 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
11-02-2011
| ||||
| ||||
 وين راح احترام المعلم ؟؟؟!!! بسم الله الرحمن الرحيم السلام عليكم ورحمة الله وبركاته صباحكم / مسائكم خير وعافية اخباركم ؟؟؟ // اتذكر اول يوم رحت فيه المدرسة مسكني ابوي وقعدني في حضنه وقال لي عن اشياء كثير ونصحني منها شيئ لحد الحين ما نسيته ولحد الحين اعمل عليه قال لي طويل العمر :  احترمي المعلم بالمدرسة واسمعي وسوي كل اللي يقول لك عليه لو ما كان غلط في نظرك واذا كان غلط قولي ان شاء الله وبعدين اسكتي ولا تطولين لسانك ولا تردين ع المدرسة حتى لو اغلطت بحقك اكيد ما تقصد ولو كانت تقصد احتسبي الاجر لو تبين تنجحين في دراستك وحياتك احترمي المعلم احترامك لي لا تغضبينه وتخلينه يدعي عليك ويشيل في صدره عليك وصية ابوي ما قد نسيتها ولا اقدر انساها طول فترة دراستي // كل واحد من مر بهالفترة سواء كان متخرج او بالجامعة او بالمدرسة السؤال : كم واحد منا يطبق هالكلام ؟؟ الاغلب يمكن يقول اني انا اطبقه ,, لكن ,, لكن ,, في فرق لما تطبق هالكلام لانك تحترم المعلم من قلب وله مكانة في قلبك ولما تحترمه عشان يعطيك درجات ولما تحترمه عشان يقولون عنك محترم مالنا بكل هذا بغض النظر عن سبب احترامك له المهم انك تحترمه وهو حاس انك تحترمه وراضي عنك حتى لو كنت تحترمه لمصلحتك المشكلة في الاغلبية اللي ما يحترمون المعلم وبعضهم يعتبره كاي واحد غريب في الشارع والبعض ما يترك موقف وفرصة عشان يذله ويفشله ويضحك عليه خلق الله بعض الطلاب توصل فيهم الدناءة لدرجة انهم يسون مقالب في المعلم بدون ذكر اسم البلد واسم المدرسة في مدرسة طلاب اقطعوا الرجلين الاخيرين للكرسي بس مب كاملة يخيل لك اذا نظرت اليه ان الكرسي صحيح وهو في الاصل مكسور فلما جا المدرس وقعد على الكرسي وياعينك ما تشوف الا النور هذي وش نسميها ؟؟؟ وبعضهم يا انهم مجانين او ان اصلا ما فيهم عقل في واحد يضرب حد بالكرسي في واحد الله يعطيه على قد عقله ضرب الاستاذ بالكرسي لان الاستاذ طرده من الفصل وواحد المدرس وقفه برا الفصل لان ما حل الواجب فاكيد باقي الطلاب يسخرون منه قام الاخ دخل الفصل وعط الاستاذ كف !!  وفي ناس اذا اغلطوا والمدرس عاقبهم بالضرب يردون هم يضربونه ليش ؟؟ واحد من الربع هو !! ولا واحد اذا ناده المدرس ما يصير يرد بنعم يرد بــ هااا _ هلا _ وش تبي  وفي طلاب المدرس يشرح وهم قاعدين يسولفون لا اعتبار ولا احترام للمدرس كان اللي قاعد يشرح اووب انسان الا عمود كهرب او حيطة  وفي ناس لسانهم اطول منهم يردون ع المعلم وسب وشتم وكلام ما ينقال لشخص في مثل عمرك وهم يقولونه للمدرس !! وبعض الناس يشوف المدرس مر من جانبه لكنه عجزان يسلم عليه  وبعضهم المدرس يدخل الفصل ويسلم وهو قاعد ما يقدر يقوم ويرد السلام كانه حامل في الشهر التاسع  وفي ناس يستخفون دمهم ويسون ازعاج واذا المدرس قالهم شيئ يقومون يعصبون يوم انك ما تتحمل الكلام ليش قاعد تستخف دمك انت وجهك !  وبعضهم لازم يستخف دمه يعلق على كل كلمة يقولها المدرس المشلكة ان هالتعليقات لا تودي ولا تجيب لا في الدر س ولا في غيره وفي ناس وربي يموتون ضحك اذا كان حاقد ع المدرس تلاقيه يعاندون المدرس ما يحلون الواجب ولا ما ينتبهون في الحصة عشان يضيقون ع المدرس ما تدري انك في الاول والاخير انت الخسران ؟!  بعضهم يقولون لك ان المدرس مب زين ! طيب وبعدين لا تحط راسك في راسه خلك ارقى انت المهم تدرس وتنجح وتعدي هالسنة وش لك بالمدرس مع اني ما اعتقد ان في مدرسين كذا كلنا كنا طلاب ولا زلنا ولا قد في حياتي مر علي معلم يحقد ع الطلاب ويسب ويشتم ويعاقب بدون سبب الفائدة من ان المدرس يسوي كذا ! الا اذا كان بينك وبينه عداوة شخصية !!! اللي هي شبه مستحيلة !! الا في بعض الطلاب هم اللي يجيبون المشاكل لانفسهم // برأيي ان الطلاب اللي يسون ازعاج بالفصل قمة في الانانية ما توافقوني الرأيي ؟؟! يعني يضيعون وقتهم ووقت المدرس ووقت الطلاب الباقيين في الفصل ويسون ازعاج يشتت انتباه باقي الطلاب ما يقدرون يركزون كل هذا عشان يستخفون دمهم ! انا وحدة اذا جنبي صوت حتى لو كان بسيط ما اقدر اركز ! عشان كذا مراات الطلاب يصير فيهم النشاط زيادة عن اللزوم فتلاقيهم يقلبون الصف راسا على عقب ! << اوم اللغة عاد انا ما اقول الا يالليل ما طولك يكون ضغطي مرتفع ومصدعة وحالتي لله .. والمدرسة تكسر خاطري تطلع روحها لكن لا حياة لمن تنادي انا صيحة لوجه الله خذها من عبد الله >> سارقتها من برنامج كيف اصبحت ؟؟ اللي ما يبي يدرس يقعد في بيتهم >> براا يا شيخة  لا انا بس اقول ان لكل شيئ وقته للمزح وقته وللدراسة وقته وقت الجد جد ووقت المزح مزح  // الكثير منا ينسى قدر وفضل معلميهم الذين بذلوا أعمارهم وجهودهم من أجل هؤلاء الطلاب إن المعلم له فضل كبير على المجتمع حيث انه الرجل الذي يعمل ويساهم من أجل انتشار العلم وشيوعه الأمر الذي يؤدي إلى رفع المجتمع كله والعلماء والمعلمين هم ورثة الانبياء لذلك قال الله سبحانه وتعالى : ( يرفع الله الذين أمنوا والذين أوتوا العلم درجات ) وقوله صلى الله عليه وسلم : ( ليس منا من لم يوقر كبيرنا ، ويرحم صغيرنا ، ويعرف لعالمنا حقه ) رواه الترمذي وحديث الرسول صلى الله عليه و سلم: ( تعلموا العلم وتعلموا له السكينة والوقار وتواضعوا لمن تتعلمون منه) وصدق الشاعر حين قال : قم للمعلم وفه التبجيلا........................ كاد المعلم أن يكون رسولا لو تفكرت في فضل المعلم عليك ومكانة المعلم لعرفت ان عليك دينا لمن رباك وعلمك منذ صغرك لن تستطيع ان توافيه حقه ولو قضيت طول عمرك في رد هذا الجميل // موضوع حبيت تشاركوني ارائكم فيه ونناقش اسبابه ونلاقي الحلول المناسبة // مـــــــــــلاح ــــــــــــظـــة : _ لا احد يقلب الموضوع حش في المدرسين ويقولون ان الخطأ خطأهم وفي مدرسين يستاهلون الموضوع هذا راح نفتح له مساحة ثانية ان شاء الله النقاش هنا فقط عن قلة احترام المعلم وليس العكس _ عشان ما احد ياكلني بلحمي وجلدي وعشان محد يصيح وتنزل دموعه اربع اربع ويصير الكل رده وتصير ردوود الموضوع بالكامل بدال النقاش المفيد جملة (( مب الكل كذا - لا تعممين - البعض فيه الخير والصلاح )) حبيت اطمنكم اني ما اقصد الكل اقصد الطلاب اللي فيهم هالصفات مع ان الاغلب صاروا كذا الا ما رحم ربي _ اذا في احد يبي حلاوة مصاص امر ما يردك الكيبورد  // وسلااامتـــــكــــــم والمايكـ لكم يالمشاغبين
_________________  المعذرة ع الغياب هاليومين التعديل الأخير تم بواسطة هنادي z ; 11-02-2011 الساعة 11:22 PM  |
|
#2
11-02-2011
| ||||
| ||||
 رد: وين راح احترام المعلم ؟؟؟!!! وش تحسون فيه تراي تعبت ع الموضوع  يعني الحين ثمانية منكم شافوا الموضوع  بس مستحيل واحد يتعب نفسه ويرد  لا احد يتدلعويقول ما اقدر ارد ولا فيني كسل 
_________________ المعذرة ع الغياب هاليومين |
|
#3
11-03-2011
| ||||
| ||||
 رد: وين راح احترام المعلم ؟؟؟!!! بصراحة موضوعك احلو برشا  بس ترا فيه مدرسين مساكين (أتكلم عن السعودية)يعني الوزارة واضعه أنظمة كلها ضدهم مثال: اذا تأخرت بعد الساعة 7:30 لا تدخل أو اذا تأخرت قبل الطابور الصباحي روح للبيت ولا تجي الا بوكره أما الطالب يجي الحصة الثالة أو الثانية وعاااادي وأنا طالب ولله الحمد ما عمري صارت لي مشكلة مع مدرس والغريب فيه مدرسين يضحكون علي ( يمزحون ) من باب المزح وتلاقي الطلاب يقولون لي ياخواف يا مدري وشو يا يا ليه ماترد عليهم اقولهم ترا مزح يقلون ولو مزح والله مساكين المدرسن كل الانظمة ضدهم بس ان شاء الله ان شاء الله ان شاء الله يجيء اليوم الي أنا أصير فيه وزير للتربية والتعليم وأحط النظام مثل ماهم نظام الجامعة للمدرس صلاحيات مثل الدكتور الجامعه الموهم أبي أقولك قصة حلوة صارت العام يوم كنت في صف ثاني ثانوي كان المدرس (من الجنسية المصرية ) الموهم كان يكتب على السبورة و وجهه لسبورة وظهره ل الطلاب وفيه كم طالب يسولف مع الثاني قال المدرس : المحترم الي ب يتكلم يسكوت (يسكت) ولا احد سكت المدرس : المحترم الي ب يتكلم يسكوت (يسكت) ولا أحد يسكت المدرس: الحيوان أبن ال ... (سكت المدرس وماقال أبن الحيوان ) يسكوت سكت بعض الطلاب المدرس : بأقوى صوته الحيوان أبن الحيوان يسكوووت وسكت كل الطلاب وأهتز الفصل من الضحك والتفت المدرس وقال يعني نعاملكو ب أحترام ما ينفع نعاملكو ب قلة أدب وقلة زو (ذوق) تسكتوا وهذا هو الصح مع نوعية معينه من الطلاب عاد يأختي والله فيه قصص دايم تصير وتضحك بس آخاف طولت ب الرد أيه ماتقولي ان فيه ثمانيه شافو ولاردو أعتقد أن ردي الطويل عن كل هالثمانيه سامحيهم علاشاني شكرا على موضوعك نجم الشطرنج : كاش ملك  |
|
#4
11-03-2011
| ||||
| ||||
 رد: وين راح احترام المعلم ؟؟؟!!! اول راح اتكلم عن احترام المعلم للطالب لما يحس الطالب ان المعلم محترمه يسحتي الطالب على وجهه ويحترم نفسه بس وهذي تحتها خطين اذا المعلم مو محترم نفسه فيستقبل ما يأتيه من الطالب سيجعل منه اضحوكه وهذا ما يستحق لان المعلم مدري وش يحسبه ذي الايام صدق انه وزير اما عندنا الاساتذه في الجمعات يسون الي عليهم ووبس بدون حتى ما يامرون ويتشرطون حتى المدراس الاجنبيه بقولها بكل صراحه يحترمون الطالبه وبشده يخلون الطالبه لما تغلط تستحي على نفسها اما هنا الاستاذه تدخل وهي رافعه خشمها وديك تضحكين القاعه كلها عليها ولا بعد ودي اعرقلها يعني باختصار اذا المعلم عرف وش عليه الطالب راح يعرف وش عليه اما ان المعلم يدخل ويسهزاء المدير ويبي الطالب يحترمه بعيد عن شواربك ويعطيك الف الف الف الف عافيه على الباك الي اعطيتيني هيافوق مشكوره يا الغاليه منجد موضوع راقي وتراني شاطحه عن مطالبك الي فوق  وبعترف وبقولها بكل صراحه انا مع الطالب والطالبه  خذوا راحتكم دعابه دعابه يعني ما ينفع نحط الغلط كله على الطالب واللع عيب مايصير وش دخل الطالب في انظمة الوزارء وتاخير المعلم اشك اننا مدرسة الدوافير مو المشاغبين من يوم ماشفت ذا الموضوع ومن يوم ما تغير شكل المنتدى الوكاد ان شكله الجديد جبلي الضغط  دعابه اخرى وبنجلد 
_________________ لآإنيَ تألممَتِ ججداً ! منَ ففرآقَ آشخخآصْ بححَيآتيْ , آصَصبحتَ آكثر ححرصاً علىْ ؛ ( آنَ لآ أتعلققَ بأححدهم ) ~  التعديل الأخير تم بواسطة التفاصيل الصغيره ; 11-03-2011 الساعة 12:39 AM |
|
#5
11-03-2011
| |||
| |||
 رد: وين راح احترام المعلم ؟؟؟!!! موضوع الصراحة جاء في وقتةة واسمحيلي ابدي اعجابي بقلمك وتميزك لي عودةة
_________________ سبحان الله وبحمده |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| لاقلت فلانه ينحني الورد احترام .. ! | تـشـكـيلـيے أبـكـيلـكے | حواء النسائي الربايع و الستات للبنات نسائي حريمي بنوتات امومه طفوله فقط | 11 | 11-03-2011 07:01 PM |
| معلم يصفع طالب ويشتكي ولي الأمر للوزارة | $رادوي$ | منتديات عالم الجريمة حوادث كوارث جرائم | 5 | 11-02-2011 09:58 PM |
| ** القرآن الكريم والمصحف المعلم للأطفال بصوت الشيخ / ماهر المعيقلى .. | moamen5005 | اناشيد اسلامية صوتيات محاضرات خطب وعظ | 2 | 10-29-2011 02:43 AM |
| المعلم يسأل الطالب | روبـــــــــــــــــــــــــــــــي | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 5 | 10-14-2011 02:00 PM |
| ع‘ـزيزي المعلم : | مششاغب 1 | ممنوع مخالف مكرر | 5 | 10-03-2011 03:55 PM |
-الدورات
التدريبية بجامعة نجران-
العرض العادي
