 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-10-2007
| ||||
| ||||
 نظرة الفتيات في الشباب السعودي قمة القهر مساكم الله بالخير جميع كل واحد باسمه مره وانا جالس اتصفح في النت مريت على احدى المنتديات وياليتني ما مريت حصلت بنت وللاسف سعوديه منزله موضوع عن الشباب السعودي ماخفيكم علم بأن الموضوع رفع لي ضغطي والله المشكله انها منزله الموضوع في منتديات اجنبيه وحبيت اني انقلكم الموضوع ابغى اشوف هل من المعقول ان تكون نظرة الفتيات في الشباب السعودي بهذا القدر الحين تفرجوا على قمة الاهانة  :ــــــــــــــــــــــــــــــــــــــــــــــــــ السلام عليكم ورحمة الله وبركاته.. موضوعنا اليوم عن الهايتين على البحرين وياكثرهم طبعا اكثر شي يفشل ان ثلاثة ارباعهم سعوديين .. اللي دفعني الى كتابة هذا الموضوع هو تواجدي من ظهر امس الى نهاية الليل في البحرين.. ولم تكن تلك اول زيارة لي الى الدولة الشقيقة >> يا عيني على الاشقاء المووهم.. انا كنت رايحة ازور جدتي اللي راحت تسوي عملية هناك وكانت منومة في المستشفى.. رحت انا والاهل كلهم وبعض افراد العائلة.. طبعا انا الحين كبيرة وصرت افهم وش اللي قاعد يصير واللي اشوفه قدامي.. بعد ما زرنا جدتي - طول الله عمرها - طلعنا وقالو بيروحو البيت.. لكن هيييييييييين وش بيته وانا معاهم .. قلت لا لا .. السوووووووووووووووووووووووق مابي ارجع بدون ما اصرف شي والا جاتني سخوونة وارتفع ضغطي كنا سيارتين / فاززززعين كلنا للجدة هههههه وانا واخواني دورنا على السوق اما الوالدة والباقي رجعو البيت.. اول شي رحنا مجمع السيف وطبعا انواااع السعوديين هنااك انا وش كانت وظيفتي قبل ما يصفط اخوي السيارة؟؟ كنت اتأمل لوايح السيارات >>> مخاافر لوول اللي مكتووب السعوودية بدوون اي تردد اناظر بالاشخاص اللي في السيارة .. و وا اسفااااه ، طبعا تلقى الواحد مكشششخ حد ام الدعسة والشعر سبايكي والا كيرلي والا محلق الفلافل على الصفر ههههه والنظارات عامية عيونه - بعضهم حتى بالليل لابسين نظارات - خخخخ طبعا نعرف ليش عشان لو شافهم احد ما يتفشلوون ويشككون هذا فلان؟؟ لا اكيد مو هو.. نعوود لمحور حديثنا... والملابس اخر صيحة والسيارة اخر موديل ولونها صارخ (اصفر برتقالي) لزوووم السيارة سبوورت لازم لونها يلفت النظر والا شلووون ولكن .. وين الفشلة وسواد الوجه ؟؟ البنت الروسية والا الفلبينية اللي جالسة جنبه طبعا لمن تنزل من السيارة اما لابسة شورت قصير والا تنورة قصيرة اذا هب الهوا طلعت كل الفضايح اللي تحتها .. وهو يحليله مبسوووط ورافع خشمه في السما من قده راكبة وياه وحدة ........... (اكمل الفراغ بما يناسبه) بيخليها تصرف من جيبه كم الف بعدين بيروح يسكر معاها طول الليل في المرقص وبعد المرقص لا تسألوووني لان انترنت السعودية فيه رقابة مو مثل البحرين مايصير اكتب اي شي الحين شفتلكم كم واحد من هالصايعين سودان الوجيه وهم بيدخلون المجمع.. وانا اتهامس مع خطيبة اخوي شوفي هذاك السعودي؟ شوفي هذاك المشمغ اللي واقف هناك.. اقطع ايدي اذا مو سعودي.. - وشلوون عرفتي؟ - بلله شوووفي شلون يدز خويه لما تمر البنت شوي ويقطع المسبحة اللي في ايده. - تظنين انه جالس يستغفر على اللي يشوفه (بنات اشكال والوان ميك اب ودلع و شعر اشقر وشعر اسود اللي تبيه) >>> دعاااية حق البحرين خخخخخ - وش يسبح انتي ووجهك تراه جالس يقول " سبحان الذي خلق لنا كل هذا الجمال" - ههههههههههههههه صحيح دخلنا كم معرض بعدين الامبراطوور يبي يتعشى وانا خلصت عشاي بدري عشان اخذ راحتي في الحش والنش والبحث عن فضايح الداشرين الموووهم .. جو سعوديين ثلاثة واقفين جنب طاولتنا .. اخوانا هالمرة مشمغين وريحة العطر واصلة لاخر الدنيا.. عاااد بدا شغل المراقبة .. لمن تمر وحدة يصيرون كذه وكل واحد يدز الثاني وكانه يقوله طالع طالع الزززين على اصوله حرية وديمقراطية وبنات من كل الجنسيات,, ولمن تمر السعودية بالمجمع يقعد يترزز و لمن يدور حق يكلم خوية يدور جسمه كله خايف الغترة تختررب وربي كان مكتوت عليه كيلو نشا عشان يظل ثابت كانه عظم خخخخخخخخخخخخخ ويتلووون وجهم اذا مرت جنبهم سعودية عااد مدري وش احساسهم حزتها بس اظن واحد من : 1- الاحساس بالذنب لانه جالس يبحلق في الفلبينيات والروسيات المنمشين وباقي الاجناس الرخيصة ،،، وتارك هالزين وهالرزة 2- احساس بالاحراج كونه افتضح امره ويشعر بالنقصان اكثر من اي وقت مضى اما اللي مرررة بايعينها وماعندهم فيها وخلاص يا ارض اهتزي ماحدا قدي شلووون طريقة تفكيرهم لمن تمر جنبهم سعودية في البحرين: 1- شووووفي معاي وحدة شقرا عيونها زرق ولابسة قصير. 2-الشعور بالاهمية .. شوفوني يابنات السعوودية ومووتو قهر انا ماشي مع فلبينية وتاركك اجل تتغلين انتي ووجهك ابوووك يبي مهر يجيب لي مية وحدة من هاللي جنبي <<<<<<<<< خخخخخخخ هذا انواع الغباء المووووووووووووهم .. بعد العشا قمنا نتمنشى في السوق وخذلك انواع التحف والمخفات يحوسون في كل مكان .. دخلنا محل جوالات وكان في واحد لابس شورت طويل وشعره قرعة صفر وماسك بنت فلبينا من خصرها وقاعدين يتفرجو على الجوالات .. انا شكتت انه سعودية لان هالشيف ما يطلعون الا من عندنا للاسف.. والانجليزية زي الزفت مثل الشكل.. وبينما كان الجميع منشغلين في المحل بالجوالالات والكفرات انا كنت مركزة على هالولد.. الا اعرررررف من وين.. اشرتله الفلبينية على جوال مدري شسمه لكن شكله غاالي وجديد حتى الولد تغير لونه وضاعت علوومه هههههههههههههههههههههههههههه اسمعه يقول الها : ذس از نوت قود هوني اي ثنك يو هاف تو شوز انذر ون This is not good honey, I think you have to chosse another one قامت البنت ومصعت بوزها وقالتله: بليززز اي وانت انت بليزز Please I want it pleassssssssse االولد سكت شوي بعدين طلع المحفظة بعد كم تنهيدة.. وجييييييييييييك بطاقة بنك الريااااااااااااززز خخخخخخخخخخخخخخخخخخخخخخخخخ شكله طير كل الفلوووس على تسوقها لانها كانت حاملة كيس كبير حق لاسينزا وهو ماسك كيس مانغو وزارا خخخخخخ وربي مسخرررة بعد ما عطوها كيس الجوال صكته بوووسة على خده خلته يشق الحلق كذه ********>>> طبعا هذا نموووذج بسيط وفيض من غيض.. البحرين تعج بهالاشكال والادهى لمن يجيك شايب متأبط ذراع وحدة .... ومصر يتزوجها خخخخخخخخخخخخخ دايما نسمع هالقصص المخجلة ونتأسف على مجتمعنا اللي بدأ ينحل ويتحول الى مسخرة مابعدها مسخرة بسبب روسيات الامارات و فلبينيات وهنديات البحرين. مرة صديقتي قالتلي عن ابو صاحبتها كان يشتغل في ارامكو ويوم انه تقاعد تركهم وتزوج رقاصة كبيرهات هندية في البحرين وتركهم 3 سنين ويوم مرض وجاله عقاب رب العالمين رجع لاهله واولاده وبناته وزوجته طلبت الطلاق من المحكمة وبعد سنة تزوجت وضاعو ولادهم وقبل شوي سويت بحث عن الشباب اللي يروحون البحرين وشفت هالمووضوع المخزي والمنشور في احد المنتديات البحرينية .. شوفو اهل البحرين وش يقولون عنكم ياللي فشلتونا وربي السعودية حرام تصرف ريال واحد حق هالحشرات اللي كل اسبوع مترززين عند المراقص ووالنوادي ــــــــــــــــــــــــــــــــــــــــــــــــــ الحين بعد ما شفمت كلامها ابغى اشوف نظرتكم انتم كلكم أبغى اشوف البنات قبل الشباب يا ليت عشان اعرف هل الفكره ذي سائده على الجميع  أتمنى أشوف شي يروق الاعصاب بدال ما يرفع الضغط |
|
#2
08-10-2007
| |||
| |||
| رد: نظرة الفتيات في الشباب السعودي قمة القهر شوف أخوي لا ننكر إنه في سعوديين كذا بس أظن صاحبة الموضوع تبالغ بالعكس أغلب شبابنا والحمدلله يرفعوا الراس بعدين الظاهر من كلام صاحبة الموضوع إنها تفضل البحرين وشباب البحرين عموما لا تزعل أخوي ولا تنقهر كثييييييييير ناس سعوديين بالاسم وهم والله ولا شي يعني تقارن البحرين والانفتاحية بشباب السعودية !! هم أخص من كذا البحرينيين ولا ليش بعض السعوديين يروحو هناك ياخذو رااااحتهم مشكووور عالطرح |
|
#3
08-12-2007
| ||||
| ||||
| رد: نظرة الفتيات في الشباب السعودي قمة القهر اقتباس:
كلامك على عيني وعلى راسي ويسعد لي ذا الوجه بس يطولي بعمرك أحنا عندنا ناس تسوي الي ما يتسوى بس ربي ساتر عليهم ليش يجي واحد زي كذا يفضحهم يعني ممكن نظرت العالم في الشاب السعودي تكون غير ويجي موضوع زي كذا يغير نظرت الجميع هذا الشي الي يحز بالخاطر ويسعدلي ايامك على ردك الروعه وعلى قولتك فيه ناس سعوديين بالاسم تشااااااااااااااااو ^_*
_________________  يهمك تعرف أوضاعي ؟! ؟انا مستانس وطيب .أنا مثل البحر تدرين !يهيج وتردك أمواجة أبد لا يشغلك حزنٍ.بعيني شوفه يشيب حبيبي هذا هو طبعي أحب الحزن وأحتاجه أوترد تسألني عن أوضاعي ؟ أرد وأقول انا طيب مع أني صدق في غيابك لا طيب ولا حاجه |
|
#4
08-13-2007
| ||||
| ||||
| رد: نظرة الفتيات في الشباب السعودي قمة القهر هذه البنت اللي نشرت الموضوع اعطت الاجانب فكره سيئه عن شبابنا السعودي.هو صح في شباب كذا بس مستحيل اتكلم عنهم عند احد اجنبي لاني ما ارضى عليهم. |
|
#5
08-13-2007
| ||||
| ||||
| رد: نظرة الفتيات في الشباب السعودي قمة القهر صحيح هناك من الشباب السعودي على هذه الشاكله لكن ليس جميع الشباب السعودي هكذا بل هناك من الشباب السعودي من هو محترم اظن ان تعميم صاحبة الموضوع ليس محله فهناك مبالغه كبيره يفترض بها ان كتبت هناك بعض الشباب السعودي مشكورررررررر على الموضوع |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| ### جـــــدولـ الدوريــــــ السعوديــــــــ لعام 1428/1429 هـــ ### ارجو التثبيت | اسير المملكة | الرياضي رياضه عربيه كرة قدم العاب قوى ومنوعات رياضيه sports | 71 | 01-11-2008 01:40 PM |
| سامي وما ادراك ما سامي جميع المعلومات عن الذئب((أتمنى التثبيــت)).. | بــسام | الرياضي رياضه عربيه كرة قدم العاب قوى ومنوعات رياضيه sports | 39 | 12-06-2007 01:53 AM |
| افضل شى عند البنات .. وافضل شى عند الشباب | فارس حروب نجد | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 11 | 09-24-2007 12:25 PM |
| حب الشباب ، اللطع ، البقع الجلدية Acne | مشاغبة لزيزه | العيادة الطبية الصحه السليمه،الوقايه من الامراض health clinic hospital disease | 8 | 07-14-2007 04:26 PM |
| قمة القهر عند التماسيح ... قمة القهر عند السحالي | ممرض مزيون | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 18 | 06-26-2007 01:45 PM |
-الدورات
التدريبية بجامعة نجران-
العرض العادي
