.......... الحب على طريقة ""جود و نوف"" ..........

هاكم الجزء الأول ... يلاا عاد لا تفشلووني ابي ردوود ...
الجزء الأول
قعدت شوق تقلب في الجريدة زهقت من أخبار الفنانين اللي تزوج مدري منه ... واللي توه مفلس .. و دورت عن أي موضوع يثير اهتمامها هي مب حقت سياسة فما تهمها ذي المواضيع لكن من ملل الانتظار تبي تقطع الوقت شوق " يالله شذا الملل متى يجووون ؟!! "
مرت 5 دقايق وهي على ذا الحال لين رن الجرس في ذيك اللحظة نقزت كأن الكرسي اللي قاعدة فيه ملغوم ..
قامت تصرخ : جوووا جوووا ....
طارت على الباب و هي في قمة الفرح تحس الدنياا حلووة ... انفتح الباب ...
شوق : هلااااا والله ... تو ما نور البيت ...
جود : طيب حنا شنصلح دقوا على شركة الكهربا ..
الكل ضحك ...
شوق : الشرهه مب عليك عاللي يفكر يرحب فيك بس ... وبابتسامة ... هلا هلا تفضلوا ادخلو ...
قعدت شوق تلف يمين و يسار ....
جود : شفيك مضيعة شي ؟؟؟
شوق : ها لا ولاشي ...
دخلت العيلة داخل لكن شوق لازالت برا ...
جود : يا بنت الحلال والله دخلنا ...
شوق حاولت تخلي صوتها عادي وقالت : وين فيصل وراه ما جا معكم ؟؟
جود : لا لا الاخ منطق بالشرقية ..
جود ما عرفت اثر كلامها على شوق اللي بينت عليها ملامح الحزن ..
طبعا اجتمعت العيلة كلها و اشتغلوا استقبال سواليف و حلى و قهوة ((تعرفون الحرين حق القهوة)) طبعا جود و شوق انحاشوا لسببين .. جود انحاشت مو ناقصة أم شوق تاكلها كل شي موجود في بيتهم لأان شكلها "نحفانة" لأن جود و لا لمبة بالشارع عصا البنت ...
اما شوق مب ناقصة ام جود تعطيها محاظرة عن البرمودة حقها و كيف إن البنات في زمانها كانوا متسترات و متحجبات لأن شوق من النوع الفري >> يعني حرة في تصرفاتها هع ..

