 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
11-12-2011
| |||
| |||
 رواية: كفاني عذاب الله يجازيك بأفعالك ..# رواية : كفاني عذاب الله يجازيك بأفعالك .. # بسم الله الرحمن الرحيم حبيت ابدأ مشواري معكم في اول روايه لي انزلها على النت موب اول تجربه لي في الكتابه لا , اول تجربه لي بأني انزل روايتي عل النت روايتي جرية خيالية , وفيها شوي من الواقع بس اغلبهاا خيال اتمنى تستمتعون معي وتدخلون جو مع الرواية ... قبل ماابدأ لي شروط .. احم 1- لا احل ولا ابيح من ينسب روايتي لنفسه والي بينقلها يذكر اسمي ( rawan.al.jaseer) 2- ابي ردودكم على البارت كيف كان , وتوقعاتكم للبارت القادم ابي ردود وتوقعات تشجعني اني اكمل روايتي وانهيها معكم 3- ماابي ( وين البارت , تأخرتي , جاري الانتظار , ....................الخ ) وماراح اتأخر الى لعذر 4- اتقبل انتقادكم الى ( انتي ماتعرفين تكتبن , روايتك فاشله ......الخ ) بليزا لي بتكتب كذا لا تقرا 5- وبنسبه لتنزيل البارتات راح يكون مره بالاسبوع وهو يوم الاربعاء وراح يكون طويل 6- روايتي جريئة الي ماتحب الروايات الجرية وتقول هذا فيه ومدر ايش اللمهم الي هو لا تقرأ 7- انا عارفة اني ماراح القى تفاعل بالبارت الاول لاكن ان شاء الله القلى تفاعل بالبارتات القادمة 8- واخيرا كلامي مايخلصصص وشكلي ماراح ابدا الرواية من شروطي قراءة ممتعة ..* ______________________________________________ كفاني عذاب الله يجازيـك بأفعالـك جرحت الضَّمير ولا طرا لك تِداويني مريـض المحبَّـه داه ودواه بوصالـك ألا كيف تبخل وإنت نظرتك تشفيني ألا واعذابي كيف ماعاد يهنـا لـك سوى إنَّك تشوف الموت بإيديه يطويني أنا يوم أحبِّك ماتصـوَّرت غربالـك ولا قد خطر في بالـي إنَّـك تجافينـي تفرَّغت لك ياسكن القلب بلحالـك تقل غيرك من النَّـاس ماهـم بحيِّيـنِ أنا قمت أناجي بين الأحلام مرسالك وزولك حبيبي لو بالأحلام ناسينـي خالد الفيصل .. ., البارت الأول .. # على موسيقى هاديه نزلت ببرود وهدوء غريب بنسبه لعروس بيوم زواجها كذا !! ونظراتها الباردة حتى ابتسامة موب مبتسمة غصب تحس انها بتروح للموت برجولها موب زواجها تكره اليوم الي فكرت فيه توافق وتنفصل من خطيبها الأول , الانظار عليها منهم من يسمي عليها ويذكر ربه ومنهم من حاقد على زواجها وعيونهم بتطلع من الحسد على جمالها كانت ايه من الجمال بفستانها الابيض الناعم والطويل واكتافها العارية وجسمها الخطير وملفت للنظر ورموشها الكثيرة وعيونها وشفايفها الصغيرة المنفوخة وخمشها السيف وشعرها الطويلة الأسود بتسريحة ناعم وميك اب ناعم مبرز جمالها زيادة وبشرتها البيضاء واخيرا وصلت لمكانها المخصص لها وهي تحس نفسها متعبة مع انها مشت مسافرة قصيرة بس تحسها طويل من توترها راح تفكيرها تقريبا قبل 3 شهور .. كانت جالسة بـ أحد المقاهي الي في المجمعات طلعت من الجامعة بدري ماعندها الا محاضرة وحده رمت الكتب على الطاولة بتعب وهي تاخذ نفس اوف متى اتخرج وارتاح موب حاله ذي كل يوم نفس الشيء طلعت البي بي وصارت تضحك بصوت عالي على صدقاتها جاها صوت ..: دوم الضحك رفعت راسها وهي مبتسم من تحت اللثمه بس مسرع مااختفت ابتسامتها وهي تشوف الي قدامها وبدت اطرافها ترتجف وتبرد ..: نن نعم ..: اقول دوم الضحك ي رب ..: .............. لا رد ..: اشوفك مرتاحه من طلعت من حياتك ..: .......... لا رد ..: اكبر دليل انك مخطوبه .. : ارفعي راسك وناظريني رفعت راسها وتعلقت عيونها بعيونه حست بشوق له كبير .. قال بهمس : تبينه .. : ........ ضرب على الطاولة وبعصبيه : اناا اتكككككككككككككككككككككككلم تبينه ولا لا جاوبي على سؤالي لا تسكتين ..: لا مممممممممممابيه مااااااااا ابييييييييييييه ..: ليش وافقتي على الخطبة طيب ..: انتي الي لعبت بمشاعري وصلتني لذي الحالة انا كنت مرتاحة قبل لاتطلع لحياتي وفجأة تطلع لي وتقلب حياتي فوق تحت وصارت تأشر على قلبه هذا من ايش مخلوق انت ما تحس ! على كثر ماحبيتك على كثر مااكرهك الحين , انا كرهتك وبالفترة الي تركتني فيها نسيتك , ولما نسيتك خلاص تطلع لي ؟! ناظرها من فوق لتحت ..: طلعت لك لاني الصراحة اممم اخاف اقولك تنجرحين بس يلا دامك تبيني تعرفين ليش طلعت لك لاني بختصار طفشت وابي اتسلى علييييييييييييييككككككك .. : ححححقير واخذت اغراضها وهي تحبس دموعها وصارت تركض لين وصلت للسيارة صحت من تفكيرها على صوت امها ..: نغم زوجك بيدخل ..: طط طيب , بدا قلبها يدق وجسمها يرتجف راح تشوف زوجها الي رفض يشوفها او حتى يكلمها انفصل من خطيبها الاول وخطبها شخصت وافقت حتى ماتعرف هو مين اول اسمه ورفض انه يشوفها رفعت راسها وتوقف الدم بجسمها واقشعر جسمها وبدت رجفتها تزيد هووو نفسه كيف انا وافقت وماستغربت من انه مايبي يشوفني ي ربي اني في حلم وراح اصحى منه شافت ابتسامت النصر على وجهه وانه قدر يسوي الي يبه وانه يتسلى عليها مثل ما قال دموعها تجمعت بعيونها وحاولت تحبسها بقدر ماتقدر وفعلا قدرت تمسكم وانه يشوف ضعفها .. ومرت الساعات بسرعة وحان موعد الخروج من القاعدة ضمت امها وهي تصيح انها راح تفقد اهلها والخوف الي بقلبها ضمت خواتهااا وطلعت راحت وابتدأت حياة جديده ماتدري كيف راح تكون فتح لها السواق الباب ودخلت السيارة شافته يدخن ويناظر من الشباك وساحب عليها حتى مافكر ينزل يفتح لها الباب نغم , اذا هذي اولها ي ربي الله يستر وش راح يصير فيني ..: مطوله وانتي تناظريني فيني نزلت راسها بسرعة تحركت السيارة لــــــــ ..... ________________________ بمكان ثاني ..: يمه افهميني اناا لازم اسافر نغم وتزوجت خلاص مزنه بدموعها : يمه انتي لسى صغيرة واخاف عليك ..: يمه انا كبرت ولازم اسافر وبكرا رحلتي وقامت باست راس امها ..: ابي رضاك علي , ودعواتك لي ..: الله يوفقك ويحميك ويبعد عنك كل شيء لحظه نبذه عن ابطال روايتي مزنه 46 سنه زوجها متوفي من 10 سنين عندها 4 بنات صلتها مع عائلة زوجها موب قوية عادي نغم ( 25 سنه اخر سنه جامعة وسبق وان وصفناها ) شجن ( 22 تارك الجامعة جممميلة لاكنها تخفي جمالها شعرها قصير الي يشوفها يقول ذي ولد ماتحب المكياجج وحركات البنات الي يشوفها يقول ببويه بشرتها برونزيه فيها جرح عن حاجبها معطيها جمال حلو جسمها حلو عيونها كبار وحادة شخصيتها قوية عنيدة تحب الرقص ) غيوظ (21 ثاني سنه جامعة ادب انجليزي مره ككيوت وتحب الموضى ودلوعة دلعها طبيعي عشقها الجزم والشناط بيضاء شعرها الي اكتافها كستنائي قصيرة بيضاء خشمها صغنون وجهها بيبي فيس ) ريف ( 19 اخر سنه ثانويه ادبي هبه عشقها الهبال والفلة والوناسة مافي بنت موب مكفختها بس فيها غموظ بشرتها برونزيه مره معطتها شكل خطططير جمالها جمال هندية جسمها مره حلو ) _____________________________________ صعدت شجن غرفتها بعد ماكلمت امها بموضوع سفرتها وانها ماتخبر احد وتقول راح اختفت اي شيء سامحيني يمه انا لازم اسافر لازم اسوي هذا الشيء ولا بتروح حياتنا وبكون انا السبب و ماراح اسامح نفسي ولا راح ارتاح الي اذا سسافرت راح تفكيرهاا لـ .. : شوفي ي شجن الحين كل شيء صار فوق راسك ي انك تسافرين وتحلين ذا السالفة او حياتك بتروح فيها شجن : واذا سافرت وش راح اسوي ..: ههههههههههههه , بس تاخذين الشنطه وتودينها للمكان الي يطلبونه منك يحلوه شجن : وش فيها الشنطه ..: ااام فيها تشوكلت شجن : تكلمي زين انا موب بزر عندك اوكي .: وش راح تكون فيها ي غبيه , اكيد مخدرات راح توصلينها لمكان ......#* شجن :اذا ماسويت ذا الشيء ..: بسيطه حياتك وحيات اهلك بتروح شجن : طيب انا موافقه . بس ابيها بعد زواج اختي ..: اوكي اتفقنا طلعت وتركتهاا صحت من تفكيرها قامت تجهز شنطتها وهي راح تسوي الي في بالها ووو انتهى البارت البارت الجاي راح يكون فيه احداث توضح الرواية اكثر واكشن وجرأة اكثر ردودكم يلا على الرواية وتوقعاتكم للبارت القادم .. شجن هل راح يصير شيء ولا بتسافر ؟ وبتنفذ كلام البنت ؟ نغم من هو الشخص الي شافته , وهل هو نفسه الي تزوجها ؟ ودي لكم  |
|
#2
11-16-2011
| |||
| |||
 رد: رواية: كفاني عذاب الله يجازيك بأفعالك ..# البارت الثاني , _____________________________ , .. عوضوك بغيابي لا تقول إني وحشتك لا تجامل دخيلكفي شعوري عنيني بس يكفي كفاية لا تمادى عرفتك خائن الحب ما له في فؤاديحنيني أنت يالي بعيني حلم عمري رسمتك كيف تجرح خفوقٍ يعشقك منسنيني أحسب حساب حبي في غيابي وحسبتك ما تجاهل ودادٍ كان بينك وبيني كمسهرت الليالي وكم ليلة سهرتك كم ليلة خيالك نام وسط عيني كم قلي دخيلكبالدموع انتظرك كم قلي تفضل كم صدك يجيني كنت تجري في دمي لا نزفته نزفتك كنت ساكن خيالي داخلي محتويني من كتبت الحروف الأبجدية كتبتك لام هوكان تبغي أول الحرف راء , قراءة ممتعة ,. صباح جديد قد يكون جميل على البعض وقد يكون محزن على البعض الأخر تتلاعب نسمات الهواء على شعرها وهي تتأمل شروق الشمس تعشق هذا المنظر وتردد في داخلها ( سبحان الله ) , دخلت داخل البيت وهي تناظر كل جزء فيه بتشتاق له كثير هنا صاحت وهنا ضحكت مع أهلها وهنا تهاوشت مع ريف على ملابسها صعب عليها بتتركه بس هذا الشيء موب بكيفها غصب حياة اهلها اهم من حياتها بكثير بس هي راح تسوي الي في بالها ناظرت ساعتها ما باقي شيء على رحلتها دخلت غرفتها اخذت شنطتها والتذكرة والجواز ودخلت غرفت امها وباست راسها ودخلت غرفت خواتها وباست كل وحده فيهم وطلعت تاركه بيتها وحياتها راح تصير حياتها غير ببتغير كثير ماتدري هل راح يصير شيء ثاني ولا بيعدي الأمر على خير ؟ حركت راسها تبعد الأفكار عنها وتخلي كل شيء بوقته وقفت تاكسي وتوجهت على المطاااار ___________________________________ عند نغم ليلة امس بعد ماتوجهوا للفندق نزل وتركها ولا اهتم ان معه شخص فتحت الباب لنفسها ونزلت وحمدت ربها ان فستانها موب كبير ولا كان راحت فيها صارت تدور بعيونها عليه وشافت وهو يدخل تحرك لتجاهه دخل الاصنصيل وجهت هي بتدخل معه ..: نعم نغم: بدخل !!!!!!!!!!!!!!!!!!!!!!!!!!!!!!!!!!!!!! ..: عندك الدرج اطلعي لدور الثلاث رقم ...* وسكر هي ظلت تناظر فيه لهدرجه مايبي قربي ؟ طيب ليش تزوجني تحركت وصعدت الدرج ووصلت بعد تعب وهي فيها ربو فااكيد بتتعب مشت مسافه بيعده شافت الباب مفتوح نصه دخلت وناظرت المكان كان شكله مره كلاسيكي وفخم وصار تتأمل المكان بعيونها وتفكيرها بحياتيها ...: صدق ما شفتي خير ما ناظرت له ونزلت عيونها وهي تلعب بـ صابعها بتوتر قرب لها ..: اسمعيني ي ( زوووووووووووووووووجتي ) زواجي منك بس شهرين وإذا كثرت ثلاثة و بطلقك بشهرين ذي بخليك تشوفين الموت بعيونك بعذبك , بذلك , بهينك كلامي يتنفذ بالحرف الواحد غلطة منك بشوفين شي عمرك ما شفتيه فاهمة نغم : ............................... ..: انا بدخل انام وانتي بتنامين على الكنبة وما أبي ازعاج وبعدها عنه ودخل الغرفة (زواجي منك بس شهرين وإذا كثرت ثلاثة و بطلقك) (زواجي منك بس شهرين وإذا كثرت ثلاثة و بطلقك) (زواجي منك بس شهرين وإذا كثرت ثلاثة و بطلقك) (زواجي منك بس شهرين وإذا كثرت ثلاثة و بطلقك) نغم اثر فيها هذا الكلام بيطلقني ااه ي ربي رحمتك فيني يعني بعيش شهرين بعذاب !!! وانا الي توقعت انه ممكن يتغير و اعيش مبسوطة , هه وين اعيش مبسوطة هو ماخذني عن كرهه بيعذبني وبيذلني نفس ماقال وبعيدن طلاق ماراح استفيد شيء اكككككككككككككككككككككككككرهك الله ياخذك اذا هذا اول يوم كيف بصبر شهرين معه حطت راسها على الكنب ونامت تفكر يمكن يكون بكرا احسن ؟ __________________________________________ يوم السبت الصبح الساعة 6:30 ي ريف اخلصي علي قومي واناا امك الساعة ستة ونص وانتي لسى نايمة قومي ريف: مابي اروح مابي مدرسة ماهوب بكيفك يلا قومي ريف: ماراح اداوم بغيب ماراح تغيبين يوم الأربعاء وانتي غايبه ريف : ي رب خلاص قمت ي صبر أيوب بس دخلت تأخذ شاور وطلعت وهي تنشف شعرها وخلت شعرها كيرلي خطير عليها لبست التنوره والقميص حق المدرسة ولبست تحت القميص تشيرت ولبست جزمتها واخذت شنطتها الكتفين اديداس ونزلت تحت ريف: يمه الساعة كم 7:15 توك بدري الدوام 8 ريف: تتريقين علي يمه عشا انا اتريق , يلا اشوف انقلعي السواق برى ريف: طيب وين غيوظ خليها تجي مره وحده على بال ماوواصل تطلع على طول للجامعة غيوظ بدلع طبيعي : صباح الخير مامي صباح النور ي عيون امك ريف : وانا عيون مين انتي روحي للمدرسة , المدرسة عيونك ريف : حركات يمه تعرفين تنكتين , بس سامجة ماتضحك لا تيدينها مره ثانيه ي حماره هذا اسلوب تكلمين امك فيه ريف : سمي غيوظ : يلا انتي تأخرتي ريف : طيب جاية نزلت ريف المدرسة وطلعت غيوظ لجامعتها دخلت الجامعة غيوظ ورمت عبايتها ودخلها بشنطتها شنل السوداء وكانت لابسه تنوره سكني اسود وقميص تايقر وشعرها ستريت وحاطه كحل وبلشر وروج تحركت بتروح عند صاحبتها والبنات يناظرونها نعومتها ملفته وتجذب ..: اااخ ي القهر شوفيها اجل انا كنت اجمل وحده بالجامعة ويوم تجي ذي يصير اسمها على كل بينت ..: يوه ي وسجى البنت مره كيوت وجميلة اكيد اسمها بيكون على كل بنت سجى : انا اوريها ي سارة سارة : اتركي البنت في حالها ماسوت لك شيء سجى : انا سجى ال........# الي الكل يعرف عايلتي تجي ذي تاخذ مكاني سارة : اوف منك انتي ماينفع معك الكلام اروح للمحاضرة احسن سجى طيب ي غيوظ نشوف ي انا ي انتي _______________________________ الظهر الساعة 12 في مدرسة ال ..........* الأهلية للبنات الحصة الاخيرة ريف ااصحي ي بت ريف كانت حاطه راسها على الطاولة وفي سابع نومه ولا هي حاسه بالمصرية الي تهذري فوق راسها انتي ي بنت ي ريف ..: يوه ريف اصحي صدعت روسنا ذا المصرية ريف: ZZZzzzZzZzzZzz نهى : ريف وجع ان شاء الله قومي ريف: همم وش تبيني نهى : شوفي ذا المصرية من ساعة هي تنادي عليك رفعت راسها ريف وصار تفرك عيونها ريف: نعم اخيرا صحيتي ريف : وش تبيني ايه دا الاسلوب الي مش محترم ريف : والله هذا اسلوبي اومي اخرقي برى لما يتعدل اسلوبك تضري حصصتي ريف : الله واكبر عاد ان الي بموت على حصتك ي ماما حصتك تصدع بالراس ارجع البيت كل البنادول الي في بيتنا اخذه انتي بنت