Put pirated software is forbidden skimmed
protection or contains, for example patch crack KEYGEN Serial key allows for
only free programs or programs full of same company 1- يمنع منعا باتا طرح مواضيع منقولة سواء
مفيدة أو غير ذلك 2 - يمنع منعا باتا طرح أي برنامج
مقرصن منزوع الحماية أو يحتوي مثلا على باتش كيجن سيريال كراك
مفتاح يسمح فقط بـ برامج مجانية أو برامج كاملة من نفس الشركة 3 - يمنع طرح الأفلام المقرصنة أو تم نشرها
بدون علم الشركة المنتجة 4 - يمنع طرح أكثر من موضوع بنفس العنوان
سواء بأقسام متعددة أو بقسم واحد 5 - يمنع وضع أرقام الاتصال أو البريد في
عنوان الموضوع هذا مايخص قسم للبيع والشراء نعتذر مسبقا فان مخالفة ماسبق ذكره سيتم
إيقاف العضوية بدون تحذير سيتم فلترة الروابط المطروحة بشكل دائم
COLOR=black]تراني عند الله ثم عندكم يالعامّيين ماتودّوني للحاير"
السّلام عليكم " يارب يردون السلام بعد" ..:D
عاد والله اني متوجّس(ن) منكم ياحقين العام مدري ليه .. يمكن لأني زمان كنت اتميصل هنا واتشوت وصار عندي مايسمى بالخققان القهري أو بالعاميّة الـ مالي خلق " ياخي وش دخلك!! ماااسكة معي الا اتسطر.. كيفي!! ...
مناسبة الموضوع :
أسلّي نفسي والدنيا تسلّي نفسها فيني <<--- تسلّي نفسها هاه؟.. الا لاعنتن أبو خامسك والله ..
يوم كنت ملك وكانت عندي دولة كبيرة كبر الاقلاع كنت محسود بقوووة .. وكانت كل دول العالم تهاجمني اعلاميا وماديا وكل يوم يتوقف يوزري وانواع الاستقعاد
عاد مهوب ذنبي اني صرت ملك في جزيرة رهيبة وخضراء وفيها طيارات كثير وشركة الاتصالات فيها ماهيب تلعب عالعالم ولاشي والبنزين عندنا رخيص والحريم بطلات ومؤدبات مايبون بطاقات شخصية ولامزعجينا يبون يسوقون ولايحبون حركات المخصر والملثم والمشمر والمحمر .. ولاعندنا خكارية والا عندنا رشاوى وملعنة خيّر في الوزارات .. لا والشباب كلهم يتوظفون والأجانب ماتشوف ابن امه خاصة الهنود عيال الكلب مافيه ولابرطم منهم .. ولاعندنا وسايط ولاهالخرابيط كلها ابد ... ولاعندنا لاترقيم ولاتفحيط ولاتنغيف ول اأي شي من التاءات المعروفة ... المهم كانت نهايتي ان ولدي الحيوااان شالني من الملك نقّزني وحط عمره مكاني وعاد مثلي مثل غيري مالي الا أجي عندكم في السعودية وأعيش بقية عمري هنا .. حطوني في الشرقية" والله ان الحاير جاي جاي يلعن امها حالة " ....
وكنت جالس انا وخويي ملك متقاعد أو بالأصح منتوف ( مثلي يعني) وكان يسولف لي انه تزوج كليوباترا وبعدين تهاوشوا وفي نهاية حياتهم كان مزلّبها وتتصل على جواله مايرد وتتصل على صنتراله في السعودية مايرد .....
عاد ماتحملت كل هالأرانب وقلت له : الله يلعنك مكذبك تلعب علي انت ،،
قال والله اني صادق حتى اسألـ... ،، والا اقول لك لا والله امزح مايمدي امشّيها عليك بس ياخي موب مني والله من الطفش وش اسوي ؟؟ !!! ..
قلت حتى انا والله قسم من الطفش ودي أفك الصواميل اللي براسك وألعب فيه كورة بس اذا سويت كذا بتطلع وانت من غير راس كنّك حمار ميّت وانا ماحب امشي مع حمير ميته <<< مهيب ذبّة ذي قلة حيا ..
