ياصاح انا قلبي من الحب مجروح = جرحًًٍٍٍُ عطيب مالقاله مداوي
لو ينشرى قربه شريناه بالروح=مير البلا شوفه غدابه هقاوي
اهل دمعن فوق الأوجان مسفوح =على الذي ماهوب بالغدر ناوي
انا ادري انه مثلي اليوم مطروح=لاشك ما يقوى ولا ني بقاوي
لولاي اداري سر الاحباب لاابوح= وابيع بيعةالهيل الفداوي
لكني اجحد فيه عن كل مفضوح=خوفي عليه من الحكي والدعاوي
حسبي على اللي حط فـ الدرب ساموح= العاذل اللي جر كل البلاوي
امن اول باب المواصيل مفتوح = يوم ان عذال الموده خلاوي
واليوم يسد الباب لوح على لوح = وامسيت انا ياصاح قلبي شقاوي