كان الجو ممل مررررررره مع انو كان في كثير من البنات هناك وأنا وأختي إلي اصغر مني كنا قاعدين لحالنا طفشاااااااااااااانين
وكان في بنتين قاعدين لحالهم عاد المهم إنهم نادونا ورحنا لهم وتعرفون شلون إذا الواحد بيتعرف على احد انوااااااع الحيا سألونا عن اسمينا وقلت لهم أنا اسمي رهف وأختي لجين وسألناهم عن اسمهم قالت وحده منهم أنا اسمي مها وأختها قالت اسمي نوره شوي قعدت مها تناضر فيني وتقول إنها شافتني بمكان بس ماتدري وين
و بصراحة أنا نفس الشي وقعدنا نطالع بعض على أساس انو بنعرف وين شفنا بعض ومر الوقت وحنى قاعدين كلنا مع بعض بعدين قمنا نصلي العشا وبعدها افترقنا أنا قعدت مع مها وأختي إلي اكبر مني ماقتلكم عنها هي اسمها هند مولازم تعرفون عنها شي غير
إنها راحت وقعدت مع نوره أخت مها المهم قعدت أنا ومها لحالنا نسولف مره كنا ليقين لبعض ومها كان إعجابها فيني واضح وهي كانت عاجبتني بس ماكنت أبين ماادري هي لاحظت ولا لا المهم كل وحده قعدت تحكي عن تجاربها في الحياة وكم ماتتخيلون حتى فمشاكلنا كنا متشابهين فيها سبحان الله شوفوا الصدف كيف
المهم مر الوقت بسرررررررعه وقالو إنهم بيروحون خلاص..
هي أخذت رقمي عشان ماننقطع عن بعض أنا وقتها ضاااااااااق صدري إنها بتطلع بعدين قعدت شوي وطلعت أنا... المكان بدونها صار وع بتستغربون بهسرعه المكان بدون وجودها وع مره وحده مالومكم أنا استغربت ...تدرون أول مره أقابل وحده ارتحلها على طول وهذي كانت بداية تعارفنا المهم قعدت تقريبا شهر من ذاك اليوم بعدين اتصلت علي...!!
مرررررررره كنت فرحانة بتصالها لأني كنت احسبها نستني بتقولون أكيد ليه أنا مادقيت عليها أنا أقولكم ليه لان كانت ظروفي ماتسمح أدق المهم اتصالاتها كانت متباعدة كثير وأنا بديت أتعلق فيها بصراحة خفت أتعلق فيها أكثر لأني انصدمت من بنات كثييييييييييييييير موشوي ......
المهم مره كلمتني وقالت إنها ودها تشوفني مرررره فرحت إني بشوفها .....
التقينا في شاليهات "درة الرياض" أكيد كلكم تعرفونها وصلنا وفتحت الباب مها أول ماشفتها حسيت بحساس غريب كان شكلها مره متغير محلوه مره كان شعوري ودي أضمها و لا اتركها من شوقي لها المهم سلمت عليها وسلمت على أهلها وقعدت عاد مها كانت مره مشغولة كان كل شي فوق راسها كل شوي كانت تقوم مره قايمه تسوي قهوة ومره ماادري وين رايحه ومره تقوم تقعد مع بنت عمتها وتخليني مره كانت مشغولة عني أنا مع القهر رحت اكلم وحده مااطيقها بس كذا عشان الفت نضرها شوي لي لان وقتها حسيت إنها نست إني موجودة أصلا صح إنها حست فيني وجت وسالت من إلي كنت اكلمها مره فرحت إني لفت نظرها لي قعدت معي شوي وراحت وراح ذاك اليوم كذا تروح شوي وتجي شوي..... بس لدرجه كيف إنها كانت مره مشغولة انو وأنا انتظر اخوي عشان بيجي ياخذني المفروض إنها تقعد معي وماتقوم إلا إذا رحت وبعدها تاخذ راحتها تقعد مع إلي تبي..
ما أنكر إنها قعدت معي لدرجه وهي قاعدة جنبي ماودي أفك أيدي..
