|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
08-28-2007, 05:17 AM
| ||||
| ||||
 فشيلتنا في المطااااااار!!!!!!!!!!!!! في ذلك اليوم الجميل و(النسيم )اللطيف<<<لازم نذكر اسم مراقبتنا الغاليه...بدا شغل الواسطات,والهواء العليل..........الخ<<كثري منها الا والله الشمس الحارقه والسموم اللي يشق الوجه. كان اخوي يصارخ من تحت الدرج : يالله الرحله باقي لها ساعتين, متى بنوصل من زحمة الرياض, وماامداه يتم كلامه الا ويسمع دوي وطقطقه من الدرج(السلم)كانها قصف مدافع .......<<مااقول الا الله ينصر اخوانا المسلمين في كل مكان,ومن سمع اخوي الصوت فهمها وبعد عن الدرج ليتيح للعائله الكريمه العبور<<<والله خجلت ,احس كاننا قطيع ثيران....... وأحب اقولكم عن افراد الرحله وطبعا بابتدي فينا احنا بصفتي المتحدث الرسمي,,الوالده الله يحفظها وانا(بنت زايد)لكن مو اماراتيه والله سعوديه وخواتي الثنتين واخوي اللطيف الوديع<<صار خروف .......ياليتنا بلا هالمدح ,وشغالتنا,وجدتي لامي الله يخليها ذخر لنا وشغالتها, والعايله الثانيه خالتي وبناتها وولدها وشغالتهم ,وخالتي الثالثه هذي هي واخوي يكونون ثنائي مشاكس وياحبهم يفشلونا,وخالتي الرابعه وبنتها وشغالتها<<<صارت الرحله كلها شغالات...ههههههه ماحيت اذكرهم لكن لان لهم دور في القصه فلابد من ذكرهم اتفقنا نتقابل بالمطار,كان ودنا نطلع مع بعض لكن مافي سياره بتكفينا احنا وحضانة الاطفال للي معنا,المهم وصلنا المطار واول مادخلنا البوابه الا جدتي يالله تمشي وماتشوف كويس ولالبست النظارة بعد<<طبعا بنت زايد سوت فيها بنت شقرديه وقلت خليني اروح امسكها واسندها ورحت وقلت لها:ياماما الله يحفظك عطيني يدك اسندك مشتاقه لك مووووت.....ولا تطيحين وتفشلينا عند البشريه<<<طبعا الجمله الاخيرةفي خاطري لاني مابعد بعت نفسي وقررت الموت وترد علي :اقول انقلعي بس هناك,وش شايفتني عجوز مااشوف دربي والا ماتبين احد من هالمزايين يشوفني واسرق قلبه بعيوني الحلوةوانخطب واخرب سوقككم يالبنات وبعدين تعنسون في بيوت اهاليككم وانا ارد عليها:الا والله يوم السعد يوم نشوفك مبسوطه ولايهمنا الاراحتك وسعادتك,,واقول في خاطري(اخس على هالثقه لو إنك باريس هيلتون او برتني,يتركونا يالبنات ويجونك ومعك هالدرازن من الابناء والاحفاد المهم جلسنا في صالة انتظار النساء الا وتجيك ذيك الحرمة الشقرديه وتطلع القهوة العربيه وتجلس تصب لها وعجوز معهم وماوعيت ع نفسي الا وانا ذابه عيوني وخشمي وكلي عليهم<<يازين هالريحه زينااااه والتفت ,واحصل البنات مثلي,والرحلة باقي لها ساعه وشوي,وكلهم بصوت واحد :هاه يابنات ايش الحل؟ وتجيكم بنت زايد وترد عليهم:مايجيبها الانسوانها,بس لقيت الحل!!! رحت للحرمة وبكل لطف وذوق واقول:مساء الخير والاحساس والطيبه ياخاله<<لازم ذوق الدعوة فيها طرارة وترد علي مساء بالنور!!!!!! آمري عيوني؟ واقولها:تشوفين العجوز القاعده هناك راسها يعورها وممكن قهوة ولاعليك آمر وترد:خذي هالترمس , وقهويها لحد مايطيب كيفها وانا معي غيره<<شكلها كوفي شوب متحرك.........ههههههههه واخذه واجيب كاسات من الكوفي وماصدقنا الحرمه عطتنا الضوء الاخضر وخذ ياتقهوي انا والبنات,,, والاهل مايشوفنا لانا جالسين ورى وماانتبهنا الا القهوة منتهيه وجدتي مقبله علينا وتقول : من وين لكم هالقهوة ونرد:جايبينها معنا من البيت,,, وماامدآنا ننتهي من كلامنا الاوتجيك ذيك الصواريخ والدعاوي من جدتي يامال السم والطاعون......ولاتعطونا يامال الساحق والماحق والمرض المتلاحق.......ليش ماعلمتونا والاجبتو لنا معكم<<<هذي وهي مادرت إنا طارينها....كان تحرمنا من السفر....والله تسويها المهم نجلس نراضيها ونسمح خاطرها وحفرنا راسها من التبويس ويالله رضت علينا وتستغفر وتجلس تدعي لنا الله يوفقكم ويسعدكم واحنا ساكتين:............... الله يرزقكم واحنا ساكتين:.......... الله يزووووووجكم واحنا بصوت عالي ومرتفع من الحماس: آآآآآآآآآآآمين ولقتها جدتي فرصه لذكر امجادها السابقه: ياقليلات الادب ,ياللي ماتستحن اللحين لي ساعه ادعي ولا آآآآمنتو الا عالزواج... مير يوم إنا كبركم كنا من الحياء مانقعد مع الحريم ونستحي اذا ذكرو اسم أي واحد مهوب مثلكم,و تصدقون انا مادريت اني باتزوج الا يوم زفوني على جدكم<<خذو وخلو من كلام جدتي,ياحبي لها ولافكنا من هالسالفه اللي حفظناها من كثر ماتعيدها الا يوم جاء ولد خالتي يقول: يامال الصمخ ,لي ساعه انادي ماتسمعون , يالله قومو رحلتنا الحين<<الله يعينا يالبنات آآآآخر اعمارنا بننشل وننعمي وننحول ونتعوق من هالدعاوي اللي تتحذف علينا مانسينا ورجعنا الترمس للحرمه وشكرتها بعد<<يمكن مرة ثانيه نطر من احد منكم يالاعضاء ,لاتبخلون علينا شوفونا مؤدبين ونرجع الاشياء بعد مانقضي عليها....