مش متربيه اخرقي اقول بس متربيه غصب عنك وفتحت الباب وطلعت دق الجرس وطلعو البنات وهو بالشارع كل وحده بتروح للسواق واصوات ضحكهم عالية من ضحكهم وتعليقهم كل العادة شيء جديد نهى : هههههههههههههههههههههههههههههههههه احسن تستاهل ذا المصرية محد ياخذ حقي منها الي ريف ريف : اعجبك وغمزت لها نهى : زينك وقفت سيارة قدام البنات ونزل واحد واضح انه معصب وله ساعة يضرب بوري عليهم بس لا حياة لمن تنادي ساحبين على امه كان شكله يخقق اسمر مافي شعر قرعه مافي شعر وله ديرتي اسوود ولابسه نظارات شمسية رايبان ولبس رسمي وسيارته كلايزر ..: هيه انتي وياها اجل سواليفكم وبعدو عن طريقي لفت عليه ريف وهي متغطية ريف : نعم ! ..: قلت ابعدو عن طريقي لي ساعة واقف استنى حضراتكم تخصون حكي لاكن انتم ماسكين خط لق لق لق ريف: اولا : بيكفنا , ثانيا : في شيء اسمه اسلوب بالكلام اتكلم زين بنبعد عن طريقك مابتتكلم كويس ي بابا بنكمل خط السوالف حقنا طلعت شياطينها من كلام ذا البنت : هيه انتتتتتتتتتتتتتتتتتتتتتتتتتتتتتتي اعرفي مين تتكلمين معه ولسسسسسسسسسانك ذا الطويل ابلعيه لا اقصهههههههههههه لكككككككك ريف: ماجابته امه الي بيقص لساني طلعت عيونه من جرأتها ..: ماجابته امك اوك حلو اجل انا بعلمك كيف ماجابته امه قرب لها وسحبها من يدها ودخلها السيارة _______________________________ عن غيوظ طلعت الساعة 2 ماعندها محاضرات كثيرة دقت على السواق يمرها الحين مرت من جنبها سجى وهي متلثمه وتناظرها من فوق لتحت وركب السيارة وسكرت الباب بقوة ..: وش فيك سجى : ..................... ..: سجى حبيبتي وش فيك ..: امم عبد العزيز تشوف ذيك البنت عبد العزيز ناظر للمكان الي تأشر عليه عبد العزيز : ايه وش فيها سجى بخبث : تخيل عزوز اليوم فشلتني تخيل انا بنت ال ...* صرت مسخرة اليوم قدام البنات عبد العزيز طلعت عيونه : و مين هي عشان تمسخرك سجى : مدري حتى ماقدر ت اسوي شيء عبد العزيز : طيب لحظة سجى : ايش بتسوي عبد العزيز بغرور : شوفي نزل من سيارته الجاكور وراح عن غيوظ كان لابس شورت اسود وقميص بربري ونظارات شمسيه رايبان وكان شعره نفس حماده هلال بفلم العمر وجسمه عريض وديرتي خفيف لفت غيوظ :وصرخت بقوة لاكن بنسبه لدلعها قوي و انتهى البارت توقعاتكم نغم وزوجها المجهول وش قصتها معه ؟ شجن وايش راح يصيير فيها هل بيعدي الأ مر مثل ماتوقعت ولا لا ؟ ريف وش راح يصير معها ؟ غيوظ ليش صرخت عبد العزيز ايش سوى فيها ؟ ودي لكم , نزلت لكم البارت اليوم لاني بكرا مشغولة وإّذا فضيت ان شاء الله بنزل بارت وإذا شفت ردود راح يكون طول والبارت الجاي راح يكون فيه ابطال جدد |
|
#3
11-17-2011
| |||
| |||
| رد: رواية: كفاني عذاب الله يجازيك بأفعالك ..# البارت الثالث ,, وإنتهينا !, والزمن يضحك علينا .. لا بكينا ! والوداع اللي دريت إنه نصيبي .. ياحبيبي.. مو بيدينا ! ما علينا .. ياحبيبي.. ياحبيبي.. وأكثر اللي بأفقده كلمة" حبيبي". كانت شفاهك .. تهاجاها علي .. كنّها قصيدة ! مب جديدة .. بس ما مرت علينا ! الغدير.. مصدر هدير الماء نشف !! الزفير.. صوتي و انا تنفس وقف!! وضاعتاحلامي!! مابين الريح و اللي صار فينا !! صرت قاسي .. قراءة ممتعة ..., ..: اها اجل ماجبته امه الي يقص لسانك طيب انا بعلمك كيف ماجابته امه وسحبها من يدها للسيارة بين صرخات صدقاتها بس الي استغربه انها ما صارخت !!! فتح باب السيارة ورماها بأقوى ماعنده , وبرضوا ما صارخت من قوة مادفها !؟ سكر الباب وراح جهة الباب الثاني وركب , وساق بأقوى ماعنده وهي ماتكلمت ولا قالت له خفف السرعة لان هذا كلام البنات ضحك من داخله انا قلتها كلام بنات بس مااعتقد ان هذي من البنات , بعد نص ساعة من الصمت والهدوء وقف في مكان مافي احد في البر اكيد وقت الظهر حر وبالصيف مين بيطلع بذا الجو ؟ وقف السيارة ولف عليها ينتظرها تتكلم لا كن الظاهر انها ماراح تتكلم ابد , ناظر شكلها موب باين منها شيء ابد , ريف : خير تناظر ! في شيء ؟ ..: تكلميني ريف: في احد غيرك في ذا الصحراء ..: ااي ريف : تستهبل ! ..: لا ريف: مين تقصد اجل ..: انتي ريف سكتت ولفت تناظر للشباك بعد عشر دقائق ..: ماشاء الله عليك قاعدة تتأملين الطبيعة ريف: ............... ..: انا اتكلم لفت ريف : وش اسوي لك ..: اامم ما عرفت ايش اسمك ريف تقلده : اامم موب شغلك ..: اوك موب لازم اعرف ايش اسمك ريف: مطولين و احنا هنا ! ..: ........................... ريف: اقولك مطولين ..: ......................... ريف : هيه انت اتكلم انا , قاعده اقولك مطولين ..: ............................ قربت له ريف وصارت قريبة منه مره وتضربه على يده ريف : هيه انت مدري ايش اسمك رد علي لف عليها وليته مالف وو , _______________________________ قرب لها وفتح علبة المويا وصبها على راسها وامتلت بالمويا صرخت بأقوى ماعندها غيوظ : اااااااااااااااااااااااااااااااااااااااه ي ممممممممممممممامممممممممممما , انت ايش سويت خق عند صوتها ودلعها بس استوعب وتذكر اخته عبدالعزيز : هه , مره ثانيه لا تلعبين مع اسيادك لانك موب قدهم اوك ي حلوه هذا اقل شيء سويته فيك لانك تستاهلين اكثر من كذا , والحين روحي عدلي شكلك لان منظرك صار مسخره قدام البنات , وراح وقفه يده ناعمة مرره غيوظ بصوت باكي : مم مشك ك ك ك ك ور , مم اا ت ق ق صص ر ر وتركت يده وشافت السواق وصلت وراحت ركبت لحقها وطق الشباك فتحت الشباك غيوظ وهي تمس دموعها بحركه طفولية غيوظ : نن نعم عبد العزيز: حبيت اقولك هذا واجبي ولا تشكرين علية وغمز لها وباقي ذي ورفع لها علبة المويا ورماها على وجها وضحك بصوت عالي في سخرية صحت من النوم وجسمها متكسر من النوم على الكنب ضحك على نفسها اول يوم زواج وانام على كنب !؟ انتبهت له انه جاء رفعت راسها وتعلقت عيونها بعيونه ارتبك من نظراتها وعيونها الي يعشقها ماقدر يرفع عيونه عنها حس بشوق فيضيع لها حس على نفسه وابعد عنها يطلب فطور نغم قامت وراح للغرفة تتسبح وتلبس وتروح تسوي له فطور طلعت من دورة المياه , وهي تنشف شعرها اخذت الكريم تحط على جسمها ولبست شورت اسود فوق الركبة وبدي اورنج نايك تركت شعرها مفتوح بدون ماتنشفه لان شعرها طويل ومالها خلق تسويه تعطرت وطلعت جلست وصارت تناظر التلفزيون دق الجرس وراح يفتح وكان الفطور تقدم لها ..: تعالي افطري نغم : موب مشتهيه .. واقول تعالي وبلا كثرت حكي نغم: ................... ..: تسمعين ! قامت نغم وجلس جنبه بس بوه مسافة بسيطه بينه وبينها فجأة رفع راسها وصار يناظرها ..: انتي مهبولة !! نغم باستغراب : وش سويت مسك شعرها ..: وذا ايش نغم بغباء : شعري ماقدر يمسك نفسه من غبائها ..: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه نغم خقت عن ضحكته نغم : وش فيك ..: عارف انه شعرك , بس ليه موب منشفته نغم : اامم , مالي خلق ..: اها مالك خلق , ولما تمرضين نغم : عادي , ليش الخوف ! ..: ومن قال اني خايف عليك , بس مالي خلق اوديك مستشفى وادفع وحاله عشانك , وانتي وحده ماتستاهلين شيء وقام ودخل الغرفة نزلت دمعة