 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#16
09-06-2007
| ||||
| ||||
 رد: قصه سعوديه تجنن...أدخلوا وشوفوا هاني: بعد بعد بثمع موثيقى ديمه: ههههه اسمها مو سيقى مو موثيقى هاني وهو يناطط : بعد بثمع ديمووو ديمه وهي تعزف مقطوعه خربوطه : يلا اسمع هاني وهو يعصب : مو حلوو مو حلووو دينا وهي تقوم من الفراش بعصبيه : لحوووول شهاالازعاج .. ماعندك غرفه تعزفين فيها على راحتك ديمه: اسكتي لايسمعك ريان واروح فيها دينا وهي ترجع تنام: قومي بره لغرفتك ديمه: مابتروحين العياده ياحلوه دينا وهي تطالع الساعه وتنصدم: يالله تأخرت قامت بسرعه ودخلت الحمام واخذت شاور سريع ولبست وتعطرت وصلت نزلت بسررعه للطابق الارضي تاركه ديمه وهاني بـاالغرفه لوحدهم بطابق ثاني من نفس البيت .. كانت لطيفه تعبانه من الحمل هالمره رغم انها لازالت بالشهور الاولى الا ان الوحام ذابحها ومو قادره تشم او تاكل شئ .... أعطت ريان الشماغ المكوي وجلست بتعب على طرف السرير ابتسم وغمز للطيفه اللي ابتسمت بتعب راح وجلس جنبها عالسرير بعد مالبسه ريان: شفيك لطيفه: مدري تعبانه ريان وهو يسكر الكبكات في ثوبه : ماعاش التعب طيب قومي ارتاحي ونامي لطيفه: ودي بس هاني مو راضي ينام شلون اتركه لوحده ريان: طيب وينه الحين لطيفه: عند ديمه تحت ريان: طيب خليه عندها وانا بوصيها عليه وانتي ارتاحي لطيفه وهي تقوم وتتوجه لمخدتها: ماتقصر حبيبي ريان وهو يسحبها من يدها بحنان: انتبهي لنفسي زين لطيفه وهي تأشر علي عيونها: من عيوني طفى ريان الانوار ونزل من الطابق الثالث للثاني وهو عالدرج سمع صوت ضحك ولده هاني وصوت اله مويسقيه . عمره ماسمع هالصوت من قبل في البيت جن جنون ريان لانه مايحب هالحركات ولا كان يعرف ان عند ديمه جيتار , توجه لمصدر الصوت الا ووهو غرفة دينا لقى ديمه تعزف وهاني مثل البنات يرقص حست ديمه ان في احد عالباب لما شافته رمت الجيتار بخوف عاالارض وارتبكت ونزلت راسها.. اما هاني المسكين خاف من نظرات ابوه وراح جلس جنب عمته ديمه.. ريان بصراخ: ديموووووه هذي سواياك ياللي ماتستحين ديمه: لالا .. ريان لاتفهمني غلط انا.. تقدم لها ريان ومسكها من زراعها بقوه وهو يصارخ: فهميني شنو هذا اللي تسوينه ديمه وهي تبكي ومو عارفه وش تقول: اتركني ريان: مو قبل مااعلمك الادب وصلت فيك المواصيل لهنا ياديموه تدخلين هالخرابيط البيت.. انا اصلا من زمان حاس بشئ غريب مخبيته عني بس الحين عرفته ديمه وهي تبكي وتترجاه: انا اسفه انا اسفه مااعيدها بس اتركني رماها بقوه عالكنبه واخذ الجيتار وكسره عالجدار وهي تمسكه من يده تمنعه وتبكي بقوه وهو خبر خير مطنش لين كسره لقطع صغيره... بعدها رمى الباقي عاالارض ولف يطالعها : الحين بتركك يابنت امي وابوي وياويلك لو اشوفك مدخله هالسخافات بيتنا فاهمه بكت ديمه بقوه وهي تشوف جيتارها صار قطع صغيره مافيها فايده.. وهاني مسكين من صراخ ابوه بكى وهي يتقرب من ديمه ويمسح دموعها... قامت وطلعت من الغرفه وولد اخوها يتبعها وهي معصبه حيل مثل البركان اللي بينفجر نزلت تحت لقت ريان وامها وابوها يفطرون... ديمه قربت منهم وهي تبكي ريان من شافها قلب وجهه الناحيه الثانيه مايبي يطالعها ام ريان بخوف: شفيك ديمه؟ ارتمت ديمه بحضن امها وهي تبكي ام ريان: خير يمه شصاير تكلمي ابو ريان: ديومه من زعلك ريان بعصبيه وهو يقوم: والله ماراح يضيعها الا دلعكم الزايد لها ابوريان وهو معصب الثاني: طيب فهموني شصاير ريان: يبه انت كنت عارف ان بنتك السخيفه عندها جيتار وتعزف عليه ابوريان: ايوه عارف ومافيها شئ ريان: يبه انت من جدك..ومن متى احنا ندخل هالاشياء بيتنا والله زمان مصاخه هالجيل ماعنده سالفه الا تقليد الغرب ويكون بعلمكم انا كسره ولو اشوف عندها واحد ثاني بكسر راسها وياه ديمه: حرام والله حرااام ابوريان وهو يقوم ويعدل البشت على ذراعه: ريان دامي للحين عايش لاتتدخل في امور انا راضي عنها ريان : يمه لاهنتي حطي بالك على هاني يلا انا طالع شال ريان مفاتيح سيارته والجوال وطلع من البيت وهو معصب من دلع ابوه لديمه ابوريان وهو يراضي بنته ويمسح على شعرها: خلاص ياديمه لاتزعلين ام ريان: قلنا لك يابنتي ريان مايحب هالحركات بس انتي ماسمعتي الكلام..تستاهلين اللي جاك انتبهوا لهاني اللي يقرب من جدته ويبي يبعد ديمه عن حضنها هاني: دووومي يلا ( قومي) ديمه وهي تبتسم له: مافي هاني وهو يعصب: مامااا ثوفيها بعدت ديمه عن امها وتقرب هو مكانها , حضنته جدته وباسته على خده ابوريان: يلا انا بطلع بعد ام ريان: درب السلامه ابوريان: الله يسلمك هاني: بلوح معاك (بروح) ابوريان: هههههه لا مايصير رايحين شركه مو ملاهي يلا مع السلامه ام ريان: الله يسلمك.. ............. وهي جالسه بعيادتها على مكتبها تقلب ملفات واوراق معينه,, سمعت صوت صراخ مو غريب عليها.. قامت من مكتبها وطلعت بره الغرفه الا السكرتير يمنع خالد من الدخول على دينـا خالد بعد ماانتبه لدينا: هاا هذا هي وصلت تأكد بنفسك دينا وهي تضحك وتقرب منهم: صلوا عالنبي ياجماعة الخير السكرتير: دكتوره يبي يدخل عليك من غير موعد ويقول انه يقرب لك ويموون دينا: ههههه أي يابندر هذا ولد خالتي ولو سمحت لو جاء مرة ثانيه دخله علي دايركت بدون موعداو اذن السكرتير بندر: على امرك دكتوره دينا: حياك خالد تفضل دخل خالد مع دينا لغرفتها وجلسوا على كرسين بعيدين عن المكتب دينا ببتسامه: حيالله خالد شهالزياره المفاجئه خالد: والله ماتسألين يابنت خالتي قلنا نجي نسأل عنك دينا:هههههه تسأل عنك العافيه..ها ايش تشرب خالد: لا مافي داعي مشكوره دينا دينا:افا ياخالد توصل لعندي ولاتشرب شئ مايصير خالد: يلا عصير قامت دينا لمكتبها ودقت الجرس للسكرتير
_________________  |
|
#17
09-06-2007
| ||||
| ||||
| رد: قصه سعوديه تجنن...أدخلوا وشوفوا دينا: بندر بندر: ايوه دكتوره دينا: لو سمحت خبر الفراش يجيب لنا 2 عصير برتقال بندر: ان شاء الله دينا: مشكور ابتسمت لخالد وجات جلست على نفس المكان دينا: تبي تقنعني الحين انك جاي بس تسأل عني خالد وهو ينزل راسه ويشبك اصابعه ببعض: اممم والله مدري شقولك دينا: قول اللي بقلبك مابيننا شئ ياخالد خالد وهو يتشجع: دينا ماجيتك الا من زود همي وضيقتي...كرهت الدنيا باللي فيها دينا: ليه بس ياخالد,, شئ مكدر خاطرك؟ خالد: مو هنا المشكله انه مافي أي سبب او مشكله معينه..كاره الدنيا بدون اسباب دينا وهي تأشر عالكرسي الطويل اللي يجلسوا عليه المرضى: تفضل هناك بترتاح اكثر قام خالد وجلس عالكرسي الطويل ودينا جلست مقابله قام يطالع اركان الغرفه,, كان الديكور يوحي بالهدوء والطمأنينه والاضاءه كانت صفرا فاتحه ... ولاحظ شموع حمراء فواحه على مكتبها خالد: انا على هالديكور الخيال كل يوم بجيك دينا: هههههههه تسلم .. سكت خالد ونزل راسه ,, حست دينا ان خالد فيه شئ وكبير ولازم توقف معاه وتساعده كونها دكتوره نفسيه لها صيطها الكبير بين الناس.. دخل بهالوقت الفراش وبيده صينيه عصير حطها قدامهم شكرته دينا وطلـع دينا: قلي وش اللي مكدر خاطرك خالد: مافي سبب..مدري شاللي احسه دينا: خالد يكون بعلمك مافي انسان في هالعالم ممكن انه يتضايق بدون سبب خالد: كيف يعني دينا: ابيك تفهم شئ معين ونقطه علميه مهمه...رواسب الماضي ياخالد اللي تبقى بخاطر وروح الانسان هي السبب.. احيانا تمر عالشخص ظروف او مواقف مهما كانت يتضايق ويزعل منها .. بس يتجاهلها وكأنها مو موجوده .. يحط في باله انها مسأله وقت لاااكثر مع كثر الضغوط والرواسب الانسان ينفجر ياخالد.. لذلك ضروري على كل شخص يوم يتضايق يبحث في نفسه على العوامل اللي سببت له هالحاله ويحاول يعالجها او ينهيها ويصفى فكره وروحه من هالشوائب ابتسم خالد لكلام دينـا وشرب من العصير اللي قدامه دينا: ها كلامي مقنع ولا؟ خالد: اكيد يادكتوره دينا : ههههههه مثل ماقلت لك ياخالد انت مو متضايق بدون سبب اجلس بينك وبين نفسك تذكر محطات حياتك اللي مرت عليك شوف وش الحلو منها واستمد طاقته منه.. وش الشئ المحزن فيها وحاول تعالجه وتنهيه خالد: من عيوني دينا: خالد بكره ابي تزورني واشوف وش اللي توصلت له ونعالج الموضوع سوا خالد: بتعبك معاي انا متأكد حالتي مستعصيه دينا: لا ياخالد كذا ماراح نقدر نستمر .. خلي ايمانك قوي وان شاء الله سحابه صيف وضغوط مع الايام بتزول.. بس مثل ماقلت لك بكره ابي اشوفك ونكمل كلامنا قام خالد من مكانه وهو ممتن لبنت خالته اللي مهدت له الطريق مبدئيا حتى يختلي مع نفسه ويفكر ويدرس الاسباب اللي سببت له هالحاله وبكره يعرضها عليه ... خالد: خلاص يابنت خالتي بكره نلتقي دينا: على خير سلم لي على الثلاثي المرح خالد: هههههههه ان شاء الله دينا: وخالتي سلم لي عليها كثييير خالد باحراج: الله يسلمك بس دينا دينا: هلا خالد: ماابي حد يعرف اني جيتك وخاصه امي عارف انها بتخاف علي دينا: دام هذي رغبتك اكيد ماحد بيعرف تطمن خالد: ماقصرتي يادينا يلا توصين على شئ دينا: سلامتك ولاتتأخر بكره خالد: اووكي يلا مع السلامه دينا: فمان الله .............
_________________ |
|
#18
09-06-2007
| ||||
| ||||
| رد: قصه سعوديه تجنن...أدخلوا وشوفوا طلـع خالد من عيادة دينا لاحلى مكان وملاذ كل انسان البحر.. جلس على اكبر صخره لقاها وشال شماغه ببرود ورماه جنبه وهو يطالع ضوء الشمس المنعكس بخجل على قطرات البحر قام يفكر بعمق واستعد لدخول مغامره داخل اعماقه.. من يوم كان صغير دايركت انرسمت صوره لايمكن تنمسح من خياله مهما صار...!! لما كان بعمر 14 سنه وقبل مايموت ابوه جاء يوم العيد وكان خالد جالس مع اخوانه وامه .. دخل عليهم ابوهم وفي يده هدايا العيد لهم.. كانت هدية فؤاد من جد كبيره ((سياره)) هديه نجاحه وهديه العيد بنفس الوقت.. تذكر نظره الدهشه والفرح بعيون فؤاد..طار واخذ المفتاح من يد ابوه وهو مو مصدق..باسه على راسه اكثر من مره لين بعده ابوه وقاله ( عورت راسي اعقل ياولد) ابتسم خالد لهالمشهد بعدها اخذت امل هديتها واميره واماني... جاء دور خالد وقرب من ابوه وهو مبتسم وقال خالد: وانا يبه وين هديتي؟ طالعه ابوه ببرود مو طبيعي ولف لزوجته ام فؤاد وقال ابوفؤاد: هديتك عند امك ياحبيب امك وتركهم ابوفؤاد وصعد غرفته.. طبعا محد من الموجودين انصدم ولا استغرب..كان شئ طبيعي اللي يصير ماهي جديده من يوم يومه ابوفؤاد يعامل خالد كذا دون اخوانه وش السبب؟ للحين مجهول هل راح ينعرف مع الايام؟؟ خالد حزتها انكسر قلبه..شئ قوي حطم كبريائه اللي بدى يتكون بشخصيته المراهقة انسحب بهدوء وصعد غرفته.. وكانت ام فؤاد مكسوره حزينه للي تسمعه وتشوفه حاولت تناديه تراضيه بس مامن مجيب.. كانت خطواته سريعه اسرع من ندائها الحائر واعتزل بغرفته.. جلس بالظلام بالنحديد بزاويه غرفته اللي متعود يجلس فيها اذا ضاق صدره.. حضن نفسه بذراعه النحيله.. وبدأ يتسائل بذهول وسط الحزن اللي عايشه.. ليه يعاملهم بحب وانا لا؟ ليه يضحك ويسولف معاهم وانا لا؟ ليه.. لـــــيييه لييه يايبه تكسرني لييه في شنو انا انقص عنهم؟ بالدراسه؟ لا لاني اكثر واحد متفوق بينهم ودايم اطلع من الاوائل في الاخلاق؟ لا انا اهدأ واحد بينهم اكثر واحد فيهم بار بأمي واعاملها بحب وماانسى تاريخ ميلادها واجيب لها هديه كل سنه وانت يايبه نفس الشئ.. ليه الكل يحبني وانت يايبه ماتحبني؟ طاحت دمعه حايره على خد خالد تجيب على كل اسئلته واستمر هالحال سنين.. والقافله تسير بخالد واحزانه وسط ظلم ابوه له.. وفي يوم من الايام وبعد 4 سنين بالضبط ولما كان عمر خالد 18 سنه نزل من داره مسرع بعد ماشاف نتيجه الثانويه العامه بالانترنت ولقة ابوه بالصاله يتابع الاخبار.. خالد بفرح: يبه يبه ابوفؤاد وهو يطالع الشاشه: نعم خالد وهو يجلس جنب ابوه والفرحه مو شايلته : يبه طلعت نتيجتي لف ابوفؤاد ببروح لولده وقال: ها كم النسبه؟ خالد: 95 يبه بقدر ادخل الطب يايبه وبرفع راسك وسط ربعك قام ابو فؤاد بعصبيه: يا قليل الادب شقصدك يعني راسي مو مرفوع بأخوانك؟ خالد بصدمه: لا يايبه انا مااقصد اللي فهمته ابوفؤاد: هذا اللي ناقص ياولد امك انت يالمراهق ترفع راسي انا راسي من يومه مرفوع بتجارتي ونجاحي ونجاح اخوك فؤاد هالوقت كان فؤاد ينزل عالدرج وسمع اخر جمله واعتصر قلبه حزن على اخوه وتوأم روحه خــالد.. خالد والدمعه بعينه: يبه انا لمن تعبت؟ ليش بدخل الطب؟ ليه اذاكر وانجح واجيب نسبه عاليه؟ مو علشانك وعلشان القى منك كلمة طيبه ترفع معنوياتي ليه تحب فؤاد وانا لا ليييه ابوفؤاد بعصبيه: بس ولاكلمه لاتجي تقارن نفسك بفؤاد فؤاد رجال فؤاد بهاللحظه صار معاهم وطالع اخوه بنظره حزن وتلقى من خالد نظره حزن اكبر كانت هالنظرات تواسي بعضها في احزانها ودموعها.. فؤاد: خلاص ياخوي اذكر الله واصعد دارك.. خالد بقهر والدموع على خده: لاخليني اطلع اللي بقلبي..خلني اطلع قهري (ولف يطالع ابوه) بكل صراحه اقولها انت ماتحب الا نفسك ماتحب غير نفسك ماحس خالد الا بيد ابوه ترتفع وتضربه على خده كف رنت له قلوب تراقب المشهد عن بعد الا وهي (فؤاد وامه اللي دمعت عينها وقلبها يتقطع على ولدها ولاتقدر توقف بوجه عنفوان وغرور وكبرياءوجبروت زوجها) خالد ويده على خده : تضربني يايبه؟ ليه؟ علشاني برفع راسك؟ علشاني ببيض وجهك قدام الناس علشاني بصير دكتور لي سمعتي بين الناس؟ هذا جزاء الاحسان؟ فؤاد وهو يمسك ابوه من ذراعه: يبه طول بالك صلي عالنبي خالد: خليه يافؤاد...خليه يضربني خليه يعاملني كأني عامل او خادم عنده ابوفؤاد وهو طالع من طوره: ايوه خادم ولد خادم لارحت ولاجيت وانا لاني ابوك ولا اعرفك.. وطلع بعدها ابو فؤاد من البيت وصعد خالد لغرفته وهو يكسر كل شئ يمر بجنبه ودموعه تسابقه لغرفة الاحزان والدموع اللامتناهيه.. دخلت وراه امه وسكر الباب خالد والعبرع خانقه ومو عارف يتكلم: يمه بروحي كاره حتى نفسي ماابي اشوف حد ام فؤاد وهي تقرب منه وتحضنه: فديتك ياولدي مااحب اشوف دمعتك خالد: سمعتيه بأذنك يايمه..مايعتبرني ولده انا اكرهه مثل مايكرهني مااحبه.. ام فؤاد: بس انت عصبته ياخالد..وتعرف ابوك كيف عصبي وعلى طول يشب نار بس قلبه طيب وحنون ويحبك خالد ودموعه تهل وماتوقف: مايحبني وانت سمعتيه بنفسك...اكرهه اكرهه امفؤاد: خالد عيب هذا ابوك.. خالد: ابوي؟ هذا ابوي؟ لا مافي ابو يعامل ضناه بهالطريقه في هاللحظه لمح خالد نظره خوف بعيون امه اللي من سمعت جملتة الاخيره انسحبت بسرعه من يومها والشكوك تتزايد داخله ليش مايدري... بعد ماخلـص خالد من رحلته القصيره نسبيا داخل اعماقه قام يمشي عالبحر لعل وعسى هالهواء الطلق يمسح بقايا ذكريات عذبت قلبه سنين طويله بس ليش امي تخاف لما نتهاوش انا وابوي؟ ليش احسها ضعيفه رغم انها قويه ؟؟ ليش لما اقول انه مو ابوي ماتعلق وتخاف وتسكت؟ ليييش؟ هل هي مجرد ظنون ولا واقع انا مااعرف عنه شئ الله يستر .......................... اسماء بغرفتها ومعاها رزان اللي كالعاده جالسه تقرأ قصه اطفال.. واسماء ترتب ملابسها بالخزانه وفجأه رن التلفون اللي بغرفتها.. اسماء: حبيبتي رزان ردي شوفي منو رغم اني عارفته هههه رزان: طيب وراحت رزان ترد رزان: الو مين فؤاد: هلا والله بالورده هلا بالسندريلا اخبارك رزان وهي تقلد جوري اذا عازلها وعاكسها حد: عيب عليك لاتغازل ياولد الناس اسماء ماتت من الضحك وراحت لعند التلفون لانها تعرف زين انه فؤاد اللي من يرجع من الدوام دايركت يكلمها... فؤاد: هههههههه انتي من علمك هالكلام رزان ببراءه: عمتي جوري فؤا: الله يغربلها خربت افكارك..ها زوجتي وين رزان وهي تفكر : مين زوجتك فؤاد: لحوووول عمتك اسماء زوجتي وصلت المعلومه
_________________ |
|
#19
09-06-2007
| ||||
| ||||
| رد: قصه سعوديه تجنن...أدخلوا وشوفوا سحبت اسماء السماعه ورزان راحت تكمل قراءه اسماء بهدوء: هلا فؤاد فؤاد وقلبه دق لما سمع اسمه منها: يابعد حياة وقلب وروح فؤاد انتي يالغاليه تدرين وش احلى شئ بالدنيا ممكن اسمعه؟ اسماء وهي تبتسم وتجلس على طرف السرير: وشو؟ فؤاد: اسمي من شفايفك ابتسمت اسماء وهي تلعب بأسلاك التلفون فؤاد: وحشتينــي.. اسماء بخجل: وانت كمان فؤاد وهو يغني: احبك يااجمل الاحساس وحشني حبك المجنون متى ترضى علي وتحن يااسماء يااحلى مافي الكون اسماء وهي ضايعه من الحيا: خلاص ..فؤاد فؤاد: تدرين برمي نفسي من سطح البيت اسماء: يؤؤ لييش فؤاد: اووف بعدين تعرفين اسماء: بسم الله عليك شفيك قلبت من شوي تغني ومبسوط فؤاد: بصراحه...شئ بخاطري اسماء: امر تدلل فؤاد: ماينفع عالتلفون اسماء: طيب تعال البيت فؤاد: لا اسماء ابي اتكلم بحريه وناخذ راحتنا شرايك نروح مطعم ونتغدى سوا؟ اسماء: لا...اسفه فؤاد بصدمه: هوووه شفيك ناسيه اني زوجك على سنه الله ورسوله.. اسماء: اكيد مانسيت بس مو حلوه اطلع واترك امي لوحدها فؤاد: اسماء هذا عذرك؟..الحين انا طالبك بموضوع هام تردين علي هالرد؟ كثر الله خيرك يجي منك اكثر..توصين على شئ ؟؟ ارتبكت لما لمست نبره الزعل بصوته..اذا فؤاد الحنون العطوف عليها زعل من يبقى لها؟ اسماء: لاتزعل مني فؤاد.. فؤاد بعصبيه: لاوليش ازعل انتي ماسويتي شئ.. انتي ماراح تحسين الا لما اموت وتفقديني ولعلمك راح تكوني انتي السبب سكتت وجمـلته الاخيره ترن وتكرر نفسها بأذنها..فؤاد يموت ويتركني؟ بعد ماابوي تركني يتيمه؟ رفيق عمري المنتظر بعد يموت مثل مامات ابوي؟ لا مستحيل مااتحمل صدمات اكثر طاحت دموعها وهي تتخيل هالشئ..صارت بعد تجربة زواج فاشله وموت ابوها حساسه تخاف من طاري الفراق والموت والضياع... حس فؤاد انها تبكي ولام نفسه على اسلوبه البايخ معاها.. فؤاد بحنان: حبيبتي انا اسف والله مااقصد.. لكن هالكلمات بدال ماتواسيها زادت من بكاها تركت السماعه وراحتت للحمام تبكي بقوه والخوف ماكل قلبها... فؤاد: الو...اسماء.. اسماء.. ردي علي ولكن مامن مجيب..سكر ونزل لقى امل مع اماني يحشون بخلق الله كالعاده وامهم تخيط بالصوف مفرش ابيض... فؤاد: يمه انـا طالع ام فؤاد وهي تترك اللي بيدها: هاها وين توك واصل ماتغديت ولاغيرت حتى ملابسك فؤاد: بروح يمه لأسماء مدري شفيها ام فؤاد: بسم الله عليها بنت اختي شفيها عسى ماهي مريضه امل: هااا مزعل بنت خالتي اماني: اكيد مزعلها ماتعرفين اخوك واخلاقه الجميله فؤاد: اقول لااجي واطمر في بطنك ياالسوسه..انتي متى بتكبرين وتتركين هاللقافه هااا الله يغربلكم يالبنات ليل نهار لقافه وحش بخلق الله خلاص ماصارت ماتملون اماني بكل برود ترفع كاس العصير وتشرب وهي تطالعه وتبتسم فؤاد: عساه السم الهاري ضحكوا عليه وطلع وهو مسرع لخطيبته وحبيبة قلبه اسماء.. اللي تحدى كل الصعاب وقدر يكسر مخاوفها عاالاقل بشكل مؤقت وبعد رحلة طويله من العذاب صارت اسماء ملك له وحده.. وصل لبيت خالته وفتحت له الخادمه..دخل الصاله وهو منزل راسه بس ماكان في احد فؤاد: احم يااهل البيت طلعت خالته وهي مبتسمه من المطبخ: هلاوالله بولدي تو ماتبارك البيت يانظر عيني قرب منها وباسها على راسها فؤاد: متبارك بوجودك يالغاليه ها اخباركم وش مسويين ام سعود: بخير الله يسلمك تفضل يافؤاد فؤاد: ها مااشوف حد ام سعود: سعود بالشركه وفارس نايم والبنات فوق فؤاد وهو مستحي: خالتي ابيك تنادين لي اسماء لاهنتي ابيها ضروري ام سعود: وليه مستحي ياولدي اسماء زوجتك...انتظر بناديها الحين فؤاد: خلاص يالغاليه بنتظرها بالمجلس ام سعود وهي تصعد: براحتك يمه البيت بيتك.. راح وجلس بالمجلس اللي ريحة العطور والبخور ماتفارق ركن من اركانه.. شاف بالزاويه اللي جلس عندها برواز فيه صورة قديمه نوعا ما لعمه ابو سعود ايييه الله يرحمك ياعمي...رحت وراحت ايامك يالغالي؟؟الله يرحمك يالطيب ويغمد روحك الجنـه.. وبالطابق الثاني..اسماء لازالت تبكي بالحمام وامها سمعت صوتها بالحمام وقامت تناديها من ورا الباب ام سعود: حبيبتي افتحي لي الباب اسماء وصوتها ضايع بوسط الدموع: خلووني خلووني يمكن اموت وارتاح من هالدنيا الغداره اللي تاخذ كل اللي احبهم خلووني خلووني وارتفع صوت صياحها وام سعود خافت على فلذه كبدها.. ام سعود: اسماء حياتي مو زين تبكين بالحمام...مو زين اطلعي اسماء: خليني هنا ابي اموت وارتاح ابي امووت ام سعود: استغفر الله العظيم..يمه لاتقطعين قلبي فهميني شصاير؟ متهاوشه مع فؤاد؟ اسماء لما سمعت اسـمه وطاريه بكت اكثر وغطت وجهها بيديها اللي ترتجف جوري بغرفتها مع رزان اللي من سمعت صوت اسماء تبكي طلعت من غرفتها وراحت ركض لجوري وخبرتها بكل شئ جوري: زيزي حبيبتي فهميني زين اللي صار..الحين فؤاد اتصل عليها وبعدين رزان ببراءه وهي توصف اللي صار وتأشر بيدها: بعدين قامت تبكي حييل وصار وجهها احمر جوري وهي تمسك شعرها: لا انا بموت منك كيد بتصير حمرا اجل فسفوري رزان: هههههههههه جوري وهي تحمل بت اخوها رزان بمرح وترميها عالسرير وهي تضحك جوري: طيب صار وجهها اخضر مدري فسفوري وبعدين.. رزان: بعدين صاحت ودخلت الحمام والحين جدتي عندها تصارخ عليها علشان تطلع من الحمام جوري وهي تفكر ويدها على فمها: ياترى ايش فيها..يمكن متهاوشه مع فؤاد؟ لالا فؤاد طيوب حبوبـ لايمكن يزعل اسماء مايسويها لازم اروح بنفسبي وافهم السالفه .. شفيني صرت اماني الثانيه خخخخخ جوري: خليكي هنا رزان وانا بروح اشوف اسماء رزان: لا بجي ويـاك قصتي تركتها هناك جوري: ياشيخه انا اجيبها لك وبعدين يادبة عندك الف قصه غيرها طلعت جوري دايركت لغرفة اختها جوري: ها يمه عسى ماشر شسالفه؟ ام سعود والخوف باين على وجهها: اختك مو راضيه تفك الباب زوجها تحت يبيها سمعت اسماء ان فؤاد هنا وارتاحت نسبيا بس هالشئ ماخفف من دموعها ومخاوفها الكبيره من المستقبل.. جوري: خليها علي يمه وانت تطمني وروحي اجلسي مع فؤاد فشله.. ام سعود والدمعه قريب تطيح من عينها: ياربي فوضت امري اليك...انا الاقيها من وين ولا من وين.. مو كفايه اللي فيني تزيديني يااسماء.. طلعت ام سعود وجوري من جد عصبت عاللي تسويه اسماء لان المفروض هالفتره يكونون حول امهم يطمنوها ويخففون حزنها.. جوري: انت طفله ولاشنو مو حرام عليكي امي بروحها تعبانه واللي فيها كافيها تجين وتزيدين همها اسماء من ورا الباب: مالك خص روحي غرفتك جوي: انا بروح بس عيب اللي توسيه ترى زوجك يبيك تحت ينتظرك راحت جوري غرفتها وهي متاكده ان اختها بتطلع على طول..وبالفعل غسلت اسماء وجهها ونزلت تحت مالقت حد بالصاله وتوجهت للمجلس .. دخلت لقت امها جالسه مقابل فؤاد ولد اختها..
_________________ |
|
#20
09-06-2007
| ||||
| ||||
| رد: قصه سعوديه تجنن...أدخلوا وشوفوا اسماء بصوت كسير: السلام عليكم فؤاد وهو يقوم من مكانه: وعليكم السلام ام سعود: انا طالعه ياوليدي..لو تبون شئ انا بالمطبخ فؤاد: ماتقصرين يالغاليه بس خليكي شدعوه ام سعود: لا خذور راحتكم رمت ام سعود نظره حزن سريعه على بنتها وطلعت وسكرت الباب وراها.. جلست اسماء بنفس مكان امها ونزلت راسها للارض.. ابتسم فؤاد وراح جلس جنبها... فؤاد: تصدقين.. ماتصيرين حلوه لما تزعلين طالعته ببرود ورجعت تطالع الارض.. فؤاد: يعني زعلانه؟ اسماء واول دمعه تخونها قدامه: لا فؤاد: اجل؟ اسماء وشفايفها ترتجف وبصوت كسير :خايــفه.. ماتحمل يشوفها كذا مثل الطير المذبوح الخايف من اقل شئ ينهي حياته ضمها لصدره حست باالامان في هاللحظه اكثر من اي وقت مضى... اشتاقت لصدر حنون دافئ يحميها من غدر الزمان واهاته.. فؤاد: حياتي من شنو خايفه..مافي اي سبب للخوف اسماء وهي تبكي: ليه تجيب طاري الموت من ساعه..مااحب هالطاري مااحبه مو كفايه خسرت ابوي بعد اخسرك؟ لاماابي ماابي ضاع صوتها وسط تنهيدتها واهاتها الحزينه مسك يدها بيده اليمين ويده الثانيه تمسح على شعرها بحنان فؤاد: لاحبيبتي لاتخافي انا معاك ماراح اتركك دقيقه وحده..ليه هالخوف قولي لي اسماء: من هالدنيا الغداره اللي اخذت مني اعز ناسي خايفه بعد ماتعودت عليك تاخذك مني غمض فؤاد عينه كان وده يسمع كلمه بعد ماحبيتك بدل كلمه بعد ماتعودت عليك.. بس الظاهر والاكيد ان مشاعر اسماء لازالت مع وقف التنفيد وشعورها تجاه فؤاد مجرد تعود لااكثر ..هل مع الايام راح تحبه؟ ممكن ليش لا فؤاد وهو يحاول يرسم ابتسامه على ملامحه الهاديه الحلوه بنفس الوقت: انا اسف لو قلت شئ زعلك وضايقك..يلا امسحي دموعك مااحب اشوفها.. مسحت دموعها وابتسمت ابتسامه هادئه اضافت لملامحها سحر خاص.. نزل فؤاد يده من يدها وهو يبي يتكلم بس مو عارف اسماء: في خاطرك شئ؟ فؤاد: فيه اسماء : قول اسمعك فؤاد: اسماء صار لنا ممملكين على بعض 5 شهور.. هالوقت كانت ام سعود بيدها البخور ومعاها الخادمه بيدها عصير وكيك بس وقفت ام سعود مكانها ودخلت الخادمه حطت الصينيه وطلعت اسماء: قصدك نتزوج؟ فؤاد: اكيد يعني لين متى بتبقين في بيت وانا في بيت خلاص تعالي معاي ونرتاح ام سعود فرحت...هذي اللحظه اللي تبيها من زمان انها تشوف اسماء مرتاحه مستقره ببيت زوجها... اسماء وهي تقوم: ابوي ماصار له سنه متوفي وتبيني اسوي عرس..وين صارت هذي فؤاد: ومين جاب طاري عروس وحفلات...مالها داعي اصلا انا ماارضاها لعمي.. دخلت ام سعود بهالوقت حتى تحط النقاط عالحروف وتحط حد لهالموضوع ام سعود: زوجك معاه حق اسماء: يممممه ام سعود: يمه كلام زوجك صحيح لين متى انتي ببيت وهو ببيت خلاص مصخت صار لكم 5 شهور.. واذا عالحفله مانبي عرس ولاشئ.. خلوها عشاء عائلي وخلصنا.. احتارت اسماء بس فكرت ان كلام امها معقول .. فؤاد: هااسماء شقلتي؟ اسماء: خلاص شوركم وهداية الله ابتسمت ام سعود ولفت تطالع فؤاد اللي من الفرحه راح باس راس خالته فؤاد: انا وين لقى مثلك وربي مافي مثلك ياخالتي ام سعود: هههههههههه يلا الف مبرووك عقبال ماافرح في عيالكم طالع فؤاد في اسماء حتى يحرجها بس ابتسمت بخجل وطلعت عنهم.. وصادفت فارس بوجهها بعد ماطلع فؤاد من بيت خالته وهو محمل بأحلام ورديه تنتظره مع شريكة حياته اسماء ام سعود حست انه الوقت المناسب جاء حتى تكمل فيه وصية زوجها وحبيبها ابوسعود وتخلي الفرحه فرحتين... وتخطب اليوم دينا وتكلم ابوريان بهالموضوع حتى يتفق مع سعود وبأعتقادها لو سعود عصب لتصرفها وزعل بس يتزوج دينا بيفرح ويرتاح وترتاح بنته رزان معاها لانها لقت ام ثانيه ترعاها وتهتم فيها جلست اسماء جنب امها السرحانه وسألتها.. اسماء: هاالغاليه في شنو تفكرين؟ ام سعود: افكر اكلم عمك على موضوع بنته واخوك اسماء بصدمه وهي تقوم:سعود وافق؟ ام سعود: لا طبعا..وتبوني انتظره لين يوافق؟ هذا اللي قاصر لو انتظرته ماراح يوافق اصلا ووصية ابوك لازم تتنفذ انتظرت كثير وماعاد لي صبر مع اخوك العنيد اسماء وهي تحاول تهدي امها: يمه الله يهداك شهالكلام انتي كذا بتخلقين بينك وبين سعود مشاكل ماراح تنتهي .. يمه اقنعي سعود قبل وبعدها خطبوا البنت ام سعود بأصرار: ماتعودت اخلي كلام الصغار يسيرني ويمشيني...ابوك هذي رغبته من قبل مايموت اقل شئ نسويه بحقه انه ننفذها اسماء: اي يالغاليه مااختلفنا الوصيه بتتنفذ بس موبهالسرعه .. ماتعرفين عصبية سعود.. ماتضمنين شراح يسوي ام سعود: بياخذها ولو زعل يومين وبيرضى ولدي واعرفه زين.. اسماء وهي تحس ان امها مصره مافي شك: براحتك صعدت اسماء بسرعه لجوري ودخلت الغرفه لقت جوري تسمع لراشد وتخربش بقلم اسود جوري: بسم الله خرعتيني يادبه اسماء وهي تجلس جنب اختها: لحقي لحقي بتصير معركة بلاط الشهداء في بيتنا الليله جوري وهي تصفق: حلوو بشجع اسماء وهي تضرب جوري على راسها: ياخبله اتكلم جد امك بتخطب دينا اليوم من عمي جوري: شلووووون؟ سعودووه وافق؟ متى؟ انا ماعندي خبر اسماء: طالع هالخبله اخوك ماوافق امي بتحطه قدام الامر الواقع جوري: يؤؤؤؤ مايصير سعود ماراح يسكت اسماء: هذا الكلام يلا شنسوي الحين لازم نوقف امي جوري وهي تفكر: طيب نكلم خالتي امال اسماء: وخالتي ايش بتسوي؟ جوري: تجي هنا تكلم امي تهديها .. بس عسى ماكلمت عمي؟ اسماء: لالا قالت بتكلمه المغرب جوري: اجل بسرعه خذي جوالي ها كلمي خالتي خلها تجي تتصرف اسماء وهي تاخذ الجوال: طيب التلفون يرن يرن وترد اماني اماني: مرحبا اسماء: هلاوغلا اماني وين خالتي اماني: هلااسماء شلونك اسماء: انا بخير بسرعه ابي خالتي اماني: ليييش عندكم اسرار اسماء وهي تنزل الجوال وتكلم جوري: هذي اماني كيف اتصرف مع لقافتها جوري وهي تسحب الجوال من اسماء: يادبه بلا لقاااافه لااجي امعص رقبتك يلا اعطيني خالتي اماني: مافيييش اول اعرف وش الموضوع وبعدين انادي امي جوري وهي بدت تعصب: اماني عاد الموضوع مهم وين خالتي جات ام فؤاد وسمعت اماني ام فؤاد: ها من متصل اماني: صاحبتي ام فؤاد: صاحبتك وانتي تقولين بنادي امي هااتي عارفه لقافتك اماني: اووه يمه عااااد ام فؤاد: الوو جوري: واخيرا وينك خالتي لي ساعه ابي اكلمك ام فؤاد: تعرفين بعد لقافة بنت خالتك ها يمه خير وش بغيتي عسى مافيكم شئ جوري: مصيبه ياخالتي تعالي لنا بسرعه ام فؤاد: يؤؤ شصاااير تكلمي جوري: لما تجين بتعرفين كل شئ بس تعالي بسرعه ام فؤاد: احكي الحين طيحتي قلبي الله يغربل عدوك جوري: خالتي والله امي ام فؤاد: بسم الله عليها اختي فيها شئ جوري: لااااااا مافيها شئ بس بتتهور وتخطب دينا لسعود ياخالتي ولو يعرف سعود بيسوي مصيبه انتي عارفته ام فؤاد: اوووف الله يرجك من بنت كذا وقفتي قلبي هذا الموضوع جوري: ياخالتي الموضوع مو صغير مثل ماانتي متصوره تخيلي نخطب لسعود وهو ماعنده ادنى فكره ام فؤاد: طيب طيب انا بجيكم الحين حبيبتي جوري: عفيه خالتي لاتتأخرين ام فؤاد: من عيووني جوري: باي سكرت جوري وانسدحت : يالله امي شفيها مو معقوله تسويها رن جوال جوري وكان خالها مساعد متصل جوري وهي ترد : ياهلا والله بحبيبي اللي مااتحمل غيابه كل هالغيبه تغلي ولاانا شوقي بزياده اسماء: تكلميين منو يادبه هااا جوري: اووه هذا خالي مساعد شفيك مساعد: الوووو جوري: هاااه وياك وياااك مساعد: وجعاااه ان شاء الله شفيه رقمك مشغول جوري: كنت اكلم خالتي امال مساعد: غريبه شعندك؟ جوري: اووه مادريت ياخالي باللي صاير مساعد: كالعاده انا لي الله اخر من يعلم يلا بالتفصيل الممل احكي لي وقالت جوري كل شئ من طقطق للسلام عليكم مساعد: عدل زين تسوي فيه اختي جوري: وش اللي عدل ياخالي انت الثاني مساعد: شوفي اخوك ذا دلووع قولي لي وين بيلقى احسن واحلى من دينا هااا دينا جوهره ماتتعوض .. مايشوف حال بنته المسكينه جوري: شرايك تجي تتغدى عندنا من زمان ماشفناك ومنها تكون موجود لو لاسمح الله صارت مشكله مساعد: من عيوني هو سعود رجع من الشركه ولا؟ جوري: ليه انت مو بالشركه؟ مساعد: لا طلعت اسدد فاتورة جوالي جوري: لسه مارجع مساعد: طيب الحين بجيكم جوري: تكفى مر البقاله خالي وخذ لي بيبسي مساعد: لاااا شرايك اجيب لك كرتون مو افضل؟ جوري: يالييت تسوي في بنت اختك خيير مساعد: اووه لا انا اقول بجيب لك كرتون بيبسي وكرتون جلكسي شقلتي جوري: يابعد عمري يامساعد ويلوموني بحبك يااحلى خال مساعد: انقلعي قلعك الله يامال العافيه جوري: اوووه ليييش مساعد: انا توني مسدد فاتورتي الف ونص مفلس حدددي جوري: زعلت رووح ماابي شئ مساعد: زعلي وحطي ريشه بعد على راسي جوري: اهئ اهئ باااااي مساعد: بايوو ياحلوو سكر مساعد وهو يضحك ومر البقاله واخد جالكسي وبيبسي لبنت اخته وصديقته جوري وراح للبيت وبعد عشر دقايق وصلت ام فؤاد ام سعود تفاجأت ليه الاثنين جايين بوقت واحد وش السالفه .. بس ام فؤاد هدتها وقالت لها انهم جايين بتغدوا معاهم ام سعود: هههه السالفه كذا؟ اجل ليه مامريتوا على اختي انتصار بطريقكم سكتت ام فؤاد .. هذا اللي ناقص تجي وتسمع اللي بنقوله.. مهما كان صحيح هي اختهم الثالثه بس بعد دينا بنتها وبتزعل لما تعرف ان سعود مايبيها... فارس والنوم باين بعيونه: ها شفيك طايره لكنها كانت بعالم ثاني ولا ردت فارس: هاا شفيها ذي مجنونه دخل عليهم فارس: هلااااااااااا ولد خالتي هلا والله راح وسلم على فؤاد فؤاد: كان لاجلست رح كمل نووم فارس: شفيها هالخبله طلعت طايره ام سعود ببتسامه: خلاص اختك بتروح بيت زوجها فارس وهو يقلد الحريم: كلوووووووش عقبالي فؤاد: ياليت والله تترك خرابيطك وتعرس فارس: لاياشييييخ انا اتزوج رح منااك بس اخسر حريتي علشان بنت تخسي اللي هي فؤاد: اسمع مني واخطب ماراح تندم فارس: يااخي مستغني عنك وعن افكارك اللي بتضيعني ام سعود: ههههههه الله يوفقكم ياعيالي ...................
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