قال طيب والحل .. قلت اسمع كل واحد يقول سالفة نصب والبطل اللي يقول اكبر نصبة(شغل مبزرة) ...
قال اوكي .. اسمع :
تصدّق مرة طلعت انا وابوي للبر ويقابلنا هاك الوحش اللي كبر الجبل وابوي خاف وهرب بس انا ماخفت ولاشي رحت ومسكت لك هالوحش وانا أقصّة مثل مصطفى ادريس ويطيح عالأرض وانا اجيك وألدحه ألدحه ألدحه الين هنّق و مات ( خخخخ اللدح في اللغه = الضرب بقبضة اليد على اعلى الظهر) ... واحطه في قدر كبير لقيته هناك وطبخته واكلته ومت ..
قلت عادي طيب!! تصير ..
شف انا عندك مرة وانا امشي بالسيارة واسمع اللي ينادي ( انت ياراعي الحمار وقّف .. انت ياراعي الحمار وقّف) .. طبعا سيارتي حماار .. واوقف .. قالوا اني قاطع اشارة وقفت واخذوا الرخصة واستمارة الحمار قالوا حمارك مطوّف سبعين سنة هذي الرخصة من العهد البيزنطي وسحبوا الحمار ودوه حجز الحمير تحت كبري لبن ... بس اللي قهرني .... ويوم انهم راحوا واشوف في حمار الدورية( سيارة الدورية ) يافطة مكتوب فيها " أبو جعفر المنصور في قلبونا" ..
قال طيب تصدق مرة وانا طالع مع اخوي بالسيارة .. جاني اتصال عالجوال .. يوم ارد قلت مين؟.. قال انا الشيطان .. قلت: والله والتراب خير وش تبي !! قال شف الملعون اللي جمبك (يقصد اخوي) يبي يذبحك تخلّص منه .. طيحه وقل لابوك اكله الذئب والا أي شي ،، قلت : ههههههههه لاياشيخ مشيتها عليهم ماتمشي على انا واقفل في وجهه ... شوي الا يدق جوال اخوي واسمعه يرد يقول : ايوه؟؟ اهاا؟؟ ايوه؟؟ وبعدين .. اهاااااا .. ثم ناظرلي بطرف عين ،،، عرفت انا السالفة وانا اقول له لااااااااااا لا لا انا خوك حبيبك لاتصدق فيني ولا امداني اكمل كلمتي الا اخوي مطلع المسدس من جيبه وأوقف السيارة وارفع يديني واقعد اقول لاخوي لا اعقل ترا باعلم ابوي(ياحليلي بس) والشيطان الكلب اسمعه في سماعات جوال اخوي يصارخ : خلّص عليه ارمه ارمه .. وانا اللي أمد اصبع رجلي الييين قربت من الزر الاحمر حق الجوال ابي اقفله .. ويقوم لك الشيطان ويطلع اسنانه من الشاشة ويعض اصبعي الييين غدت حمرا وورّمت الين كبرت مرررة طلعت مثل الايرباق حق الهوا ... ويقوم لك اخوي ويرميها بالمسدس .. الا ويطلع منها الشيطان وقعدنا نرميه ونهبده نهبده نهبده الين مات ..
تراني خلصت !! هييه مقلع وينك ( وأنا صرت في سابع نومة) ... قلت هذي نصبة ذي؟؟ ياخي جب نصبات صغار هذي يبيلي انزلها بموضوع لحالها ، طويله !!!!!!!!
قال : طيب معليش هات ماعندك ... قلت اسمع
تذكر هذاااااااااك اليووووووووم يوم قلت لك سلم لي على اهلي وقل لهم منيب راجع لهم ( هذي باخليه يصدقها غصب!! ) قال ايوه : قلت اصلن اني اكذب عليك منيب رايح ولاشي بس ابغى اشوف اهلي يحبوني وبيبكون على والا خخخخخخخ........
قال خلصت؟؟ قلت ايوه ... قال لاياخي نبي شي بكش بكش على كبير ...
قلت ولايهمك ...
