ياوقت وش تخفيـه داخـل معمـك
ويش الذى تخفيـه باقـي ولا زال
وياشعر وش خليت من شان أتمـك
وأنا أكتبك بإحساس نبضي والافعال
نقيت جـزلات الحـروف بمجمـك
وخليتك الشاهق على راس ما طال
وأهديتك اللى صار .. جرحك وغمك
اللى قطّع فى وصلك أسباب الارسال
وين أنت ياللى تلفت العيـن يمـك
ياللى وصوفك غير عن كل الاشكال
شعرك .. عيونك .. غير خدك وفمك
تجعل رزين العقل فى حالة أهبـال
العـام تفدانـى بخالـك وعـمـك
وتمد حبـك بـنٍ أشقـر بفنجـال
واليوم توه ..بيّـن الوقـت ذمـك
أثر الهوا فى دنيتك لعبـت أطفـال
ما بيّن بعينـك علـى كثـر نمـك
شيٍ كتبته فيك وأصبـح كالامثـال
الغيـم نزلتـه بحرفـي لشـمـك
وخليتك عن الكل بالوصف تختـال
وأهديتنى عقب الغلا كـاس سمـك
وعلمتنى وشلـون هالوقـت ميـال
ما تذكر اللى عن همومـك يضمـك
وأهداك نبض الشوق دبله وسلسال
تدرى فـوادٍ كـان شوقـه يلمـك
أهديتلـه خنجـرك والغـدر قتـال
وشلـون طبعـك للمفـارق يزمـك
تبغي الصراحه ما بقي شي ينقـال
لو كان إبه قطرة حيا وسـط دمـك
ما كان تنشد وأنت غايـب ورحـال
تقول كيف الحـال وشهـو يهمـك
وشهو يهمك لاأجل تنشد عن الحال
مـدام جنـيٍ الـمـوادع يخـمـك
إما تركتـك جنـب مانيـب رجـال

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي