السلام عليكم


اخباركم ان شاء الله بخير


اخواني انا موضوعي

سويت عمليه بمستشفى الكتور سليمان الحبيب بالرياض

سويتها وعانيت معاناة ما يعلم فيها الا ربي والحمد لله على كل حال

نوع العمليه

قص الغضاريف بالانف
تعديل الحاجز الانف

سويت العمليه وعانت معاناة انام ونا جالس
وحالتي حاله

والحمد لله والشكر


بس بعد العمليه زاد فيني خشمي اكثر من قبل بس ينسد

وصار الصديد ينزل من افمي مو من انفي

وصار الهاوء لما يطلع من انفي احس بالم هالكلام الحين بعد العمليه بـ 7 شهور او 8 شهور

متواصل معهم من 6 شهور يمكن ونا كل يومين اكلمهم


الدكتور مني قايل اسمه

قالي كل شي اوك

قلته ما زلت اعاني وصار كذا وكذا

وانتفخ انفي , واجيه مراجعات

وبعده اكلمه على جواله وقلت الانف منتفخ

قال من العمليه اصبر

وصبرت شهور
واتصل قال بعطيك ادويه

وما عطاني

اتصلت قلت وين الادويه
قال اخي لازم تصبر ومدري اييش

وما زال الا الان ونا اكتب موضوعي وانفي منتفخ من الجوانب ونا اعاني


دريت انو الموضوع فيه شي

ويعلم الله يا اخواني اني صادق بكل شي قلته
والله على ما اقول شهيد


ما وصلت للشكوى الا بعد معاااناااة

موظف رما علي كلام
اكلمه يقول وش المطلوب
اقول المطلوب سويتولي عمليه وحستوني حوس

يالله بالله وصلت لشخص

حولني للشكاوي
حولوني لموظفه سوريه

وربي يا جماعة الخير
انها تدق وتفصل علي علشان اتصل

مرات يقولون تعال الرياض

مرات يقولون تعال القصيم

ويماطلون فيني لين جاني المرض

يقولون تعال سو كشف بالقصيم

اجي وارجع انا من حايل

بعد يومين يقولون تعال سوي اشعه مقطعيه

حاسوني حوس والله


ويعلم الله اني اعاني من انفي اكثر من قبل
النفس مني قادر اتنفس


وبعد كل هذا يقولون العمليه اوك ومافيه شي


قسم بالله يا جماعة الخير

قالولي اوك راح نعوضك فيه مشكله بالعمليه

بعد يومين اتصلت

قالت ما راح نعوضك

انا وربكم مابي الفلوس الحمد لله والشكر
ابي حقي اللي راح كذا
صح ربي كاتب
لكن ليش هالتعامل والمهزله
وين وزارة الصحه عنهم
ليش مسيبين على كيفهم


مع العلم جيت اكثر من مستوصف وقالي لازم تسوي عمليه بسرعه
معك انتفاخ شديد
وخذيت تقرير بهالكلام

الدكتور بالقصيم قالي معك انتفاخ شديد ولازم تسوي عمليه

والمفروض بعد العمليه الاولى انو يتحسن كل شي باذن الله وان رجع لو سمح الله يرجع عد سنتين


لكن يوم كلموني ويقولون مافيه شي والاشعه مدري ايش


اقسم بالله اني اعاني وانهم نصابين


العمليه قصت علي اكثر من 12000

الاشعه فوق 1000 ريال



ابي احد يساعدني بطريقة الشكوى وكيف اخذ حقي منهم انا مابي فلوس ابي حقي ابي ناس تقول حنا اخطينا نعطيك فلوس نسويلك اعادة عمليه
على الاقل احس اني ماخذ حقي لو باعادة عمليه

والله يجزاه الجنه اللي بيساعدني

اعذروني على اسلوبي
لكن والله اني متنرفز منهم


ارجوا المعاونه على موضوعي وعدم حذفه
ونشرهـ

منتديات مدرسة المشاغبين - منتديات عالم الجريمة حوادث كوارث جرائم