 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#21
09-06-2007
| ||||
| ||||
 رد: قصه سعوديه تجنن...أدخلوا وشوفوا بعد ماطلع فؤاد من بيت خالته وهو محمل بأحلام ورديه تنتظره مع شريكة حياته اسماء ام سعود حست انه الوقت المناسب جاء حتى تكمل فيه وصية زوجها وحبيبها ابوسعود وتخلي الفرحه فرحتين... وتخطب اليوم دينا وتكلم ابوريان بهالموضوع حتى يتفق مع سعود وبأعتقادها لو سعود عصب لتصرفها وزعل بس يتزوج دينا بيفرح ويرتاح وترتاح بنته رزان معاها لانها لقت ام ثانيه ترعاها وتهتم فيها جلست اسماء جنب امها السرحانه وسألتها.. اسماء: هاالغاليه في شنو تفكرين؟ ام سعود: افكر اكلم عمك على موضوع بنته واخوك اسماء بصدمه وهي تقوم:سعود وافق؟ ام سعود: لا طبعا..وتبوني انتظره لين يوافق؟ هذا اللي قاصر لو انتظرته ماراح يوافق اصلا ووصية ابوك لازم تتنفذ انتظرت كثير وماعاد لي صبر مع اخوك العنيد اسماء وهي تحاول تهدي امها: يمه الله يهداك شهالكلام انتي كذا بتخلقين بينك وبين سعود مشاكل ماراح تنتهي .. يمه اقنعي سعود قبل وبعدها خطبوا البنت ام سعود بأصرار: ماتعودت اخلي كلام الصغار يسيرني ويمشيني...ابوك هذي رغبته من قبل مايموت اقل شئ نسويه بحقه انه ننفذها اسماء: اي يالغاليه مااختلفنا الوصيه بتتنفذ بس موبهالسرعه .. ماتعرفين عصبية سعود.. ماتضمنين شراح يسوي ام سعود: بياخذها ولو زعل يومين وبيرضى ولدي واعرفه زين.. اسماء وهي تحس ان امها مصره مافي شك: براحتك صعدت اسماء بسرعه لجوري ودخلت الغرفه لقت جوري تسمع لراشد وتخربش بقلم اسود جوري: بسم الله خرعتيني يادبه اسماء وهي تجلس جنب اختها: لحقي لحقي بتصير معركة بلاط الشهداء في بيتنا الليله جوري وهي تصفق: حلوو بشجع اسماء وهي تضرب جوري على راسها: ياخبله اتكلم جد امك بتخطب دينا اليوم من عمي جوري: شلووووون؟ سعودووه وافق؟ متى؟ انا ماعندي خبر اسماء: طالع هالخبله اخوك ماوافق امي بتحطه قدام الامر الواقع جوري: يؤؤؤؤ مايصير سعود ماراح يسكت اسماء: هذا الكلام يلا شنسوي الحين لازم نوقف امي جوري وهي تفكر: طيب نكلم خالتي امال اسماء: وخالتي ايش بتسوي؟ جوري: تجي هنا تكلم امي تهديها .. بس عسى ماكلمت عمي؟ اسماء: لالا قالت بتكلمه المغرب جوري: اجل بسرعه خذي جوالي ها كلمي خالتي خلها تجي تتصرف اسماء وهي تاخذ الجوال: طيب التلفون يرن يرن وترد اماني اماني: مرحبا اسماء: هلاوغلا اماني وين خالتي اماني: هلااسماء شلونك اسماء: انا بخير بسرعه ابي خالتي اماني: ليييش عندكم اسرار اسماء وهي تنزل الجوال وتكلم جوري: هذي اماني كيف اتصرف مع لقافتها جوري وهي تسحب الجوال من اسماء: يادبه بلا لقاااافه لااجي امعص رقبتك يلا اعطيني خالتي اماني: مافيييش اول اعرف وش الموضوع وبعدين انادي امي جوري وهي بدت تعصب: اماني عاد الموضوع مهم وين خالتي جات ام فؤاد وسمعت اماني ام فؤاد: ها من متصل اماني: صاحبتي ام فؤاد: صاحبتك وانتي تقولين بنادي امي هااتي عارفه لقافتك اماني: اووه يمه عااااد ام فؤاد: الوو جوري: واخيرا وينك خالتي لي ساعه ابي اكلمك ام فؤاد: تعرفين بعد لقافة بنت خالتك ها يمه خير وش بغيتي عسى مافيكم شئ جوري: مصيبه ياخالتي تعالي لنا بسرعه ام فؤاد: يؤؤ شصاااير تكلمي جوري: لما تجين بتعرفين كل شئ بس تعالي بسرعه ام فؤاد: احكي الحين طيحتي قلبي الله يغربل عدوك جوري: خالتي والله امي ام فؤاد: بسم الله عليها اختي فيها شئ جوري: لااااااا مافيها شئ بس بتتهور وتخطب دينا لسعود ياخالتي ولو يعرف سعود بيسوي مصيبه انتي عارفته ام فؤاد: اوووف الله يرجك من بنت كذا وقفتي قلبي هذا الموضوع جوري: ياخالتي الموضوع مو صغير مثل ماانتي متصوره تخيلي نخطب لسعود وهو ماعنده ادنى فكره ام فؤاد: طيب طيب انا بجيكم الحين حبيبتي جوري: عفيه خالتي لاتتأخرين ام فؤاد: من عيووني جوري: باي سكرت جوري وانسدحت : يالله امي شفيها مو معقوله تسويها رن جوال جوري وكان خالها مساعد متصل جوري وهي ترد : ياهلا والله بحبيبي اللي مااتحمل غيابه كل هالغيبه تغلي ولاانا شوقي بزياده اسماء: تكلميين منو يادبه هااا جوري: اووه هذا خالي مساعد شفيك مساعد: الوووو جوري: هاااه وياك وياااك مساعد: وجعاااه ان شاء الله شفيه رقمك مشغول جوري: كنت اكلم خالتي امال مساعد: غريبه شعندك؟ جوري: اووه مادريت ياخالي باللي صاير مساعد: كالعاده انا لي الله اخر من يعلم يلا بالتفصيل الممل احكي لي وقالت جوري كل شئ من طقطق للسلام عليكم مساعد: عدل زين تسوي فيه اختي جوري: وش اللي عدل ياخالي انت الثاني مساعد: شوفي اخوك ذا دلووع قولي لي وين بيلقى احسن واحلى من دينا هااا دينا جوهره ماتتعوض .. مايشوف حال بنته المسكينه جوري: شرايك تجي تتغدى عندنا من زمان ماشفناك ومنها تكون موجود لو لاسمح الله صارت مشكله مساعد: من عيوني هو سعود رجع من الشركه ولا؟ جوري: ليه انت مو بالشركه؟ مساعد: لا طلعت اسدد فاتورة جوالي جوري: لسه مارجع مساعد: طيب الحين بجيكم جوري: تكفى مر البقاله خالي وخذ لي بيبسي مساعد: لاااا شرايك اجيب لك كرتون مو افضل؟ جوري: يالييت تسوي في بنت اختك خيير مساعد: اووه لا انا اقول بجيب لك كرتون بيبسي وكرتون جلكسي شقلتي جوري: يابعد عمري يامساعد ويلوموني بحبك يااحلى خال مساعد: انقلعي قلعك الله يامال العافيه جوري: اوووه ليييش مساعد: انا توني مسدد فاتورتي الف ونص مفلس حدددي جوري: زعلت رووح ماابي شئ مساعد: زعلي وحطي ريشه بعد على راسي جوري: اهئ اهئ باااااي مساعد: بايوو ياحلوو سكر مساعد وهو يضحك ومر البقاله واخد جالكسي وبيبسي لبنت اخته وصديقته جوري وراح للبيت وبعد عشر دقايق وصلت ام فؤاد ام سعود تفاجأت ليه الاثنين جايين بوقت واحد وش السالفه .. بس ام فؤاد هدتها وقالت لها انهم جايين بتغدوا معاهم ام سعود: هههه السالفه كذا؟ اجل ليه مامريتوا على اختي انتصار بطريقكم سكتت ام فؤاد .. هذا اللي ناقص تجي وتسمع اللي بنقوله.. مهما كان صحيح هي اختهم الثالثه بس بعد دينا بنتها وبتزعل لما تعرف ان سعود مايبيها... ام فؤاد: انتصار فاضيه تترك ديمووه وهاني ورامي تعرفين لطيفه تعبانه ياحليلها ام سعود: اي يحليها تعبت هالمره الله يقومها بالسلامه مساعد: اوووووه يلا بلا رسميات ومجاملات وين الغدا نزلت جوري لهم ولما شافت الكيسه اللي بيد خالها نطت عليه وحضنته مساعد: اااي رقبتي راسي خشمي وااع بعدي عني جوري وهي تبعد وتضحك: ههههههه مشكوور يااعز خال مساعد: الله يسلمك يلا يلا الغدا جوعاااان حدي.. ام سعود: طيب ننتظر وصول سعود وفارس اسماء: فارس من ساعه هنا وينه ام سعود: طرشته يجيب من السوبر ماركت كم غرض هالسواق الجديد مايفهم والله مساعد: خلاص ننتظره اجل.. وجلست العايله مع بعض ووصل فارس وسعود وتغدوا سوا ................. قامت من فراشها بتعب وطلعت للصاله لقت ريان يدخن سجاره عصبت اولا لانها ماتحب ريحته اصلا ولانها حامل وتلوع كبدها منه ولانها تخاف على ريان منه لطيفه وهي تسحب السجاره وتطفيها بالطفايه: كم مره قلت لك ريان مااحبه ريان وهو يلتفت لها: لي قمتي حبيبتي روحي ارتاحي لطيفه: مليت من النوم خلاص..وين هاني ورامي؟ ريان: هاني مع ديموه ورامي بغرفته لطيفه وهي تقوم: بروح اشوف رامي فديته ماذاكرت له امس ماقدرت بشوف وش كاتبين له بكراس الملاحظات ريان: براحتك..ترى شريت غدا من برا تلاقيه باالفرن لطيفه وهي تبتسم : ربي لاخلاني منك يالغالي ريان وهو يرد لها الابتسامه: ولامنك ياام رامي دخلت لولدها لقته واقف مقابل المرايه وبشعره جل وجالس يعدله ويسويه سبايكي لطيفه وهو تروح لعنده: يؤؤ من متى هالحركات رامي: ماما كل الاولاد المدرسه يسوون كذا اسمه سبايكي لطيفه: اي عارفه اسمه سبايكي بس انت صغير ماما خلي هالحركات للكبار رامي: انا مو صغير وكل ربعي يسوون مثل كذا..وبعدين انا ابي جوال لطيفه: لا مافيه جوال انت ماتحتاجه بهالسن رامي وهو يرمي المشط ويجلس عالسرير: اووه ليش كل اصحابي عندهم وانا لا لطيفه وهي تتخصر: وتبي n70 ولا الشيطان يابعدي رامي: لا ابي الخياله 2 لطيفه: اعوذ بالله من هالجيل رامي: هاا شقلتي لطيفه: انا مالي دعوه قول لابوك طلع رامي اللي متغير هاليومين وجلس قرب ابوه رامي: بابا ريان: هلا رامي: ابي جوال ريان: ليه وش الطاري رامي: بابا كل اصحابي معاهم جوالات وانا لا مايصير ابي اصير مثلهم وابي اخر نوع باالسوق ريان وهو يبتسم ويطالع ولده: والله وكبرت يارامي وصرت تتشرط بعد رامي: بابا مو احنا عندنا فلوس واغنياء لازم نصرفها ونشتري احسن الاشياء ريان وهو يحط يده على ركبة ولده: لا غلط يابابا..