بغرفة الضيوف كان فؤاد نايم ومعطي اسماء ظهره..وهي جالسه عالسرير تبكي..
والسبب...ماتوقعت سعود ابد يصارخ عليها بهالطريقه العنيفه..
والسبب الثاني خوفها عليه..
ماتبي تشوف اخوها زعلان ومتضايق تبي تشوفه مبسوط مرتاح

كانت تتنهد وهي تبكي .. حس عليها فؤاد ولف..

فؤاد: اسماء شفيك؟
اسماء وهي تمسح دموعها: ولاشئ

اعتدل بجلسته لين صار قريب منها ومسك يدها : حبيبتي وش فيك لاتخوفيني عليك..

وعلمته اسماء بكل اللي صار

فؤاد وهو يبتسم ويبوس يدها: خوفتيني على بالي شئ اكبر...
ماعليه حياتي هو متضايق..واللي صار اليوم تراه مو سهل..
تخيلي بتجي انسانه وتحل محل زوجته اللي كان مجنون فيها
اكيد انه بيزعل ويتضايق
اسماء: بس انا خايفه عليه
فؤاد: سعود مو طفل حتى تخافين عليه..هذي البدايه بكره يعيشون مع بعض ويحبها وتحبه..
اسماء: تتوقع؟
فؤاد ببتسامه: اكيد حبي

اسماء تنهدت براحه وهي تطالع زوجها..

اسماء: فؤاد
فؤاد: لبيه
اسماء: انت تحبني؟
فؤاد وهو يلف ذراعه ول كتفها: اموت فيك
اسماء: اممم ابسألك عن حاجه
فؤاد: اسألي
اسماء: تذكر يوم تكلمني هذاك اليوم عالماسنجر؟ من ايميل اماني؟
فؤاد: هههههههههه أي اذكر
اسماء: انت صحيح زعلت منى هذيك اللحظه؟؟
فؤاد: الا تسكرت كل الابواب بوجهي..خاصه يوم تقولين انا ماضربتك على يدك وقلت لك حبني
ياااااااااااه تمنيتك جنبي واذبحك..ساعتها من جد تضايقت حسيت مالي داعي
اسماء وهي تحط راسها على كتفه: اسفه اذا زعلتك...بس حزتها ماكنت اواطنك بعيشه الله
فؤاد : والحين؟؟

هي تدري انه يبي يسمع احبك منها
اللي للحين ماقالتها

اسماء: تستدرجني ها؟ تبيني اقولها؟
فؤاد: مااستاهلها؟
اسماء وهي ترفع راسها له وعيونها قريبه من عيونه وبهدوء: احبك


......................................

صباح اليوم اللي بعده امـل كانت الوحيده اللي قاعده تفطر مع امها...والباقي نايمين..

ام فؤاد: اقول اموول
امل وهي تشرب الحليب: هلا يمه
ام فؤاد: خالك مانام هنا امس؟
امل: لايمه..ماجاء..تلاقيه نايم بالبيت العود
ام فؤاد: يمه اخوي اكيد فيه شئ.. صار له اكثر من شهر وهو ينام عندنا ليش امس ماجاء

قامت ام فؤاد ودقت على جوال مساعد وكان مقفل..دقت على طول عالبيت العود وبعد طول انتظار جاء الهندي العامل اللي ينظف البيت ورد

ام فؤاد: الو محمد
محمد: يس مدام
ام فؤاد: بابا مساعد جاء امس ؟
محمد: يس ماما .. بابا مساعد نايم هنا
ام فؤاد براحه: اوكي محمد شكرا