وهي جنبي أحس بالأمان عمري ماحسيت فيه الله يخليها لي قولوا أمين وما يبعدنا عن بعض إلا الموت (( مره حز بنفسي الموضوع للحين)) مو يقهر..؟؟
وقتها أنا عصبت مره تحملت إنها ماقعدت معي و عذرتها لأنها مشغولة بس خلاص شوي واطلع وراح افقد الأمان إلي حسيت فيه وأنا جنبها شفتو الطفل وهو جنب أمه يحس بالأمان أنا كذا وأنا جنبها يوم حست إني عصبت جت وقعدت وسألتني وش فيك عاد أنا مع الاحرج قتلها لا ابد سلامتك مافي شي
الاشوي وجا اخوي أي صح إلي قهرني أكثر انو أختها نوره قعدت مع أختي هند وما فرقتها ولا لحظه عكس حبي مها وبعدين استمرت ماتكلمني إلا وين وين وقعدت أنا فتره بعدين سويت عمليه لوز وبعد العملية بأسبوعين
شفتها بسوق نسائي سوق" بشرى" تعرفونه صح ......مره كنت مبسووووووطه مرالوقت بسرررررررررررررررعه ..
ماادري إلا اخوي يدق ويقول انو بره وطلعت وأنا مرررررره كنت زعلانه وركبت السيارة وقعدت ابكي مره اشتقت لها واشتقت لعيونها وطريقه كلامها وهي تتكلم فديت روحها ياناس وأنا توي طالعه لدرجه إني كنت بفتح الباب وارجع ادخل مره ثانيه بس اخوي مشى بسرعة (لو قعد شوي ولله كان سويتها أنا ماعندي متهورة مره)
تعرفون معصب لانا اتخرنا عليه تعرفون سلام البنات كيف يطول ومرت الأيام وحبي لها كل يوم يزيد لين ماصارت لي كل شي بحياتي ماكذب إن قلت صارت لي أمي
بما انو أمي ميتة الناس إذا درو انو أمي ميتة وأنا عمري شهرين أحس نضره الشفقة بعيونهم ويصيرون يكلموني ويقولون إنهم يحبوني أما هي حبتني وعرفتني أنا لأني يوم قتلها كانت عادي ماحسيت بشفقه إلي حسيتها من الناس هذا دليل إنها حبت شخصي أنا وهذاني أقولكم
إني احبهاااااااااااااااااااااااا وربي أموت فيها..
يمكن بعضكم بيقول هذا شذوذ بس وربي حب شريف ما في ايي شي غلط لأني اعتبرها أختي وأمي وأبوي وجدي وجدتي وحبيبتي وحبيبي وجيرانا وصديقتي....الخ)))
واعتبر نفسي إذا كلمتها كأني أتكلم مع حالي ولا أسوي شخصيه قدامها يعني في أشياء تزعلني من الناس أما منها ماتزعلني أنا أصلا ماازعل منها ابد عكسي مع الناس كل شي يزعلني منهم
وهي كل شي بحياتي المهم أخر مره شفتها فيها كان بعيد الأضحى أي ذكرتوني بموقف يضحك ويبكي بنفس الوقت أول يوم بعيد الأضحى الناس بالعيد يتغدون لحم أما حنا البنات رحنا نأكل بره الله لايوريكم أكلنا وبطونا عورتنا من هنا ورجعنا البيت والناس مبسوطة وحنى نايمات من الألم..
بس أتذكر حبي مها كانت تدق تطمن علي كل شوي كانت خايفه علي مره الله يخليها لي يارب تدرون كل ماجي أتذكر شكلها أتذكر ثاني مره شفتها فيها(( يوم شفتها بدره الرياض تذكرون إلي صار صح)) تدرون ليه لأنها ماقعدت معاي وكنت أنا ما انزل عيني منها أبيها تشبع دامها ماقعدت معي على الأقل أشوفها وكانت عيوني تكلم عيونها من بعيد لبعيد وثالث مره شفتها بعد ماتعرفت عليها..... شفتها بالحكير لاند مع بنات خالاتي إلي جاين من جده وبنات عماتي وكنت أنا مره مرتبكة ولو شفتوني وأنا قاعدة معها كل شوي أصقع فيها ياعمري شكلها راحت للبيت وجسمها يعورها و بغت تروح عيونها كل هذا من الارتباك وهذي كانت أخر مره شفتها فيها لحد الحين بس يمكن أشوفها بعد ثالث أيام من كتابتي لقصتنا بعد ماشفتها بالحكير سارت تكلمني كل يوم وإذا ماكلمتني يوم أحس إني ضايعه أو شي ناقصني شفتو الطفل إلي يدور لامه وهو جوعان أو في النوم أنا كذا إذا ماسمعت صوتها يوم تخيلو بس يوم أروح فيها.....
