مساالخير يافراشات وسحالي المنتدى
انا في هذا المقام وبالنيابه عن نفسي وعن بنات جنسي بعلن عن مظاهرتنا اللي سويناها في المنتدى بس جوهر منع التغطيهالاعلاميه وقفل المنتدى يوم
خلاص انا بعلن الحرب <<<<<<<اخس يالارهابيه
هذي صوره للمظاهره اللي صارت


ايه خلاص ملينا ذل ومهاااااااااااانه ومدري وشو بعد
انا برفع رايات العصيان والمعارضه عليكم يالتماسيح والجرابيع
كل شي للتماسيح مسموح وحنا كل شي محرم علينا
مرمر بعد عمري امس جلسة تشكيلي وتصيح تقول انا من زماااااااان وانا اترجاهم يفتحون لنا قسم بالملاعب نشجع فيه بعبينا ولو يكون مسكر بقزاز مايضر بس نحس اننا قاعدين نشوف مباراه قدامنا حيه
طبعا محد جاب خبري انا وطلبي وللحين عندي امل وكل ماامر على استاد محمد بن فهد اقول هذا قاعه عرسي ان شالله حتى سواقنا حفظ هالاصطوانه وصار يتحمد ربه كل مامرينا عليها ويقول هزا مهل زواج انتا هاهاهاهاها<<<<عقب ياهلاندونيسي يتطنز بي بعد <<<<<<<الله لايلومه بلاه داري ان ماعندتس ماعند جدتي ولو اشوف بعارين الثمامه ترقص ديسكو مافتحوا لكم ملاعب
وبعدين وش حنا ناقصين يومنا مالنا انديه كوره؟ هاه وش ناقصين؟؟؟
من يومني بزر وانا احن على اهلي يسجلوني بانديه ارامكو للكوره وتسني احاتسي لي جدار وياني اتحقرص من القهر اذا رحت مع اخواني في مبارياتهم وشفت هالبني الامريكيات يلعبن وانا مغير اشجع لا وياليت تشجيع سنع
الحين وش زودي عن هالبني الامريكيات مازادو علي بشي كلنا ركبنا بيضا
ياقلبي عليك يامرمراثرك تعانين

بعدين ليه حنا حرام علينا نسوق مثلكم اشمعنى انتم يالجرابيع هايتين يهالشوارع اللييييييل والنهار؟؟؟
واذا درى احد عني اني طالعه مع صديقاتي لحالنا لسوق والا مجمع نتمشى
هيييييييييييييييييييئ
ماتستحون عيييييييييييب بنات لحااااالكم؟؟؟
انا عندي لكم حل جا الوقت اللي نسوق فيه يعني يمنعوا سواقة التماسيح 20سنه وتصيرالشوارع للسحالي وبس
لا وبعد نبيهم يصبغونها وردي وتغيير بشكل جذري للسيارات لانها ماتناسب انوثتنا
لااشوف احد يفتح فمه يكفي لكم 100 سنه وانتم تسوقون وحنا ساكتين وصابرين
محرومين من اشياء كثيره حرام مانكسر خاطركم والله اني بديت اكسر خاطر روحي
فمن هذا المنطلق انا اححححححححححححتتتتتتتتتتتتتتتتتتتج
واقول لبنات جنسي اشهروا سيوفكم واسلحتكم واظافركم وانيابكم في وجه هذا الظلم والعدوان
لالالالالا مستحيييييل نسكت على كذا خلاص من بكره القى الملاعب مفتوحه والانديه موجوده والسيارات مشغله بس تحترينا نركبها والخير قدام يالتماسيح
هذي البدايه وبابدأ استقبل طلبات الفراشات اللي بيشاركون في المظاهره والحرب على تماسيح المنتدى
انتهى :بنت شمرررررررررر

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه