Put pirated software is forbidden skimmed
protection or contains, for example patch crack KEYGEN Serial key allows for
only free programs or programs full of same company 1- يمنع منعا باتا طرح مواضيع منقولة سواء
مفيدة أو غير ذلك 2 - يمنع منعا باتا طرح أي برنامج
مقرصن منزوع الحماية أو يحتوي مثلا على باتش كيجن سيريال كراك
مفتاح يسمح فقط بـ برامج مجانية أو برامج كاملة من نفس الشركة 3 - يمنع طرح الأفلام المقرصنة أو تم نشرها
بدون علم الشركة المنتجة 4 - يمنع طرح أكثر من موضوع بنفس العنوان
سواء بأقسام متعددة أو بقسم واحد 5 - يمنع وضع أرقام الاتصال أو البريد في
عنوان الموضوع هذا مايخص قسم للبيع والشراء نعتذر مسبقا فان مخالفة ماسبق ذكره سيتم
إيقاف العضوية بدون تحذير سيتم فلترة الروابط المطروحة بشكل دائم
- مدخل : الليلة شفت إن التعب وردي ــــــ مدري ! ولكن صدق أنا شفته والصدق .. شفت إنه عدد فردي ــــــ والكذب "ريحة عطرها" : عفته . . ياصيفها : طيفك قتل بردي ــــــ والطيف لولا البرد .. ماخفته !
- مدخل خَفِي : فاقدك لي ليلتين أقصد إني فاقدٍ صَمتك وصَمتي والحقيقة خايف إني في الكلاااااااام آصير صْمتك! وإنك إنتي عن تعبّدكي بذاك الليل صْمتي!
-1- عقرب الساعة عشق ثنتين وكنـّـا بالجلسة اثنين يوم قرّب للثلاثة .. صار بالجلسة معي يمكن ثلاثة ! ياحليل الهمّ .. وافي مثل طيفك مانساني .. دايم ينوّر مكاني ومايقاطعني أبد ! بس لا جيت أتكلّم .. قال : "إسكت ياولد" وأبتسم وأسكت لأنه صار لي بحساب عمّ ! ياحليل الهمّ !
-2- بصراحة .. حالتي صارت مُملّة كل ماجيت أتكلّم قال : "بس"! وأنا سااااكت والسكوت : نصف برد .. وكُل موت ! قلت له ( لأنّي أخاف الموت ) : "يآآخي حس .. خلني آخذ نفس مابقى فيني كلامٍ تخنقه مابقى فيني سِوا شهقة وليل !
ليل ودّي أعتقه !
... وووووووو بس !
يعني حس .. وخلني آخذ نفس "! إلتفت يمّي وقال : "بس .. إسكت ياولد"!
-3- (مَـرّ هذا الحال مُـرّ) طيفها جالس قبالي ..وأنا حالي ماهو (حالي) ! قلت أبسأل طيفها عنها وأقول : "كيف حالي"! يووووهـ أثر الحال مُـرّ عيني تكتب بي قصيد .. وفمّي أضناهـ السهر ! والمشاعر .. ألم..شاعر .. يشتكي ضيم الفقر ! (مُـرّ هذا الحال مَـرّ)
-4- كيف ألمحك ياطيفها .. كيف ألمحك .؟! والمسافة : جرح .. وعيوني : كفيفة ! وحالتي .. على المحك ! كيف ألمحك .؟!
-5- و بيني وبين الجرح .. ثمّة مسافة ! وبيني وبيني : "آآهــ" أو "ياحسافة" عيوني شبعانة ظنون .. والفكر طاااح بهون ! وأفكاري منشطره إلى شعبين : "شعب قلب .. وشعب عين" شعب ودّهـ يلتهم هالطيف .. ويتناسى الدين وشعب ماودّهـ .. ولكنّه بدون إيدين !