... في الغرفة ...
شوق كان باين عليها زعلانة ...
جود : شفيك ؟؟ ليه مبرطمة علينا ؟؟
شوق بالها بعيد " يالله لييه ما جاحرام عليك يا فيصل كذا تسوي فيني "
جود : يااهووو يا عالللم ترا اتكلم انا ... !!!
شوق ولا هي دارية شتقول : ها .. لا تمام ..
جود طارت عينها : وش تمااامه ياا بنت الحلااال ... ؟!!
شوق ولا زالت على حالتها : ها . . . ؟؟؟
جود : خلاص خلاص ... لما تصحين من أحلام اليقظة قولي لي اوكي ؟؟
شوق بحركة من يدها فيما معناه انقلعي : اي اي اووكي ...
...........
... في بيـــــــت نوف ...
نوف " يالله شذا الزهق خل أدق على روان لاا هذي لسه ما صحيت ... اممم نورة ؟؟ لا لا حتى هذي بسابع نومهاا .. فطوم ؟؟ اوووف هذي في سويسرا مدري بكندا مدري بالهند .. يؤ كيف نسيــت مالي الااا جود حبيبتي " على طول مسكت الجوال و دقت .... رن رن ..
جود : هلااااااا ....
نوف : هلااااا والله ....
جود : هلا هلا ....
نوف : اهلييين .... كيفك ؟؟
جود : والله تمام ... و انتي ؟؟
نوف : الحمدالله ... ها شمسوية ؟؟
جود : احم احم ... تدرين وين انا ؟؟؟
نوف : وين ؟؟؟؟؟
جود : حزري ؟؟؟
نوف : يوووه مااحب ....
جود : انتييي حزري بس .. ؟!!
نوف : برا السعودبة ؟؟ ...
جود : لا بقلبها ...
نوف : هههه تستهبلين ؟؟ !! ...
جود : لا والله ما استهبل انا بقلب السعودية ...
طبعا نوف الاستيعاب عندها 1 ميقابايت ... بعد عدة دقايق من تشغيل المخ صرخت نوف : يو يو يو وش ودااك الرياض انتي ووجهك ؟؟؟
جود : ههه انا ووجهي جينا الرياض زيارة لبيت عمي ...
نوف : الله وناسة .. متى وصلتوا ؟؟
جود : تو قبل ساعة ...
نوف : طيب كيف الأوضاع عندكم ؟؟ ...
جود : والله يا حلوة بنت عمي شوق مدري شفيها زعلانة و مادة بوزها ... و انا قاعدة مع بنت عمي الثانية شهد ...
نوف : اها سلمي لي عليها ...
جود : شهد !!! نوف تسلم عليك ....
جا صوت شهد من بعيد و هي تصرخ : الله يسلمها ...
جود : تقول الله يسلمك ...
نوف : ههه اي سمعتها ...
جود : وانتي اخبارك ؟؟ ...
نوف : كالعادة زهق .. نص الربع يا نايميين يا مسافرين ...
جود : عاد هنا أم الفلــــــة ...
نوف : لييييه شمعنى .. ؟؟؟
جود : والله عاد تخيلي في 7 بناات في ذا البيت ...
نوف علامة الاستعجاب على وجهها كأن أحد تو قالها أصل توم كروز هندي هههه >> عاد هي توت في توم كروز هع هع ...
نوف : بل !!! 7 مرة وحدة ...
جود : هييي قوولي مشالله انتي ووجهك ....
نوف : مشالله ولا تزعلين ....
جود : انا اقدر ازعل عليك ...
نوف : ادري ما تقدرين ....
جود : لا والله مقدر ...
نوف : هههه يا حبي لك بس ... اشمغي >> ليست غلطة مطبعية لكنها بعض اللغات بينهم و هذه معناها اسمعي ...
جود : هلا ...
نوف : فاااتك امس ... رحنا بيت خالي ...
قبل ما تكمل قطعت عليها جود : انتي سبحان الله كل مرة اكلمك يا بتروحين بيت خالك يا توك جاية منه يا انتي فيه ....
نوف : هههه ياختي شسوي مقدر افارقه ... المهم والله ما اكذب عليك مرة ونااسة ....
جا صراخ من بعيد : أووووف يالله ...
جود : نوف حبيبتي ... خل اشوف شسالفة و اكلمك بعدين اوكي . ؟؟
نوف : أوكي باي يا عمري ...
جود : باي ....
دخلت جود غرفة شوق اللي كانت مرة مطرطعة و قادمها أنغام اللي في عيونها نظرة تعجب ...
جود : شفيكم شصاير ؟؟؟
أنغام : أسألي الأخت جيت استلف منها فلوس طرطعت على راسي زي المجانين ....
جود لفت على شوق اللي كان مبين إن اخلاقها مقفلة : شوق حبيبتي شفيك ؟؟؟
شوق بقهر : يالله يعني لازم يكون فيني شي ... خلاص اطلعوا برا مالي خلق احد ..!!!!
جود ما حبت ترادد لأن شوق شكلها من جد معصبة فطلعت بهدوء و زي البرق ....
... في الليـــــل ...
جود كانت توها مقفلة من نوف بعد ما حكت لها السالفة و قاعدة تقرا بالجريدة ... نزلت لها الشوق اللي كان التغيير باين على وجهها ....
شوق بابتسامة فيها ندم بسيط : هاي ...
جود : هلا ... اشوفك روقتي ؟؟؟
شوق : معليش ما كان قصدي بس كنت تعبانة شوي ... و من جد اسفة لأن مالي حق اصرخ عليك خصوصا وانتي ضيفة عندنا .. لا يكون زعلتي مني ؟؟؟
جود : لا لا يا عمري افاااا انا أزعل من شوق ..؟؟ ما عاش من يزعل منك .. !!
قامت شوق حظنتها بعدين تغيرت ملامحها زي ما تغير صوتها وقالت : يلاا الحين عطيني الجريدة لا اطقك فيها ...
جود : يؤ يؤ شفيك انقلبتي .. ؟؟!!
شوق : اي يا عمري انتي ببيتي لما أنا اكوون ببيتك تأمري فيني زي ما تبيين ....
هنا جت لجود فكرة المليون ريال ....
جود : علــــــى راحتـــــــك .... طبعا شوق استغربت ردها المؤدب لكنها طنشت لان توها شافت خبر سجن باريس هلتون ... أما عقل جود كان يشتغل و هي تقول في نفسها "هههااي يحليلك يا جود والله انك ذكية هههه " ....
ايش الفكرة اللي جت في بال جود ؟؟؟
ليش شوق كانت زعلانة ؟؟؟؟
هل راح يكون لنوف دور في حل المسألة ؟؟؟
.........
استــــــــنى الردووود ....

مشكووووووووووووور

أول شي ياااا عااالم انا بنت بنت والله بنت .... يسلموو ع المرور ... يلاا عاد شجعووني ولو مجااااملة ...!!! عشان انزل الأجزاء الباقية ...

تحياتي ..
قلبت المدرسة ملعب لا تلوموني .. ؟!!

الشرهه مب عليكم ع الللي يفككر ينزل لكم قصة بس ...