 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-31-2007
| |||
| |||
 في ليلة عرسها تبكي .. قووووووويه بسم الله الرحمن الرحيم السلام عليكم ورحمة الله وبركاته في ليلة عرسها تبكي .. حزينه وقلبها يحكي .. يقول الحمد لك ربي على كل حال .. على الصحه .. على النعمه .. على قلبٍ شكى همه .. وصبرٍ طال .. تجيها أمها وتقول .. خلاص يا بنيّـتي إنسي .. قوّي قلبك الحاني وإقسي .. نصيبك هو نصيبك .. ما بيدينا شي .. ولو كان الله كاتب لك حبيبك .. ما وقف في دربكم شي .. تجاوبها .. أبي أعرف .. أبوي شلّي استفاده الحين .. ؟! لو ذابحني كان ابرك .. وزوجي .. اش ذنبه المسكين ؟ يعيش باقي العمر .. مع جثه تتحرك ! عليك الله يا يمّه .. قوليلي اشلون اضمّه .. ؟! واذا ودّه يكلمني .. وشاف دموعي فـ عيوني .. قولي اشلون اكلمه .. ؟! واذا ناداني بإسمي .. وانا أخطيت في إسمه .. يا ترى وش موقفه مني .. وهو يسمع اسم غيره ؟!! تجيها أمها وتقول .. خلاص فضيها من سيره .. خلاص يا بنيّـتي إنسي .. قوّي قلبك الحاني وإقسي .. نصيبك هو نصيبك .. ما بيدينا شي .. ولو كان الله كاتب لك حبيبك .. ما وقف في دربكم شي .. بقولك شي يا يمّه .. وخليها من الأسرار .. أبكتب له رسالة شوق .. بشاكيه الألم والعوق .. عقب ما أنتهي منها .. بكل الحرص أرسليها .. وخبيها عن الأنظار .. وابي منّك وعد صادق .. توصليها لذاك المغرم العاشق .. وبعد ما يوصلك ردّه .. على طول بلغيني بآخر الأخبار .. ربع ساعه يا يمّه .. عطيني بس ربع ساعه .. أبكتب له عن اللي طفّى ما في القلب ولاعه .. أبكتب له الين دمع القلم ما يجف .. تعالي بعدها واستلمي ما في الظرف .. وكتبت من حزنها ابيات .. تقول فيها .. سلاماتي .. تحياتي .. وأشـواقـي الشديده .................. على اللي روحه قبالي .. وأنفـاسـه بعيده على اللي افترقنا غصب عن عينـي وعينه .................. بعد ما كنت انا وهو نحلم بلحـظـه سعيده بعيش بغربتي لحـالـي .. وهـو الله يعينه .................. يكمّل نصفه الثاني .. ويلـقـى مـن تريده مثل ما قالت امـي .. مـا لـنـا إلا قدرنا .................. والا مـن زمـان المفتـرض إيـدي بإيده يسامحك الله يالوالـد .. علـى عمـرٍ قتلته .................. بعد ما ماتت ابنيتـك وش اللـي بتستفيده ؟ أنا آسفه على اعذاري .. وربي غصب عني .................. نعم بتزوّج فلان .. بس بعيش عمري وحيده محّد ممكـن انّـه يملا عيـونـي بدونك .................. تذكّر كلمتي هـذي .. أنـا فـ حبّـك شهيده تذكّر كلمتي أرجـوك .. لأنهـا مـن فؤادي .................. فؤادي اللي ذبحوه اليوم.. وطعنوه فـ وريده تذكّر كلمةٍ فيهـا شـعوري ومـا طـرى لي .................. أنا فـ حبك شهيده .. وذي ترى آخر قصيده وجتها الوالده عندها .. وهي تحاول تغض الطرف .. وتسألها .. وش اللي بداخله هالظرف ؟! أبيات .. هي أبيات .. لحبٍ من حياتي فات .. لحبٍ من حياتي طار ... بسرعه ارجوك أرسليها .. وهي تذرف .. دموعٍ نار .. على هونك يا يمّه .. على هونك .. خلاص اطّمني انتي .. برسل ما كتبتي .. واستعدّي .. بعد شوي بيزفونك .. يزفوني ؟!! وربي كان أهون لو يكفنوني .. !! بعد ايّام .. تسافر لاجل تقضي في فرنسا .. شهر العسل .. والمكتوب للعاشق وصل ..! وهي مع زوجها تضحك .. وهو من فرحته يضحك .. يقول افديك انا