|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
07-18-2007, 11:57 AM
| ||||
| ||||
| ()()<<الكاميرا الخفية>>()() عزيزي و عزيزتي .. هل سبق ان شفتوا واحد يمشي في أمان الله ما يدري الا باللي يجلده و يصفقه و يستهبل عليه .. بعد دقيقتين هالمجلود يضحك له هل شفتوا حرمة تمشي في السوق ماتدري الا شنطتها منسرقه و لين مسكت الحرامي تتشقق له لا تستغربون ان صار ما ذكر آنفا ( افصخوا قبعاتكم احتراما لو سمحتوا ) الحاصل لا تستغربون ان صار وراها برنامج يقالها الكاميرا الخفية طبعا الكاميرا الخفية من قوة انتشارها صارت كل ديرة عندها كاميرا خفيه حتى حنا يالسعوديين طلعت لنا كاميرا خفيه أبطالها ماهر الطويل وذاك الممثل اللي دايم بدور خياط هندي كلن عنده كاميرا خفيه .. الا اللهم السودان الظاهر ما بعد وصلتهم او ان ما فيهم حيل يسوون كاميرا خفية يكفي هالاغاني اللي يعرضونها على قناتهم برامج الكاميرا الخفيه لها متابعين كثار على حسب كل برنامج طبعا .. فيه برامج ما احد يصدقها تكون مبالغ فيها يعني يجي الممثل لابس لي باروكه صفراء وينزل يستهبل على خلق الله هذي ينشك فيها .. و بعضهم يصير تمثيل باتفاق الطرفين و القليل من هالبرامج تكون صادقه و مافيها تمثيل نجي لبعض برامج الكاميرا الخفيه اشهرها زكيه زكريا قام الممثل ابراهيم نصر قلب نفسه حرمة يقالها زكية زكريا حرمة صعيديه مشهورها بمقالبها ولين الحين نذكر تعليقاتها يانجااااااااااااااتي انفخ البلالين عشان عيد الميلاد و بخخخخخخخخخخخ بخخخخخخخخخخخخخ و كشكشها ما تعرضهااااااااااااااش و عاوز نزيييييع نزيييييييييييع هالبرنامج حقق نجاااااااااااااح كبير وكلن تابعه لدرجة ان هالممثل طلع له فيلمين عن زكية بس مانجحوا صادوه أول جزء من صادوه كان مع الفنان محمد الصيرفي و كان فكرته ان يسوي مقابلة مع فنانين و مذيعيين و و و المقابلة بأسئلة غريبة .. وفي الأخير يطلع مقلب ومن اول جزء طلعت اخبار تكذب البرنامج زي طارق العلي وعبدالناصر درويش و غيرهم صرحوا انهم عرضوا عليهم فلوس مقابل تمثيل المقلب حتى في قرقيعان استلموا حلقة حسين عبدالرضا يوم بيذب الصيرفي و قام طلع جواله قبل لا يطب المسبح خخخخخخخخخخخخخخخ و كانت أشهر حلقة في صادوه حلقة حليمة بولند واللي عرفت الناس بها من جملة ( امبييييييي ابي امي ابي ابوي ابي ريلي ماني قااااااااااادرهـ ) بس الغريب انه في اجزاء صادوه الأربعة دايم تنصاد هل هالشي استغباااااااااااااااااء ولا استغباااااااااااااااااء و لا انها تدفع ضريبة الشهرة لهالبرنامج خخخخخخخخخخ طبعا كالعاده الشي في أول جزء أفضل شي لان الاجزاء اللي بعدها جت مكررة و باين التمثيل فيها و غير كذا نفس الشلة حقت سكوب سنتر دايم ينصادون Gags مواقف كوميدية طريفة << ياشين النسخ واللصق لا جد هذي مواقف اغلب القنوات يعرضونها علينا بس فنون متووووووووصية فيها المواقف من جد متعوب عليها و مضحكه و يجيبون افكار حلوه ولا فيه طق و طقيق و نفاخ زي حقينا .. لا بكل روقان حتى ردات فعل شعبهم هناك انواع البرود احيانا ما يتكلفون لو بابتسامه و يمشون يكملون طريقهم ما يهتمون اوب مثلنا ماننتحارش وفيه برامج تعتمد على المواقف الطبيعيه اللي تصير