صحيح احنا عندنا فلوس والحمدلله بس بعد التبذير حرام,, مو الله سبحانه وتعالي يقول بالقران ان المبذرين كانوا اخوان الشياطين...ترضى تكون شيطان؟ رامي: لا ريان: خلاص بابا انت الحين صغير مو محتاج للجوال عندك تلفون البيت استخدمه اذا تبي تكلم اصحابك..لما تطلع من ابتدائي اوعدك اشتري لك احلى جوال واطلع لك احلى رقم بس الحين لا .. شرايك؟ رامي وهو يفكر: وش الفرق الحين وبعدين انت بتشتريه كذا ولا كذا ريان: كلامك صح بس ماابي الناس تقول هذولا عندهم فلوس كل شئ يبيه ولدهم اخذوه له ابيهم يقولون ريان ربى ولده عدل لين صار رجااال عاقل مدرك صح؟ رامي وهو يحضن ابوه: صح بس انت وعدتني تشتريه مو تنسى يبه ريان: اي قول يبه مو بابا يادب رامي: هههههه هذي ماما علمتني كذا ريان وهو يضم ولده اكثر لحضنه: امك دبه مثلك... ........................ ماجد رفع سماعه التلفون وهو خلاص حاسم امره ولاتراجع... عمته سعاد عاالخط الثاني: هلا مجود هلا حبيبي شدعوه يالقاطع ماجد: هههه هلا والله عمتي شلوونك وحشتيني سعاد: اي قص علي يالقاطع ولا يقول ازور عمتي وجدتي اشوفهم ماجد: اممم اعذريني ياعمتي انشغلت بالدراسه سعاد: الله يوفقك ياولد اخوي ها كم باقي عليك وتخلص هالتمريض ماصارت ماجد: هههههه باقي بس التطبيق شهرين واتوظف ان شاء الله سعاد: الله يوفقك يايمه... ماجد: عمتي ابيك بموضوع سعاد: قول حبيبي امر ماجد: امممم اوووه مو عارف سعاد: هههههه كأني عرفت..اممم ليكون اللي بالي بالك ماجد: اي ابي اتزوج سعاد وهي طايره من الفرح: جد؟ كلوووووووش كلووووش ماجد: عمتي ههههههه فضحتينا سعاد: خلني اعبر عن اللي داخلي بس من بنت الحلال ولا تبيني ادور لك؟ ماجد: عمتي انا في بالي بنت هي اخت صاحبي محترمين مرره وعلاقتي بأخوها حيل قويه انتي تعرفينهم بعد سعاد: هذا خويك فارس ولا واحد غيره ماجد: الا هووو ماغيره سعاد: اي ياحييهم ناس محترمين مره ونعم مااخترت ياولد اخوي وتبي جوري صح؟ ماجد وهو منحرج: اي هذي جوري سعاد: الا كم عمرها خبري فيها بالثنويه ماجد: ويي خبرك عتيق ياعمتي صارت بالجامعه سعاد: ياحليلها.. ماجد: ها شرايك؟ سعاد بارتباك: اممم بس امك ياماجد... ضاقت الدنيا بماجد يوم جابت عمته اللي بحسبة امه هالموضوع... سبحان الله الناس تفرح تهلهل لما ينذكر طاري امهم الا ماجد المسكين اللي امه .. شنقول عنها ماتستحق كلمة ام.. من تطلقت من ابوه رمته وتزوجت واحد غيره وجابت بنت يمكن عمرها بعمر جوري... بس ولامره شافها ولاعرفها.. بس يسمع كلام عنها وعايش ببيت مع ابوه وتجي تزوره كثير عمته اللي مو متزوجه رغم ان عمرها قريب 40 وجدته اللي يحبها حييل حييل كان يتمنى لو يسكنون معاه ومع ابوه بس سعاد عمته ماتبي تترك البيت العود خالي... فـ عايش الوحده مع ابوه الكبير في السن لين شاف جوري وحب انه يكمل حياته معاها وتملى عليه البيت ماجد: عمتي امي مالها علاقه هي عمرها ماسألت فيني ولااهتمت تعرف اخباري سعاد: اي مهما يكون لازم يكون عندها علم ماجد: عمتي لو لي خاطر عندك ارجووك امي ماابيها تعرف خطبوها لي وهي ماتعرف سعاد: لو عرفت بتزعل.. في الواقع هي اكيد ماراح تزعل ولكن سعاد لطيبتها ولانها اصيله من يوم ماجد صغير وهي تحاول تحسن صورة مرت اخوها سابقا اللي هي ام ماجد ماجد: عمتي يعني مابتساعديني؟ سعاد: اكيد بساعدك يانظر عيني .. بس انت بكرها خلها تفرح فيك عاالاقل نخبرها ماجد: خلها تفرح في بنتها الصايـ .. استغفر الله سعاد: لالا ياماجد عيب هذي اختك.. ماجد بعصبيه ولسانه فلت منه: مابقى الا هي تكون اختي هاللي سيرتها على كل لسان عبير مو اختي ولااعرفها ولايشرفني اكون قريب منها... واذا عالفرحه خلي امي تفرح بتربيتها لهالعبير وتزوجها لعل وعسى يعتدل حالها سعاد: اذكر الله ياماجد مهما كان هذي امك وهذي اختك والظفر مايطلع من اللحم ماجد: عمتي ارجوك قفلي هالموضوع جوري انا ابيها وامي واختي لو بس يدخلون عرسي لو حصل نصيب والله ماراح يحصل خير سعاد باستسلام: امري الى الله اعطيني رقم اهلها.. انا كان عندي رقمهم بس مدري وينه طبعا بحكم معرفه قديمه بين ام سعود وسعاد عمة ماجد كانوا يتزاورون بس حاليا علاقتهم ضعيفه نوعا ما... ماجد: خذي الرقم :xxxxxxx سعاد: خلاص متى تبيني اكلمهم؟ ماجد بسرعه: اليوم طبعا سعاد: هب عليك شدعوه البنت بتطير ماجد: اخاف تروح مني عمتيي عااد افهميني سعاد: ههههه خلاص لاتموت علينا وانا لولا اني اعرفهم زين ماكلمتهم اليوم بس لانهم ناس طيبين والنعم فيهم بكلمهم وبحدد موعد نزورهم فيه... بس اذا حصل نصيب ياولدي بتكون خطوبه بس لين تتوظف ان شاء الله ماجد: عمتي الخير واجد وابوي مايقصر ان شاء الله
