ياصاحبي جيتك اشكي من احولي= جيت ومادامك رفيقي ليه اطولها
العلم ومافيه يااول واخر امالي= عندي رساله ولاادري كيف اوصلها
للي سبتني وانا من قبلها سالي = ابيك توقف معي وتروح تسالها
وش فيها تفتح علي ابواب عذالي = وتحمل النفس حاجه ماتحملها
وش فيها رغم الوفا تتركني لحالي = وانالجفاهاتركت الدنياباكملها
ان كان هذا زعل علمها يالغالي = ماكان قصدي ورب البيت ازعلها
علمها والي يخلي قلبك الخالي= عن ضيقتي وين وصلت من تجاهلها
علمها كم لي ماشلت جوالي = كله على شان مااقلب رسايلها
وعلمها لامرت على بالي = اروح واضم صورتها واقبلها
وعلمها كيف انشغل عن كثره انشغالي= واسرح واغمض عيوني واتخيلها
علمها عني وعن همي وغربالي= علمها عن كل حاجه في تجاهلها
وان شفتها دنقت تبكي على حالي= انسى الكلام وتذكر كلمه وقلها
قل شاعرك يعتذر ويعاهدك تالي= انه يرتب حساباته من اولها
ويقول حتى القصيد اللي على بالي =والله ماعاد اكتبه كانه يزعلها