دمعتين وجرح ف داخل الضمير
ذي نهاية قصتي والله معاك
لو بغيت الصدق والله ما يصير
بس صارت يا خسارة من هواك
كنت وافي كنت في حبك أسير
كنت مثل الطفل واتبع خطاك
كنت اشوفك بين كل الناس غير
مدري لكن كنت أشوفك لي ملاك
من كثر ما أبيك وأحبك وأغير
صرت مدري كيف أعبر عن غلاك
يا خسارة قلب في حبك يطير
وين ما تبغيه حلق في سماك
ينشد ألحانه وهو حاله كسير
غايته فالحب يتمنى رضاك
هل جزات الحب نكران وهجير
ولا هذا الحب لعبه في هواك
ضايع فالحب ما لاقي مصير
من بعد لقياك تعطيني جفاك
دام دربك فالحب عكس المسير
ما تراعي قلب ما قصر عطاك
خلني برحل ولو جرحي خطير
دام هذي رغبتك الله معاك

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

\\