وفـــر دموعك مابقى غير ذكراك

الا انت وينك يوم يعزفني المناي * وين انت يوم القلب يرجي حنينك
توك تجيني تسأل شلون دنياي * تسوي علي زعلان وتقول وينك
عقب ماشديت وعزفت فرقاي * راجع تبيني وتخفي الدمع عينك
لالا حبيبي ماهو بسلمي ومبداي * طيري شلع ماعاد يغريه زينك
لاعاد تطري الحب ياتايه الراي * نصيحتن خذها معك في سنينك
ولا عاد تبدي الشوق مع ناس شرواي * دور من امثالك من اشكال طينك
ترى المعرفه ماتبي شخص قراي * ولاهو بلازم التعبير تخطه يدينك
لحين فارق وجرب جروح بلواي * تلقى بدعوى الحب ناسن تهينك
ياقاسي راجع وانا كلي من العام مجروح * راجع تبي نسيان مافات وياك

راجع وعينك تذرف الدمع مسفوح * وفر دموعك مابقى غير ذكراك
ان جيت ولا رحت ماشوف مصلوح * ريح ضميرك وابتعد مافقدناك
العام قلبي ماسك الجرح مذبوح * يرجي وصالك ويرتجي يوم لقياك
واليوم مالك منزلن داخل الروح * مات الغلا من يوم غرتك دنياك
ابعد وبابن للغلا كان مفتوح * بيديك هديت الغلا من سواياك
مسموح ترحل عن حياتي وانا اروح * وجرب ترى الدنيا بها دوارت افلاك
خلن اعيش افرح وتعيش بالنوح * وتذوق ماذقته من اسباب يمناك