مرة كنت راكب طيارة وكانت تمشي في السما( لاااا؟؟ احسّبها تنطل في شارع الموت!!).. <<< لاياخي وش تنطل اقول لك طيارة طيارة!!( اتحداك في المصالة) المهم كنت عند الشباك واناظر لهالسحب وكان جمبي هندي خيسني بريحته .. المهم مالك في طويلن فايدة وانا اللي اشوف هايدي والخروف حقها فوق وحده من السحب يوم شفتها واناديها هايديييييييي وأأشر بإيدي .. قالت : هلاااااااا مقلعععععععع وتلوح بيدينها الثنتين وتناقز مبسوطة .. وانا اقوم لك وافك الشباك وأطمممممر وهي تقول (هوووووبببببلا) " يالبي قلبها" االا وانا معها عالسحابة .. يوم وصلت عالسحابة وانفض ثيابي وانا اقول : الله ابوه هندي خيّسني ماصدقت اطلع من الطيارة ،، قالت : خخخخخخخخخخ اما هذولا الهنود !!!... ياحليلكم في السعودية والله اني اتفرج عليكم من هنا اموت ضحك حالتكم صعبة في كل شي ،،،، قلت : اها بس لاتنكدين علي المهم وش اخبار الصبايا سالي وريمي وين ايامهم معاد شفناهن عالقناة الاولى .. انتي من سنتين جيتي ، رهيبه انتي !!!! .. قالت والله مبسوتات ماعليهن اعرسن الحين تلقاهن على حدى هالسحب مه بزارينهم .. وانتوا خل ينفعونك ابصال الديجيتال(والله ياهي حاقدة عليهم خخخخ ) المهم .. قعدنا واحنا نسولف .. واحكيلها عن المراعي الخضراء عندنا في السعودية ابيها تجيب غنيماتها وتجي عندنا واسولف عن الامطار والخير ((تراني ماعلمتها اننا كل شهر نصلّي الاستسقاء ولاجانا شي .. الله من الحسد << احلى!!.. يادقات !!!)) المهم ... الا واشوف شرطة السما جاية ومعها مطوع من الهيئة .. نفففففففس حقين الرياض اللهم هذولاك خضر وعلى عيونهم قزاز بس ،، وانا اللي اطامر من سحابة لسحابة وهم وراي .. واشوف من بعيد طيارة مكتوب عليها (الخطوط الجوية العربية المقلعيه – ليموزين)،، قلت شوفوا بس التطور!! وانا اللي أأشر له .. والحمد لله طلع سعودي بطران ((ياخي السعوديين بطرانين زاحفين حتى في السما)) .. ويوقف لي واقول : هيه فيه بطحا هنا في السما؟؟ قال ايوه قلت : دز بسرعه باعرف اتخبى هناك!! (( فهمتوا ياحقين الارض اذا صار شي والا شي يمدحون البطحاا!!)) .... ووووووو بس !!!،،،،،،
قال : رهيبه سالفتك !! اصلا انت رهيب أرهب شي في العالم حتى احسن من .. احسن من خالي محمد اللي يعرف يفحط والله كلكم بطرانين واحبكم مرة مرة ،،،
قلت: خييير يبو وراك قلبت بزر ؟؟!!..
قال : هههههههه ابي اعلمك بسالفتي يوم اني تحولت بزر ،، ياخي صحيت مرة من النوم والقى نفسي جسم بزر وصوت بزر ، بس اني نفس تفكيري وخبثي ولعانتي وكلش .. وكان هذاك اليوم فيه حفلة زواج بقاعة افراح .. واروح مع امي .. في البداية مابغوا يدخلوني .. بس امي قعدت تصيح وتحلف لهم تقول : والله انه حبيّب وعلى نياته ولايدري وش السالفه ،، وانا متمسك في عباة أمي واقبّصها اقول لاتحلفين بس !! .... المهم دخلونا وشفت انواع الهوايل وتحققت امنيتي في اني اشوف بنات سعوديات يرقصون ..لاااا ورقصت معهم بعد ... وانواع الشكشكة والفلّة .. أثرت اعجاب الصبايا .. لا وش المعلنة كيف : فيه بنات معطيني اوراق فيها ارقام وقالوا لي اذا صار عمرك 18 والا اكبر شوي افتحهم .. وانا اقول : تتحدوني طيب يصير عمري 22 الحين؟!!!!! .. واوريهم بطاقتي خخخخخخخ واسمع بس الصياح خخخخخ ،،،، يوووه صارت لي علوم واجد هذاك اليوم .. مالك في طويلن (ذي اللي قلت انت قبل شوي!!) .. تدري وش احسن شي شفته : اني كلما شفت بزر عاملها على نفسه والا حرمة تغير ملابس بزرها قمت اصارخ بالقاعه كلها وأشهّر فيهم خخخخخ(الله من النجاسة) .. والله ياني سحبت شعر الطقاقة هذاك اليوم الين صار زولية .....ولاخليت لمبة ولاكوع ولاركبة سودا الا كسرتها .. ولاخليت شاردة ولا واردة الا قليت أدبي عليها ههههههههه ياخي جتني نجاستن هذاك اليوم مير مهيب طبيعية << احذف كلمة "مير" احسها زيادة!!!
قلت : انت تحولت بزر .. !! طيب وش رايك في اللي تحول قوطي ببسي !!!
استلم !!
مرة وانا مار من جمب مصنع الببسي اللي في الملز !! المهم قلت يولد بادخل اتفررج ويوم دخلت .. وقاعد اتفرج عالالات وهي تشتغل الا ويخمني الجهاز حق العلب ويغفصني الين صرت علبة ببسي ويمرّروني عالآلات حقتهم ويعبوني ببسي و ويحطوني في كرتون وانطق لي بمستودع كم شهر بعدها حملونا في دينّا وودونا لبنده (( قلت اشوا بندة ولا اصكها مشوار للقويعية والا مكان ثاني اخاف من البعران اللي في الطريق<< تفكير قوطي)) المهم .. ويخلوني بالمستودع كم شهر بعد والله اني كرهت عمري من الملل واسولف مع القواطي اللي جمبي ولايردون علي مافيه ولا واحد فيهم اصله ادمي .. قواطي تجميع " اللي اصله شجرة واللي اصله ددسن !! واللي اصله رادوا واللي قوطي من الاصل" الوكاد اني طفشت بالحيل .. ويجي هاك اليوم ويشيلوني ويحطوني بالثلاجة فلّة وقزّ في خلق الله وانواع الوناسه وكلما جا احد يبي ياخذني أوخّر وادف أي قوطي ياخذه ويمشي ،، الييين جا هذاك اليوم وتجي بنت على كيف كيفك وتمد يدها تبي تاخذ قوطي ببسي وانا اللي أطممممممر " وقلت هووووبلا.. الله يذكر هايدي بالخيرر خخخخ" واجي قدامه وتاخذني ويوم وصلت الحساب وانا اللي احلف والله ان تاخذيني بلاش على الطلاق ماتدفعين فيني ولاقرش .. اعطاها المحاسب الووصخ بلاش انوواع التميلح والا انا ماطقت خبري .. المهم وتفك الغطا وهاتك ياشفط فيني .. وانا انواع النجاسه مافيه الا تبـ ....... ( الموضوع هذا قررت اعقل وما اقول شي مشفر) ..... بس ياعمري يا انا يوم قضت مني وترميني بالشارع !!!! بس قهرني شي واحد ... ان الخكرية ماكملت الببسي عشان اخذ راحتي خلت فيني ببسي وذبحنتي الغازات ...... !!!!!!
خلاص والله اني تعبت من الأرانب ....
مايستفاد من الموضوع :
ولاشي ...
وش أبي بالضبط :
والله ولاشي ..
--------------------------------------------
رسالة إليك أيتها المَرَه !!!
إن بغيت اعشق أبالقى كثر حبات الرمال ** لكن انتي إن بغيتي صعب مثلي تعشقين
قلت لك كل الصراحة واختم أطراف الجدال** وان زعلتي من كلامي تزعلين وتقعدين
تحياتي تحيّة غير عن كل التحيات والدليل شفها ماسكة اليسار..
_________________
هكذا هو الحزن حين يجتاحنا .. وهكذا هي الجراح حين تعتلج بأضلاعنا تلتف حولنا كلون الشفق الدامي حين يلتف بالكون ..
فلا تدري هل تبكي الجرح النازف من أمل مذبوح بأعماقك .. أو الحلم الضائع في أيام غربتك .. أو الألم الذي ينثرنا في أيام بؤسنا وشقائنا ...
01-11-2003
ولا شي 
:D
-الدورات
التدريبية بجامعة نجران-
العرض العادي