تدرون وأنا اكتب اشتقت لها مااقول إلا الله يخليها لي قولوا أمين وقعدنا فتره وعلاقتنا اوكي مافي أي شي يخربها وفجئه صارت تكلمني عن وحده لدرجه انو مافي مكالمة الاوتجيب طاريها سألتها عنها و يوم أنا جبت طاريها ازعلت علي وقامت تصرخ وتقول مالك دخل فيها إذا كنتي تحبيني لا تجيبين سيرتها
وقتها أنا مره تعبت وطول الليل وأنا أرسلها مسجات وبعدين غلبني النوم ونمت وقمت الفجر و دقيت عليها و ماردت إلا بعد ماطلعت روحي وقعدنا نتكلم 36دقيقه وتفاهمنا على الموضوع المهم مشينا عادي الوضع كان حلو وبعدين قالت لي إنها ازعلت منها واستمرت فتره ذيك تحاول تراضيها
وبعدين قررت الأخت تروح لمها فبيتها والمشكلة رايحه ومعها باقة ورد مو احمر جابتلها باقة لونها بنفسجي تستغربون ليه بنفسجي بذات أنا أقولكم ليه لان حبي مها تحب اللون البنفسجي وقعدت البنت عند مها من الساعة 9 إلى الساعة 1 وأنا طبعا كانت حالتي.......... الله لايوريكم والي زاد الطين بله
إن البنت أعزمت مها لعرس أخوها والمشكلة إن مها وعدتها إنها إذا قدرت تجي بتجي و راحت لعرس أخوها عاد أنا وقتها عصبت وقعدت أرسلها مسجات وهي بالعرس وهي تكره أسلوبي وأنا معصبه المهم وكلمتها من بكره وقالت لي إنهم خلاص بيسافرون لحايل((وتخيلو ماكلمتني وقالت أنهم بيسافرون))
وقعدنا نتكلم مع بعض ومن ضمن الكلام قالت إني مللتها تدرون هالكلمه وش سوت فيني كأنها سكين وطعنت قلبي وتوقعت هالكلمه من أي احد إلا من إلي اعتبرتها روحي وأنا ستمريت أرسل المسجات إلي تكرها لاني مره معصبه وبعدين أختها قالت لأختي إنهم وصلوا حايل الصبح خبرتها وأنا ماخبرتني مها بعدين ارسلتلها مسج وكتبت فيه والله ما اذكره بس كان فيه انو ليه نسيتيني وماخبرتيني انك وصلتي ((طبعا مو مقصود إنها نستني لاني حتى لوكنت إنسانه عاديه ماراح تنساني بيوم بس هذا كان تعبير مجازي)) ماادري الاتردلي بمسج كاتبه فيه انو أنا تافها تخيلو كلمتين كذا قويه ورا بعض
يعني أمس تقول إنها ملت مني واليوم تقول إني تافها ودقيت اسأل ليه قالت إني تافها واسألها بعد إن كنت استحقه ولا لا تدرون وش كان جوابها قالت لو ماكنتي تستحقينه ما كان قلته تخيلو صدمتي وقتها طبعا ماعرفت أتكلم وهم بحايل أختي كلمت مها وكانت حاطه أختي على الاسبيكر ومها قالت لأختي إنها ماعدت تتحمل مني كلمه طبعا بسبب مسجاتي
أي قبل لاتكلمها أختي أنا ارسلتلها مسج قلت فيه هي طبعا من يوم وصلوا حايل ماصرت أجي على بالها عشان كذا أرسلت المسج كتبت فيه (( ياحلو عطنا وجه لو بمسج)) هذا نص المسج إلي أرسلته لها المهم هي يوم قالت لأختي هذا الكلام
بس تخيلو إحساسي ذاك الوقت ...؟؟
قمت أنا و أخذت الجوال من أختي وكلمت مها كنت حابه أقول كلام أكثر من إلي قلته بس خنقتني العبرة وأنا أتكلم معاها وما قدرت أكمل تعرفون ليه لأنها روحي وحياتي وتقول إنها ماعدت تتحمل مني ولاكلمه المهم سكرت الخط وقعدت ابكي سويتها مناحة فالبيت ماادري الاشوي وترجع تدق وتكلم أختي وبعدين أنا هديت شوي بعد الصياح وبعدين أنا طلبت اكلمها لاني هديت شوي وأخذت الجوال وأول ماسمعت صوتها كان نفسي أقولها إني أحبها وأموت فيها وهي كل شي بحياتي وأغلى شي عندي بس خنقتني العبرة وما قدرت أتكلم ابد وهي قعدت تتكلم وتقول إنها تحبني ومستحيل تتخلى عني
أنا كنت مبسوطة إني اسمع منها هذا الكلام بس كنت أقول بنفسي أتمنى مايجي اليوم والي تقول عكس كذا لأنها قالت لي إنها ماراح تمل مني وهذي هي قالت إني امللها وأنا مااتحمل أعيش بدونها لاني قبل لااعرفها كنت مره كئيبة مالي هدف في الحياة
ماعندي احد وحيده كنت ولا شي وهي خلتني شي و مافي احد فاهمني وكنت مااقدر أتكلم لأحد عن مشاكلي إلي فلبيت وهي الوحيدة إلي حست فيني وتسمع لي وتعطيني حلول وأحسها مهتمة فيني أعطتني من وقتها كثير وشلون كان تفكيري تافه وهي خلت تفكيري يصير راقي بأسلوبها الراقي ياناس عليها" ذوق وأخلاق"
تدرون اشتقت لها...
