 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
01-13-2012
| ||||
| ||||
 رواية من كثر حبي لكـ كرهتكـ..( بقلمي ) السلام عليكم ورحمة الله وبركاته .. الرواية بقلمي ولا أحلل النقل بدون ذكر المصدر : (~ حلاتي بحركاتي ~ )أو (ننؤششهـ~) رواية من كثر حبي لك كرهتك!! ..( بقلمي ) * البارت الأول * في صباح جدييد جميل ليوم الاربعاء والجميع يستعد للذهاب الى بيته الثاني الى مدرستنا الجميلة الى مقر التعليم لبناء اجيال واجيال لمستقبل مملكتنا الحبيبة المملكة العربية السعودية .................... في بيت ابو حسام .. الكل مجتمع ع طاولة الاكل للفطور .. ام حسام : ريناد خلصتي فطور ؟ ريناد : اي يمه بغيتي شي ؟ ام حسام : اي حبيبتي قومي صحي اختك الساعه 6 ونص مابقا شي ع المدرسة يالله حبيبتي ريناد : ان شاء الله وطلعت ريناد تصحي اختها دخلت ريناد غرفة اختها : وويي برررررد وظلاااام هذي وين عايشة!! راحت وشغلت اللنبة وطفت المكيف وسحبت البطانية وصرخت بأعلى صوتها : رندووووووه قووومي الساعه 8 تأخرتي ع المدرسة << اوووم الككذب ي شييخة !! هع رند تدور البطانية : انننننقللعي لابااارك الله في وجهك قفلي اللنبة وخلييييني ابيي انااام ! ريناد وهي توقف : اففف انا اوريكي اخلي حسام يجيكي ويوريكي العين الحممرا رند تقوم : اففف خلاص خلاص قمت انقلعي بررا وطلعت ريناد ونزلت تحت .. / / / اعرفكم ع عائلة ابو بسام : ابو حسام ( عبدالله ): شخصية قوية في الشركة هو له شركة مع اخوانه ( تتعرفون عليهم بعدين ) حنوون كثيير على عياله ومايبي الا رضاهم لكنه اذا عصب مايعرف امه من ابوه عمره 45 سنة ام حسام ( منى ): حنوونة واايد وطيبة وكل همها عيالها وبناتها عمرها 40 سنة حسام : الاخ الاكبر عصبي مره وهذا عيبه وجدي كثييير احيانا يقولون عنه ( ثقيل دم ) بسبب عصبيته محد يتقرب منه كثيير الا ولد عمه مروان ( تتعرفون عليه بعدين لمن يجي وقته ) يشتغل في شركة ابوه و اعمامه عمره 27 سنة . بسام : الاخ الثاني طفوولي كثيير ومملووح ومرح مرا بعكس اخوه ودمه خفييف والقعده معه ما تنمل اببد يدرس بالجامعة ادارة اعمال اخر سنة عمره 23 سنة . رند : الاخت الاولى مرحة ممرا وحلوة شعرها بني بالطبيعة وحلوة وفيها شوي ملح وتحب القعدات والجمعات لكنها اذا كانت نايمة ياويل اللي يقرب منها وممرا فرررررري ومايهمها احد سنة اولى ثانوي عمرها 16 سنة . ريناد : الاخت الثانية وآخر العنقوود حلوة ودلووعه وممرا مملوووووحة وهادية ونعومة سنة ثاني متوسط عمرها 14 سنة. / / / قامت رند من النوم ولبست ومشطت شعرها ونزلت تحت .. جلست ع طاولة الاكل قالت من غير نفس : صباح الخييير وشوي الا يقووم بسام .. سألته ريناد : وين رايح ؟ بسام : الجامعة يعني وين بالله ! ريناد : طيب وصلنا بسام : اوصلك انتي اي بس القنبلة اللي معك لا ! ريناد باستفهام : اي قنبلة ؟؟!!!!!! بسام يقلدها : .. اي قنبلة .. ويرجع لصوته العادي .. رند يعني مين ! وشوي الا تنزل رند من فوق ( كانت طالعة عشان تنزل شنطتها ) .. رند : وش تحشون فيني ترا ماعااااااش من يححش فييينيي ( وشدت ع كلامها الاخير ) بسام : لالا ياقلبي صح صح احنا ماا نحش فيكي اببببد ! وبهذي اللحظة دخلت امهم : انتوا ما مشيتوا لسسه !!!! بسام : ليش يمة لسه بدري ! ام حسام : اي بدري انت بعد الساعة سبعة وانت تقول بدري ! رند : ي ويلي الطابور يبدأ سبعة اهئ اهئ الحين ما يدخلوني !! ريناد : خخخخخ مسكينة انا طابوري يبدأ سبعة وربع بسام : قوموا انتي وهي بسرعة خمس دقايق ما لقيتكم بالسيارة مشيت طيب رند و ريناد : اوكي ولبسوا عباياتهم و اخذوا شنطهم وطلعوا برا .. رند ما دخلوها الطابور وماكانوا حيدخلوها الحصة الاولى لكن بكم دمعة من عندها دخلوها ! هع وريناد دخلت بآخر اللحظات للطابور .. في مدرسة رند .. رند و سارة ( زميلتها اللي بجنبها ) بيتكلموا بالدفتر .. رند : افففف طفشش ! الساعة كم متى تخلص الحصة ؟ سارة : والله من ججد ممرا طفش لسسه ي قلبي باقي ع الحصة نص ساعة خخخخخ رند : لاااا ي ويلي وش يصبرني انا !! سارة : هههه من جد عاد ذحين ابلة لولوة والرياضيات اذا اجتمعوا مين يفرقهم ؟! رند : هههههههههه والله انك صادقة ! ابلة لولوة : رند وسارة اوقفوا ايش الدفتر اللي معاكم ؟ رند : آآآآ ابلة آآآ وبصوت واطي لسارة : اسعفيني بسررعة ! سارة : آآآ اي ابلة انا ورند نكتب الملخص حق الدرس عشان نفهمه ونكتب منه تمارين !! رند : اي اي صح ! ابلة لولوة : طيب انتبهوا للدرس لانه مهم مرا وزي ماتعرفوا الاختبارات قربت ! رند وسارة : ان شاء الله ابلة . ورجعوا يسولفوا. بالدفتر الى نهاية الدواام ( ما يتوبون خخخخخخ ) ببيت ابو حسام .. انفتح الباب بقووة : السلاااااااااام ام حسام طلعت من المطبخ : بسم الله الرحمن الرحيم اشبك انتي شوي شوي ع الباب! رند : يمه اييييزي الباب حديد وش يكسره عاادي ! ام حسام : الله يهديكي بس ! هنا دخلت ريناد تصارخ : واااااااوو الاربعااااااء واخخييييييييرا ام حسام تضرب كف بكف : الحمدلله والشكر بناتي انهبلوا ببداية عمرهم ! ورجعت المطبخ تسوي الغدا .. ورند وريناد طلعوا فوق غرفتهم .. رند لبست بيجامة ناعمة بنطلون صوف بلون موف غااامق وبلوزة كم طويل بلون موف فااتح عليها صورة هالو كيتي ونامت هي وريناد الى قبل المغرب بشوي .. ( الساعة خمسة ونص ) صحيت رند وصحت ريناد .. رند لمت شعرها الناعم بفيونكة موف ناعمة .. وريناد لبست بيجامة ناعمة بلوزة سماوي عليها رسومات بالفوشي والوردي والبنطلون سماوي سادة وفيه جيب بالجهة اليمين عليه قلب فوشي ولمت شعرها ع جنب ببكلة ناااعمة .. ونزلوا تحت لقوا الكل ماعدا حسام .. رند وريناد : السلااااام الكل : وعليكم السلام وجلسوا ع الكنبة .. رند : وين حسام ؟؟! ام حسام : سافر ريناد : وين ؟ ابو حسام : ماليزيا رند : الله ماليزيا ارض العشاق خسارة كان بودي اروح معه ! ابو حسام : بيروح شغل ويرجع مو مطول ! ريناد: اها طيب احد راح معه ؟ بسام : راح معه مروان ( ولد عمه ) .. ريناد : ومروان هذا لصقة في حسام وين ماراح يروح معه ! ابو حسام عصب : راحوا شغل ويرجعون مو مطولين خلاص ..! ام حسام بتغير الموضوع : تجهزوا يا بنات بنروح بعد شوي بيت عمكم ناصر ( ابو مروان ) ! رند : وااااو يعني رح اقابل ملوكه فللللللة ريناد بدلع ماايع : اييش الموونااسسبة مماممي ؟ رند وبسام بوقت واحد : لالالا نقطينا بسكوتك ترا الدلع مايلبق الا ع اصحابه ريناد : ماعليكم مني ! ام حسام تضحك ع بناتها و ولدها : هههههههههه بدوون مناسبة بس من زمان ماتجمعنا ! رند وريناد : اها بسام باعتراض : لالالا انا آآسف يمة ماني رايح ! ام حسام : هااو ليش ؟ بسام : يمه انا مششغغووول ( ضغط ع كلمة مشغول ) مممرا مع اصحابي ماقدر اروح ومن اليوم الاربعاء الى الجمعة لححد يقول لي ودي وجيب لاني مشششغغغوووووووووووول! رند وريناد بنفس الوقت : لاااااوالله ! بسام : ايي والله! ام حسام : خلاص خلوا اخوكم في حاله هو كبر وصار رجال ويعتمد عليه خلاص! رند : بس يا يمه .. قاطعتها امها : خلاااص بسام : اححم اححم .. ايي هذا الكلام والا بلااش ! ريناد لرند بصوت واطي : مماالت علييه بسس رند : اي والله بسام : ايش ايش ؟! رند : سلامتك ولا شي ( وتكلم ريناد ) قوومي ريناد خلينا نبدل ما بقا شي ع اذان العشاء ريناد : اوكي يالله وطلعوا رند وريناد فوق غرفهم يبدلوا في غرفة رند وريناد .. ريناد تبعثر شعرها : اووووفف ايش اسوي بشعري ؟ رند : مدرري عنكي انتي شعرك ملفلف غرييب عجييب والا لالا صح عرفت خليه ع طبيعته احلى ! ريناد : هذا رأيك ؟ رند : يب يب ريناد بمرح : شوورك ورعاية الله ي الغالية رند : هههههه تسلميين حبيبتي وخلصوا لبس ع الساعة ثمانية ونص ونزلوا تحت .. رند (( كانت لابسة بلوزة فوشي سادة كم طويل عليها رسومات بالاسود عليها صديري اسود مع تنورة سوداء قصيرة لنص الفخذ سوداء وفيها تكسسيرات ناعمة مع كيلون ( هيلاهوب ) شفاف وسندل ( وانتم بكرامة ) فوشي ناعم ولامة شعرها بفيونكة اسود وفوشي ومنزلة قصتها ع وجهها طالع شكلها رووووعة وخخخخقققة )) ريناد (( كانت لابسة فستان اصفر توب ( دون اكمام ) قصير فوق الركبة مخليها جذاابة خصوصا لانها بيضاء وبياضها محليها مع اللون الاصفر وسلسال ناعم عليه حرف الـ r ذهب ابيض وشعرها لامته من قدام بشباصة ناعمة صفراء وفاردة شعرها الباقي وسندل ( وانتم بكرامة ) ابيض كعب نااعم )) كان الكل مجتمع في الصالة .. دخلوا رند وريناد : هاااي بسام : الله لا يهلي بوجهك انتي وهي وش ذا اللبس ؟؟؟!! رند شهقت : استغفر ربك تدعي علينا ترانا خواتك ريناد تكمل : اي صح هذا اولا و ثانيا اش فيه لبسنا عادي ححلو مره بسام باستهزاء : لا ي شيخة احلفي بس ( ويرجع لصوته الطبييعي ) اقول انقلعوا فوق غيروا لبسكم وتعالوا ! رند : لاوالله وش تبينا نلبس يعني جلابية مثلاً !! بسام : اقول طسوا بس بدلوا ملابسكم ! ريناد : بابا حبيبي شوف ولدك يبينا نبدل ملابسنا وهي حلوة ! ابو حسام عصب : بسام خلاص عاد سيبهم في حالهم ! بسام سكت مارد والبنات كمان سكتوا .. ابو حسام : بسام انت قوم ود امك وخواتك بيت عمك ناصر وانا عندي كم شغلة اخلصها واجي الحقكم ! بسام : ان شاء الله يبه ريناد : يمه مين بيجي هناك ؟ ام حسام : بيجي عمك محمد وعائلته بس ريناد : بس ؟ ام حسام : اي بس بسام : يلا انتي بتشتغلين سوالف مع امي الحين .. يلا انا رايح السيارة خمس دقايق ماتجون مشيت ! رند وريناد وامهم راحوا يلبسوا عباياتهم ! / / / اعرفكم ع عائلة ابو مروان (ناصر) ابو مروان ( ناصر ) : شخصية قوية ممرا وعصبي شوي لكنه احيانا هادي ويحب عياله وبناته له شركة مع اخوانه وعمره 43 سنة . ام مروان ( هدى ) : حنووووونة واايد مثل اختها ام حسام ( منى ) وطيبة ع بناتها وعيالها وماتبي الا رضاهم عمرها 41 سنة . مروان :الاخ الاكبر شخصيته زي حسام تماااماا هو وحسام ماكأنهم عيال عم الا كأنهم تووووووووووأم ممره داايما مع بعض عمره نفس عمر حسام ( 27 ) سنة . مازن : الاخ الثاني مررح مره وخفييف دم هو حلوو ممره ومغزلجي زي بسام خخخ هو وبسام داايما مع بعض عمره 22 سنة . ملاك : الاخت الاولى ححلووه مممره ووممملووحة وعربجية والاسلوب عندها من ع جننب خخخ بس عربجيتها مميزتها عن الباقين ! هي ورند ثنااااائي مرح !! هع هع سنة اولى ثانوي عمرها 16 سنة . مَلَك: الاخت الثانية وآآخر العنقود حلوة ممره ومملووحة وجذاابة والكل يحبها سنة ثاني متوسط عمرها 14 سنة . / / / في سيارة بسام .. رند : بسوم بتنزل بيت عمي والا بتمشي ؟ بسام : لابانزل ! رند : طيب انت قلت انك مشغول وش اللي غير رايك فجأة ؟! بسام بروقان : والله عاد انا كيفي غيرت رأيي فيها شي ؟! رند :لا .. الا غرييبة مرووق الاخ ! بسام : يااالييييل ما اطولك انتي شعليكي مني يعني حرام الواحد يروق حرام والا تبيني ماد البوز شبرين زيك رند : بسم الله شفيك اكلتني بقشوري خلاص سكتنا ماقلنا شي ! ريناد لرند بصوت واطي مايسمعه الا هي : والله مو منه مروق الا من حبيبة القلب اللي بيشوفها خخخ رند ضحكت بصوت عالي ضحكة عربجية : ههههههخخخهخخهخههخهخهخهخهه والله انك صادقة كفك! وضربت كفها بكف ريناد .. بسام : الحمدلله والشكر بس وصلوا بيت عمهم ناصر .. ريناد بإحباط : وي وي وي شووفي سيارات كثيير ماتكشخت زيين وججع بسام : الله فوق كل هالملابس اللي عليكي بتزيدينهم بعععد !! ام حسام : لااحوول انت شعليك منها سيبها فحالها ( ولفت ع ريناد ) وانتي بعد اللي عليكي حلوين ويكفون خلاص ! ونزلوا من السيارة ودخلوا البيت .. عند