمن على غير عاده .. استطاعت ام صلوح الانتصار ... لبس صلوح ملابسه على طفقه ..والازره واد مسكر واحد مفتوخ ..الخ ..وتوجه الى سجن ابو غريب اقصد مدرسته .. وصل الى المدرسه ودخل بسرعه .. والا هالطلاب كل واحد معه كتاب تقول كأنهم في دار الحكمه في عهد هارون الرشيد .. ينتظرون يوزن لهم الكتب ذهب .. وتشوف الدوافير مكشخين .. ما يلومن هذا يومهم ... هالشعر مسرح ..وضحك ووناسه .. والا العرابجه الدشير .. كل واحد فيهم ماد بوز ثلاثه يارده تقول واحد صافقهم بخشبه على مقفاهم .. وعيون الواحد منهم طالعه تقول فقع مصلع يبي من يشيله ، من قل النوم ...وكل مجموعه ملتفين حول دافور وش المهم وش اللي مو مهم ... وتحصل هالدوافير وين روسهم تقول الواحد استاذ جامعه .. تضرب صفارة الانذر على جميع الطلاب التوجه الى قاعات الاختبار .. يله يالشباب بسرعه ... كل واحد قاعته .. يدخل الطلاب القاعات لسن حالهم : يارب سلم سلم ... وكل واحد يجلس مكانه وتحصل المعلم المراقب واقف قدامهم متكتف .. ورافع راسه .. وشاد عضلات وجهه 67 عضله ما فيه مجال عضله وحده مرتخيه .. مثل حبل المصريين الي يجون محملين سيارتهم ثلاثه متر ...من كثر ما هم شادينه ما فيه امل طيح شناط لو يجيها اعصار تسونامي .... اجلس يا ولد .. كل واحد يناظر قدامه ولا يلتفت حوله عينك بورقتك .. بدأ القصف الجوي .. ويبدأ المعلم يوزع ورق الإجابة ..بعد الانتهاء ... انتبه يا ولد ؟ لما قال هذه العباره ... كل طالب رفع راسه .. ولع السفتي ..واواواواواواو علامة الطوارىء .. كل طالب يكتب اسمه الرباعي ولازم يكتب بينهن بن ... والا يرد عليه صلوح : بن يمني والا خولاني .؟ ..وتضحك كل القاعه ..بدون شعور .. ما فيه بريك مع الطلاب .. اسكت ياطالب والا الان اسوي لك محضر اثارت شوشره داخل القاعه . بدأ الانتحار ووزع المعلم الأسئله .. وبدأت اجواء ه الكاتمه بالظهور ... وبعد مرور ربع ساعه .. تبدأ اثار الاسئله على الطلاب ..فالبعض تجد رجله تهز كانه جيب مغرز بطعس شغل راعيه الدبل .. والبعض.. يعضعض بالقلم تقول ياكله شاورما والبعض يفلي براسه ..يستنجد بالقمل تمده بالمعلومات والبعض يحفر كوسه ..والي يتضارب مع الورق يكتب ويشطب .. عجايب وغرائب والمعلم واقف ومشغل الردار يمين ويسار ... وصلوح الضعيف .. يناظر للإسئله ...ويقول بينه وبين نفس الين ابوك شرارك جيب ... قابلني يا صلوح اذا تنجح .. واثناء ذلك يجيب حامد الضبعان يدور فوق راسه وينشد ... الجيب جاهز ...وللمقناص مشتاقي... ويجيب المعلم ، ويضربه على راسه.. تراك ازعجت الطلاب واثرت فوضى ..ويطيح حامد الضبعان له بخنافس حدى الطلاب ويقوم ينشد .. حرام جرام يا خنافس .. يا اهل الشعور الطويله وتفك مع المعلم ويجيب فليت ويبخ عليه .. ولم تقم له قائمه .. المهم خلص الاختبار وبدا الطلاب يخرجون ما بين سعيد وحزين .. ويتقابل عزوز وصلوح بساحه .. عزوز : بشر صلوح .. وش سويت صلوح : سويت فول مدمس بالخلطه المصريه . عزوز : انا احسن منك ، فول مدمس بالخلطه اللبنانيه .... صلوح : وش السواه با عزوز والله ابوي بيعلقني ولا راح اشوف الجيب .. عزوز : ما عندي غير الكلام الي البارحه ...الإعاده ؟ اسمع خلنا نروح للمرشد الطلابي ونعلمه بامرنا.. صلوح : لا تكفى فكنا الحين يسوي لنا محاضره ... وينكم طول السنه ومن هالسوالف اللي تبط الكبد ..