_________________  |
|
#22
09-06-2007
| ||||
| ||||
| رد: قصه سعوديه تجنن...أدخلوا وشوفوا سعاد: اي اخوي مايقصر بس بعد خلي الملكه بعد ماتتوظف ياولدي احسن حتى مايقولون جاب مهرها من فلوس ابوه...اعتمد على نفسك ياولدي وتساعد مع ابوك وتعاونوا على المهـر ماجد: شورك وهدايه الله ياعمتي اول ماتكلمينهم ردي علي سعاد:هههههه طيب ماجد: مشكوووره يمه والله مافي مثلك ربي يخليك لي بس ادعي لي يمه يوافقون وتصير البنت لي سعاد وعينها تدمع لكلمة يمه: ويخليك لي ياولدي يلا دير بالك على نفسك وعلى ابوك وعطيه الدوا لاتنسى ماجد: من عيووني يلا مع السلامه سعاد: الله يسلمك سكر ماجد والتفت الا ابوه الطيب واقف وراه ابوماجد بحزن: خلاص بتسويها وتخليني انت بعد قام ماجد وباس راس ابوه: يبه موتي قبل مايجي هذاك اليوم اللي اتركك فيه .. يبه انا حتى لو تزوجت بسكن مع زوجتي عندك مستحيل اخليك ابوماجد: لا بنت الناس من حقها يكون لها بيت لوحدها واكيد ماتبي حد يضيق عليها ماجد: شدعووه يبه وبعدين شقتي جاهزه فوق وانت هنا بالدور الارضي ابوماجد: الله يوفقك ياولدي وتتزوج وتملى البيت عيال ملينا من الوحده نبي شئ يجدد حياتنا ماجد وهو يربت على كتف ابوه: ان شاء الله يبه املي هالبيت عيال وتتونس معاهم بس مو شغلي لو كسروا بيتك ابوماجد: ههههههه خليهم كله فدوره لهم بس اشوفهم قبل مااموت اعتصر قلب ماجد.. يحب ابوه اكثر من اي شئ ثاني .. هو اللي رباه وتعب في تربيته مع عمته سعاد.. وكانت لابوماجد وظيفه جدا بسيطه لهالسبب تركته ام ماجد وتزوجت واحد غني... بس تعب على نفسه وجاهد وحاول لين صار الخير كثير والحمدلله.. وقدر يوفر لماجد حياة عزيزه كريمه ماجد: لاتقول هالكلام يبه موتي ولاموتك.. ابوماجد: هذي الدنيا ياولدي..هذي الدنيا ماحد ياخذ عمره وعمر غيره تعبت وانا اشتغل واحاول اجمع لك هالخير والحين الحمدلله بتتزوج والخير بيصير كله لك ولعمتك.. وانا مدري متى يومي .. ربك كريم لف ماجد عالناحيه الثانيه وهو يقول بقلبه والدمعه قريب لاتنزل منه..شلون قدرتي يايمه تتركين ابوي هالطيب اللي ماقصر عليك بشئ.. شلون تركتيه وهو مريض محتاج لك ... شلون تركتيه وانتي تعرفين ان وياه السكر والضغط.. ياقسوة قلبك يايمه.. ركضتي ورا الفلوووس ونسيتي انها وسخ دنيا وانها ماتدوم لشخص.. واكيد ماراح تدوم لك.... وشغلتك هالفلوس عن تربية اختي عبير اللي سيرتها اسمعها على كل لسان واخجل لانها اختي وبيننا دم ............... بعد الغدا طلبت ام فؤاد من اختها انهم يجلسوا بروحهم..عرفت وتأكدت ام سعود من احساسها وان مساعد مع اختها ماجاوا كذا بدون سبب... دخلوا غرفة منعزله عن الصاله وبعد 5 دقايق دخل لهم مساعد وسكر وراه الباب وبره الصاله فارس وسعود متحيرين من الموضوع فارس: يااخي شفيهم؟ مخبيين علينا شئ سعود: علمي علمك والله .. الله يستر شكلها السالفه مو هينه.. والا خالي وخالتي مايزورونا هالوقت... اسماء وجوري يسمعون كلام اخوانهم وساكتين .. جوري وهي تتكلم بصوت ماتسمعه الا اسماء: وش تتوقعين النتيجه واحد صفر لمين لامي ولا لخالتي اسماء: يازينك ساكته وين قاعدين المونديال خلص من زمااان جوري: لا انا اقول بس يلا ياخبر اليوم بفلوس بكره ببلاش ودقايق ونعرف النتيجه اسماء وهي تلف لاختها وتضربها على راسها: بس توتريني يابوومه اووووص جوري: ان شاء الله عمتي وبالمجلس شبت النيران بقلب ام سعود وقامت من مكانها ام سعود بعصبيه: هذا المووضوع يعني من وين عرفتوا ام فؤاد وهي تقوم لاختها: مو مهم من وين عرفنا المهم نعالج الموضوع يااختي بالهدوء ومانبي نتسرع والضحيه تكون عيالنا ام سعود: يااختي اي ضحيه واللي يعافيك اللي يسمعك بنوديهم الحرب مساعد: اقعدي وانا اخوك ياام سعود وصلي عالنبي جلست وصلت عالنبي وطالعت اخوها مساعد: يااختي اكيد هالزواج فيه خير لسعود ودينا بس في السرعه الندامه وبعد ماهم عيال صغار ومن حقهم يقولون رايهم بدون اي ضغوط ام سعود: سعود عنيد ولو خليته براحته ماراح يتزوج انا امه وااعرفه مساعد: بس هذا مو حل وانا اخوك.. طيب خليني انا اكلمه للمره الاخيره وعاالاقل يكون عنده علم بالموضوع... ام سعود: مدري مدري ام فؤاد: مساعد معاه حق يااختي .. هم رجال يفهمون على بعض خلينا نتصرف بعقل لايطيح كل شئ على روسنا..عاالاقل يكون عند سعود خبر مو اطرش بالزفه ام سعود: ومتى راح تكلمه؟ مساعد: لو تبين الحين ام سعود: خلاص طيب مساعد: اي ياحليلك كذا رايقه وهاديه ابتسم لخواته وطلع مساعد: سعود سعود: لبيه خالي مساعد: لبي قلبك تعال بره ابيك شووي سعود: خالي شسالفه ؟ وراكم شئ انتوا مساعد ببتسامه : كل خير ياولد اختي تعال ناطرك بالسياره فارس: وانا ماانفع؟؟ مساعد: لا يااماني الثانيه صاير ملقوف مثلها خلك مرتز هنا فارس: افااااا يالخال هذا وانا حبيبك مساعد: حبك برص ماابيك انا ابي سعود... يلا سعود ناطرك بره سعود : اوكي جاي وراك اخذ سعود جواله وكان بيطلع بس جاته بنته رزان من وراه وسحبت ثوبه سعود: هههه ها يالفاره وش تبين؟ رزان: وين بتروح؟ سعود وهو ينزل لمستواها: حبيبتي ماراح اتأخر بروح شوي مع خالك سعود طيب؟ رزان: اجي معاكم؟ سعود: لابابا خليكي مع عماتك بره حر بعدين تتعبين رزان: طيب بابا سعود: عفيه بنتي المطيعه باسها على راسها وطلع اسماء: تعالي زيزي الحين بيحطون همتارو في سبيس تون رزان وهي تناطط : هييييه هيييه احبه اسماء: يلا تعالي راحت رزان وجلست جنب اسماء الله حطت يدينها حول كتف رزان بحنان.. وجوري تطالع فارس اللي يفكر بالسالفه وميت يبي يعرفها فارس: اقول جوري: هلا فارس: ماتدرون شسالفه جوري: مااعرف اكذب الا نعرف فارس: شلووون وانا اخر من يعلم شنو ولد البطه السودا جوري: ههههههه لا بس الموضوع مايخصك يخص سعود امي يادب كانت بتخطب له دينا اليوم بدون علمه عاد كلمنا خالي وخالتي ينقذون الموقف فارس: هب عليها امي قووويه جوري: والحين اكيد خالي مع سعود حتى يكلمه بالموضوع وينحسم للمره الاخيره.. فارس وهو يفرك يدينه ببعض: يااااي حمااااااس جوري: ههههههه اي والله اسماء: مجانين وربي مو صاحيين انتوا الله يهديكم ............... عالبحـر لف سعود على خاله مساعد اللي ينتظر جوابه على نار ويبي يعرف ردة فعله عالمووضوع سعود ببرود: انا موافق مساعد انصدم : انت شنو؟ سعود: انـا موافق..موافـــق مساعد: غريبه !! كيف غيرت رأيك بهالسرعه سعود: خالي انا ماغيرت رأيي..ولايمكن اغيره بس مو سعود اللي يخلي بنت عمه واللي بحسبة اخته قصه تتناقلها الناس ولاتنسى انها مطلقه هالشئ ماراح يخلي الناس تسكت.. فـ ليش اعرضها لهالمواقف ليش مااستر عليها مساعد: يعني ماوافقت لانك تبيها ومقتنع فيها سعود: اكذب عليك لو قلت لك ابيها ومقتنع فيها كزوجه !! اصلا خالي مو متخيل اعيش معاها كزوجه دينـا اختي اختــي بس شسوي.. ماعندي غير هالحل ليش اخلي امي تغضب علي واخلي بنت عمي سالفه للناس وليش اخلي بنتي وحيده بدون ام ترعاها ليش بصير اناني وبنفذ احتياجاتي وانسى احتياجات بنتي خلاص اذا رجعنـا بخبر الوالده بقراري مساعد: سعود اسمعني وانا خالـك كلامك كله صح وعين العقل واحسن شئ سويته انك فكرت بهالطريقه المنطقيه لكن ياسعود دينـا تعرضت لتجربه قاسيه وانت عارفها زين.. حط في بالك هالنقطه..وحاول تعوضها عن ايامها الحلوه اللي انحرمت منها عارف انك متخيلها مثل اختك بس اضغط على نفسك ياسعود خلاص كفايه الايام اللي انت عشت فيها وحيد بدون رفيقه درب تشاركك احزانك وافراحك حاول تقرب من بنت عمك افهمها وخليها تفهمك..صدقني هي بترتاح وانت بترتاح ورزان لما تشوفكم متفاهمين اكيد راح ترتاح وتحس ان لها عائله حالها من حال كل البنات اللي بعمرها سعود: خالي تطلب مني شئ مااقدر اسويه..شئ مو بيدي مساعد: عارف هالشئ صعب عليك في البدايه بس انا قلت لك حاول ماراح تخسر شئ ولاعاجبتك حياتك كذا نزل سعود راسه ودمعت عينه وهو يقول: انا حياتي انتهت لما ماتت بسمه مساعد وهو يحط يده على ظهر ولد اخته: سعود افهمني..انا عارف انك كنت تحبها بجنون والكل كان يستغرب هالحب الكبير بس بسمه الله يرحمها مات والبقى والعوض في الحـي..ماتدري ايش ينتظرك مع بنت عمك يمكن تلقى عندها اللي لقيته عند بسمه سعود: لا بسمه غير غير مافي مثلها مافي أنتظر ردودكم على أحر من الجمر... .........