ههههه ورحنا بسرعه عالطيارة وركبنا واللي يشوفنا واحنا نمشي بيقول:لا بالله هذولي قبيلة وزعتنا المضيفه في مقاعدنا ,طبعا احنا مامشينا على توزيعهم......لازم جنب بعض<<عوائل سعودية الاوتجيك حرمة وتهاوش على اخوي: قومو ياقليلي الحيا..ايش هدا ماعندكم ذوق..تجلسو في مكان مش حقكم ويقولها اخوي: وش دعوه على هالصراخ .. ماصار الا الخير...شوفي مقاعدنا قدام اجلسي فيها انتي وزوجك..لانه بصراحه محارمنا كثير ولازم نكون معهم انا وهالدبدوب اللطيف اللي قدام..قبيلة حريم وبزران ومافي الا احنا يالاثنين وترد عليه بكل وقاحه: اقلب وجهك انت ومراتك اللي جنبك عن مكاننا<<ع بالها زوجته ,خالتي اللي جالسه جنبه وهو استانس واختبص, الله متى يصير حقيقه..عندي زوجه وانتبه ع حاله ويرد عليها:آفا ليش هالكلام اللي ماله داعي ... كل شي يجي بالعقل والهداوه واتوقع انا فهمتك السالفه المفروض تعذريني وانا متنازل عن مكاني اللي قدام لك<<ماشاء الله مدري من وين جاءه العقل والحكمة ومادرينا الا خالتي اللي جالسه جنبه داخله بالسالفه عرض: شوفي اذا زوجك ماعرف يربيك..انا اللي بربيك على هالوقاحه...عيب تكلمين رجال بهالاسلوب ويرد اخوي : ياخاله هدّي اعصابك ..وانا احل الموضوع وترد خالتي وهي معصبه: بلا موضوع...بلا هم ..والله ما نقوم واعلى مافي خيلك اركبيه...وش بتسوين؟؟؟؟ واقسم بالله الحرمة مسكت زوجها على طول وراحت مكان اخوي وخالتي الاول<<فعلا ناس ماتجي الا بالعين الحمراء والحدلله انحلت المشكله بسلام...واحنا طايحه وجيهنا من الفشيله وماصدقنا الامن استتب الا شغالتّنا تهاوشو<<<مدري وش جاهم اهلنا صايرين كباريت (الشغالات فلبينيات الا حقت جدتي سيلانيه)وتخانقت حقت جدتي مع حقت خالتي على الجريده, وهالمرة اللي ظبط الوضع جدتي الله يحفظها وتقوم عليهم وتقولهم : والله ان ماعقلتن وسكتتن لا جلدكن بذا العصا,وش فيكن منهبلات, مير علم ياصلكن ويتعداكن ان ماعقلتن اول مانوصل باحجز لكم وارجعكم للرياض عند وليدي سلطان يأدبكن (للمعلوميه خالي هذا مهجد العايله كلها...مو الشغالات بس) المهم كل العايله سكتت وكلا جلس في حاله ينتظر الوصول اللي يسمع بالويكمان واللي يقرا واللي يسولف واللي يفكر وقلبه مو معه<<ترى مااقصد شي ...لا يروح فكركم لشي ثاني المهم وصلنا اخيرا والا الحرمة مانست السالفه آ شرت لنا من بعيد وقالت : انتم يعععع<< <<ياي ....لكن من جد الخوف مليح ونطلع من المطار وابتدى الطقاق في السيارة من جديد لكن من نوع ثاني(على حجز الغرف والسراير) هههههههههه لي عودة في قصص آخرى....الله الله بالردود وسلامتكم اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
08-28-2007, 06:31 AM
| ||||
| ||||
| رد: فشيلتنا في المطااااااار!!!!!!!!!!!!! هلا وغلآ وه بس يازين اسمي احس له بريق خااص خخخخ تسلمي ياقلبي ع القصه .. مع اني ماقريتها يبغالها جلسه وواحد يمخ مخ عليها بس اوعدك اني رآآح ارجع لها ان شاء الله .. وتسلم اناملك على هيك إبدآع.. ولاتحرمينا جديدك يالغلا .. ودمتِ ودآآآم قلمك ... اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
08-28-2007, 06:43 AM
| ||||
| ||||
| رد: فشيلتنا في المطااااااار!!!!!!!!!!!!! وااااااااااااااااااااااااااو والله إنكم فله حتى الشغالات مايقصرون ما شا لله عليكم المهم كملي حمستيني........ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
08-28-2007, 06:51 AM
| ||||
| ||||
| رد: فشيلتنا في المطااااااار!!!!!!!!!!!!!
يسلمووووووووووووووووووووووووووو
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
08-28-2007, 06:55 AM
| ||||
| ||||
| رد: فشيلتنا في المطااااااار!!!!!!!!!!!!! المراقبه الغاليه نسيم خيتووو قمرهم كلهم اسعدني مروركم اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