مدخل البيت .. رند : وي ريناد ماتحسي انو لبسي قصير! كنت احسب انو ما حيكون فيه احد! .....: لاعادي كل شي عليكي ححلو لفوا اتجاهـ الصوت. راحت رند جري وضمتها : ملووووووووووكة يادببه من زمان عنك مغغبرهـ ملاك : ههههههههه شوي شوي علي خنقتيني كح كح رند بعدت عنها : هههههههههه من جد اشتقت لك ملاك : تشتاق لك العافية ي عسل جات ريناد مبوزة : واحنا يعني مالنا رب مالنا سلاام! ملاك ضمتها ومسكت خدودها : انتي بالذااات لكي وححشششة هههههه ريناد : ههه تسلمين وين ملك ؟ ....: انا جييييييت لفوا كلهم اتجاه الصوت وراحت ريناد جري وضمتها << تقلد رند هع هع ملك : هههههههههه الله كل هذا لي ي حظي انا ههههههه رند وملاك انفججروا ضحك ! رند : بنجلس واقفين عند المدخل ! ملاك : هههههه لالا حياكم ريناد : اقول ملك فيه ناس كثير ؟ ملك : ممممممم لا بس عائلة عمي محمد ( ابو فيصل ) ريناد : بس مافي احد ثاني؟ ملك : الا فيه ناس كثيييييير بس ماعرفهم انتي ماشفتي السيارات برا؟ ريناد :الا شفتها بس توقعت انو بس رجال مافي حريم! ملك : الا ياحليلك اصلا الحريم اتوقع انهم اكثر من الرجال! ريناد : اها .. طيب انتي سلمتي ؟ ملك : لا دوبي اول ما نزلت من الغرفة جري ع مدخل الباب ريناد : ههههه ي المطفوقة تعالي سلمي معي ( وتنادي رند بصوت عالي ) رننننننننننند تعععاااااالللي ! ......: شوي شوي ع حبالك الصوتية ارحميها ! ريناد شهقت بقووة وراحت جري هي و ملك ************************************ بسام : فيييييييييصل وينك ؟ فيصل : انااا هنااا بسام : وش جابك عند مدخل الحريم ؟ فيصل : ها لالا ولا شي بس الشايب قال لي اجيب القهوة بسام : اهاا ******************************************** سلموا ريناد ورند وملك ع الحريم وجلسوا بالزاوية مع شجون بنت عمهم / / / اعرفكم ع عائلة ابو فيصل ( محمد ) ابو فيصل : الأخ الأصغر لـ ابو حسام وابو مروان له شركة مع اخوانه حنون ع عياله عمره 40 سنة ام فيصل : حنونة ع عيالها حييل لم يرزقها الله في هذه الدنيا سوى ابنة وابن فقط لذا هي تحبهم جدا ولاتريد الا رضاهم عمرها 37 سنة فيصل : الاخ الاكبر حلو ممره وفي السوق كل عيون البنات عليه هو يججنن خخخقة يدرس في الجامعة ادارة اعمال مع بسام عمره 23 سنة شجون : حلووة ممره ومملووحة ونااعمة ودلوعة سنة ثالث متوسط عمرها 15 سنة . / / / رند : بنات طفش ملوك ابي ارقص فيني طاقة زاايدة! ملك : من جدك انتي ! رند بإستهبال : لا من خالي .. وترجع لصوتها الطبيعي .. اقول قوومي جهزي الاستريو حقكم هو خربان والا صلحتوه ؟؟! ملك : لا صلحناه ! رند : اجل قومي جهزيه بسرعة ! ملك : ماالي خلق! البنات : بلييييييييييييييييييييز ملووووووكة ملك وهي تقوم : افففف طيب خلاص قمت قمت امري لله !! راحت ملك والبنات بيضحكوا عليها .. جهزت ملك الاستريو بغرفة لحالها منعزلة في الدور الثاني << عشان الازعااااج خخخ نزلت ملك تنادي البنات .. وطلعوا البنات فوق عشان يرقصوا ورقصوا البنات ليين جا العشا وتعشوا والكل رجع بيته .... *************************************** وهذا البارت الأول تم بحمد الله .. ابي ردوود عشان اتشجع اكمل البارت الثاني ^^  |
