 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
01-05-2003
| ||||
| ||||
 أنحــــراف سحيـــــان ( اذا تحب كهكهكهكههههه) ادخل أنحــــراف سحيـــــان... مقدمــــه :- مسيكم بالخير يامعشر العيارين <<--- دعلج على ايام الجاهليه<<--اقول لايكثر داخل تنكت ولاتكتب موضوع اليوم قصتي تحكي عن مأساة ضاطور ممكن تصير لأي واحد فينا لاسمح الله <<-- تكلم عن نفسك ياثور امحق اسلوبالقصه تختلف عن غيرها ويمكن تكون رساله ونصيحه اكثر من انها زحف وعيارة الأهمال ممكن يخرب بزارينا وضواطيرنا ياجماعه والقصه راح تكون اكبر دليل على خنبقتي <<-- جعل الضاطور يلحس مرقتكم وتقعد تطرش كل الليل ((والسامعين بكرامه))ويستحسن اختيار الشكل القروي للمنتدى عشان ماتوجعكم عيونكم في القرايه <<-- لاعلمهم بعد وش يحطون خلفيه المهم ركزو ياجماعه وبدون صوت تكفون لان القصه واقعيه وحثت في الرياض <<-- الله من كبر النصبه رؤس الاقلااام:- 1-الابتعاث..((عائلة بدون ام مثل يد بدون اصابع))<<-- امحق مثل 2-قرطاس اسمنت..((بداية التدخين)) 3-الجرادية..((هناك كان الضياع)) 4-الايدز..((نهاية كل داشر))<<---حتسوة ابوة القصــــــه:- كان يما كاان فية عائلة ضواطير ((أي براصي)) ساكنين في بيت شعبي في الجراديه ام واب وثلااثة ضواطير.. كانت العائلة ساكنة في السور الخارجي في زاوية تحت نجفة ((لمبة طويلة بيضاء))<<--قل والله وكان أبو الضواطير يطلع كل مغرب للشغل ((يصيد خشاش وحشرات من عند كبس الجيران)) ويجيب للعيال العشاء وكانت الأم تقص لعيالهاا اخطار العالم الخارجي وتخليهم يطلون يشوفون القطو يتسدح عند الزبالة مع السور..وتقول لهم شوفو العو <<-- كلمه دمرتني في صغري مرت الأيام وانحلت ((أي تفككت العائلة)) والسبب يومن ابوهم ((ابوبريض)) محط من على الكبس حق الجيران على تندة جمس((أي اعلى السيارة)) وانكسرت خشيراه ((أي الطقطوق الي في الخشم)) ومشاء الجمس وابو بريص مغمى علية فوق التندة.. ويوم وصل الجمس للدايري ((شارع وسيع في الرياض من الجنوب الى الشمال))<<--لاياشيخ قاام ابو بريص يتلفت ويهفة الهواء ((أي دفعة دفعة قوية)) ويطيح من فوق الجمس على الزفلت وجاه ددسن غمارتين معه طلب ثمانيه باكستانيه وياواسونه مع الزفلت ((يعني دعسه ولقو ذنبه جنب الصبه منقطع ويتحرك))<<---هوايات الطفوله تقطيع اذناب البراصي جلست الأم والعيال يحترون الأبو يجيب العشاء ومااش طول ((صرخ سحياان الضاطور الاصغر)) وقال يمة مشتهي ابو قباس ((حشرة اسئل جدك عنها وتراها مهيب خنفسة)) نزلت دموع الأم وخمت عيالهاا وقالت انا ابروح اشتغل برى ((ابتعاث في عليشة)) معروض علي نجفة مسجد ماعندهاا احد ابروح امسكهاا بس لأاوصيكم ((قعدت توصيهم وتحذرهم مايطلعون برى)) ورااحت الام.... جلسو الضواطير في السور يبتسون ((يتاماا)) المهم سحياان الصغير مااعجبه الوضع وقاال ابطلع للكبس اصيد لكم وارجع ((خربهاا)) قال اخوة لا لا لا؟؟؟ نسيت وصيت امي <<--بالله ماتذكرتو برنامج المناهل سكت سحياان وتنيوم ((أي غمض عيونه بزعمه نايم)) ويقوم ويطلع بشويش يوم نامو أخوانه((ذبحه الجوع)) ويرقااء فوق الكبس بس مااش ماعرف يصيد ويلزخ على ظهرة على حافة عتبة الباب وينكتم ماعرف يتنفس ويبوبز يصيح.. شوي وجاة برصي يقال له الداشر ((برعوص)) وقال وشفيك؟؟ وقال له السالفه قال برعوص وسع صدرك وطنش الدنياا وشكلك والله فـتوه <<--يريش بسحيان قال أدخل مطبخ بيتكم والعن امهاا مرقة ((أي مرقة طمااط او فول ان وجد)) واترك عنك الخشااش واناا اخوك قاال لا أمي تقول لاتقربون الأودم ((أي حنا))ترى راس مالها زبيريه وتذبون في الحياله اللي قدام البيت المهم ويلف برعوص قرطاسة أسمنت ويشبهاا ويقوم يتتن ((أي يدخن)) ويمد التتنه لسحياان قال شكر قااال يا الزلابه ((يعني منتب ضاطور))رح خذ ديدك ونم حقد سحيااان وسوا فيهاا ضاطور ودخن ... ومن هناا بداء الضيااع ويقعد على هاا الحاله أسبوع يطلع ويرجع الفجر ريحته تعجعج قراطيس اسمنت ويمر جمس مضلل ((مشغلين غربي من زود الفسق)) فيه ضواطير لونهم يختلف ((ضواطير من الملز يقالك من زود النعمه متغير لونهم)) ويدخنون أحمر ((سرابيت)) ويوقفون عند برعوص وسحياان قالو نطو ((أي اركبو)) ماصدقو خبر ويركبون وخذ رجه وببسي لين الفجر ((وشرب سحياان اخيرآ التتن الاحمر)) ويطيرون للملز ويشوفون الهول والهوايل ويدخلونهم في بيت كله أبجورات قاال سحياان ياااالله وشلون تصيدون هناا؟؟ ((قصدة وين النجف)) قال الضاطور المتمدن يا القديم ماناكل جريش ومرقوق ((يعني حشرات)) حناا هل الأستيك والسوب ((اي الشوربة)) ويفتح الثلااجه حقت البيت ويجيب لهم مرقه كوارع ((طارت عيون سحيان مستغرب)) حياة جديدة ويكفر في النعمة هو وبرعوص ويوم خلصو وتساوت جنوبهم من الشبعه رجعو للحارة قاام برعوص وطلع قارورة ((قويريرت دهن عود بزعمة خرش))وفتحهااا قال سحياان وشذاا؟؟((أي ماهذا؟؟))<<--تكف كل تبن انت وترجمتك قال أشرب وتجي العافيه..((سكار أي خمر)) ويشرب سحيااان ((يحسبها بيرة بدون كحول على نياته يبي يهضم الضعيف)) وينحرف اكثر من اول ويرجع للبيت والريحه تعجعج من اثمه ((كن البت فيه عزيمه من ريحه العود)) ويطردة اخوة قال مالك مكاان بيناا يالسرسري ويطلع سحياان ويتجه لبرعوص ((الطيور على اشكالهاا تقع)) ويقرقعونهاا كل ليله ((أي يسكرون)) ويرجمون القطو ويقولون له ((اجل ميو ))<<-- مع السكرة وشوي شوي طاح في الحبوب ((ابو سحا)) ومن بعدهااا تعمق في المخدرات((الله يفكنا ويفك من تحبون عنها)) وصار يتسدح على الجدران ويتتن ونحف وغداء اسود تقول قطعة دارسين ((أي شي يشبة الديرمة يوضع في الأكل))<<--تكف احلف ويطيح في الأبر في الوريد ((الهروين والعياذ بالله)) وللأسف استخدم سحياان ابرة مستعملهااا ضاطور داشر فية ايدز وانتقل المرض لسحيااان وقلب عليه برعوص وقال طس عني لاتعاديني وضاقت الدنيااا بسحيان وراح قدام القطو يبي ينتحر ((بس القطو حامت كبدة وماكله)) وماااااات االضاطور سحيان مذلول في غرة شهر رمضان الموافق 4 /9/1418هـ ولم يصلى على المذكور<<-- كني قلبتها جد...فهذة نهايه كل منحرف وكل عائلة لم تحسن التربيه فاياجمااااعه ربو الأجيال صح ((مااعرف اتكلم)) ويا أهل الضواطير ارضو ((يعني اقتنعو با الخشاش الي عند نجف بيتكم)) ودمتم.... وش صار عقب :- 1-ألام طاحت من الكبر ولقوها فاطسه في الطريق تحمل في يدهاا ابو قباس ((تنرحم)) للأبن الغالي سحيااان..((الله يرحمهاا)) 2-أخواان سحياان كملو دراستهم وتوظفو في أسياب مدارس |
|
#2
01-06-2003
| ||||
| ||||
| ترى الموضوع ملطوش يعني مو بلي |
|
#3
01-06-2003
| |||
| |||
| مشكور على الموضوع الرائع بس ماقريت زين ابي ارجع له تحياتي ابو عادل |
|
#4
01-06-2003
| ||||
| ||||
| حلو اخوي عاشق الحياوي مشكور على مروك الجميل وانتظر رايك بعد الانتهاء |
|
#5
01-07-2003
| ||||
| ||||
| انتظرتك وينك يا رجال وين عاشق يا ناس |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| Manhunt 2 ( الحل الأول عربياً وحصرياً ) | محمد عبود سلوم | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 12 | 01-17-2010 11:30 PM |
| كمان ادخل مو لازم موضوع خخخخخخخخخخخخخخخ ادخل لا يفوووتك | هلالي حارق دم النصر | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 1 | 01-28-2008 03:55 AM |
| لحقوني .. ! مشكله مع الكوكيز الوسيم الله يثيبه بس :: ادخل طلبتك :: | صياد رومنس | مشاكل و حلول للمنتديات و المواقع المشكله و الحل و الصيانة | 1 | 11-18-2007 01:23 AM |
-الدورات
التدريبية بجامعة نجران-
العرض العادي