بتصوير كاميرات الناس .. يسمونها هوم فيديو يعني لو تصورون بكاميراتكم و لقطتوا لقطه مضحكة ترسلونها لهالبرامج و ينشرونها عاد كالعادة الأجانب مطلعين هالبرنامج أذكر كان يقدمه الأبو اللي في فل هاوس وبعدها ما بقى أحد ما قدم هالنوع من البرامج من دريد لحام الى أمل عرفة إلى سماح إلى عبير شمس الدين و و و و و وكل رمضان يطلع لنا مقدم جديد بس نفس المضمون محليا .. وفي قناة المجد .. صار بوه كاميرا خفيه في برنامج بواري فيه فقرة يروح واحد لمطاعم ولا محلات ويستلمهم حيلهم بينهم فكرته جديده .. بس مايندرى هل هو صدز ولا تمثيل يجيبون ضيف على أساس مقابلة معه بعدين يجيبون صديق له .. و يقعد يستلمه حش و نفي الشي يجيبون رأي الجمهور كله سلبي و بعد المقابلة وبعد ما تقفل مع الضيف يكشرون عن أنيابهم ويقولون معاكم الكاميرا الظريفة الجدير بالذكر ان اطلق مافي هالبرنامج ان مقدمته يغنيها و يطل فيها احمد حسين الحاصل .. تعددت الكاميرات و المعنى واحد طلعوا دفاتركم و استلموا الاسئلة 1/ هل أنتم من متابعين الكاميرا الخفية ؟ 2/ ان كان الجواب ايه اذكروا السبب .. وان كان لا اكتبوا السبب و ان كان جوابكم نص ونص اكتبوا السبب وفي كل ابو الحالات اكتبوا السبب ؟ 3/ وش أفضل برنامج تابعتوه ؟ و سلامتكم
_________________  التعديل الأخير تم بواسطة أبو سعود20 ; 07-18-2007 الساعة 11:58 AM سبب آخر: ؟؟؟ |
|
07-18-2007, 12:54 PM
| ||||
| ||||
| رد: ()()<<الكاميرا الخفية>>()() هل أنتم من متابعين الكاميرا الخفية ؟و ان كان جوابكم نص ونص اكتبوا السبب وفي كل ابو الحالات اكتبوا السبب ? أنا نص و نص .. أحب اتابعها و ما احب  وش أفضل برنامج تابعتوه ؟ ما اتذكر خخخخ لا عندك الكاميرا الخفية الكندية مرة حلوة .. افضل من العريبة بهذا الشئ العريبة بس خبط ينقل للقسم المناسب .. ,,
_________________ شكرا لكل اللي سالوا عني 11 - 7 - 2009 |
|
07-18-2007, 06:15 PM
| ||||
| ||||
| رد: ()()<<الكاميرا الخفية>>()() / هل أنتم من متابعين الكاميرا الخفية ؟ لا بس أذا لقيته قدامي ناظرته 2/ ان كان الجواب ايه اذكروا السبب .. وان كان لا اكتبوا السبب لأنه يضحك هههههههههههههههههههههههه و ان كان جوابكم نص ونص اكتبوا السبب وفي كل ابو الحالات اكتبوا السبب ؟ خلاص قلت يظحك ما تفهم <<<ياويلك عصبت عليك 3/ وش أفضل برنامج تابعتوه ؟ أيه صادوه وطميمشه منيمشه على ما أعتقد أدري ان السم غلط بس أكيد عرفته هاه حليت الأختبار خخخخخخخخخخخخ |
|
07-18-2007, 11:38 PM
| ||||
| ||||
| رد: ()()<<الكاميرا الخفية>>()() بنت أبها: ما قد سمعت فيها (الكاميرا الخفية (كندا)) رجاوي: اهم شي ماتعصب هههههههه ايه ماشا الله عليك حليته بس عندك غلط بسيط غلطت عالمدرس (لأنك عصبت عليه!!!)
_________________ |
|
07-19-2007, 12:00 AM
| ||||
| ||||
 رد: ()()<<الكاميرا الخفية>>()() والله انا احب بعض الكاميرات الخفيه واتابع بعضها والسبب لانها ممتعه ومسليه وتخلي الواحد ينبسط ويروح عن نفسه افضل البرامج اللي تابعتها طيمشه نيمشه بس برضو انا ما تابعت كل الحلقاااات
_________________ عاشقة الاحمر  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