سكرت ورجعت عالطاوله مع بنتها

امل: ها تطمنتي؟
ام فؤاد: أي واللـه..بس مو عوايده والله
امل: تلاقيه مل..اقوول يمه بغيتك بموضوع
ام فؤاد: قولي حبيبتي
امل: اممممم ابي اعزم وحده من خوياتي
ام فؤاد: أي وحده تهاني ولا اسيل؟
امل: لا يمه خبرك عتيق .. في ابله معاي اعرفها من قريب
ام فؤاد: هذا الموضوع اللي تبغيني فيه؟ اعزميها يمه عادي الله يحييها بأي وقت
امل: يمه انا بعزمها علشان ابيك تشوفينها وخالاتي يشوفونها
ام فؤاد باستغراب: ليش؟
امل: يمه بصراحه البنت معجبتني وبغيتها لخالي...
ام فؤاد: ههههههههه اللي يسمعك يقول خالك بيموت عالعرس..
امل: يممممه البنت حليوه والله لو تشوفينها بتحبينها على طوول
ام فؤاد: حلوه؟
امل: بس حلوه؟ قمر يمه قطعه شعرها بني طويل وحنطيه وجسمها حلوو
واخلاقها احلى طيووبه وهادئه...ياحليلها يتيمه ومسكينه يمه
ام فؤاد: ويتيمه ام ولا ابو؟
امل: الاثنين يمه .. وعايشه مع اختها اللي اصغر منها وجدتهم...
ام فؤاد: ماعندها اخوان؟
امل: عندها اخو واحد ساكن بحايل
ام فؤاد: وكيف مخلي خواته لوحدهم؟
امل: يمه الرجال مايقدر يتحرك ومريض ومعظم وقته بالمسشتفى..تدرين عرفت منها من اسبوع بس ان مريض سرطان دم
ام فؤاد: اعوذ بالله .. الله يجيرنـا ويحمينا ويشفي كل مريض يارب
امل: أي يمه..بصراحه البنت عاجبتني .. ماراح نلقى وحده احسن منها لخالي..وانتي عارفه طبايع خالي الصعبه..نبي له وحده حبوبه تفهمه مو من اول اسبوع تمل وتروح بيت اهلها...
ام فؤاد: شدعوه من قلة بنات الشرقيه
امل: اوووه يمممه بغيتك عون صرتي فرعون
ام فؤاد: والله مافي فرعونه غيرك..خلاص اعزميها ونشووف...
امل بفرح: من عيووني
ام فؤاد: اقول يمه..قومي صحي اماني خلها تجلس ترتب اغراضها وراها درب للرياض
امل: تصدقي يمه مو هاينه علي اختي كل اسبوع ورايحه للرياض...
ليش ماتنقل اوراقها هنـا مو احسن؟
ام فؤاد: ردينا على طير ياللي
امل: يمه ليش ماتبينها تدرس هنـا...
ام فؤاد: فهميني وش تدرس هنا؟تمريض بمعهد؟
امل: ليش لا
ام فؤاد: لا شهادة الجامعه افضل وبعدين معاها جوري بالرياض...وتخصص الاشعه حلوو
امل: يمه في الف تخصص هنا بالشرقيه حلوو مو لازم تخصص طبي
ام فؤاد: لا انا ماابيها تدرس أي شئ...الاشعه حلو ومضمون..وهنا ماقبلوها الا محاسبه
امل: مشكلة العجايز راسهم يابس
ام فؤاد وهي تضرب امول بعلبة المناديل: انا عجوز .. قومي انقلعي عن وجهي قلعك ربي قولي امين
امل: ههههههههااااي حاضر .. مقبوله منك ياحلووو

اميره وهي تصارخ من فوق: امووول
امل: ها نعم خير ؟
اميره: تعالي ذاكري لي نحوو علي بكره اختبار
امل وهي تقوم وتتحلطم: اووف الله بلاني بخوات كل وحده اهبل من الثانيه..يعني نحو وش اذاكر لك فيه سههل
اميره: لانك معلمه تشوفيه سهل
امل: لايكثر جايتك
اميره: يلا
............

ماجد كان جايب عمال في بيتهم في يعدلون الدور الثاني اللي بيسكنه مع زوجته في المستقبل القريب..

ماجد: شووف محمد شيل هذا كلـه .. وبسررعه ماعندي وقت
الهندي: بابا انت ليس في مستعجل
ماجد: لاني ياافندي مشغول اخلصوا بسرعه وراي الف شغله
الهندي: دونت وواري بابا

نزل لابوه اللي جالس كالعاده بالصاله وقدامه قهوه وتمر

ماجد وهو يقعد: اووف تعبت من الصبح الاحقهم من غرفه لغرفه
ابوماجد ببتسامه: الله يعطيك العافيه ياولدي
ماجد: الله يعافيك يبـه..مابتجي تشوف الصبغ والله طلع خيال
ابوماجد: لايبه اهم شئ عاجبك ويعجب بنت النـاس
ماجد: افااا يابوماجد رايك اهـم تعال يلا

صعدوا فوق وشاف ابوماجد الصبغ المعتق اللي صاير كأنه عتيق..وبلونين بني وبيج

ابوماجد: ياولدي لو سويت صبغ عادي احلى هذا كأنه قديم
ماجد: ههههههه يبه هذي الموضـه..الحين الكل يسوي كذا
ابوماجد: الحين هذي ان شاء الله بتكون غرفتكم وباقي 3 غرف وش بتسوي فيهم؟
ماجد: ماادري والله يبـه اذا ملكـنا ان شاء الله تجي جوري تتصرف فيهم

ابتسم ابوماجد بفرح وهو متلهف يبي ماجد يتزوج بسرعه حتى يشوف عياله..

ماجد: ها يبه اشوفك مبتسم؟
ابوماجد: فرحان لك يايبه متى بس اشوف عيالك
ماجد: ان شاء الله بتشوفهم يالغالي قريب
ابوماجد: بس البنت توها تدرس مااظن تبي عيال
ماجد وهو يشيل الشماغ من راسه: في هذي صادق يايبه بس الله يطول بعمرك وتشوف عيال عيالنـا قول اميين
ابوماجد: امين


.................................

الساعه سبع المغرب كان سعود جالس بالصاله يشرب كوفي وجنبه امه وفارس

ام سعود: يمه فارس روح شوف جوري ليش مانزلت الباص لايمشي عنها
فارس: اوووووكي

توه بيقوم الا نزلت وهي تسحب شنطتها: كاني جيت اووف انا وش اللي خلاني ادرس هناك ملل والله كل اسبوع رايحة وجايه
ام سعود: اقول كلها سنتين ونص وتخلصين ولاتتحلطمين يلا
جوري: اروح مع السايق؟
فارس: تبين اوصلك؟
جوري: يكون افضل يلا
فارس: ابدل وانزل

سعود وهو يلف لجوري: عندك فلوس في رصيدك ولا تبين اعطيك؟
جوري وهي تروح وتبوس راس اخوها وتقعد جنبه: لاعندي .. الله لايحرمني منك ياقمر
سعود: اما صرت قمر
جوري وهي تمسح على شعر اخوها: فديتك انت من زمان قمر ماتشوف البنات بالسوق لاطلعنا يرقموك
سعود: هههههه هذا احلى شئ بالموضوع
جوري: هاها ترى اعلـم عليك زوجتك
سعود بصوت ماتسمعه الا جوري: اقول فكينـا
ام سعود: ها ليش نزلت صوتك..وش اللي قلته وماتبيني اسمعه؟
سعود: سلامتك يمه..اسرار بيني وبين اختـي..

نزل فارس وهو لابس ومخلص

جوري: فروس بمر اماني ونروح سوا
فارس: بعد هالملقوفه؟ الله يعين
جوري: يلا فمان الله
ام سعود: فمان الكريم يمه..انتبهوا لحالكم وان بغيتي شئ اتصلي ونرسله لك
جوري: من عيوني يمه
ام سعود: وذاكروا مو اكل ونوم وسوالف
جوري: ان شاااااء الله عمتي اوامر ثانيه؟
ام سعود: سلامتك حبيبتي مع السلامه..ادق انا عليك بعدين


طلعوا ومروا على امـاني وروحوا مكان الباصات اللي بتوديهم للرياض...

نزل فارس وحط شنط جوري واماني بالباص
وقفوا معاه شوي لين يفتحون الباص ويركبون

فارس: خلاص ماتبون شئ؟
جوري: والله مانبي..اللي يسمعكم يقول بنروح هجره ماصارت كلها الرياض
اماني: ياغبيه خايف علينا هناك لوحدنـا غربه مامعنـا حد
فارس: فديت اللي تفهمني ياناااس..تتزوجيني
اماني: موافقه متى الملكه هههههههههههههه
فارس: بل ماصدقتي على الله اقول انقلعي مجنون انـا اتزوجك
اماني: يعني انا اللي ابيك
جوري: يلا اماني فتحوا الباص مشينا
فارس: توصلون بالسلامه
جوري , اماني: الله يسلمك

ركبوا وهو لازال واقف مكانه يشوفهم يركبون الباص...
وهي جاي يبي يركـب سمع حسها...

الريم: واخيرا يافارس..

لف عليها على طول كانت كاشفه وحاطه مكياج خفيف ومبتسمه ابتسامه غريبه

فارس: ريم؟ وش جابك انتي هنــا
الريم: لحسن الحظ انـا مع اختك وبنت خالتك بنفس السكن واروح واجي معهم كل اسبوع
فارس وهو يقصر صوته ويقرب منها: اركبي الباص وبلا فضايح يلا
الريم وهي تعصب: أي فضايح واللي يعافيك؟ انا لايمكن اخليك بعد ماشفتك ليه مغير رقم جوالك ها

وهي تستجوب فارس...اماني داخل الباص كانت جالسه عند النافذه وجوري جنبها وانتبهت للبنت الي تكلم فارس

اماني: جوري شوفي شوفي بسررعه

لفت جوري بسرعه للنافذه وشافت فارس يتكلم مع بنت

جوري وهي تشهق: ياهوو هذي ريم ماغيرها .. من متى ذي معنـا
اماني: أي ريم؟
جوري وهي تقوم: بعدين اقولك بنزل اشوف

نزلت جوري بسرعه وقبل لاتوصل لهم سمعت هواش الاثنين

جوري: السلام عليكم

لفت ريم بغرور وطالعت جوري : اهلا
فارس: وش نزلك جوري ارجعي للباص
جوري وهي تكلم ريم: اقول ترى عيب اللي تسويه واتركي اخوي بحاله..الحين لاشافوك البنات وش يقولون؟
الريم: وانتي شدخلك؟
جوري: نعم ياعيوني؟ انتي بالطقاق بس اخوي ماابي حد يتكلم فيه ممكن تروحين
فارس: بس انتي وياها الله يغربلكم قولوا امين خلاص روحوا للباص
الريم وهي بتبكي: مابروح مابروح قبل مااعرف رقمك الجديـد

تنهد ولف لاخته وكلمها في اذنها: خلاص علشاني جوري روحي وانا بتصرف معها
جوري: ان شاء الله

طالعت جوري في البنت باحتقار ورجعت تصعد الباص

اماني: ها وش السالفه؟
جوري: لاوصلنا اعلمك
اماني: مو شغلي بعرف الحين...فارس من وين يعرف هالبنت؟
جوري: اووه اماني مو رايقه الحين..لاوصلنا بعلمك
اماني وهي ترجع تطالعهم من النافذه: تيب

نرجع لفارس والريــم..

فارس: ريم انسي اللي بيننا خلاص انا تركت كل سوالفي وخرابيطي
الريم وهي تبكي: يعني انا صرت من خرابيطك...كيف هنت عليك يافارس كييف
فارس: لحوول يابنت الحلال... الناس تطالعنا روحي الله يستر عليك
الريم: ماابي ماابي
فارس وهو خلاص عصب: اووف الكلام معاك ضايع..احفظي كرامتك وروحي
الريم: وحبنا؟ وكل ذكرياتنا يافارس؟
فارس : تراني مليت وزهقت .. انتي بس شوفي شكلك مو عيب طالعه بهالعبايه الضيقه والمكياج..
هذا وانـا موصيك الف مره ومحذرك لاتكشفين ..
هذا الحب اللي تتكلمين عنه؟
تبيني احبك واتزوجك وانتي كذا؟
ولاباالحـلام ياحلوه

صعد فارس سيارته الهمر...وعلى طـول شخط بيعيييد

اما ريم مسحت دموعها ولملمت اغراضها وصعدت الباص وخاطرها مكسور ..
انتبهت لها جوري طالعتها بطرف عينها ورجعت تسولف مع اماني..

اماني: اقول جوري..هالبنت تطالعك بحقد
جوري: ماعليك منها .. واعلى مافي خيلها تركبه..
اماني: بس شوفيها تبكي حرام..خلينا نروح نشوف شفيها
جوري: وجع اماني من بقية اهلنا هي...بالطقاق جعلها تبكي لبكره
اماني: طيب علميني كيف فارس يعرفها ومن وين وليش هي تبكي
جوري: يووووووه منك انا بنام احسن اذا وصلنا للرياض صحيني
اماني: هين ان ماخليتك بروحك بالباص ولاصحيتك مااطلع اماني

السـبت .. قامت دينـا من بدري ..
طالـعت في الساعه 6 ونص..

قامت وهي خاملـه تبي ترجع تنـام .. بس لا عيادها صار لها فتره هاملتها
لازم تقوم وترجع لعملها وتترك الكسل
وراها مرضى تاركتهم..


سبحت ولبست ملابسها واخذت عبايتها معاها لتحت..

لقت ريــان مع لطيفه يسولفون..

دينا: صباح الخير
ريان,لطيفه: صباح النور
دينا: ها جالسين
ريان: أي والله..ها اليوم قايمه من بدري
دينا: لازم ارجع العياده
لطيفه: الله يعطيك العافيه
ريان وهو يقوم: وين رامي بيتأخر عن المدرسه...
لطيفه وهي تلف للمطبخ: راميييي يارااامي يلا لاتتأخر عن المدرسه..

طلع رامي من المطبخ وبيده عصير...

لطيفه: يلا اشربه بالسياره
رامي تأفأف وحط العصير عالطاولـه

ريان: وجع ان شاء الله شفيك بعد تقول اف..قسم ان شفتك تقولها مره ثانيه اقص لسانك
رامي: انا ماقلت شئ
لطيفه: خلاص ريان خليه...اصلا مدري هو متغير متبدله احواله هالفتره
ريان وهو يطالع ولده بنظره غضب: صحيح اللي تقوله امك؟
رامي وهو خايف من ابوه: لا
لطيفه وهي تقوم: ريان واحنا من متر نربي عيالنا بالعصبيه والصراخ لاجيت من العمل نتفاهم..يلا لاتتأخروا
ريان: دينا اوصلك ولا؟
دينا: لا ماتقصر ياخوي ماابيك تتأخر .. انا اروح مع السايق
ريان: شدعوه على طريقي يلا مشينـا
دينا: يلا

طلعوا الثلاثه..رامي جلس ورا وهو طول الطريق ساكت...وريان يسولف مع دينـا..

وصلها عند العياده نزلت وهي متحمسه للعمل..


دخلت المكان نظيف ومرتب وهادئ كالعاده

مرت على المطبخ الصغير اللي دايم يجلس فيه الفراش..

دينا وهي مبتسمه: السلام عليكم
ابوادريس وهو يقوم: هلا دكتوره...حياك يابنيتي..
دينا: الله يحييك...شلونك ابوادريس وشلون عيالك؟
ابوادريس: دامك يابنتي بخير احنا بخير...مابغيتي ترجعين لاشغالك
دينا: شسوي بعد انشغلت والله...بس ان شاء الله كل شئ بيرجع مثل قبل
ابوادريس: مبروك يابنيتي عالملكه
دينا وهي تطالع الدبله بيدها وببتسامه مكسوره: الله يبارك فيك وعقبال عيالك
ابوادريس: امين يارب..ها وش تشربين؟
دينا: لاهنت .. قهوه ساده
ابوادريس ويده على راسه: على راسي ثواني وهي على مكتبك
دينا: ماتقصر مشكور ابوادريس

طلعت وهي ممتنه لهالشخص...اللي تعتبره بمعزه ابوها بالضبط..
ظروف كثيره صعبة مرت على هالرجال وعايلته..
ودينـا وقفت جنبهم وساعدتهم ماديا ومعنويــا..

دخلت مكتبها ومرت على مكان السكرتير .. مالقت بندر
لقت مكانه السكرتيره البديلـه..


السكرتيره: وعليكم السلام
دينا: ها كيفك سهى؟
السكرتيره: والله ماشي الحال...اي قبل لاانسى من شوي جاء مريض..بس مشى قبل لاتوصلين بخمس دقايق..قال انه بيرجع بعد نص ساعه
دينا: وش اسمه واعطيني الملف..
السكرتيره وهي تفتح الملف: اممممممم خالد...
دينا ببتسامه عريضه: اووه خالد ولد خالتي
السكرتيره بفضول: وولد خالتك مريض نفسي؟ وش مرضه بالضبط؟
دينا: مااحب حد يتدخل بخصصوصيات عملي .. الا بندر وينه؟ليه مو مداوم
السكرتيره: اتصل قبل يومين..وبيقدم استقالته
دينا: ليييه؟ وش اللي صار؟
السكرتيره: ماعندي أي فكره
دينا بعصبيه: شلوون ماعندك غكره.. كل ماسألتك عن شئ قلتي ماادري..مااعرف..اجل وش اللي تعرفيه؟
السكرتيره: لو سمحتي دكتوره دينا مالها داعي العصبيه وانا مو مقصره في شغلي
دينا: شوفي انا اللي احدد هالشئ...شفتي كل شئ حولك هذا ملكي انـا...اقدرر افصلك من عملك اليوم قبل بكره فاهمه
السكرتيره ببرود: حبيت اقولك ان تركي زوجك السابق جاء بيوم ملكتك
دينا وهي تقرب من سهى: لتكوني انتي اللي خبرتيه بملكتي؟
السكرتيره: ليش سويت شئ غلط انـا؟
دينا وهي تبي تتحكم بأعصابها بس ماقدرت: انتي غبيه ولا شنو بالضبط...

دخل بهالوقت ابوادريس وقف مكانه يوم شاف عصبية دينــا

دينا بعصبيه: تدرين اعتبري نفسك مفصوله من هاللحظه ولاعاد اشوفك هنا بره اطلعي بره

لملمت السكرتيره اغراضها بعصبيه واضحه وطلعت

ابوادريس: خير ان شاء الله..ليه طردتيها يابنتي؟
دينا: اااخ ياابو ادريس هذي غبيه ماتفهم سببت لي مشكله انا في غنى عنها
ابوادريس: وش صار؟
دينا: قالت لطليقي تركي عن ملكتي...ماله داعي يعرف بأموري الخاصه

دخلت لداخل مكتبها وهو دخل وراها وحط القهوه قدامها..

ابوادريس: لايابنيتي صلي عالنبي مابيصير شئ.. واي شئ تحتاجيه انا حاضر
دينا بشرود تفكر: ماتقصر...الحين لازم نجيب سكرتير او سكرتيره ..
ابوادريس: وبندر؟
دينا: تقول سهى ان بيقدم استقالته...تدري انا بكلمه وبشوف
ابوادريس: اجل مااعطلك عن اشغالك يابنيتي...
دينا: تقدر تتفضل لشغلك

اتصلت دينا لبندر...

بندر: ايوه مرحبا
دينا: هلا بنــدر
بندر: ياهلا دكتوره كيفك شخبارك؟
دينا: انا بخير... بس وش هاالاخبار الشينه اللي سمعتها؟
بندر: استقالتي قصدك؟
دينا: ليش يابندر..احنا مقصرين معاك بشئ؟
بندر: اسألي سهى وهي تقول لك..
دينا: سهى؟؟ شسالفه؟
بندر: اخر مره داومت فيها لقيت سهى مكاني..رغم اني عطيتها خبر اني بداوم بالليل .. لاني فاضي
جيت اكلمها باحترام قلت لها يابنت الناس مكاني وفيه اوراق لازم اشتغل عليها هبت فيني وقالت هذا مكاني واذا مو عاجبك شوف مكان ثاني
دينا: ماشاااء الله عليها صارت تقرر بعد...عالعموم يابندر انا فصلتها عن العمل نهائيا...
تقدر ترجع لمكانك معزز مكرم..وحقك علي

بهالوقت انفتح الباب..ودخـــل بهيبته اللي خلتها ماتعرف تكمل كلامها
ونست وش كانت تقول...

بندر: الوو..دكتوره انتي معاي
دينا: ها..اممم ايوه بندر مثل ماقلت لك..
بندر: ماتقصرين دكتوره..
دينا: تقدر ترجع من اليوم لشغلك..حتى ماتتراكم عليك الملفات
بندر: اووكي...ساعه وانا بالعياده والف شكر لكـ
دينا : اوكي بانتظارك..باي

سكرت ورفعت راسها له..لقته يمشي بالغرفه ويتفحص الاغراض..

دينا وهي تقوم من مكانها: شهالزيارده المفاجئه...
سعود: والله قلت امرك و..

قبل لايكمل جملته لف عليها..كانت جالسه على طرف الطاوله ..

سعود: منو بندر؟
دينا: سكرتيري
سعود: وليش سكرتير مو سكرتيره
دينا: بديناا
سعود: ابد والله انتي حره بعيادتك بس مجرد سؤال
دينا: والله عاجبني شغل بندر يفهم علي دايركت..وكانت معاه مساعده بس فصلتها اليوم..
سعود: ليش؟
دينا: ماتناسبني...

مشى سعود لخزانه زجاجيه فيها صور وتذكارات وشهادات وشوية كتب

شاف صورة لدينـا وهي لابسه لبس التخرج وتسلم على واحد امريكي شخصيه

دينا وهي تجي جنبه: هذا استاذي بالجامعه..ادوارد..
سعود: اها..حلووو..(وقام يطالع شهادات الشكر والتقدير)كل هالشهادات؟؟
دينا ببتسامه: هذا ولاشئ .. بالبيت عندي اكثر..
سعود وهو يلف لها: انا اشهد انك دافوره
دينا ببتسامه مغروره: من زمان...الا ماقلت لي وش تشرب؟
سعود: انا بصراحه جاي اعزمك عالغداء اليوم؟
دينا باستغراب: عازمني انـا؟؟

سعود بقلبه...اي انتي على بالك عازمك حبا فيك ولالسواد عينك
والله لو ما الوالده حنت علي اعزمك ماجيت شفتك اصلا
بس يلا ماباليد حيله...
وفتره وتعدي..
بس نتزوج بسوي اللي ابيه

دينا: انت معاي؟
سعود: أي أي معاك...الساعه كم امرك؟
دينا وهي تطالع ساعتها: امممم وحده مناسب لك؟
سعود: اوكي خلاص الساعه وحده اجيك..بس مو تتأخرين
دينا: اذا مشغول بلاها هالطلعه
سعود وهو يطالعها باستصغار: انا اللي احدد هالشئ ..

حاولت تتجاهل هالنظره .. حتى ماتثير مشاكل في مكان عملـها...
دينا: الا ماقلت لي اخبار رزان؟
سعود وهو يتذكر احداث الليله الماضيه: تعبت امس معاهـا
دينا: ليش؟

تنهد سعود..هي حست ان المشكله كبيره وجاء دورهـا كزوجه اب او كأم بديلـه..تحل محل الام المفقوده...وتتعامل مع الموقف كأم مع بنتها

دينا: ليش واقف تعال نجلس

راحوا جلسوا مقابل بعض...
دينا: قول شسالفه؟
سعود: امس جابت لي رزان ورقه فيها تبليغ عن مجلس الامهات..عاد انا قلت بكلم اسماء تروح معاهـا
وربي يوم عرفت البنت زعلت وقعدت تبكي..
دينا: ليش طيب؟
سعود: تقول ماتبي اسماء..تبي امها..

ابتسم سعود بحزن وهو يطالع دينــا

ماتدري ليش ماهانت عليها هالنظره المكسوره..مدت يدها وربتت على يده كأنها تخفف عنه متاعبه..

هو استغرب منها الحركه..بس سكت ماقال شئ

دينا: طيب واسماء راحت معها اليوم ولا؟
سعود: لا..البنت عيت ماتبي عمتها..خفت تزهق اسماء وتأذيها
دينا: سعود..ليش ماقلت لي؟
سعود: اكيد انك مشغوله وعندك شغل ومو فاضيه لهالسوالف
دينا: سعود حط في بالك..اني احب رزان وابي مصلحتها..عالعموم ماراح الومك الان..بكره بس اصير معاها ببيت واحد بعرف كل امورها وبتصرف انـا معها
سعود : مشكوره..يابنت عمي
دينا: على وشو؟ يلا قوم
سعود: وين؟
دينا: ودني لمدرسة رزان
سعود:جد؟
دينا: طبعا...ماراح اخليها لوحدها بيوم مثل هذا..

كان وده يشكرها بكل كلمات الشكر اللي بالعالـم..
ماتوقع ردة فعلها..
بصراحه بعد هالموقف كبرت بعينه..بس مو كزوجه او حبيبه..

كأم صالــحه في القريب العاجل..فقـط

سعود: متأكده انك تبين تروحين
دينا وهي تفسخ اللاب كوت الابيض: طبعا..مافيها نفاش

كان يطالعها وهي تلبس عبايتها وتلف شيلتها

دينا وهي مستعجله تبي تلحق على رزان: امممم جوالي جوالي ويينه

كانت تدوره بسرعه وتتنقل بين انحاء الغرفه

سعود: يمكن بالشنطه
دينا: لا انــا شلته من شنطتي

وهي جالسه تدور دق الباب..

دينا: تفضل..

دخل وهو مبتســم..بس لما شاف سعود استغرب..

خالد: سعود؟؟
سعود: خالد؟

دينا حارت بينهم..الحين سعود بيسأل ليش خالد جاي؟
وش اقول لــه؟؟

خالد: اسف والله ماكنت اعرف انك هنـا..ولا ماكنت جيت سعيدان
سعود وهو لازال متفاجئ: لالا..حيــاك اصلا كنا طالعين
خالد: على وين؟
دينا: ابد بروح مدرسة رزان ..
خالد: امممم خلاص اجل انـا استأذن ماابي اعطلكم...نشوفكم على خير وسلم على خالتي ياسعود وانتي يادينا
سعود,دينا: يوصل

طلع خالد قبل لايعطي سعود فرصه يتكلـم .. وهو خايف لاتقول دينـا شئ لسعود
لانه مايبي حد يعرف باللي فيه..
وده تكون مراجعاته للعياده سريه..
بعيده عن شوشرة الاهل..

