 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
12-25-2002
| ||||
| ||||
| مصطلحات حساويه تعرفون كل منطقة عندنا بالسعوديه لها مصطلحاتها و لحجتها الخاصه .. اللي اذا سمعتها وانت مو من نفس الديره والله ما تفهمها يعني مثلا اذكر مره كنت معزومه عند ناس من اهل الجنوب .. و يوم رحت عندهم .. كانت جدتهم الله يطول بعمرها عندهم< يمكن ماتت الحين ما تدري عنها والله كانت تسولف ونص حكيها ما افهمه المهم زبدة الموضوع ....... اني اليوم جابيه بعض المصطلحات حق منطقة الاحساء اتحدى اللي مو حساوي يفهم شي ......... خخخخخخخخخ اشذاذا....... ايش هذا ؟ منطول....... مرمي يعني مجدوع بالارض مغتلق ..... ضايق صدره امحق ....... امممممممم والله مادري كيف اشرحها بس يقولون امحق عليك ... يعني مالت عليك موَقل ...... يعني على شفا حفرة من النار.... يعني متردد دهريز ..... مدخل البيت حويجة..... تصغير حاجه مقاقة.... امممممممم شلون تنشرح هذي..... يعني يقولون ماعندها مقاقه على البزران .... يعني مالها خلق على البزران زط ..... يعني مشفوح على الاكل حمولة.... يعني قبيلة.. يقولون هذا الولد ولد حمولة يعني ولد قبيلي طبينة... هذا اسم ريحة النخيل اذا حرقوها ...... والله ريحتها رهيبه تراشي ... حلق الاذن معاضد.... اساور شحقة....يعني ايش حقه هذا يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه :p هطفة ... يعني مررررره طويل زهبه.... يعني بسرعه ينجب... اممممممم يعني يقولون انجب الغدا يعني حط الغدا طرطور... ماعنده شخصيه فريج.... يعني الحي اللي ساكن فيه الله يغربلك..... هذي سبه:rolleyes: رياري....... يعني سعابيل ... لعاب< بالعربي الفصيح انطم..... يعني اسكت ازعق .... يعني اممممم يقولون ازعق له يعني ناده سكَان .... يعني دركسون السياره مطيور.... يعني خبل مو عاقل ودج.... عكس مطيور يعني يقولون للمطيور صير ودج يعني صير عاقل خخخخخخ:p ألمَك.... يعني أضمك .... (اخمك بالقصيمي خخخخخ ) متحنجة.....يعني متحجبه ......لابسة شيلتها الموسدة..... يعني الوسادة سمادة .... حظيرة الحيوانات عصقول .... الضعييييف مررررررره منتفج.... عكس عصقول يعني الدببببب لاك.... يعني اممممممممم يعني مثلا تقول هذي الجزمه لاكه علي ... يعني ضاغطه علي ( وانتوا بكرامه ) :p جغم ......يعني رشفه من شي ... مثلا عطني جغم من عصيرك يزرط.... يعني يبلع من غير ما يهضم مغماص.... يعني اممممممم مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا شمخ.... جرح صغير يترارا.......يعني يشف ... يقولون هذا الثوب يترارا ,, يعني شفاف ذب ....يعني رمى يقولون ذبيه يعني ارميه قميظة.... يعني حسافه الناس مول.... يعني الوقت متأخر لثد ... يعني دبق مثل العسل لو لزق باليد يقولون يدي صارت لثده امردقك.... يعني اضربك بقوووووه هبابك ...... يعني عساه يمديك إدن.... يعني اممممممم يقولون إدن لي مكان يعني وسع لي مكان الصكة...... يعني برا البيت ..يقولون فلان بالصكه يعني مو بالبيت سويعة..... تصغير ساعه امبطح.... يعني انسدح و تمدد مدعجة ..... اللي يدعكون فيها الجسم صوغه ....... هديه يعني اذا سافر واحد لازم يجيب لاهله صوغه ماتعدينا.... يعني ما طلعنا من بيتنا اليوم يتصوخ...... يتسمع ... يسترق السمع < بالفصحى هاش ام الطرور يطرك..... هاش يعني كعه على الوجه ...... وكلها على بعض ...سبه مصخن..... يعني حرارته مرتفعه وبسسسسسس و في كلمات وااااااااااجد بس ما ودي اكثر عليكم باي :D:D:D :eek: |
|
#2
07-05-2006
| ||||
| ||||
 خخخخخخخخخخخخخ الله يغربلك زهبه يعني جهزه من جهز يجهز الشي الله يغربلك يعني الله يبهدلك بحياتك يامال البهدال خخخخخخخ ادن يعني قرب..من اقتر يقترب اقترابا وتسلم ياالأخو شوق العيون اي موضوع تاريخه قبل 6 أشهر لايرفع حسب تعليمات ادارة المنتدى شاكر تعاونك وتقديرك التعديل الأخير تم بواسطة ~*¤®§ المرجوج §®¤*~ ; 07-05-2006 الساعة 07:12 AM |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| مصطلحات مغربيهـ وبعض الكلماتـ | مـآيهـآب | معجم لهجات الفاظ مصطلحات عبارات حكم امثال | 1 | 05-24-2009 09:26 PM |
| مصطلحات دشير..........لاتفوتكم | ركووود الريح | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 40 | 03-26-2009 04:49 AM |
| مصطلحات يهوديه وعبارات احذر قولها | اميـــر الحـــب | معجم لهجات الفاظ مصطلحات عبارات حكم امثال | 76 | 02-02-2009 01:39 AM |
| مصطلحات لا يعرفونها الهوامير | متهور1415 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 3 | 11-24-2007 05:22 PM |
-الدورات
التدريبية بجامعة نجران-
العرض العادي