_________________ |
|
#23
09-07-2007
| ||||
| ||||
| رد: قصه سعوديه تجنن...أدخلوا وشوفوا أنا زعلانه منكم بالمررررره ليش ماحد رد على البارت الجديد؟؟؟؟؟؟؟؟؟؟؟  بس شوفوا شلن أنا كريمة راح أنزل لكم البارت الجديد مساعد: خلاص سعود بسمه صفحه وانطوت من حياتك.. مو معقووله بتبقى كذا طول عمرك.. خاف على امك المسكينه هذا بدال ماتفرحها سعود بعصبيه: خلاص بريحها وباخذ دينا بس لاحد يلومني لو صار وطلع مني شئ لاني مااحبها مااحبها ولا ابيها بس باخذ مجامله لها ولامي قام سعود وركب السياره بعد ماجاء طيف بسمه وهيض شجونه وحرك مكامن الحب والشوق داخله بسمه هاالانسانه اللي سيطرت على كل شئ في سعود وماخلته يفكر مجرد التفكير يطالع بنت غيرها دينا المسكينه اللي الظاهر العذاب ملاحقها وين ماتروح بتقدر تنسيه بسمه ؟!! ................... الخبر وصل لام سعود اللي مو بس طارت من الفرح الا الدنيا خلاص مو سايعتها وماعرفت حتى تجلس جوري: هههههههه شفييك يمه اجلسي ام سعود: خلوني فرحاانه في ضناي واخيرا وافق .. انت كيف قنعته مساعد ماحب يقول لهم كلام سعود: والله حاولت معاه يمين يسار لين اقتنع ووافق بنفسه ام سعود: الله يبشرك ياخوي بالجنه انا مدري لولاك وش سويت مساعد وهو يحب راس اخته: انتي الخير والبركه اسماء بفرح: يالله ونااااسه مو مصدقه دينوو بتجي معانا في البيت..بس ليه سعود صعد ينام على طول؟ مساعد: خلاص خلوه براحته هو تعبان .. اهم شئ اخذنا موافقته..ها متى راح تكلمين اختك وزوجها؟ ام سعود: خلاص ان شاء الله الخميس نروح لهم ونفاتحهم عالموضوع ونتفق على كل شئ جوري: كلوووووووووش الف الصلاه والسلام عليك ياحبيب الله محمد فارس وهو يناطط عالدرج واللاب توب بيده: وافق سعود؟؟ ام سعود بفرح وهي تبتسم: اي وافق فارس وهو ينزل لهم: مبركين عرس الاثنين ليله ربيع عين وقمرا ترك اللاب توب على جنب وقام يدق اصبع ويرقص مع خاله جوري: ههههههه وين كاميرا الفيديو خلونا نصور هاللحظه التاريخيه اسماء: هههه اي والله لحظه تاريخيه يوم ان اخوك لين راسه ووافق.. صعدت اسماء فوق دخلت غرفه رزان اللي على اساس كانت بغرفتها تلعب..بس ماكانت موجوده راحت لعند غرفه سعود كان الباب مفتوح شوي وقفت تشوف المنظر الحزين اللي عور قلبها رزان جالسه عالسرير وسعود حاط راسه على رجل بنته وهي تمسح على راسه ببراءه وكان يدمع ويحاول يكون قوي قدام بنته بس لا هذي بسمه مايقدر يمسك نفسه يوم اللي يتذكرها.. مايقدر ينسى ملاك بطيبته وحنيته وخوفه وحبه.. رزان بخوف: بابا انت تبكي؟ ليش سعود: تعبان شوي خلاص بابا روحي انتي غرفتك رزان وهي تمسح دموع ابوها: لا ابي ابقى وياك.. انت تعبان؟ مريض؟ سعود: اي مريض رزان: طيب يلا نروح المستشفى بابا سعود: لا بابا روحي انتي خلاص انا بنام وبصير زين رزان: ابيك بجلس هنا دخلت اسماء عليهم رفع راسه سعود طالعها ببرود ونزل راسه اسماء: حبيبتي رزان انزلي تحت عمك فارس يبيك رزان: بس بابا تعبان اسماء: الحين بعطيه دوا يلا روحي حبيبتي رفع سعود راسه ونزلت رزان..سكرت اسماء الباب وجات جلست في نفس مكان رزان اسماء: سعود لاتعور قلبي دمعتك غاليه علي .. سعود: تعبت ابي انسى ابي انساها مو قادر.. مو قادر انسى هالبنت مو قادر تعبت وتعب قلبي دمع سعود اكثر..رغم ان دمعته ماحد يشوفها ماشافوها الا يوم ماتت بسمه ويوم مات ابوه وهو يبكي اسماء كانت تخاف من هالدموع..مو متعوده تشوفها نهائيا قربت من اخوها وضمته لصدرها: اذكر الله ياخوي.. حرام عليك اللي تسويه بحالك وببنتك شوفها المسكينه كبرتها عشر سنوات على عمرها..صارت تحاتيك حيل سعود: مو بيدي يااختي ماابيها تحاتي ولا ابيكم تخافون علي بس بسمه مااقدر ابعدها عن خيالي صعب.. صعب انساها وانسى كل شئ فيها... اسماء بسمه كانت حتى لو اغلط عليها ماتزعل تجي هي وتراضيني وتعتذر هذا وانا الغلطان بسمه كانت لما اطلع البقاله دقيقتين من اطلع لين ارجع وهي تدق تتطمن علي مايرتاح بالها الا يوم اكون جنبها ماحد يعرفها مثلي.. تخيلي يوم حد يصارخ عليك ويعصب ويغلط وش تسوين؟ تسكتين؟ ولا تصارخين عليه.. والله يوم اللي اجي من الدوام معصب واصارخ ماترد تبتسم وتسوي كل اللي ابيه وهي بنفسها تكلمني وتراضيني وهي الزعلانه... مافي مثلها ملاك مو بشر... كنت استغرب الحب اللي تحبني اياه تخيلي يوم تجيني فلونزا شتسوي يومين ورا بعض سهرانه والدموع ماتوقف من عينها ياربي كيف تبوني انساها كييف اسماء: معاك انا ياخوي بكل اللي قلته بسمه كانت اكثر من روعه.. بس دموعنا ترجع الحبايب؟ سعود لو بسمه عايشه وشافت دموعك راح تزعل علييك حييل ولا تنسى انها قبل ماتموت قالت لك تزوج من بعدي لاتخلي رزان بروحها بس انت رفضت هالشئ... خلاص وجاء الوقت اللي تنفذ فيه رغبتها ورغبة الكل يااخوي.. وادعي ان الله يسعدك مع بنت عمك.. صحيح في البدايه بتلاقي صعوبه بس كل شئ من البدايه صعب لكن مع الاراده والمحاوله ان شاء الله بيتغير وبتصير حياتك افضل.. هدي الحين حالك وصلي عالنبي ولاتستبق الاحداث... ولاتنسى يااخوي ان لنفسك عليك حق وهي امانه .. حرام اللي تسويه بنفسك الله مايرضى.. فوض امرك لربك اللي ماينسى حد من عباده.. وتوكل على الله وتزوج دينـا وبترتاح ان شاء الله سعود: ان شاء الله اسماء وهي تقوم من السرير: خلاص والحين نام وانا اختك شوف كيف عيونك ذبلانه ولو تبي شئ ناديني انا بالصاله جالسه سعود: ماتقصرين اسماء اسماء: افا عليك ياخوي انا من لي غيرك ابتسمت له وطلع وسكرت الباب وراه وهي تفكر.. صحيح سعود شخصيه قوويه ماحد يقدر يوقف بوجهه بس داخل هالشخصيه طفل برئ .. طفل صعب ينسى شخص حبه من كل قلبه.. سعود رغم قوته وشخصيته اللي الكل يخاف منها الا انه حنون رومنسي طيب الى ابعد درجه.. بس يبي له شخص يفهمه ويحرك هالمشاعر الحنونه داخلــه الله يهدي الجميع .. ............................ خالـد عالصباح جهز نفسه وسبح ولبس ثوب وشماغ حتى يروح لدينـا مره ثانيه طلع من الغرفه وشافه فؤاد اللي شكله تعبان خالد: ها سلامات شفييك ؟ فؤاد ويده على بطنه: بطنيي خالد: هههههه وش اكلت امس فؤاد: اكلت من مطعم هندي الله يغربلهم والله من اكلته وبطني خلاااص انت فاهمني طبعا خالد: ههههههههه اي اي ماحد قالك تاكل سبايسي حار وانت معدتك حساسه فؤاد وهو يجلس عالكنبه: شسوي هذا اللي صار خالد: اجل ماراح تداوم اليوم؟ فؤاد: لا مو قادر كل شوي حمام وين اروح وافضح نفسي هناك خالد: ههههههههههه الله يشفيك... فؤاد: انت وين رايح الساعه 8؟ خالد :امم ابد هنا وين بروح فؤاد: اشوفك لابس وكشخه ..خبري عيد الحج بعد اسبوع مو الحين خالد: يعني مااكشخ الا بالعيد بطلع.. فؤاد: انت وراك شئ قالت لي امي امس انك طلعت هالوقت بعد..شعندك؟ خالد: يعني انا طفل الحين ماخلصت من امي تجيني انت فؤاد: لا مو كذا بس غريبه وين تروح الصباح؟ تخبي على اخوك يامال الحكه خالد: هههههه لا بقولك لاني مااخبي عنك يادب شئ بس مو الحين فؤاد : اييي بطني وقام راح الحمام ضحك خالد ونزل تحت فطر عالسريع وحمد ربـه انه ماشاف امه وراح لدينا العياده وخبرها بكل شئ دار في باله امس.. وتأمل خير انه يلقى عندها العلاج لحالته النفسيه................................
_________________ |
|
#24
09-07-2007
| ||||
| ||||
| رد: قصه سعوديه تجنن...أدخلوا وشوفوا يوم الاربعاء العصر ام سعود وفارس ومساعد واسماء وجوري ورزان جالسين ضحك وسوالف وشاي وقهوه من بعد الغداء فارس:ههههه اي المهم واكمل لك عاد ياخالي السالفه.. مساعد: انا ابي افهم انت ماتخلص سوالفك مع البنات يااخي اكبر استح امك جالسه معانا وتحكي مغامراتك مع البنات فارس: ياخااالي البنات زينة الحياه الدنيا مساعد: على اساس المال والبنون زينه الحياة الدنيا فارس: والبنات بعد.. ام سعود: استح ياولد..متى بس تكبر وتترك هالسوالف بتفشلني قدام الناس فارس: خلاص خطبوا لي بقى لي سنتين واتخرج وانا ماافشلكم (للمعلوميه طبعا فارس وماجد بنفس الكليه الصحيه بس ماجد قسم تمريض وتخرج وبقى التطبيق والوظيفه وفارس قسم المختبرات وباقي له سنتين) جوري: نخطب لك هااا مجانين ماعندنا عقل فارس: ليش يابعدي جوري: تبي بنت الناس تطلع الشارع ناشره شعرها وتصارخ لحقوني فكوني منه فجـأه رن التلفون قامت جوري تشوف الرقم في الكاشف ماعرفته وردت جوري: الو مرحبا سعاد(عمة ماجد): السلام عليكم جوري: هلاوالله وعليكم السلام سعاد: شلونك يمه شخبارك جوري:الحمدلله خالتي بخير سعاد: جوري صح؟ جوري: اي جوري من معاي ؟ سعاد: انا سعاد يمه.. امك موجوده ولا؟ جوري: اي ثواني بناديها راحت جوري لامها جوري: يمه حرمه تبيك تقول اسمها سعاد ام سعود: منو سعاد؟ قامت ام سعود وهي مو متذكره سعاد ابد ام سعود: الو سعاد: هلا وغلا ام سعود شلونك يالغاليه شخبارك ام سعود: الحمدلله بخير دامك بخير وانتي شخبارك سعاد: الحمدلله..الظاهر ماعرفتيني ام سعود: لا وانا اختك العتب عالذاكره سعاد: معاكي سعاد الـ..... عمة ماجد خوي ولدك فارس ام سعود وهي تتذكر: اوووه اسفه ياوخيتي ماعرفتك اسفه اعذريني والله ههههه شلوونك شخبارك وينك عنا من زمان... سعاد: هههه بعد هنا اقابل الوالده مثلك عارفه مرضها وانشغلنا ام سعود: الله يعطيك العافيه ياوخيتي بس مالك عذر تقطعينا هالفتره لاحس لاخبر سعاد: لا ان شاء الله مانبعد الحين عن بعض لاني جايتك بموضوع ام سعود: امري تدللي وانا اختك سعاد: اممم مدري شلون ابدأ بس بدخل على طول .. بصراحه يااختي انا كلمتك اليوم وكلي امل انك ماترديني ام سعود: ماعاش اللي يردك ياسعاد عمري مارديتك الحين بعد هالوقت اردك قولي اللي بخاطرك سعاد: ماتقصرين ياام سعود.. بس نحنا طالبين القرب منكم.. كلمتك حتى اخطب بنتك جوري لولدنـا ماجد سكتت ام سعود شوي حتى تستوعب الموضوع .. بس فرحت داخلها ماجد مافي منه ويعرفونه بحكم صداقته القويه مع فارس وسعاد طيبه وانسانه محترمه ام سعود: والله يااختي فاجأتيني بالموضوع ماتوقعت سعاد: وانا اختك