محمد عبده متوهق!!!!!!!!!!!!!!

همس الحب · #1 (**permalink**) 01-28-2003, 09:53 AM

محمد عبده.............متوهق ؟؟
فكر محمد عبده في يوم من الايام بالحال اللي وصله الفن من انحطاط و قعد يفكر كيف يعدلون الوضع و يرجعون للطرب الاصيل مثل ايام ام كلثوم (واسمها الحقيقي صابرين) --------------------------->واحد فهم المسلسل غلط. وايام عبدالحليم حافظ (بس قبل لا يمثل ابي فوق الشجرة و يلبس المايوه المخطط اللي تقول وزار يماني) و ايام فريد الاطرش ( اول مرة اشوف واحد يتثاوب و هو يغني ) و محمد عبدالوهاب (ابو ضحكة جنان)
الله يرحمهم بئه

ابو نورة قال في نفسه يا ولد ليه ما اسوي جلسة تجمع كل الفنانين و انصاف الفنانين و الجحلط من الفنانين و نقنع الاصيلين منهم انهم يرجعون للطرب الاصيل و الجحلط ندبر لهم شغل ثاني الا الفن.

المهم اتصل ابو نورة يجمعهم عنده في البيت (طبعا احلام ما اتصل فيها لانها معششه عنده بالبيت)
و الله و تجمعوا الفنانين و الفنانات في المجلس.

دخل عليهم ابو نورة و جلس في وسط المجلس و حواليه كل الفنانين و الفنانات.
كان ابو نورة طفشان من بعض الحضور لكن وش يسوي ابتلش فيهم.
على يمينه عبدالكريم عبدالقادر اللي كان قاعد ولا على باله (على قول المطرب عنبر دياب) و كان مشغول بتعديل مرزام غترته اللي دايم منسدح على جنب.
و على يساره راشد الماجد ماسك ملقط و يلقط الشعر اللي على قمه خشمه.
و عبدالمجيد عبدالله منبطح و حاط رجل على رجل يناظر الحضور و راسه على فخذ عبدالله رشاد اللي ما كان يلتفت لا يمين و لا يسار علشان لا تخترب الشخصية.

و من بعيد شاف ابو نورة ناس مجتمعين في ركن المجلس و صوت واحد يصرخ.
قام ابو نورة و راح يفكك التجمع على باله هوشة… شاف نبيل شعيل جالس على بطن عبد الله الرويشد و مكتف ايدينه و سعد الفهد ماسك قطاعة الملوخية و يقرب من عبدالله الرويشد.
قال ابو نورة : وش تسوي يالدب (يقصد نبيل) انت و ذا ابو نص شنب اللي تقول تفحيطة سيكل (يقصد سعد الفهد)!!!
قاله نبيل : ابو نورة يكلمني شخصيا؟؟؟ ما اروعك اعجب و اغرب من خيال
قال سعد الفهد: لا تخاف يا محمد مانيب ذابحه
قال ابونورة: اجل ليه معك قطاعة الملوخية؟؟؟
قال نبيل: انت شايف شنب الرويشد .
قال ابونورة: أي والله شايفه تقول سماعة تلفون
نبيل: بصراحة قرفني اذا قام ياكل التصق الاكل في شنبه و اذا شرب ماي تشوف الشنب مبلول و نقط ماي متعلقة فيه تقول لمبات عرس..قلت يا ولد ليه ما نحدد له الشنب و نفتك من القرف هذا.
ابونورة: تحدد له الشنب بـ قطاعة الملوخية يا ظالم
نبيل: ما يفيد المقص مع شنبه اللي تقول كروسان محروق…شف شنب سعد الفهد وشلون يجنن
ابو نورة: اما من ناحية يجنن فهو يجنن

مشى ابو نورة و الرويشد يصرخ و عند راسه كاظم الساهر منبطح على بطنه و حاط راسه عند راس الرويشد و يبتسم و يقوله: لا لا تتنهد بعد شوية الضحكة تعود.
رد عليه الرويشد: اسكت ولا كلمة …لا تقول و لا تكثر…لا تحسب البسمة في خاطري تأثر.
المهم قاموا و كلن رجع لمكانه.

في هالاثناء كان عبدالمجيد يغمز لـ لطيفة و يقولها: قلي بس كلمة احبك…واترك الباقي عليه
قالت له لطيفه: يا غدار سبني في حالي يا غدار. و تصفطه و تناظر كاظم الساهر و تقوله: ما وحشتكش؟
رد عليها كاظم و قال بصوت واطي: يا شين اللي يتلصقون.

فجاءة صرخ عبادي اللي كان يضبط راس المعسل و رافع الثوب و مطلع سروال السنة و قال: وين الجمر ؟؟ساعة انتظر؟؟؟ترى مليت مليت مليت و بعسل عند احد غيرك
الا بدخله هشام عباس لابس طاقية مقطعة و مريول المطبخ و في يده الجمر و يقول :ايوه جاي و وقف قدام عبادي و قال :معايا ناري نارين.