فلسفتهم علينا عزوز : صدقني الاستاذ عمر غير ، ما يقصر معنا وانت تعرفه بأخلاقه وحسن استقباله للطلاب . صلوح : يرحم والديك فكني ماني فاضي عزوز : براحتك .. راح عزوز بعد اختبارات اليوم الأول للمرشد واخباره بالموضوع كامل .. واستقبله استقبل محترم جدا ... المرشد بعد ما سمع من عزوز : جميل منك يابني ان تعترف بخطأك فهذا دلاله منك على حرصك واهتمامك .. عزوز : وش رايك يا استاذ وش هو الحل .. . المرشد : انت صاحب المشكله قلي حلولك وانا بساعدك ! عزوز : بصراحه يا استاذ ... ما عندي حل الا الإعاده .. المرشد: قرار سليم ولكن هل انت .. متاكد من قرارك .. عزوز البارحه تناقشة مع صلوح زميلي فيه واستخرت اليوم الصباح وحس ان قلبي مطمئن للإعاده . المرشد : يعني افهم من كلامك انك عازم على الاعاده . عزوز : نعم عازم وان شاءا لله احصل على معدل عالي . المرشد : على بركات الله يا بني ولكن ، اذكرك بامور مهمه ..اولا عليك الجوا الى الله وطلب العون منه ، لان لن يعينك الا الله ... .. احفظ الله يحفظك .. وتذكر قوله تعالى (( من يتق الله يجعل له مخرجا )) تنظيم الوقت من بداية السنة والمذاكره اول بأول .. ومتابعة المعلم . عزوز : كلامك سليم يا استاذ وان شاء الله اعدك ان اسمع كل توجيهاتك ..ولكن يا استاذ ، وش اسوي مع ابوي . المرشد : لا عليك .. اترك الأمر لي .. المطلوب منك الان ان تستمر بالاختبارات حتى اخر يوم ...واخر ماده ارسب فيها . عزوز : وما الفائده من حضور .. بما اني قررت الإعاده . المرشد : بالعكس حضورك يكسبك أجواء اختبارات التوجيهي ، ويدل على جدية حرصك على الإعاده . .. فالمذاكره تبدأ من الان .. وتستمر حتى اخر اختبار السنه القادمه ان شاء الله .... عزوز : جزاك الله خير يا استاذ ... سوف اكون على اتصال دائما معك فاصل إعلاني : بيني وبينك ، كثير يدخلون ويردون وهم ما قرأوا القصه ، بس كذا ، اذا انت صحيح قرأت القصه ابيك تضع في نهاية ردك ثلاث نقاط تدل على انك قرأت بس لا تتكلم نبي نكشف الي يدخلون ويشاركون وهم ما قرأو ا النص أصلا وبعد انتهاء الاختبارات .. تظهر النتائج برسوب عزوز وصلوح .. اما عزوز : فقد كان والده متفهما واعياً فقد قام المرشد باخباره ، واخباره بان عزوز اخطأ وهو يريد ان يصحح خطأه واقتنع والده بكلام المرشد .. اما صلوح فأبوه من العصور الوسطى ، قام بجلده وضربه ..فكان للذلك اثر في انحرفه اكثر .. حرص عزوز على مواصلة زميله صلوح وتحذيره من الشلل الضائعه .. لكن بدون فائده .. وبعد فتره وخلال الاجازه الصيفيه .. قدر الله ان تتوفى والدة صلوح .. فكانت صدمة قوية لصلوح .. حيث تخلى عنه جميع اصحابه في هذه الاوقات العصيبه .. ولم يكن قريبا منه الا عزوز الذي كان له الاثر عليه ... فتغير صلوح تغير جذري بعد وفاة امه .... بدا عزوز وصلوح بدايه جاده .. فقد تغيرا 360 درجه فبدأت علامات الصلاح والاستقامه تظهر عليهم .. وبدا الجد والاجتهاد من بداية السنه .. وكان المرشد الطلابي دائماً يتابعهم ويوجهم .. ويمر الزمن بسرعه ... وتأتي اختبارات نهاية العام وويدخل عزوز وصلوح بمعنويات مرتفعه .. وتظهر النتائج مذهله ,, فقد استطاع عزوز وصلوح الحصول على اعلى الدرجات .. فعزوز الان .. طالب بجامعة البترول والمعادن .. واما الطالب الدلخ صلوح فهو الان في كلية الطب ... حقق ما كانت امه تتمانه .... .