المهم يوم كانت بحايل علاقتي فيها انهزت كثير وسرت أحس إنها ماتبيني وخف حبها لي كثير عاد أنا وقتها ماتتخيلون حالتي شلون حسيت إني خلاص فقدت أغلى واعز إنسانه عندي وكنت وقتها كارها نفسي وكارها العالم كله هذا
وهو بس إحساس اجل لو قالت إنها خلاص ماتبيني شبتكون حالتي وقتها الله يعين تدرون خايفه إنها تروح من أيدي لان في وحده حبي مها كانت تحبها وصار موقف بين مها والبنت هذي البنت اتهمت مها إنها أتسجلها مكالماتها معها..!!
تخيلي احد يتهمك بالخيانة والله لتركه واترك أهله بعد بس مها لا ماتركتها تدرون ليه لأنها تحبها حب خيالي المهم هذي البنت حست بغلطتها ومصممه انو مها ترجع تحبها زي أول مين مايتمنى حب مها لها الأول كان حب خيالي نفسي أوصل لو لنص حب مها لها بس شكلي احلم(( مو حرام الحلم صح))
والله إنها غبيه مافي احد يصير له هذا الحب ويفرط فيه والمشكلة إن مها تحبها لحد الحين وتفرح إن دقت البنت عليها بس طبعا ماتبين للبنت أنها مبسوطة بتصلها لازم الثقل وبعد كل ما كلمتها البنت تتخيل الموقف قدمها بس شوي شوي مها ماراح تتحمل بعدها أكثر وتصير تعطيها إلي تبي وأنا تصفطني على جنب و يقل حبها لي لان هذيك بتملي قلبها ودنيتها عليها (وأنا يسير مالي لزمه خلاص تصير رهوفه كخ)):71_71:
وبعد في شي لان ذيك البنت تعرف مها من ثلاث سنين ماادري أربعة وأنا توي بتسير لي سنه وأنا اعرفها تدرون قاعدة اكتب وعيوني تدمع شفتو هذا وهو مجرد خيال بس اجل لو صار ...؟؟ ياناس والله ما أتخيل حياتي بدونها شوفوا أبي أدعي وانتم امنوا اوكي
الله يخليكم لأحبابكم طلبتكم امنوا الله يخليها لي وما يحرمني منها ابد وتحبني زي ماكانت تحبها يعني حب خيالي وما أروح عن بالها ولا لحظه زي ماهي ماتروح عن بالي حتى وهي نايمه مااروح عن بالها وتشتاق لي أكثر من ماانا اشتاق لها وما تصير تزعل علي زيي أنا ما ازعل عليها ابد ...
تصدقون لو تطلب روحي أعطيها لو تطلب عيوني لو تطلب أي شي فيني والله لأعطيها بس المشكلة إن روحي ملك ربي ما اقدر أعطيها احد......
ياناس امووووووووووووووت فيها واحبــــــــــــــــــــــــــــــــهااااااااااااا اااااااااااا أنا أقولها سامحيني إذا سويت شي مايعجبك بس تكفين لا تتركيني ولا يخف حبك لي أكثر أحــــــــــــــــبـــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــك

عسى ربي يخليك لعيوني
وعسى ربي يخليني لعوينك
حبيبي دنيتك صعبه بدوني
ولاشي دنيتي تسوى بدونك


حبي
((يموت همي لا ذكرتك))


الله لايفرقنا قولوا أمين


تحياتي
مجنونه راشد الماجد
ادعولي لا تنسون

يتبع..

منتديات مدرسة المشاغبين - القصص و الروايات و الحكايات قصص قصيرة و تعلم القصة story novelette