سعود وهو يلف لدينـا اللي لقت جوالها بالدرج: ليش طلع مستعجل؟ وايش يبي ؟
دينا بارتباك: اممم..مدري علمي من علمك...بس اكيد جاي يسلم لااكثر
سعود: يسلم؟ لا مو جاي يسلم..واضح انه جاي لشغله معينه..
والدليل يوم شافني تفاجئ وقال كلمتين ومشى...
دينا وهي تمشي: ليش تحقيق ياسعود؟ قلت لك مااعرف
سعود: ماتبين تقولين؟
دينا: بصراحــه لا..

حس بالغضب يتسرب بسرعه لكل خليه في جسمه..
بينهم اسرار؟
وش اللي صاير ولااعرفه..

اصلا انا ايش يهمني...بالطقاق..
بس لا..صحيح اني مااحبها ولااواطنـها بس صارت زوجتي
ولازم اعرف كل شئ عنها...
بحكم اني زوجها والمفروض ماتخبي عني شئ..

دينـا وهي تحس بغضبه: ماله داعي..قلت لك مافي شئ..يلا مشينـا

طلعت ومشت قدامه بشموخ وده بس يذبحها..
ابدا مايحب شموخها..وغرورهـا..

صعد بالسياره قبلها..صعدت جنبه
كانت اول مره تجلس جنبه بالسياره
حست بتغير الوضع عليها
لانها مو متعوده..
بس حاولت تكون طبيعيه

لف عليها ببرود: تدرين
دينا: شنو
سعود: حتى لو حاولت اتجاهل مشاعري تجاهك واتعامل معاك طبيعي
بتصرفاتك وغرورك تثيرين كرهي وعصبيتي..غصبا عني
دينا: سعود...الموضوع مايستاهل..ولد خالتي وجاي يزورني هذا كل الموضوع
سعود ببرود: اوكي

وقف عنـد مدراس(...)الأهليـه..

سعود: وهذي المدرسه..
دينا: خلاص اوكـي..
سعود: انتظرك ولا؟
دينا: لاخلاص روح لاشغالك..اذا خلصت بدق للسايق
سعود: اوكي خلاص...
دينا: مع السلامه..

نزلت ومشت للبوابـه وهو يطالعها..

طلعتي اصيله يابنت عمي..ااه لو الزمان كان غير هالزمن
واللي بقلبي غير
ومشاعري غير

يمكن كنت احبك وتحبيني..
بس للاسف..

قلبك مو معاك وقلبي مو معاي..


......................

دخلت دينــا للمدرسه لقت مرشده واقفه ,, ارشدت دينـا للمسرح
راحت دينا هنـاك وانضمت للامهات اللي يسمعون المديره تلقي كلمتها..

بعد ماخلصت سألت دينـا عن رزان ومعلمتها..

وقابلتها..

الابلـه حصه: اهلا وسهلا
دينـا: الابله حصه؟
حصه: أي نعم...
دينا: انـا بستفسر عن الطالبه رزان سعود الـ(....)
حصه ببتسامه هادئه: انتي امها؟ معقوله؟
دينا: لا انـا زوجه ابوها..
حصه : حيـاك حياك تعالي نجلس

جلسوا على كرسين بعيدين عن ازعاج البنات والامهات..

حصه: ممكن اسألك عن امها؟
دينا: متوفيه..
حصه: اااووه انـا اسفه من جد ماكان عندي خبر
دينا: لاعادي..ماصار الا الخير
حصه: طيب...اختي انـا قد كتبت لها ملاحظات على اساس تشوفها امها..
ماكنت اعرف انها متوفيه بصراحه..
مدري ماشفتيهم وانتي تتابعين وتذاركين لها؟
دينا: شقولك ياابـله..بس انـا ووالد رزان لسه مالكين..مابعد نتزوج..
لذلك رزان مع ابوها مو معاي بالبيت
حصه: اها لهالسبب...كنت دايم اكتب لها ملاحظات واطلب منها اشياء ماكانت تجيبهم
دينا: ان شاء الله من اليوم ورايح كل شئ بيتغير..بس طمنيني على مستواها...
حصه: لا ماشاء الله عليها رزان...ممتازه جدا..الله يبارك فيها ويوفقها
بس احيانا تنطوي ولاتحب تجلس مع صاحباتها..الاحظ هالشئ في حصص وورش العمل الجماعيه..
دينا: انا ذكرت لك الاسباب..اكيد نفسيتها لعبت دور كبير
حصه: ان شاء الله فتره وتعدي وانتي الخير والبركه..وبصراحه اول مره اشوف زوجه اب مهتمه ببنت زوجها كذا
يعني لسه ماتزوجتوا واهتمامك فيها كبير وواضح
دينا ببتسامه: لان ياابله حصه والد رزان ولد عمي..ورزان قربيه حيل مني
حصه: اهااا..حلوو كثير الله يوفقكم يارب...وانا من جد احييك يا...عفوا ماعرفت اسمك
دينا: دينــا..
حصه: عاشت الاسامي يادينـا...وتشرفت بمعرفتك
دينا وهي تقوم: وانـا اكثر والله استاذه حصه...والف شكر لك
حصه: لاشكر على واجـب عزيزتي..
دينا: اقدر اشوف رزان ولا؟
حصه : بالتأكيد وتقدرين تطلعينها لان الدوام خلص..تعالي معاي لو سمحتي

مشت دينـا مع الابلـه حصه للطابق الثاني وهم يسولفون على امور كثيره..