عندما يكون الحديث عن سُمية بالتحديد ، تنفرد اللغة والتصوير ويُباع المنجا بسعرٍ "زهيد"
هبّ عطرك ياسُميّه ..على راحة يدي ! .................... وإبتدى الويل يتمايل على الليل ويميل وإنكتب ميلاد موتي .. على قبر جسدي ................ وإنمحى حلمٍ رسمته على شمس الأصيل ! وإنحنى راسي وميّل على كتف الجدي ................ وإنتشت بي ضيقة هموم نقّاض الجديل ! وإبتديت أكتب : "سُميّه .. سُميّه" وأبتدي ................. أحرج الماء وأرسم الحب فالقلب الجميل لين ماغنّيت "حالي" على صوت أجودي ....................... ضيّع دروبه .. ونزّل عقاله للبخيل ! دامني ملّيت صوتي .. ولا جا مقصدي ! .................. خلّ شعري يآصل الغضّ ويبين الدليل !
قلت "يومنّي مع الضيق .. بـ ابساط أحمدي ........... والزمان اللي جمعني .. مْعِه صعب وطويل !" قلت : "أحبّك ياسُميّه .. وحُبّك مولدي ! ................ والفرَح من بعد ماغاب طيفك : مُستحيل ! والمكان اللي عشقتيه .. فيني سرمدي ................. والزمان اللي جفيتيه .. يسكنّي ذليل ! و "الهوا" اللي كان يلعب .. بشعرك وآغدي ................. صار يخنقني ليا هبّ .. وأتمايل عليل ! ياسُميّه : ضمّي الجرح .. مادامه ندي ! ................. قبل لا يتمرّد الويل .. وعيوني تسيل ! قبل لا تفنى حياتي .. وروحي ترتدي ............. موتها ، ويجفّ صوتي .. من الليل الأليل ! أقبلي مادامني منـ..ك لك جيت آعدي ! .............. وإحضنيني دام عقلي .. معك دايم قليل !
إحضنيني .. جِعل روحي لزلاّتك : فدي ! ................ وإرسميني بسمةٍ .. عيّت لغيرك تميل ! دام ما للغير فرصة .. وملّيت العدي ................ شكّليني لو بغيتي .. بضلع ومستطيل ! بعثري شوق المولّع على جال إجهدي ! ................ وإرجعي لمّيه لا طاح من جورك عليل ! أوصليني بس مرّه .. علاشان أهتدي ! ............... وإهجريني بعدها لجل تشفي بي غليل ! بيّني لي بعض الأحيان .. بإنّي معتدي ! ............ حدّي ،، وفي بعض الأحيان خلّيني خليل ! إرسميني هادي الشوق .. وإمحيني ردي ! ................ وإكتبي مابين ضلعين صدري .. : يا..... ! دلّي الياس لجروحي .. وللروح إهتدي ! .............. وإرفعي من قدر .. قلبي ليا جالك ذليل ! غنّي من الشوق شعري .. وبعده رددي ! ........... هو بقى به للقوافي .. وشيل الهمّ حيل .؟! عجّلي من قبل تذبل على عطرك يدي ! ............... وأختنق .. والليل يغتال بي شمس الأصيل !
، /
يابايع المنجّا .. بيت الأكابر طالبك رح ودّ له منجَا ! رح ودّ له .. يمكن تلاقي لي خبر وأفداك لو تلقى ! رح ودّ له .. كيلو مطعّم بالسهر وبدمع مايرقا ! رح ودّ له .. قلبٍ معذّبه السفر حُبٍ تعب يبقى !
جتني تقول إن الفصول تغيّرت في جوفها .. وإن الورود الذابلة : غطّت على نفنوفها..! وإن الغصون اللي بكت من هجرها : معروفها وإن الوعد .. غير العهد .. وإني مـ عاد آشوفها ! ياصاحبي قبل أمس أنا كنّي من أهل البيت! واليوم تعدادي مثل تعداد بعض ضيوفها...! يا صاحبي وإن جارت الدنيا وذاك الخِلّ : فَلّ : قل للعرب تغرز بهذا الصدر كل سيوفها
... وإبتسمت ومات في جوفي طفل ! وإنجبر بالكسر خاطر : لجل أهل الطفل ! وإبتسمت ... !
سيّدي الحزن المُعظّم سيّدي مولاي : هذا همّي عبدك ولد عبدك لاجئ بوجهك .. طايعك كُل ما تأمر بـ(كُن) .. يكون وانت تمون ! لكن جرحي .. ضايعك ! يشكي من الليمون .. وعيون أهل الشام ! وعيون أهل الشام .. كيف تمون .؟!
سيّدي الحزن المُعظّم سيّدي مولاي : هذا همّي عبدك ولد عبدك جالك ويأمل بالرضى ـــ ولا إنتصف لرضاي ! وأنا أعرف الواقع لظى ـــ أُنهِكت يامولاي .!
ياسيّدي : ملّيت من دربي ـــ دايم يضيّعني ! حتى أكلي وشربي ـــ للجوع تدفعني !
ياسيّدي : قبل أمس مر الصيفـــ بارد ولا به حرّ ! حاولت أدفيني ـــ وأقفى مثل ما مرّ !
صوّت له : ياصيف ياصيف لا تمشي ! باقي معي لك وقت مشتاق لك رمشي ..!
ناظر عليّ وقال : طلال .. حالك "حال" ... مابيني وبينك طلال .. "حالك" حال ... مابينك وبينك !
ليه رحت وليه جيت و وين رحت ووين جيت
كلها اربع ثواني ويمكن (إ)تسمى حروف قلتها لك ثم غفيت بعدها صديت تبتعد ويـّـا الثواني عن عيوني لين جيت وقلت لي : مشتهي تاكل حروف .؟! وتكبر أكبر ! وكل حرفٍ فيك يصبح فيني أشعر ! قلت أنا لك : مشتهي آكلك كلك وآكل حروفك معك لين ما عيني تحرر من قيود الصمت وطعون السؤال لين ما انسى كل همٍ من قلوب الناس زال ايه زال ومن سنييييين ومن سنين إحتلنا ومازال بين قلبي والحديد الحديد اللي بكى منه الحكي "والحكي كله قصيد وإن سكتنا قصـ .. ايد"
قصـ .. ايد ودمع
دمع عين ودمع أرض ودمع شارع ودمع معنى في جبين الحرف خاشع
شفت كيف الدمع ويّـا الهم عاني جايلي كله حماس ومندفع لجل يغتال الأماني والأماني قبل وصله ميّته مابقى منها سِوا أربع ثواني ويمكن (إ)تسمى حروف وعمرها بيديك حبيبي ! بثّ فيها الروح رد خل همي يبتعد
الفجر سافر والسما زفت الياس ..........والفُجر سافِر والمسا ذل عيني . ياضيقة البارح لكي داخلي ناس ..........مدري أجي ولا وطنكي يجيني . ياطاولة همي نزح عنكي الباس ..........وأمسى القلم يحمل تلاشي يديني . أعيش؟ أحاول؟ كيف والليل كراس؟! ..........والنور لاجيته طفى مايبيني . ياسيدي شفني على الضيق نبراس ..........ترثي يساري كل يومٍ يميني . سريت في ليل الغرابيل عساس ..........أشيل هم عيون ماترتجيني . إحساس؟ لاوالله ماعندي إحساس ..........غير الشقا والحزن ودموع طيني . لاقلت أبفرح صب في عيني عماس ..........والفرح لاجاني ولا لد فيني . كن الحنان الويل وأفكاري أنفاس ..........طفله بكت فوق الرصيف تهجيني . فوضى شوارع والبلد صابه نعاس ..........وأنا على وسط البلد جت سنيني
. والبارحة يوم أغلب الناس نعاس ..........أتعبت قافي لين ندا جبيني . يامترفة يافاتنة يا أم الألماس ..........يابنت عم الورد ياراحتيني . مروا على مفتونك أشكال وأجناس ..........لكن غيرك ماقدر يحتويني . آخذ مشاريب العتب منك لاباس ..........وآعز جفني لو تزايد ونيني . آصبها في كاس وآصبني كاس ..........وآقول كاسي للكسر لو تجيني . واليوم يوم إن الفرح فيني إنداس ..........أبنكتم وأكتب على ظل عيني : . كيف أتنفس والهوا ذل الأنفاس ..........ووشلون أموت بدون لا تقتليني . كيف أبتسم يوم السما زفت الياس ..........والفرح لاجاني ولا لد فيني ..
الشاعر : طلال بجاد اتمنى ان تكون أمسيّة مصغرّة لتقرأوا بكل هدوء إستمتعوآ يَ أحبّة الشعر
01-14-2012
ياحليل الهمْ وافي / طلال بجاد 
.........
المواضيع المتشابهه 
-الدورات
التدريبية بجامعة نجران-
العرض العادي