على خدها ومسحتها بسرعة وصارت تتذكر اول يوم شافت فيه (..) قبل 3 او 4 شهور كنت نايمة , توني راجعة من الجامعة وكان يوم الأربعاء وجسمي متكسر ومالي خلق صحيت يمك الساعة 8 نغم , اوف كل ذا الوقت وانا نايمة قامت بسرعة ودخلت تتوضأ وطلعت تصلي الصلوات الي فاتتها , جلسة على السرير وهي تناظر السقف تفكر بحياتها كل يوم نفس الروتين حياتها ممله مره قطع تفكيرها صوت جوالها اخذته وكانت رسالة فتحت الرسالة ( سلام , اخبارك .. إذا فاضيه دقي علي ...........) استغربت من الرسالة وماردت على الرسالة ولا دقت , دق جوالها وكان نفس الرقم الي ارسل لها رسالة ماردت ودق مره ثانيه و3 و4 و5 والمره السادسة ردت نغم : ......... ..: سلام نغم : ....... ..: اخبارك نغم : مين انت ؟ ..: اول شيء ردي على سؤالي , انا قلت اخبارك ؟ نغم : موب شغلك ..: اها , اوك طيب خلاص موب شغلي نغم: .......... صمت بين الطرفين نغم : ممكن تقول ايش تبي ؟ ..: حلو انك سألتي من نفسك نغم : ................. ..: الصراحة انا شفتك مره بس ماراح اقولك وين , و أعجبت فيك نغم :....................... ..: وابي اشوفك مره ثانية , لاني بديت اميل لك بكثير وابي اشوفك بمكان ......* بكرا الساعة 8;30 نغم: نـ ............ ..: اااش لا تردين علي بشيء عندك وقت لين بكرا وسكر وش يبي ذا ماتدري ليش جاها فضول انها تروح وتعرف مين ذا الشخص يمكن من الروتين الي فيها او الوحده الي عايشتها في اليوم الثاني المغرب وقفت ودخل تتسبح وطلع نشفت شعرها ورفعته بأهمال لبست سكني وتشيرت واخذت شنطها وتلثمت وطلعت بتروح له !! تنزل بدون شعور , وبدون شعور قررت تروح للمكان رحت مع السواق وصلت ونزلت وهي ترتجف اخيرا حست انها سوت شيء غلط وتوها تستوعب دخلت المجمع وجت بتطلع وقفتها يد لفت نغم : نعم ..: كنت متوقع انك راح تجين وابتسم ناظرته كيف كان شكله مره جميل اول مره تشوف شاب بحياتها الديرتي الاسود وخشمه السيف عيونه كبار وحاده وسودا غمازته الي بخده اليمين كانت مره واضحة لما ابتسم وكيف التشرت بارز عضلاته ..: مطولة وانتي تتأملين فيني , الايام ببيننا وراح تملين مني نزلت راسها وانحرجت على غبائها ..: تعالي بنورح للكوفي الي فوق راحت معه وجلسة صمت بينهم يمكن ربع ساعة ..: نغم رفعت راسها وهي مستغربه كيف عرف اسمها ..:ادري مستغربه كيف عرفت اسمك بس زين ماشفتك , اكيد بعرف اسمك نغم: ........................ ..: شوفي نغم انا سبق وقلت لك , اني معجب فيك , نغم : ااي ..: انا ابي علاقتنا تتطور نغم : كيف ..: يعني يكون بيننا اتصالات نغم : انا ابغى اروح البيت وطلعت وعلى طول ركبت مع السواق وهي تتنفس بسرعة شعور غير تحس فيه الحين رجعت للبيت وحطت راسها على المخده وهي تفكر قطع تفكيرها صوت جوالها على طول ردت نغم: الوو ..: هلا والله نغم : ............ ..: ي ربي مسرع نسيتيني وتوك شايفتني نغم : هلا , ااي وبدت سوالفهم واندمجت نغم معه وصارت كل يوم تكلمه تقريبا صار لها شهر وصارت تميل له كثير , او حبته , غير حياتها كثير صار كل وقتها له تكلمه بكل وقت لما تتضايق , لما تكون مبسوطه , لما تكون خايفة ............الخ .. بس ولا مره طلب منها انه يقابلها , الا ان جاء اليوم نغم : هلا راكان >> اخيرا عرفنا اسمه راكان: نغم نغم : عيوني راكان : نغم انا تعلقت فيك كثير ماتتصورين كيف قلبتي حياتي , نغم : ...................... راكان: نغم افهمي انا حبيتك , انا احبك نغم انصدمت كانت تتمنى تسمع ذا الكلام من راكان من زمان راكان : انا ابي اشوفك , في نفس المكان الي اول مره شفتك فيه وسكر ناظرت الشاشه وهي تتذكر كلام وقررت انها تروح لها دخلت تتسبح وطلعت ولبست ونزلت وراحت لنفس المكان لا كن قبل لا تدخل في يد غطت على فمها وسحبتها لسيارة وقفل الباب وساق بسرعة من خوفها وسرعت السيارة ماقدرت ترفع راسها وقفت السيارة عن بيت ونزل الي كان يسوق وراح لجهتها وفتح الباب وسحبها ودخلها جوا البيت او القصر فتح الباب ورمها على الأرض جضمت رجولها وحط راسها وصارت تصيح حست يأ حد يقرب لها رفعت راسها نغم : راااكككككككككككككككككككككككان راكان : أي راكان نغم : راكان انا ليش هنا , ابي افهم , موب فاهمه شيء راكان الحين بتفهمين دخلت بنت بعربية ماتمشي مشلوله ناظرتها نغم كانها شافت ذا الوجه بس وين , وين نغم : رنددددددددددددددددددد راكان : زين انك تذكرتي نغم : راكان وش السالفة وش دخل رند , وانا ليش هنا , وانت ليش تكلمني كذا ! قرب لها ومسكها مع شعرها عشان اخذ حق اختي والي مثلك المفروض مايعيش انا لعبت عليك وانا اصلا مااحبك , اكرهك , ماأطيقك ,وطول ذا الفتره كنت اتسلى فقد , حرمتي اختي من حياتها ماتطلع من البيت تخاف تتفشل شبابها ضاع وانتي مبسوطه , وانا مستحيل اشوف الي هدم حيات اختي يعيش ويستانس واختي بنكد , وتعب , ومن مستشفى الى مستشفى نغم صدمه وراء صدمه تحس رجولها موب قادره تشيلها بيغمى عليها كيف , وليش صدقته انا غبيه , الله ياخذني وتذكرت لما كانت في ثاني ثانوي كانوا طالعين البنات ونسولف ونضحك ومبسوطين سحبتني رند وانا دفيتها بس مانتبتهت لسيارة كانت جاية وصدمت في رند انهبلت مادري وش اسوي ركضت على سيارتنا وركبت وانا اتنفس بقوة من الخوف , نقلت من المدرسة وانقطعت علاقتي مع البنات الي انا جاء اليوم وتعرفت فيه على راكان قطع تفكيرها وذكريتها صوت راكان راكان : اناا طالع نغم ناظرت فيه كم اعشقه رزته هيبته صوته الي يخوفني اشتقت لكلامه الي ياخذني لعالم الاحلام لو اقدر ارجع الزمن كان ماحبيته ..: طال عمرك بسرعة قدر يسون الخطة وهربوا لازم نلحق عليهم بسرعة .. بعصبيه : ايششش , وانتم وينكم , وش ذا الاستهتار الي فيكم بسرعة قدام وطلعو يركضون على سياراتهم وو ......................... , انتهى البارت * توقعاتكم ريف ايش صار فيها , وايش بيسوي فيها هذا الشخص ؟ شجن واختفائها بالبارت هذا , ايش ممكن صار لها ؟ نغم واخيرا عرفنا قصتها وزوجها المجهول حياتها كيف راح تصير مع راكان ؟ غيوظ وموقفها الي صار لها عبد العزيز , هل راح يكون له دور في حياة غيوظ ؟ و مين الشخص الي بأخر البارت , له دور بالرواية ولا لا ؟ |
|
#4
11-17-2011
| |||
| |||
| رد: رواية: كفاني عذاب الله يجازيك بأفعالك ..# مشكوووره روعه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| البركة في عشر ذي الحجة | بيت الشتاء | المنتدى الاسلامى | 4 | 11-01-2011 09:31 PM |
| العشر الذهبية - لاتدع الفرصة تفوتك | zizo-2009 | المنتدى الاسلامى | 1 | 10-29-2011 09:17 AM |
| خبر : وفاه مشرف المنتدى الاسلامى اخوكم frend نحتسبه عند الله شهيدا | الغريب 7 | المنتدى الاسلامى | 46 | 10-14-2011 02:44 PM |
| مائة سنة ثابته عن النبي صلى الله عليه سلم لنتواصى على تطبيقها ونشره | يارب المغفرة | المنتدى الاسلامى | 1 | 10-04-2011 06:47 AM |
| مني انا شخصيا اقم لكم هذا | كتير خانوك يا البي | اشهار مواقع تبادل اعلانات بيع و شراء منتديات | 0 | 10-03-2011 06:27 PM |
-الدورات
التدريبية بجامعة نجران-
العرض العادي
