 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
10-07-2011
| ||||
| ||||
 أغلب الأضرار التي تصيب الجهاز .. وأهم طرق القضاء عليها السلام عليكم ورحمة الله وبركاتـ ه أغلب الأضرار التي تصيب الجهاز .. وأهم طرق القضاء عليها</STRONG> . . . . دايم نلاحظ أغلب المشاكل اللي الناس تطالب بحلول لها تكون مشاكل أمن وحماية الأجهزة تبعهم ، ودايم نشوف فايرس يدمر جهاز أو ملف تجسس يفقد أو يسرق معلومات ! أو نلاحظ مشاكل تعليق وبطئ في الجهاز وهذي كلها تعتبر مشاكل بالحماية .. وللأسف كثير مننا يشغل جهازه ويدرعم لمواقع النت او المسن أو أي نوع من أنواع التصفح وهذي شغلته بالكمبيوتر وإن كلف على نفسه فتح له برنامج وورد وكتب له صفحتين ، يعني كثير من الناس يستخدون الجهاز للترفيه فقط .. طيب أنا ما أقول لا ترفه عن نفسك ولكن ثقّف نفسك وتعلم صيانة الجهاز تعلم حمايته .. لانها أشياء لك انت لو كنت في مكان ما فيه نت وأصيب جهازك بضرر معين ، منت لاقي منتدى بوابة طريف تحل مشاكلك ولا قوقل تبحث فيه فهنا انت لازم تتعلم ولو الأشياء الأساسية .. المشاكل والأضرار اللي تصيب الجهاز أنواع كثيرة ولكن فيه أضرار تفرق عن أضرار ومشاكل تختلف عن مشاكل .. بعضها قوي ويشكل خطر على الجهاز بلحظة وحده ، بعضها يكون صغير وتافه بس مع الوقت يتراكم ويصير وحش .. فيه مشاكل تصيب أجهزتنا من النت مباشرة ! وفيه مشاكل تجي جراء حركات غبية نسويها فيه مشاكل تجينا من ناس ما نثق فيهم ومشاكل تجي من نفسها كذا يعني عوامل البيئة الكثير من الناس للأسف لما يجي يطرح مشكلة ويبي لها حل ما يعرف كيف يطرحها .. يعني مثل ما قلت قبل شوي الثقافة الأمنية للجهاز عنده معدومة تماما فتصير له مشكلة ما يعرف هل هي من فايرس أو سباي وير أو مشكلة عنده في الريجستري !! فلذلك يبلش بعمره ويبلش اللي يحلون معه عشان كذا خلونا نعرض لكم وش المشاكل اللي دائما تصيب أجهزتنا وبشكل معروف ومعروفه حلولها وطرق القضاء عليها .. مع شرح للبرامج وروابط للتحميل .. تلاقونها أسفل الشرح  الفايرس سلمكم الله يكون برنامج أو بريمج صغير هالبرنامج الضار يدرج نفسه داخل ملف .. ويكون هدفه تعطيل شغل الكمبيوتر .. والفايرس أو الأنواع المشابهه له مثل الديدان أو التروجان لهم نفس المميزات تقريبا بس فيه بعض الفروق مثل إن الفايروسات ما تضاعف نفسها ومثل ما قلت تدرج نفسها داخل أي ملف ..  الدودة مثل ما قلت نوع من انواع الفايرسز وهي تعتبر برنامج ضار يضاعف نفسه داخل شبكة النت وينتقل من جهاز إلى أي جهاز آخر .. ومن مميزات الديدان إنها تستخدم مصادر الكمبيوتر وإطفائه يعني لو طفى الجهاز فجأة معناها فيه نوع من الديدان جالس يلعب .. واللي يفرق الدودة عن الفايرس إنها ما تقدر تدرج نفسها في ملف مثل ما الفايرس يسوي ..  هذا اللي يسمونه بالعربي حصان طروادة بس سبحان الله بالانقلش صار تروجان والتروجان هو برنامج تخريبي يطبع عليه الطابع التجسسي .. نلاقي في بعض الأحيان ناس تمسيه Server أو Patch أو Spy .. وطبيعة عمل التروجان إنه يخلي جهازك سيرفر لجهاز الشخص الجاسوس .. فما متى ما صرت أونلاين يقدر الشخص اللي أرسل لك التروجان بأي طريقة يتحكم في جهازك .. وأغلب هالمشاكل تصير من استقبال ملفات مجهولة الهوية من ناس ما نعرفهم معرفة تشفع لنا بأننا نثق فيهم ! سواء في الماسنجر أو سكايب أو أي برنامج محادثة .. وغالبا تكون الملفات هذي على صيغة .exe .. وأحيانا يجي الملف على الايميل وأنا أنصح أي أحد يحذف أي إيميل ما يعرف مصدره ! وممكن تكون مزروعة في بعض المواقع طرق الحماية من هالثلاث أشياء أول مب كل من هب ودب عطيته فلاشك أي CD أو فلاش أو هاردسك خارجي تاخذه أو تعطيه احد لا تعطيه إلا أحد ثقة .. وركب برنامج حماية مميز مثل الأفيرا اللي بنشرحه بعد شوي .. سو تحديث لبرنامج الحماية يومياً ولا تتقاعس الهاردسك أو الـCD أو أي جهاز تخزين يحبذ ما يكون مشبوك على الجهاز طول الوقت .. رسائل متبوعة بـSpam لا تفتحها واحذفها مباشرة لآنها غالبا تكون مرفوقة بفايروس أو دودة .. وبعض الأحيان برامج الحماية ما تتخلص من التروجان لأن التروجان يمكن يحذف ملف من ملفات النظام ! فيستحسن تشوف طريقة (Disk Operating System) اللي تعرف باختصار DOS .. إضافة لتحميل برنامج ِAvira واللي راح نرفقه مع الشرح بإذن الله..  برامج المجانية على النت كثر التراب ويا كثر ما نحملها لما ننزل هالبرامج ينزل هذا الأدوير معها ومعظم البرامج قبل تثبتها يطلب منك موافقة على اتفاقية ، صح ؟ فلذلك مجرد قبولك لتحميل هالبرامج تنص على قبولك بوجود الأدوير بس بشكل مبهم وهذي هي مشكلة البرامج المجانية اللي ندفع ضريبتها هالبرامج وش تسوي ؟ تجي وتعرض لك الإعلانات بصوره مستمرة ومزعجه حتى لو ما شغلت البرنامج اللي أنت ثبتته واللي هو مرفق معه هذا الأدوير .. المشكلة إن الأدوير ما يوقف على كذا بل يبدأ يتعقب الصفحات اللي تزورها وتتصفحها وعليها بيعرف إهتماماتك وهواياتك فبالتالي بدأ يعرض الإعلانات التي تتناسب مع إهتماماتك .. ولكن المشكلة الأعظم إن بعض الأدويرز تتحصل على معلومات عنك من جهازك مثل الإيميل ! ويبدأ يبثرك بالإيميلات والدعايات .. ويقدر الأدوير يغير الصفحة الرئيسية لمتصفحك الخاص ! وما راح ينفع تعديلك لها لانها راح تتغير بإستمرار .. طبعا مب كل تطبيقات الأدوير ضاره لأن بعضها تستخدم للدراسات .. طرق الحماية من الأدوير الهدف من الأدوير مثل ما شفنا الإعلانات البثرة فأنت منت مضطر كل شوي تقفل إعلان وترفع ضغط ! الحل بسيط أول شي هالبرامج المجانية والمكركة يا كثر ما نستخدمها ويا كثر ما تعدمنا للأسف اللي يبي يحافظ على جهازه لا يستخدم أي برنامج يشوفه ! لازم يثق في مصدره ودائما يفضل التحميل من المواقع الأساسية للبرامج .. ولا تفعل أي كراك او باتش تفعيل إلا بعد فحصه بمواقع الفحص ويا كثرها .. في بعض الأحيان تشوف برنامج مجاني ولا تعرف وش هو منلحيه ومضطر إنك تحمله .. أوكي أنت حمله بس لازم يكون عندك برنامج قوي للتصدي لمثل هذي الأدوير .. ومن رأيي أشوف إن برنامج SuperAntiSpyWare هو الأفضل وإحنا نحاول نشرحه بعد عشان تجدد الفايدة ..  عن نفسي أعتبر أخطر الأشياء اللي ممكن تصيب الجهاز اللي هي السباي ويرز .. ليه ؟ لأن السباي وير عبارة عن برنامج جالس يتعقب تحركاتك في النت .. ويعرف عنك كل شي بدون ما تدري هالمعلومات ما هي مقتصرة على إيميل مثلا زي ما يسوي الأدوير ! في السباي وير الأضرار تتعدا هالمرحلة وتصل ملفات التجسس إلى باسوورداتك بشتى أنواعها أو رقم بطاقتك الإئتمانية إذا كنت من الناس اللي يشترون من النت أو يدخلون حساباتهم البنكية بالنت .. فالسباي وير شبيه بالأدوير ولكنه أخطر في حين إن الهدف العام للأدوير مثل ما قلت هو الإعلانات ولكن يكون الهدف من السباي وير هو سرقة بياناتك السرية يعني بأغلب الأحيان سرقة فلوسك فالشخص اللي جالس يتجسس عليك يقدر يعرف كل شي يصير بجهازك وكأنه متكي معك .. وللمعلومية ترا بعض السباي ويرز في بعض الأحيان يجون على شكل كوكيز .. ومثلها مثل البرامج الضارة .. تنتقل هذي الملفات عن طريق برامج المحادثة ومن ناس ما نثق فيهم او فتح رسائل إيميل ما ندري وين مصدرها أو فتح إعلانات وصفحات على النت مجهولة المصدر .. طرق الحماية من ملفات التجسس مثلها مثل أغلب الملفات الضارة ، لا تفتح شي ما تدري وشو وخاصة المواقع المشبوهة والمواقع الجنسية ومواقع الفساد والإرهاب .. ثاني شي أجبر الكل إنه يحمل برامج تنظيف وحماية الجهاز من ملفات التجسس والباتشات والأشياء هذي مثل Dr.Web أو Anti-Keylogger وهذولي إن شاء الله جاري شرحهم  هذي البرامج الخبيثة أنا أعتبرها تجمع خواص الفايروسات والتروجان والديدان إضافة للبرامج الدعائية الخبيثة اللي هي الأدوير .. فنظامها نفس نظام اللي ذكرت ولكن هذي في أغلب الأحيان تكون تلتصق في أماكن بالجهاز وتبدأ تغير من إعدادات النظام طرق الحماية من المالوير أنا أنصح بالبرنامج الرهيب Malwarebytes' Anti-Malware وبإذن الله راح نشرحه معكم هنا  مثل الملفات المؤقة اللي تتجمع بعد ما نشغل برامج بكثرة ، ملفات الكوكيز ، مخلفات النت والتصفح والتحميل .. الخ وأحيانا أخطاء الريجستري اللي تسبب بطء بالجهاز .. وهذي الملفات أو المشاكل ما هي ضارة ولكن مع كثرتها تسبب تعليق بالجهاز ويفضل استخدام برامج تنظيف الجهاز من الملفات المؤقتة ومتعلقات النت زي برنامج CCleaner أو Glary Utilities أو TuneUp أو غيرها وكلها ان شاء الله بنشرحها بعد ما شفنا أغلب المشاكل اللي تصير فكرنا نضيف أهم 10 برامج ممكن تحمي الجهاز من هذي المشاكل وأكثر وأعتبرها من أهم البرامج اللي ممكن تقتنيها .. خاصة Avirat وGlary و Dr.Web وSuperAntiSpyWare وMalwarebytes' Anti-Malware ارجو الرد والتقييم تحياتي محبكم
_________________ ان لم تكن مميز في حياة الاخرين لاتحزن ربما انت تكووون مميز عند بعض الاشخاص ............ ابــتسم للحيااه تبتسم لك ^ــــــ . هنا صورت قلبي . ــــــــ^  |
|
#2
10-07-2011
| ||||
| ||||
 رد: أغلب الأضرار التي تصيب الجهاز .. وأهم طرق القضاء عليها شكرا جزيلا يعطيك العافيه |
|
#3
10-07-2011
| ||||
| ||||
| رد: أغلب الأضرار التي تصيب الجهاز .. وأهم طرق القضاء عليها الله يعطيك العافية ومشكور على المجهود المبذول وينقل لقسم الحماية مع تحياتي و تقبل مروري
_________________ |
|
#4
10-07-2011
| ||||
| ||||
| رد: أغلب الأضرار التي تصيب الجهاز .. وأهم طرق القضاء عليها لا شكر على واجب شكرا لمرورك
_________________ ان لم تكن مميز في حياة الاخرين لاتحزن ربما انت تكووون مميز عند بعض الاشخاص ............ ابــتسم للحيااه تبتسم لك ^ــــــ . هنا صورت قلبي . ــــــــ^ |
|
#5
11-01-2011
| |||
| |||
| رد: أغلب الأضرار التي تصيب الجهاز .. وأهم طرق القضاء عليها شكرررررررررررررررررررررررررررررا |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
