الـمـنـتـخـب الـسـعــودي لـلـنـسـاء ! ! !

بسم الله الرحمن الرحيم

انتهت مباراة المنتخبين السعودي والبرازيلي للسيدات لكرة القدم بفوز المنتخب السعودي اثنين واحد

وممثل المنتخب السعودي نوره في حراسة المرمى وفي الدفاع وضحى وعايشه ورفعه وفاطمة وفي الوسط هياء ومنيره وساره وفاتن وفي الهجوم هيفاء وسهام << مصريه مجنسينها سعوديه

وكانت الأفضليه للمنتخب السعودي طيلة المباراه

بطاقة المباراه :

السنه التي اقيمت فيها المباراه / 1435 هـ

الملعب / استاذ الملك فهد بالرياض

عدد الجماهير / 100 الف مشجع بعد توسعة الملعب

مسجلو الاهداف / فاطمه بلعبه مقصيه جميله ومنيره من تمريرات خذ وهات مع ساره للمنتخب السعودي و سانيورتا للمنتخب البرازيلي

اهم احداث المباراه / مشاجره قويه تسببت فيها هياء بعد ان قامت بضرب لاعبه برازيليه بدون كره مماتسبب في فقدانها للوعي وقامت لاعبات الفريقين بالتشابك والضرب والرفس وشد الشعر و التقطت قناة art بعض اللقطات للمشاجره وسمعنا عايشه تقول للاعبه برازيليه والله ماخليك يالدبـشه والثانيه تقول جريها مع شعرها والثالثة تقول توطي في بطنها وغير ذلك من الكلام..,

منقول من جريدة الرياضيه يوم 1/9/ 1435هـ


_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

على ماقالو زبدة الموضوع اني بسئلكم سؤال ...

مثل ماقال الفيفا لازم كؤؤس العالم الجايه او المقـبله ان كل

منتخب لازم يشارك بمنتخب رجال ومنتخب نساء ..

فـ المنتخب السعودي وش بيكون موقـفـه ؟؟

( السؤال هل تتوقع حدوث منتخب سعودي للنساء كما سمعنا ؟ )

والسلام ختام ...,,


Brb

يوووه تتوقعون تصير ..


والله بالنسبه لي ارفض رفضا قاطعااا ..>>> اهجدي بس


يعني كل شي له حدود ..


وبعدين كيف بنقدر نركض وناخذ راحتنا بدون مانتكشف ..


وبصراحه ابد مااتوقع يصير فيه منتخب للسيدات ,,


>> احسها قويه وابد ماتناسب طبيعة الانثى الناعمه ..


ولو لا سمح الله بيكون فيه مستحيل يكونون سعوديات تلاقيهم مجنسات ..( يعني معهم جنسيه فقط )


بس عندي سؤال طيب واذا حملت هدافه الفريق وفيه مباره هامه وش يسووون ..



شوكرن احمد عالموضوع اللي روعني حقيقه والله لا يقوله ان شاااء الله ..