فهو كل ما يتذكر امنية امه كانت تزيده حماس وصبر .. وكان عزوز دايم يقصد له هالقصيده اضغط هنا بحنيه 7 صوتيات قصيمي نت القلب يـحـزن والمـدامـع غـزيـرة في جوفـي نارمـن لهبهـا تبـا كيـت والـدار ظلـمـا كـانـت امــي تنـيـرة يايمة وينك مـن دونـك خـلا البيـت قلبـي تفطـر علـى الفرقـا المريـرة امـنــت بالله وبـاقــداره تـرضـيـت الـمـوت حــق وكــل لــه مـصـيـرة ومـوت النبـي قبلـك يايمـه تعزيـت هـذا جلالـك وريـحـك فــي عبـيـره كـل يـوم اشمـه والا شفتـه تهنيـت صـوتـك يـايـمـة يامـحـلـى اثـيــرة حـنـانـك يـمــه يخلـيـنـي تـدفـيــت يايمه من هو اجـي لـه واستشيـره يعدلنـي لشفـت الصـواب وتنحيـت يـايـمـه كـلــن ينـاظـرنـي بـحـيـره من يوم رحتي وانا اللي ماتواسيت يـاكــم تعـلـمـت بـمـعـان غــزيــرة يامـنـهـل التعـلـيـم مـنــك تـربـيـت كـم قصـة قلتـي وللماضـي نسـيـره ولجيـت عنـدك بسواليفـك تسليـت اه يايمـه مــن النـظـرات الاخـيـرة ملـيـت كـفـي تــراب ثـــم حـثـيـت ابـشـري يـمـه بـدعــوات كـثـيـرة كــل ماذكـرتـك وللرحـمـن صلـيـت ويعود الفضل بتوفيق عزوز وصلوح بعد الله للمرشد الطلابي الذي لم يألوا جهدا في متابعة وتوجيه عزوز وصلوح طوال السنه .. ============================================== وبحمد من الله انتهى الجزء الثاني والأخير من هذه القصه أسأل الله أن ينفع بها كل طالب ..وليعلم كل طالب انه باستطاعته النجاح والتفوق .. فلا يقلل من قيمته .. فالذي اعطى غيرك العقل فقد اعطاك مثله ، مع الاصرار والعزيمه الجاده مو عزيمة عشاء والا غداء . . يستطيع ان ينجح بتفوق... اعتذر للجميع على طول القصه .. ان كان هناك خطأ فعذروا اخاكم فقد اهلكتها الكتابه ... وبشركم .. انه بعد الاطلاع على الماده الثالثه من انظمة الأحوال المدنيه ، الذي يمنع الأسماء التي تنشف الريق أو تعمل على تعقيد الأعضاء ... فقد أمرنا بما هو أتي : تغير اسمنا الناشز (( الهعخع)) الى اسم يشرفني انا احمله وهو (( مليقيف )) يرفع امرنا الى الجهات المعنيه لاتخاذ اللاز م ويعمم على جميع الشوارع العامة والخاصه والوزات والبطات بم تم اتخاذه من قرار.. اه ارتحت . |
|
#2
06-29-2007
| ||||
| ||||
 رد: الجزء الثاني : عزوز وصلوح وإعادة الاختبار .. * * * مشكوووووووووووووووور اخوي على هالقصه بصراحة كانت كثير حلوه وفيها فائدة للجميع اشكرك على هذا الأداء الرائع |
|
#3
06-29-2007
| ||||
| ||||
| رد: الجزء الثاني : عزوز وصلوح وإعادة الاختبار .. مششششكوره ع الموضوووووع
_________________ *******1=http://up.2sw2r.com/upswf/wYD87775.swf]WIDTH=199 HEIGHT=466[/flash1] |
|
#4
06-29-2007
| ||||
| ||||
| رد: الجزء الثاني : عزوز وصلوح وإعادة الاختبار .. يسلمووووووووووووووووووووووووووووووو على المرور كلكم ذوووووووووووووق تحياتي |
|
#5
08-17-2007
| |||
| |||
| رد: الجزء الثاني : عزوز وصلوح وإعادة الاختبار .. الرجاء الالتزام بالأدب ..
_________________  التعديل الأخير تم بواسطة .. R0σ7 .. ; 08-28-2007 الساعة 07:23 PM |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| اسرار شغب في مدارس لندن | KLA$H | العاب بي سي Pc Gam جديدة كاملة | 140 | 04-17-2010 08:45 PM |
| الريد ارقام سريه لي شغب في مدارس لندن | القوي العشره | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 56 | 05-21-2008 06:07 PM |
| صووووور تمووووت من الضحكككككككك,,,,((ادخل وشوف بنفسك)) ( الجزء الثاني) | الدندوشي المصرقع | صور مضحكة صور طريفة صور حلوه الصور المضحكه و الطريفه و الحلوه | 55 | 09-15-2007 06:59 AM |
| الجزء الثاني : عزوز وصلوح وإعادة الاختبار .. | عربجيه بس حلوه | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 0 | 06-28-2007 07:30 PM |
| الجزء الثاني : عزوز وصلوح وإعادة الاختبار .. | عربجيه بس حلوه | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 0 | 06-28-2007 07:29 PM |
-الدورات
التدريبية بجامعة نجران-
العرض العادي
