ياشين الجرح ...

الا ياللي جرحت القلـب ثـم زدت الطعـون طعـون
لـك الله مــا ذرف دمــع العـيـون الا عـلـى شـانـك
صحيح الجرح من غيـرك علـى قلبـي تـراه يهـون
ياشيـن الجـرح مـن خـل ٍ عزيـز ٍ صنـتـه وخـانـك
انـا اللـي كنـت احبـك حـب مثـل الهايـم المجـنـون
وانا اللي كنت اغار اصلا عليك اكثر مـن اخوانـك
وانا اللي كنـت احسبنـك حبيبـي وسـط هـذا الكـون
وانا اللي كنـت اشيـل همـوم قلبـك وابعـد احزانـك
وانا اللي كنـت اشوفـك فـوق والعالـم ولا يسـوون
واحــب الـلـي تحبـونـه واعـــادي كـــل عـدوانــك
وانـا اللـي كنـت اداري خاطـرك وادلـلـك بالـهـون
ولا اصـــدق كـــلام الا كـــلام ٍ يـنـطــق لـسـانــك
وانا اللي كنت اشوف من البشر مليون لـون ولـون
ولا افـكـر احـــب انـســان لان الـقـلـب مسـكـانـك
وانا اللي كنت اقول الشعر ابك والناس مـا يـدرون
كـتـبـت بـــدم شـريـانـي ولا هـــو بـــدم شـريـانـك
عطيتك حبي الصـادق مشيـت اعمـى بـدون عيـون
عطيت احساس شاعر يعزف اوتاره علـى الحانـك
احسبنك معي صادق علـى وضـح النقـا مـا تخـون
علـى العهـد القديـم الـلـي مـعـاي وبــرت بايمـانـك
وحسب اني حكمت احساسك الكاذب واثره ضنون
وذلحينـه مسحـت اسمـك عـلـى رقـمـك وعنـوانـك