حصه: انتي تدرسين يااخت دينا ولا ايش؟
دينا ببتسامه: لاخلصت..
حصه: وتشتغلين؟
دينا: انا دكتوره واشتغل بعيادتي الخاصه
حصه وهي متفاجئه: ماشاء الله ... ماشاء الله ودكتوره ايش؟
دينا: دكتوره نفسيه
حصه: معقوله
دينا : ايووه..
حصه: ههههه ياحليلك والله باين عليك صغيره توقعتك تدرسين والله
دينا: يعني انا مو كبيره لهالدرجه هههههه
حصه: ههههههههه والله حلوو وكيف شغلك؟
دينا: والله حلوو...رغم انه متعب بيني وبينك احيانا اتعب من جد وانـا اسمع مشاكل ومأسي ماتتخليها ولكن الحمدلله
حصه: الله يعينك احس شغلك مو هين ابـد..

وصلــوا للمكتبه الكبيره..

حصه: تلاقين رزان تقرأ داخـل انا تركتها مع زميلاتها يتسلون بالكتب شوي
دينا: اوكي بدخل لها
حصه: تبغين اجي معاك ولا
دينا: لااستاذه حصه ماقصرتي كفيتي ووفيتي..واشكرك مره ثانيه على اهتمامك برزان...
حصه: لاشكر على واجب...انا استأذن منك الحيـن دكتوره
دينا ببتسامه : اذنك معاك
حصه: خلينـا نشوفك..
دينا: اكيد


دخلت دينـا للمكتبه اللي تعج بأعداد كبييره من الكتب
مشت لين وصلت لمكان الطاوله اللي مصفوفه بشكل عرضي..
شافت طالبات صغار واجد..
بس ماشافت رزان..

ياربي البنت وين راحت..
مشت تدورها بين رفوف الكتب لقتها عند مكان قصص الانبيـاء تختار قصه

دينا وهي تحط يدها على عين رزان: انـا ميين؟
رزان بفرح وهي تنط: دينااااااا

حضنت دينـا رزان بقوه لصدرها..حست دينا من جد ان رزان فرحانه فيها

رزان ببراءه: خالوو دينا انتي كيف عرفتي مدرستي
دينا وهي تمسح على شعر رزان: اولا انا اسمي ماما دينا..ثانيا بابا جابني هنــا
رزان وهي تفكر: اناديك ماما دينا؟
دينا ببتسامه: اكيد..ولا ماتبيني اصير ماما
رزان وهي تبتسم بفرح طفولي: ابيك ماما...تعالي شوفي القصص حلوين

قامت رزان تطلع القصص وحده ورا الثانيه .. طالعت دينا بساعتها...
صارت الساعه 11 ونص .. تأخرت كثير عالعياده...

دينا: اقول حبيبتي رزان..يلا نتصل للسايق حتى نطلع من المدرسه
رزان : ابي اقرأ قصه
دينا: خلاص حبيبتي انا اشتري لك مثلهم شرايك؟
رزان بفرح وهي تحضن دينا: اووكي
دينا: فديت الشطوره انــا يلا حبيبتي بس وين شنطتك وكتبك
رزان: بجيبهم

راحت رزان لعند اخر طاوله وجابت اغراضها..
دينا: يلا مشينـا
رزان وهي تمشي جنب دينا: ماما .. انتي شفتي ابله حصه؟

دينا سكتت وهي تفكر بكلمة ماما يوم قالتها رزان
احساس غريب يوم اللي تكون مسؤل عن طفل بين يوم وليله
حست بأحساس امومه قوي يجتاحها,,
صحيح انه غريب هالاحساس وجديد عليها
لكن لازم تتعود علشان خاطر هالمسكينه اليتيمه..

دينا: أي شفتها وقالت لي انك شطووره مره وممتازه
رزان وهي تطلع بطاقه من جيبها: شوفي هذي البطاقه

كانت بطاقه ورديه مكتوب عليها بالخط العريض..طالبة الاسبوع المثاليه..رزان سعود

دينا: ياحيااتي انتي .. أي حبيبتي رزان ابيك دائما متفوقه..
رزان: أي علشان بصير دكتوره مثلك
دينا: ههههههه مثلي؟ دكتوره نفسيه؟
رزان: لا ابي اصير دكتوره اطفال..
دينا: ماشاء الله عليك.. ان شاء الله بتصيرين دكتوره قد الدنيــا..

وصلوا لعند البـاب وفجأه تذكرت دينا موعدها مع سعود..
هي متفقه معاه يتغدوا مع بعض..
مدري اكلمه او لا..

تغطت ومسكت يد رزان وطلعوا للشارع...وقررت تتصل له..