بروحي .. وبيتي .. ومالي .. والأهل .. وهي تقول اشكرك بالحيل .. لأنك من جديد .. رجّعت في قلبي الأمل .. وساعه بعد ساعه .. فرحتهم تزيد .. في الصبح يتجولون من باريس .. لحتى ليل .. وفي الفندق .. يشربون قهوه بالهيل .. بعدها يسهرون .. كل الليل .. وحانت ساعة الردة .. بعد ما طالت المدة .. وموعدهم بعد ساعات .. لاجل ما توصل الرحله على أرض الدمام .. وأول ما وطوا أرض المطار .. من الفرحه بكوا .. واستقبلوهم أهلهم باحضانهم .. سلامات .. سلامات .. عساكم بس تهنيتوا .. يجاوبهم ... الله يسلمكم .. والحمــد لله الهنا في حجرنا بات .. تطير البنت ناحية أمّها .. اشتقت لك حيل يمّه .. وهاتي حضنك الدافي .. ترى مشتاقه أضمّه .. وعلميني عن احوالك .. عن اخبارك .. عساك بخير ؟ بخير يا بنيّـتي .. دامك بخير .. بس ما سألتيني .. ؟! خير يا يمّه .. خير ؟! نسيتي إنك ارسلتي رساله .. قبل ما ترحلين بخير وسهاله .. ؟! صحيح ... توني تذكّرت !!! أرسل لك جواب ..؟ بعد ما ارسلتها .. صرت انتظر منّه خطاب .. ومرّت ايام وليالي وساعات .. بعد مدّه .. شهر أو يمكن شويه يزيد .. لقيت نفس الرساله .. عند صندوق البريد .. تقول : لم يقرأها أحد .. !! قلت بنفسي اتأكّد .. وصلت لباب منزلهم .. وكلّمني اخوه محمد .. عرفتي ليش ما في حد .. قرا الابيات .. ؟! في نفس اليوم لي إنتي تزوجتي .. وكنتي حيل مغتمّه .. حبيبك ما قدر يتحمّل الصدمه .. مع كل الأسف ... مـــات !!! منقوولهــ  انتظر رايكم حبايب ,,  |
|
#2
07-31-2007
| ||||
| ||||
 رد: في ليلة عرسها تبكي .. قووووووويه من جد موثره وفيني غصه يعني ودي ابكي حرام واااااااااااو تقطع القلب مشكوره اختي على ها القصيده
_________________  |
|
#3
07-31-2007
| ||||
| ||||
| رد: في ليلة عرسها تبكي .. قووووووويه يؤؤؤؤؤؤ عشت انا القصه لانها لاسف احصلت لي اه بس مشكوره اختي |
|
#4
07-31-2007
| |||
| |||
| رد: في ليلة عرسها تبكي .. قووووووويه بعد مايقارب أسبوعين سأفارق حب حياتي لأتزوج من آخر قولوا لي وش أسوي عشان يخفف الصدمة لأني أحس الآن أعيش مرحلة اللاشعور ومدري كيف بفارق رفيق سنين طويلة |
|
#5
07-31-2007
| ||||
| ||||
| رد: في ليلة عرسها تبكي .. قووووووويه ا الله يكون في عون كل مفارق مشاعر مؤلمه بحق
_________________  الشكر كله للمهاجر سعد على التوقيع |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| ##فتاة تبكي في ليلة الدخله..ادخل لتعرف السبب ## | مملكة الإحساس | القصص و الروايات و الحكايات قصص قصيرة و تعلم القصة story novelette | 11 | 01-31-2011 07:24 PM |
| ... جواهر وولد عمها ناصر ليلة زواجهم ..... | ق ن ص 20 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 4 | 01-07-2008 02:38 PM |
| اقصوصه عن احلى واغرب ليلة دخله لا تفوتكم | اللهم برضاك ملكني العاالم | ممنوع مخالف مكرر | 7 | 07-14-2007 08:08 AM |
| بدوووووووووون خجل.. هل تفعلنها لو طلبها منك ليلة الدخلة( قصة قصيرة بس مررررررة حلوة) | الحلوه دلع | ممنوع مخالف مكرر | 9 | 07-06-2007 01:10 AM |
| شخص استطاع معرفة ليلة القدر لهذا الشهر ::: هام::: | القارب الصغير | الخيمة الرمضانية مسائل فتاوى الصوم والصيام | 17 | 07-01-2007 11:57 PM |
-الدورات
التدريبية بجامعة نجران-
العرض العادي
