* قالت: "من سنتين وأنا ادخل الانترنت وكل اللي يطلعون في المحادثات والمنتديات والبريد الالكتروني كلهم عزاب..؟!"... معقولة الديرة كلها عزاب أجل وش حفلات الزواج وأرباح "الطقاقات" اللي تنافس أرباح الشركات المساهمة، وأماكن العوائل المزدحمة في الدمام وجدة والخبر والمدينة والطائف؟.

معقول كلهم عزاب؟؟ والغريبة ان أكثرهم إذا سألت: من وين الأخ؟؟ قال من الرياض! عشان كذا ما عندكم في الرياض أماكن عوائل كثيرة، وودهم يقفلون المقاهي من شكاوى الآباء والأمهات وشكوى المتزوجين اللي ساكنين جنب المقاهي وما يقدرون على النوم من صوت الأجهزة والتصفح والآهات...؟".

قال: عندنا أكبر معدلات زوج وإنجاب سنوية في العالم... وعندنا نسبة طلاق كبيرة في المملكة....؟.

قالت: "لا يا شيخ.. يعني انت مصدق كلهم عزاب وعلى أبواب زواج ويدورون بنت الحلال... من أول ما يظهر اسم بنت على الشاشة في أي غرفة محادثة إن شاء الله في موقع صيني، تلاقي الشباب ترتيب وذوق في البداية وكل واحد ينسج ويركب سبب أو قصة عشان يتكلم... شوي ويخطب بنت الحلال اللي ما يعرف عنها إلا الاسم..؟ معقول وش هالطفاقة..؟ حتى المستخدمين اللي تشوف مشاركتهم ثقيلة على المنتديات وكلها نصائح "ما شاء الله" ما ألحق ارسل لهم رسالة إعجاب وتقدير بالمشاركة والتعليق اللي هو كاتبها، إلا وتوصل رسالة اليوم الثاني أحيانا بالألوان من الأخ فاهم غلط.. يحسب الإعجاب بشخصه الفاضل... ويبدأ في ارسال مرة شعر.. ومرة نصيحة.. وتلميحات تجيب الحسرة... وين الثقيل اللي مستلم الناس على المنتديات لا يغلطون أو يزلون...؟ كلهم عزاب حتى الثقيل..؟".

قال: "تعرفين اختيار الزوجة ما يكون سهل... اقصد... كيف ممكن الواحد يوصل لزوجته وشريكة عمره واللي لازم يقابلها ليل نهار ويكون السواق والمدرس والزوج والاسعاف والمحامي... كيف يعرف تفكيرها وقدراتها على التربية والمشاركة أو المساهمة في المشروع الدائم.. إلى متى أمهاتنا واخواتنا ما لهم شغل إلا خطبة فلان لفلانة.... ويمدحون فلانة... وذيك البنت عليها جمال، ولا تفوتك بنت فلان تراها "سنعه"... حتى الاسم ما يعلمونا فيه إلا إذا وافقت؟ وذيك ساعة من اللي يقدر يتراجع بعد ما وصلنا "للرجاجيل" وحكينا معهم... وفي النهاية هم اللي يختارون لي سعيدة الحظ، كأن ما لي طلبات غير ومختلفة عن أمي واختي وحريم العائلة الله يحفظهم... هم ما يقصرون بس لهم فكرة غير...؟!

قالت: "والطريقة الجديدة اللي تحكي عنها من الاسم؟... والاسم المستعار اللي ممكن يكون صاحبه تمساح... قل كلام غيره...!".

قال: يعني كيف.... لازم "اتوهق" بنفس طريقة اللي قبلي؟.

قالت: "إلا عندك احصائية عن العزاب في المملكة ونسبتهم بين مستخدمي الانترنت.... يمكن نفهم..؟!.

قال: "لا... من وين أجيب هالاحصائية... بس أكيد ان العزاب طايرين بالبنت أكثر من المتوهقين... اقصد المتزوجين؟".

قالت: "ما اعتقد.. صاحبتي مدرسة ومتزوجة ومن كثر الزوج "ىقفل" على عمره قدام النت وهي "بالشه عمرها" بالتصحيح والتدقيق على حركات وهمسات وانفاس الطالبات.... فجأة انتبهت... الصدق.. نبهتها واحدة (كالعادة) لسالفة قفلت الباب... حاولت تناقش زوجها وتفهم وش علاقته العملية والعلمية بالانترنت كل هالوقت الطويل...؟".

واصلت: "إلا تحقيق واكثر... تعرف انها بعد ما عجزت عن الوصول معه إلى نتيجة بدأت في اجراء مسح شامل على الحارة وحارات ثانية بمساعدة المدرسات.... مسكينة ما قدرت تطلع بعدد المتزوجين والعزاب في حارتها أو الحارات المجاورة.... لكن طلعت باحصائية للمتزوجين اللي يقفلوا أبواب الغرف والمكاتب والسيارة وهم يكلمون.... عفواً.. اقصد يستخدمون الانترنت...؟".

سألت: كنك أمس قلت انك "سنقل"....؟

رد: أمس كنت "سنقل"..... اليوم مقفل الباب وقدم الجهاز اصرف على شركة الاتصالات..؟



منقول

_________________
اول مواضيعي بعد الرجعة


قصتى وانا حامل +18 الراشدين فقط

هلا / أبو عادل

بس أنا متزوج


ويعطيك العافيه


ولك تحياتي


الفنان

_________________

نعنبوها شركة ابو تلفون والله لو انها زوجتي ماصرفت عليها كذا

والله حاله

مشكور اخوي ابو عادل بصراحه كلام واقعي وبأسلوب هزلي

تحيااااااااتي

_________________

نسيت ما اقول اني حتقوز

بس بعد ما اطلق شركة ابو تلفون

ملاحظه

شركة ابو تلفون = شركة الاتصالات

للتنبيه فقط

تحيه من تحياااااااتي

_________________

الله يعطيك الغافية اخوي الفنان

اخوي ناصر الف مبروك مقدما ومنك المال ومنها العيال