|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
01-31-2003, 01:36 PM
| ||||
| ||||
| أسبوع الاظافر العالمي..2003 ((بنسوووووواغ لا احلى مدرسه)) بما ان اليوم يصادف اسبوع الاظافر العالمي لعام 2003 حبيت اني اخصص هذي الرساله عن الاظافر وبما انا الحديث عن الاظافر يتوجب علي ان اعطي تعريف سريع للاظافر الاظافر في اللغه / هي شيئ يابس شفاف يلاصق الاصبع سواء اصبع اليد او الرجل ويكون عاده على شكل منحنى وقد يأتي بشكل مستوي واكثر مخلوق اشتهر بالأظافرهو البس او القطو حيث انه قلما تجد شخص لم يتعرض لشطب في دمجته او كراعينه من اظافر هذا البس اما تعريف الظفر طبياً / فهذي بدري علي اجيبها لأني من جمبها في الطب واما تعريف الظفر كرويا / فهو عندما يجيك واحد يشوت الكوره ببوز قدمه وغالبا عندما تضرب الكوره الجماهير وهي جايه ظفر لايكون هناك ناجون واذا كان هناك أحياء فهم يطلعون بعاهات مستديمه واكثر من اشتهر في هذا المجال هو الكابتن المحبوب يوسف جازع اما تعريف الظفر شاتيا / فهو عندما تقول كلمه نابيه وانت في الشات او تسب شخصا او عندما يقوم احد التماسيح بالتحرش بأحد النك نيمات البناتيه عندئذ يقوم المراقب او السوبر بإعطائك ظفر اما تعريف الظفر ماسنجريا / فهو عندما يضيق صدرك من واحد نشبه فانك تعطيه ظفر يعني تحذفه اما تعريف الظفر عائليا / فهو انك عندما تروح لابوك وتقول عطني 500 ريال ابي اشتري طراطيع - العاب ناريه - في هذ ي اللحظه الوالد يعطيك ظفر لن تنساه طول حياتك و يعرف الظفر مدرسيا / عندما تجي تختبر اختبار نهائي وانت البارح سهران على الشو تايم ولا تلقا حل الا انك تبرشم وانت قاعد تغش يقفطك مدير المدرسه في اللحظه هو يعطيك ظفر وأخيرا الظفر الجامعي / وهذا اعتقد الكثير منا تعرض لهذا الظفر - وماأقساه من ظفر - وهو انك تتخرج من الجامعه بتقدير جيد جدا او جيد وانت مبسوط وفاق كشرتك وتناظر الناس بطرف عين وتروح تقدم على الشركات والمؤسسات ووزاه الخدمه المدنيه عندئذ ستتعرض لظفور لا تعد ولا تحصى وبعد ماعرفنا الاظافر بجميع الاشكال والالوان - عشان محد يصير له عذر ويقول وشو الظفر - هذا الاسبوع يصادف اسبوع الاظافر العالمي 2003 وقد اتخذ شعار له وهو مدينه نظيفه + أظافر مقصوصه = صحه مستديمه والشيء المؤسف والي اعتقد الجميع يوافقوني عليه هو انه انتشرت ظاهره في مجتمعنا الا وهي تطويل الاظافر خصوصا الشباب تلقا الواحد منهم شكلك محترم وكاشخ واخر شي تشوف اظافره كنها اظافر قطو واذا سألته ليش ماتقص قال ياخي هذا ستايل مودرن !!؟ والادهى والامر ليت ان اظافره هذي نظيفه لا بالعكس انواع القذرات وانا متأكد لو تجيب سيم وتنخش في وسط اظافره راح تلقا خنافس وبراصي وسحالي ومخلوقات غريبه وانا قمت بجوله في احد الشوارع والتقيت بأحد الاشخاص الي يتمتعون بأظافر من النوع القطوي او البسي وأخبرته اني من طرف مدرسة المشاغبين واني ابي اسوي بحث عن الاظافر وهو الحقيقه استحى مني وحاول يوزي ظفوره في فمه بس بعد ماكفشته لكنه كان متفهم ومتعاون ووافق اني اصوره و اسوي تجربه عليه وعلشان محد يقول اني ابالغ او انصب اخذت الكميرا معي وصورت الرجال  واخذت معي بعض الادوات مثل زراديه ..كشاف .. سيم .. ومكنسه كهرب عشان نقدر نستكشف ماخلف السطور عفواً ماخلف الظفور  وانا هنا ابستعرض معكم صور لانواع من المخلوقات في ظفر هذا الشاب الخجول والذي رفض ذكر اسمه وقال بإمكانكم تسموني ابو توزه الكلبوزه بمجرد مابديت احرك السيم خرج هذاالجربوع وهو يقول/ ياخي حتى في الظفور تبي تلاحقونا  هذا العنكبوت خرج ولسان حاله يقول وشتبي ياخوي خلنا نرقد شوي  هذي الحشره كانت متربعه في ظفوره من يوم كانت شرنقه  هذي النحله كانت سكرانه وبدال ماتدخل زهره دخلت ظفر ابو توزه ونشبت  وفي الأخيرشكرت خوينا ابو توزه على رحابه صدره وعلى تبرعه بالتجربه المثيره لكن قبل ماامشي اهديته هديه متواضعه  طبعاً واحد له والثاني لبنته توزه وانا ماقصد بكلامي عن قص الاظافر الجميع ... يعني البنات مو مشكله انها تطول اظافرها لانه يعتبر شكل جمالي مع المناكير لكن بشرط المحافظه على النظافه من الداخل ولكن المشكله الشباب الي يسحبل اظافره وراه هذا وش عذره  حتى تطويل الاظافر عند الاجانب صار احتراف  ياسفاب المناكير والله على ذا المقاشع  ايه هاذي اليدين الي تستاهل المناكير  هذي القطو يخاف منها  من بره الله الله ومن جوه يعلم الله وانا من هذا المنبر - اي منبر الله يرحم والديك اشوا انك في مقلط بيتكم وتكتب وانت مبوبز - اطالب اخي البدر الاب الروحي للمدرسة انه يأمر بصرف عدد واحد مقص اظافر من النوع الفاخر لكل عضو وعضوه في المدرسة للي يرشحون المدرسة اما للي مايرشحون يصرف لهم عدد واحد مقص ظفور من النوع الي مهوب فاخر منها اننا نكافئ الي يرشحون ومنها نطبق بيت الشعر العربي القديم والذي يقول --- من لم يقص اظافره اليوم قصها مدير المدرسه غداً .... وإني ارى قص الأظافر مقدراً ومحتماً وايضأ لا ننسى الحكمه العربيه القديمه والتي تقول --- اني ارى اظافراً قد اينعت وحان وقت قصاصها .... وإني والله لقاصصها بس انتم قضبوني واحدن اظافره طويله  مقص من النوع الفاخر  مقص من النوع مهوب فاخر وهذي صور حقيقيه لناس طولو اظافرهم شوفوا وش صار لهم   شوفو هالامورات شلون قاعدين يقصون اظافرهم وينظفونها  خلونا نصير مثلهم على الأقل وأخيرا الي مصمم أنه مايقص ظفوره بعد كل هالكلام والصور فيه نهايه أليمه تنتظره ولا أعتقد انه راح يتحملها تدرون وش النهايه هذي ؟ ؟ ؟ شوفوها = = = = = =  THE END سيي يوو منتديات مدرسة المشاغبين - العيادة الطبية الصحه السليمه،الوقايه من الامراض health clinic hospital disease
_________________ al_moqle3@hotmail.com |
|
02-01-2003, 12:24 AM
| ||||
| ||||
| مرحبااااااااااا...المقلع....ويعطيك العااافيه موضوع جدآآآ رااائع ومتكاااااااامل..... تحياااتي د\توتة |
|
02-01-2003, 01:43 PM
| ||||
| ||||
| يسلموو سيي يوو
_________________ al_moqle3@hotmail.com |
|
02-03-2003, 09:52 AM
| ||||
| ||||
| هلا والله المقلع وش هذا كلة يعني تعرف تطرح مواضيع سنعه @@3 وين هالمواهب ماجت عندنا :D بعد اذنك احلي قمر شوي ابمصع اذآن المقلع :mad: ابي اشوف منك موضوع روعه مثل هذا عندي وتري الدكتورة احلي قمر تمون علي المواضيع الساخنة بس هي مشغولة في العيادة وعلي شان كذا ما نشوفه الاقليل تقبلو تحياتي ويعطيك العافية |
|
02-03-2003, 07:05 PM
| ||||
| ||||
| هههههههههههههههههههههههههههه أبشر يا اخووي... وانت تااامر وحنا نطااااامر تحرااني سيي يوو
_________________ al_moqle3@hotmail.com |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
