ورعه ماتت قدام شيبانها

حتسايه يرويها شاهد عيان :في يوم من الأيام كنت أدور في شوارع الرياض بالشاص حقي

فجأة انتبهت إلا وفيه سيارة مسرعة على ما أظن (با ام ) وأنا صراحة خفت

قلت هذا ما راح يعديها على خير وطالعت قدام إلا وأشوف وحدة معها بنتها

على الرصيف قلت الله يستر وفجأة قطعت البنت الشارع وأمها تطالع فيها أنا

مسكت رأسي أنتبه صاحب البي أم ولما شفته أنتبه قلت زين على الله تعدي

حاول يمين يسار ( ومسك البريتس ) ولكن ما فيه فائدة راحت البنت وارتفع صوت

أمها أشوف البنت مثل الرماد والأم المسكينة تطالع بنتها وصاحب السيارة

للأسف ولاكنه سوى شي بالعكس زاد السرعة من جديد ، المهم دعست على


الفرامل كني أنا اللي بدهس البنت وأطالع الأم المسكينة ما تدري وش تسوي

لاحول ولا قوة لها …… وبعد ثواني مرت سيارة الشرطة قلت زين يمكن يسوون

شي إلا صاحب الدورية ولاكنه شاف شي خفت أتكلم يقولون مجنون لأن البنت ما

بقى منها شي وإذا تكلمت قالوا أنت وأن سكت ما تطاوعني نفسي

وأنا مني مثل غيري أخذت الأم اللي كانت على الرصيف وكانت حزينة وأبعدتها

عن بنتها على شان ما تتأثر بالمنظر اللي قدامها وأنا أشيلها كانت تحاول تعضني

بس أنا خبير في القطاوه سايستها حتى جت معي وحطيتها في مكان آمن علشان تربي باقي عيالها …..ترى أنا أقصد قطوه مو آدمي .