من كذبها كذبت كذبه كبيره = من يوم قالت اسمها الأول لميس
ورديت عليها قلت صدفه مثيره = اسمك لميس وانا محسوبك القيس
اضحكت وكانت الضحكه خطيره = وقلت قلبي معك محتاج تأسيس
انا الأمير يالسندريلا الأميره = ودي انا وياك نصبح معاريس
قالت تعال لأهلي وافتح السيره = ومعك هدايا ومكثَرها بالكيس
ومنصبك لا بد يكون له نظيره = اما دكتور ولا استاذ تدريس
قلت ما عليك كل اموري يسيره = ومنصبي الرسمي يدل إني رئيس
انا دكتور القلوب الكسيره = واستاذ جامعي للأحاسيس
قالت مدام إن بأمورك يسيره = اجل بوافق عليك يامحبوبي القيس
واسئلتني وين ارضك .. بأي ديره = قلت متجوّل بين لندن وباريس