اشياء ترفع الضغط...

الأشياء اللي ترفع الضغط كثيرة ... ومنها مايلي:




* أنك تشرب ببسي حار



* أنك تعطي أخوك سيارتك ... ويرجعها والتانكي فاااضي




* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه



* أنك تدخل المسنجر .. وما تلقى ألا اللي ماتبيهم اوماتلقى احد





* أنك تناظر مباراة على الأي آر تي وأنواع الحماااس وفجأة ينقطع الاشتراك



* أنك تلعب كوره وأنت حافي .. وتشوت غطا البياره




* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار




* أنك تعطي جوالك لواحد ويرجعه لك والرسايل محذوفه




* أنك تقوم من صباح الله وتروح للجامعة تمشي مليون .. وتلقى الدكتور معتذر


** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون




* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه




* أنك تكتب موضوع طويييييييل .... وأذا جيت ترسله يختفي.. مدري وين يروح




* أنك تغص ولاتلقى أحد يطق ظهرك


* أنك تشوف فـلم .. وواحد جنبك يقولك القصة




* أنك تمسك خط وفيه ذبان >> (ذباب) بسيارتك وأنك تفتح الدريشه ولا يطلع




* أنك تاكل مثلوثه بارده




* وانت بالطيارة يجيك الحمام "الله يكرمكم" !!!!!!!!!!!!!!!!!!!!!!!!!!!!!!!!!!!!