|
#2
01-14-2012
| ||||
| ||||
| رد: رواية من كثر حبي لكـ كرهتكـ..( بقلمي ) وعليكم آلسلأم ورحمة آلله وبركآته حيآكِ آلمولى يآنتوشه  بدآيه موفقه وطريقة سردكِ رآئعه جدآً آسلوبك جميل وآصلي وب آنتظآر آلبآرت آلثآني دمتِ بكل خير 
_________________ . . . /، هناك أشياء كثيرة لآتُشبهني لكنها تنتمي إلي ...,   |
|
#3
01-14-2012
| ||||
| ||||
| رد: رواية من كثر حبي لكـ كرهتكـ..( بقلمي ) منوورهـ ي الغلا ججاري كتاابةة البارت الثاني |
|
#4
01-15-2012
| ||||
| ||||
| رد: رواية من كثر حبي لكـ كرهتكـ..( بقلمي ) يجنننننننننننننننننننننننننننننننننننننننننننننننن نننننننننننننننننننننننننننننننننن كملي يا حلوووووووه وربي حلووو مرراااااااا مراااااااااااااا بلييييييييييييييييييييييييييييز كمليها وباسرع وقت >> ما اتحمل انتظ  تحياااتي واشوااقي تقلي مروووري
_________________ ليتني اجرح مثل باقي الناس واكسر خواطر من كسرني واقسى لكني من كثر ا املك احساس اجبر خواطر من كسرني وانسى ـــــــ لا تجرح الناس مانت خالي العلة ي شيخ قدم جميلك واترك المنة ـــــــ بعض العرب في حياتة يعشق الزلة ينثر بلاوية ويقول العرب شينة ـــــــــــ دعواااااتكم لي بليييز اختبارات نهااائية نظااام مقرراتت شوي وشويات صععععب تحياتي |
|
#5
01-15-2012
| |||
| |||
| رد: رواية من كثر حبي لكـ كرهتكـ..( بقلمي ) مشكوور والله يعطيك العافيه ننتظر جديدك
_________________  28A6672F |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| روآية ذكريآت شلتنأآ....بقلمي | رئيسة الشغب | القصص و الروايات و الحكايات قصص قصيرة و تعلم القصة story novelette | 13 | 02-23-2012 12:36 PM |
| رواية مذكرات محكوم عليه بالاعدام | thai | القصص و الروايات و الحكايات قصص قصيرة و تعلم القصة story novelette | 1 | 12-02-2011 09:29 PM |
| معلومة (الى كل واحد يريد ان يكتب رواية وتكون مشهورة ادخل ولن تخسر شئ بالعكس تستفيد) | Żệżّ0ٍ...♥ | القصص و الروايات و الحكايات قصص قصيرة و تعلم القصة story novelette | 2 | 11-21-2011 10:30 PM |
| ادخل|ي واكتب|ي ايش احلى قصة ولا رواية قريتها.... | Żệżّ0ٍ...♥ | القصص و الروايات و الحكايات قصص قصيرة و تعلم القصة story novelette | 1 | 11-21-2011 07:51 PM |
| رواية جرحني وصار معشوقي | (م.س) | القصص و الروايات و الحكايات قصص قصيرة و تعلم القصة story novelette | 4 | 11-17-2011 12:01 PM |
-الدورات
التدريبية بجامعة نجران-
العرض العادي