قلنا ليش نروح بعيد دام جوري بنتنا موجوده.. واحنا وين نلقى لماجد افضل عنها جمال وعلم واخلاق الله يحفظها لكم ام سعود: ويحفظ لكم ماجد ويسلمه.. واحنا اكيد ماراح نلاقي شروا ماجد واخلاقه بس بعد لازم ناخذ رأي البنت واخوانها وعمها.. سعاد: اكيد وانا اختك واحنا لظروف وظيفه ماجد نبيها بس خطوبه وبعد الوظيفه ان شاء الله خير ام سعود: من عيوني يالغاليه سعاد: خلاص انـا برجع اكلمك بعد اسبوعين واخذ جوابكم مبدئيا ام سعود: تم خير ان شاء الله سعاد: على خير يلا مااطول عليك ياوخيتي توصين شئ ام سعود: سلامتك وصلي سلامي للوالده سعاد: يوصل ان شاء الله وانتي سلميلي عالعيال وعلى ام فؤاد وام ريان ام سعود: ان شاء الله سعاد: مع السلامه ام سعود: الله يسلمك
_________________ |
|
#25
09-07-2007
| ||||
| ||||
| رد: قصه سعوديه تجنن...أدخلوا وشوفوا سكرت ام سعود وهي مبتسمه وتراقب جوري من بعيد.. كبرتي ياجوري وصرتي حرمه..بس مااتحمل تطلعين من البيت وتخليني اسماء بتطلع وانتي وراها ... اييه الله يوفقكم ياعيالي رجعت لهم ام سعود وهي مبسوطه مساعد: هااا اشوف الابتسامه شاقه الوجه وانا اخوووك فرحينا معاااك ام سعود: هههههههه مايخصكم الموضوع فارس: اجل يخص مين طالعت ام سعود جوري ببتسامه غريبه.. جوري خافت جوري: منو هذي وشصاير ام سعود: بعدين تعرفين اسماء وهي تكلم امها بصوت منخفض: يمه شسالفه تخبين علينا يعني ام سعود بصوت ماتسمعه الا اسماء: هذي سعاد الـ... عمة ماجد صديق اخوك فاكرتها اسماء: اييه اييه اتذكرها شفيها ام سعود: متصله تخطب اختك لماجد اسماء بفرح: جد؟؟ ههههههههه مو معقووووله ام سعود: اي والله .. بس لو صار نصيب بتكون بس خطوبه مو اكثر لين يرتب ماجد وظيفته اسماء: ههههه مو متخيله هالهبله تنخطب ام سعود: يؤؤ شفيها بنتي قمر الكل يبيها اسماء: اقول لها؟ ام سعود: لا انا بشوف الوقت المناسب وبقول لها..مو الحين اسماء: بصراحه ماجد واهله نعرفهم من زمان ومافي احسن منه كفايه انه صديق فارس الروح بالروح.. بس يمه فارس ماجاب لنا طاري ولا يمكن ماجد ماقال له.. ام سعود: الظاهر ماعنده علم اسماء: ومتى بتقولين لسعود وفارس وعمي؟ ام سعود: بشوف الوقت المناسب وبخبرهم انا من ناحيتي احب ماجد مثل ولدي بس اخوانك هم اللي بيقررون هالشئ مع عمك اسماء: الله يكتب اللي فيه الخيير ام سعود: اميين جوري: شفيييكم انتوا وش الموضوع اللي يخصني هااا حرقتوا اعصابي اسماء: امي تقول لك بعدين جوري: لا الحيين الحيين ابي اعرف ام سعود: خلاص جوري مو الحيين جوري: ابي اعرف ام سعود: بتعرفين بس مو الحين جوري: الله يصبرني ......................... الــيوم اللي بعده كان موعد خطبة سعود تجهز الكـل بعد ماعطوا خبر ام ريان وابوريان انهم بيزورنهم جهز سعود بملل وكشخ وراح مع فارس وامه وخواته وخاله بيت ابو ريـان وجلست العائلـه مع بعض.. كانت دينـا بغرفتها لبست بدلـه ورديه.. بنطلون ضيق من فوق وواسع من تحت وبلوزه بنفس اللون وفلت شعرها وحطت ميك اب خفيف وردي وجلوس وردي وكحل ورشت عطر زهره الكاميليا .. دخلـت عليها اسماء اسماء: سلااااااااااام دينا بفرح:سمووووووووي هلا هلا وتحاظنوا مع بعض دينا: ياشيخه شوفتك ولا وجه القمر شدعوووه فؤاد قدر ينسيك بنت خالتك اسماء: ههههههه لا مو كذا بس انشغلت شووي دينا: صدق اللي سمعته.. الا سبوع الجاي مسووين عزيمه عشاء بالمزرعه وبتكون تقريبا ليله دخلتك اسماء: ههههه اي صح فؤاد كلمني يبيني خلاص اكون معاه.. قلنا نسوي عشاء بالمزرعه ومنها حفله صغيرونه دينا: اي حلوووو .. يلا ننزل لبست دينا عبايتها وتحجبت ونزلت سلمت عالكل وجلست بقرب اسماء.. كانت جميله .. لا اكثر من جميــله.. قمر بليله 14 منور يضوي العالم بخجل.. لف سعود يطالعها... صحيح انك حلوه دلوعه مغروره دكتوره الكل وده بقربك بس ماتعجبيني ليش مو قادر اتقبلك... ماادري لفت دينا تطالعه وجات عينها بعينه كشر ولف عالناحيه الثانيه هي استنكرت حركته وقامت تكلم نفسها.. شدعوووه عاد الحين بموووت عليك مالت بس.. على شنو هالغرور منو مفكر نفسه.. لف لها الا لسه تطالعه وقام هو الثاني يكلم نفسه...لحوووول من ذا العله يااختي لاتطالعيني.. تكفين اخاف يجيني شئ... اوووف شلون بتحملك ليل نهار معاي مادري ابتسمت بسخريه كأنها قرأت افكاره ورجعت تسولف مع اسماء.. ابوريان: اقول ياسعود سعود: لبيه ياعمي ابوريان:كلمت سراج حتى ينظف لنا المزرعه الاسبوع الجاي سعود: لاوالله ياعمي انا انشغلت شوي بالشركه ابوريان: زين اجل .. انا بكلمه مساعد: لاتتعبون نفسكم انا بكره بروح وبضبط هناك الوضع وبشوف وش قاصر.. ومنها بتفق مع المطعم حتى مايكون زحمه طالع ريان اسماء وابتسم .. فرحان من كل قلبه لها لانها بتستقر واخيرا بتحرر من احلام الماضي وذكرياته ردت الابتسامه وحولت نظرها للطيفه اللي كمان ابتسمت وقالت لها بحركه الشفايف ( الف الف مبروك)
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
