من أجمل ماقال الامير عبد الرحمن بن مساعد

شبيه الرَّيح .. وش باقي من الآلام والتَّجريح
وش باقي من الأحلام ..
وش باقي من الأوهام ..
غير إنِّي الاقي في هجيرك فَيْ ..
وألاقي في ظلامك ضَيْ ..
وأوقد شمعتي في الرِّيح ..
شبيه الرَّيح أنا ما أقدر .. أكدِّر صفوك العاصف
شبيه الرَّيح أنا من لي .. سوى إحساسك الجارف
بقايا زيف أشواقي .. سما أمطار أحداقي ..
شبيه الرَّيح .. وش باقي ..

أبي أعرف .. متى تسكن رياحك ؟
وأبي أعرف غرورك هو متى يطلق سراحك ؟
وأبي أعرف متى تعصف ؟ .. ومتى تعطف ؟
متى تنزف جراحك ..؟
وأبي أعرف إذا باقي .. في بحرك موج
أكسر فيه مجدافي ..؟
وأبي أعرف إذا باقي .. في همَّك هم
ماشالته أكتافي .. ؟
وأبي أعرف إذا باقي في هالدنيا حزن مامرِّني
وأستوطن أطرافي .. ؟

سنيني يم .. وقلبي المركب المتعب
وإنت الرَّيح ..
مجاديفي عذاب وهم .. وزادي الوجد والتَّبريح
وصبري صبر بحَّاره .. بغوا في اليمْ محَّاره
غشاهم موج ..
كان من الغضب أغضب .. وكانوا للهلاك أقرب
لولا كثروا التسبيح ..
حبيبي الأصدق الأكذب ..
تعبت أوصل شواطي طبعك الأعذب ..
تعبت أجمع ألم كل الموادع في المواني
وأحضن أطيافك ..
تعبت السُّهد في ليل الشوارع والثواني
تنطر إنصافك .
تعبت الظُّلم وإجحافك ..