أي نوع أنت كنت من هؤلاء الأطفـــال !!

يختلف الأطفال في سلوكهم وتصرفاتهم ونفسياتهم !!
لذلك هناك نماذج مختلفه من الأطفال كـنا في يوم من الأيــام مثــلهم ...
فإرجوا منكم ان تذكروالنا أي من هؤلاء كنتم أثناء طفولتكــم !!


راح ابدأ بعرض هذي النماذج !!


الطفــل البـرئ :
في المنزل تجده حبوب وطبيعي 100%
لكن مع دخوله للمدرسه ( تنمحي ) شخصيته..
فتكثر الأصابات في وجهه .. لانه مايدافع عن نفسه ..

الطفــل العنيــــــد:
يطبق نظام البيت بالعكس .. يسوي اللي براسـه
مايخاف من الأب أوالأم ..
لوقلت له هذا خطر لاتقربه عناد فيك يسويه ..
يضرب كثيراً في طفولته .. ومع ذلك عنيد مايغير رايـه

الطفل الحنٌــان الطنان:
يستخدم وسيله الازعاج ويكثر القرق لتلبيه رغباته له نغمه خاصه في المنزل ..
تلبي رغباته كرهُــا ..ً
يعانون أهله من الصداع المستـــمر ..

الطفل المــادي
هذا الطفل مايرد السلام إلا( بفلوس ) تعامله مع أهل المنزل مادي بحــت ..
يستخدمونه لتوصيل طلبات المنزل..
ونقل السوالف وكل شـــئ بحسابــه

الطفل الفتــان
تجد عند هذا النوع جميع أخبار المنزل..
يجد المتعه في أذلال غيــره بالفتنه عليه ..
هذا الطفل حتى لو شريت سكوته بفلوس توقع أخبارك ثـاني يوم في الصفحه الرئيسيه في الجريده الرسميه

الطفل الدلـــوع
هذا دلوع ماما وبابا
يكرهونه باقي الأطفال لانه مرفه وشايف نفسه عليهم
تــلبي رغباته قبل ليطلبها
شخصيته أتكاليه جــداً

الطــفل الـعـــلة
يزعجك بأسئلته الى ماتنتهي يستفسر عن كل شئ !! حتى لوعطست قالك وشلون عطست .. وشلون تكونت العطسه !!
يحرجك أحياناً او دائما بإسئلته.. ومره تجاوب عليه ومره تسفهه وأكثر الأوقات ماتلقى أجابه لإسئلته لانك في الحقيقة تجهلها ..

الطفل المتشــرد
هذا الطفل مستحيل يجلس في البيت يعيش في الشارع أكثر من بيته خبره ودليل في كل ممر وطريق ..
يعرف طول الشارع بالسنتيمتر ..من الممكن أن يصبح أذا كبر مهــندس طرق !!

الطفل الصــريح
يستانسون أهله على سوالفه ..
فصيح جداً ويلقط العبارات والمفردات بسرعه مذهله ..
يسبب أحراج دائم لأهله ..
من الممكن أن يقول كلمه بالغلط للضيوف أو الأقارب ..
يتميز أحياناً بقله الذوق والوقاحه أذا أنفعل .. ( لذلك لاينصح بأستفزازه أبداً ).

الطفــل اللــزقــه
تلقاه مسنتر عند باب البيت ..
محد يطلع الاوهو لأزق معاه !! حتى الضيوف من الممكن تلقاه يلزق فيهم ويطلع معاهم ..
يضرب كثيراً وخاصــه من أخوانه اللي أكبر منه أو أخواته لانه عباره عن رادار على طلعاتهم .. أحياناً يضطرون يطلعون من نافذه المنزل للهروب منه ولكن للأسف يجدونه بإنتظارهم في السيارة ويسألهم ليش تأخرتوا عــلي !!

الطفل الهـــادئ
هذا الطفل ماله صوت أبد.. وين ماتحطه تلقــاه ..
أحياناً يهملونه أهــله لانهــم ناسينه !!
وأحيانــاً يلقى أهتمام زائد من أهــله .. لو يموت من الجوع ماتكــلم !!
في كثير من الأحيان تــلقى أهله ناسينه بالسوق أو عند الأقارب أثناء الزيارات ..

الطفـــل القـــوي
أهلــه دائــماً في إحراج ومشــاكل مع النــاس هرمــون الأجرام مرتفع بنسبــه عاليه في جسمه !!
في كل جبهه طفل في ( منطقتهم) تلقى له أثر وتوقيع يمثل القــائد والفتــوه ..
يهــابونه الأطفال ويتقــرب منه الكبــار ويتوددون له حفاظــاً على سلامه أطفــالهم ..


يــــــــــاترى أنت من أي نـــوع وبـصراحه ؟؟

أتمنــى الجميع يتفضل ويشارك ويرد على المــوضـــوع !!


تقبــلو تحيـــــــــاتي ,,ريموه المرجوجة

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه