دروب الحب

يا ليتني ما عرفت الحب ودروبــــــــه،،،
،،،ولا تولعت في طرد المزاييــــــــني

كله من اسباب غرو ٍ زاهي ٍ ثوبــــــه،،،
،،،اللي خذ القلب من بين الشراييــــــــني

أبو جديل اشقر ٍ ياصل لعرقوبـــــــــه،،،
،،،أمغذي ٍ بالشمطري والرياحيـــــــــني

والعين عين الوحش والعنق مصبوبــــــة،،،
،،،والخد ورد ٍ نبت بين البساتيـــــــــني

من حبها قمت احس الكبد مقلوبـــــــة،،،
،،،يالله عسى صاحبي ماهوب ناسيــــــني

مكمل ٍ زين خلي روعة اسلوبـــــــــه،،،
،،،يمين بالله مثله ما رأت عيـــــــــني

القلب مني توجه ياملا صوبـــــــــه،،،
،،،واصبحت مجنون من عرض المجانيـني

محبتي له أبسياته أوبعيوبــــــــــــه،،،
،،،أمثبته بالدلايل والبراهيــــــــــــني

خليتني يا وليف الروح لعبوبـــــــــة،،،
،،،تلعب ابقلبي مثل لعب الوراعيـــــــــني

العمربعدك قضى والحال منكوبـــــــــة،،،
،،،تركتني يا حبيبي بين ناريــــــــــــني

نار المحبة ابقلبي منك مشبوبــــــــــة،،،
،،،والحقتها نار فرقا ًدوم تكويــــــــــني

أنا حبيبي جماله بس عذروبـــــــــــه،،،
،،،ما في حلاياه شيءٍ يا عرب شيــــــــني

يوم ان كل ٍ جمعه الله ابمحبوبـــــــــه،،،
،،،اليوم يا اهل الهوى وينه وانا ويــــــــني

أفزّ فزة سجين ٍ يقضي اعقوبـــــــــــة،،،
،،،من دون ذنب ٍ سجن ضمن المساجيــــني

يذكر اعياله إلى جاهم وفرحوا بـــــــــه،،،
،،،أكبرهم اللي بعمره أربع اسنيـــــــــني

هذي حياتي معك يازين مكتوبــــــــــة،،،
،،،كتبتها لجل عينك بين سطريـــــــــني

حلفت عن حب غيره لاعلن التوبـــــــــة،،،
،،،واللي حلف لازم انه يوفي الديـــــــــني


اخوكم

معقدالمدرسة

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي