تكبر وكنت احسب معك يكبر الشوق=اثرك تبور مع الكبر .. في صحيبك
ناديت كم مرَّه .. وابَىَ قلبك يفوق=لنَّك ضمنت ان المحبه .. بجيبك
الحب .. ماهو مثل سلعه من السوق=بالمال تشريها .. وتصبح نصيبك
الحب لو جا فيه .. ذرَّه من البوق=تعـاظـم وتكــبر ... ويمكن تعيبك
يعني مثال .. رضاك ماهوب ملحوق=والجد من فعلي .. يلاقيه ريبك
اقول لك كلمه .. لها جَفَّت حلوق=وتقول انا مضطر [ هالحين اسيبك ..! ]
دام انت رايح .. ماتفكر بمخلوق=واحساس قلب الخل .. عيَّا يجيبك
بالذوق لا قيتك .. واوادعك بالذوق=والطيب لو ماجاك .. من قُلّ طيبك
وفّر على نفسك .. ولا تتعب الموق=الله حسيبي .. وانت ربَّك حسيبك
ماني على مثلك .. مجنن ومطفوق=لاصاااار غيثك .. مايطفِّي لهيبك
اسمع كلام(ن) جاك .. في بيت مرموق=فالعمر .. ما تدري وش اللي يصيبك
ترى السما لو تمطر احباب من فوق=واحد من المليون .. [ يصبح حبيبك ]

وسلامتكم
ماجد الحارثي