قام محمد عبده يقول يا جماعة وين رابح صقر؟؟؟
و شوي الا يد تطلع من تحت نبيل شعيل و رافع اصبع الابهام
فز محمد عبده مفجوع و صرخ في نبيل و قاله : قم عن الرجال حرام عليك
قام نبيل و طلع رابح من تحته معفط و قاله نبيل : منهو انت …ياللي انوجدت بيني و بين المخد
قال رابح: اصلا انت مؤلم انت جاني,,,انت ما اظنك تعاني..انت جرحي في يوم اسود..انت متين و اناني.

و في هالاثناء كانت اصالة تناظر جواد العلي بقرف اللي كان يحاول يربط ازارير ثوبه الضيق و قامت بعد ما وصلت معها و مسكت بنعلتها و قالت له: فكها و ريحنا معاك..ما يسوى كل هذا العنا

وقف محمد عبده في وسط المجلس و قال: يا جماعة و دنا نصلح ما بين راشد الماجد و رابح صقر وش رايكم؟
ردوا كلهم بصوت واحد: ده حلمنا…طول عمرنا

قام ابو نورة و مسك يد راشد و يد رابح وقالهم يالله تصالحوا لا اتوطى في بطنك انت وياه
قال راشد: متعبني و جايبني هنا علشان تصالحني على هذا…بصراحة طحت من عيني بعد ما كنت عالي …و حبك ارخصته بعد ما كان غالي
قاله ابونورة: انطم يا وجه البومه و سلم على رابح
قال رابح: انا ما اسلم على هذا مع خدوده المنتفخة تقول ماكل سندويشه بالعرض
راشد: انا خدودي منتفخة كني ماكل سندويشه بالعرض ؟؟؟ انت اصلا لو تبي تسوي فحص بالمستشفى ما يبي لك اشعة… انت يقربون منك لمبة و يبين كلش فيك يالسلس (السلس نوع من انواع السمك ضعيف جدا و يشبه رابح بس بدون شماغ).

وهنا عصب محمد عبده و يلطخ راشد الماجد بذاك الكف اللي إذن ميحد حمد قامت تون من قوتها
و يرفس رابح صقر رفسة في بطنه جت نصها في بطن رابح و النص الثاني في خشم فايز السعيد قبل التعديل.

قال ابو نورة انا اعرف شغلي معكم يالبزارين

دخل في هالاثناء راغب علامة و معاه معلم شاورما.
قاله ابو نورة : وش جايب معك يا بو الشباب
قال راغب: هيدي ( وعطى معلم الشاورما بوسه) وقال و هو يتنهد هيدي توام روحي
قال ابو نورة: صدقت هذه اشباهك .

شوي و دخل عليهم وائل كفوري و لابس بدلة (تكسيدو) و قال: ألطو الطو يا جماعة
قال ابو نورة بقرف: وشو يا بو رقبة كنها فخذ عبدالله الجمعان

قال خالد عبدالرحمن: يقولك قلطوا بس باللبناني…و حط خالد عبدالرحمن ثوبه في فمه و حط رجله و هو يقول يالله يا عيال العشاااااااااااااااااااااااا
ابونورة: الحمدلله و الشكر

المهم تعشوا الجماعة و شبعوا و خصوصا نبيل شعيل اللي كان يرفس أي واحد يقرب من صحنه.
رجعوا للمجلس و قالهم نبيل شعيل: يا جماعة ما فيه بيبسي…احس كثرت و ودي اهضم..و بدا نبيل يلعب باصابعه في ضروسه و يطله بقايا الاكل لكنه طلع شماغ و طاقيه و عقال

ويفز ابو نورة و قال: الله يقطع شرك يالدب اكلت رابح؟؟؟؟؟ و حط ابو نورة اصبعه في حلق نبيل الين خلاه يزوع رابح اللي نزل مغشيا عليه و خذوه للحمام الله يكرمكم و سبحوه (طبعا مهوب في البانيو ولا في الدش) حطوه في كاس ماي و يرشون عليه بالمزاز.

قال نبيل : انا رايح البقالة اجيب بيبسي حد يبي يخاويني.
قال على بن محمد: جب لي معك بكيت مارلبورو ابيض الله لا يهينك
قال نبيل: صخن بوكك و طلع فلوسك
قال علي بن محمد: ما ابي منك شي يا برميل النفط
قال نبيل: تروحين معي يا نجوى كرم
قالت له: انا ما فيَه
قال الرويشد لنبيل: وين رايح
قاله نبيل: قلنا لك للبقالة يا عم شنبو...جاي ولا لا؟؟؟
قاله الرويشد: الله معك يا شاكي حر الاوجاع
قاله ابونورة: اقعد يا نبيل و انا بقولهم يجيبون لك بيبسي حجم عائلي لك لحالك
قال نبيل و هم يحسس على كرشته: اوكييييييييييييييييييه

قال ابو نورة: وين ميادة الحناوي ما اشوفها…توها قدامي….و ين راحت؟؟؟؟
دوروها و حصلوها في غرفة الطعام ماسكه ( هارديز بيج ديلوكس و بطاطس و بيبسي) و تقول: انا انا انا بعشئك
قال ابونورة: خلوها خلوها هذي انجنت

وقف ابو نورة وسط المجلس و قال: يا جماعة نبي نسوي نقابة للفنانين و ما يحتاج نرشح رئيس لاني انا الرئيس و اللي عنده اعتراض يشوف له اكبر بيانو و يطق راسه فيه. نبي نرشح نائب للرئيس و امين سر و متحدث باسم النقابة. واللي يشوف في نفسه القدرة يعبي الاستمارة و صور شمسية 4 في سته و ملف اخضر علاق.

قاموا الجماعة يعبون الاستمارات و يقدمونها مع الصور.

و شوي الا ابو نورة يصرخ و يقول: يا عبدالرب ادريس وش ذا؟؟؟ قلنا لك نبي صورة
قال عبد الرب : هذي صورة
ابو نورة: هذه صوره؟؟؟؟
عبدالرب: ايه
ابو نورة: والله افتكرتها نيجاتيف
و عبدالله بالخير متسدح من الضحك
قاله عبدالرب : وش تضحك عليه يا مفشلنا
قاله بالخير: عليك يالنيجاتيف
قام عبدالرب و يرفس بالخير في خشته
الا ميحد حمد نط ويبي يفزع لعبدالله بالخير
و ينط جواد العلي يبي يدافع عن عبدالرب (يتملحس …يبي لحن)
قام ميحد يناظر جواد و مسكه مع قذلته و وداه عند احلام و فطومه و سمر و قاله: اقعد هنا ولا اشوفك تتحرك
قاله جواد: يا متوحش …لا تكلمني ولا اكلمك
(يا ربيييييييييييييييييييييييييييييييه)

و قامت الهوشه كلن يفزع لخويه و انواع الطق و الرفس

و محمد عبده واقف بعيد و يهز راسه و يقول: لا حول و لا قوة الا بالله
يا جماعة حرام عليكم

احنا عرب؟؟؟؟ المفروض قلوبنا مجتمعة و نفوسنا صافية لكن اتفه الاشياء تفرقنا و تشتتنا الفن يفرقنا والكوره تفرقنا و اصعب المواقف ما جمعتنا....حرام عليكم يا ناس

منقوووووووول

تقبلواااااا تحيااااااااااااااااااااتي

أخوووووووووووووكم:

همس الحب@@1

ارشيـف · #2 (**permalink**) 01-29-2003, 03:28 PM

والله حاله بعد يا أبو نورة ... !!!

يعطيكي العافيه أختي همس الحب ,,,, وتقبلي تحياتي.

جــــاكـ.

EMINEM · #3 (**permalink**) 01-29-2003, 03:40 PM

سالفة طويلة ... اهم شي متوهق ... لا طلع قولو لي

همس الحب · #4 (**permalink**) 02-01-2003, 09:55 AM

مشكووووووووووووورين جميعااااااااااا على ردودكم

بس عندي ملاحظه يا اخ جاااااااااااااااااك

دائما تقول اختي همس الحب

انااااااااااااوووووووووووووووووولد

موووووووووووووبنت اوكي

تقبلوا تحياتي أخوكم

همس الحب

ستيف السماثا · #5 (**permalink**) 02-01-2003, 11:51 AM

لوووووووووووووووووول ... الصراحه الموضووع اقلاع ،،، بس الصراحه رد رابح على راشد قووي ،، ( كانه ماكل سندويشه بالعرض ) لوووول

عاد من زينه الحين ،،، لو يفصخ شماغه صار :أنه ماجد عبدالله ،، ( عاد راس حربه و يغني ،، ما ينفع ) لوووول

و الا عبدالله الرويشد مع شنبه ،،، لو يحط عود كبريت بالنص ،، صار شنبه كأنه بيت شعر :D

على العموم موضووع حلو و ينطيك العافيه حبيب قلبي

و نشوفكم على خير :cool:

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
الآذان و آخر سورة البقرة بصوت فنان العرب محمد عبده .. و آيات كريمه بصوت طلال مداح	بردويل	صوتيات اسلاميه اناشيد محاضرات خطب وعظ	6	10-12-2009 09:58 PM
~¤ ~!! البيت الكبير !!~ ¤~	بنت مرجوجهـ	القصص و الروايات و الحكايات قصص قصيرة و تعلم القصة story novelette	530	08-11-2009 05:08 PM
قصة مررره حلوه ((نهاية حبك اعدامي))	ملكه بكبريائي	القصص و الروايات و الحكايات قصص قصيرة و تعلم القصة story novelette	264	08-01-2009 04:19 AM
محمد نور قصة من الأنجازات	اشغب طالب في المدرسة	طقها والحقها الرياضي رياضه عربيه كرة قدم العاب قوى ومنوعات رياضيه sports	36	01-15-2008 02:48 PM
اقرا هذا الدعاء مرة واحدة تكفيك العمر كله	عاشق اسكندرية	المنتدى الاسلامى	3	11-25-2007 02:36 PM

محمد عبده متوهق!!!!!!!!!!!!!!

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه