السلام عليكم
كيف حالكم شباب شابات بصراحه ودي اكلمكم عن قصتي مع بنت غريبه وانا ماقدرت افهمها .....
اولا انا كنت سابقا مراقب في احد المحادثات حتى اعرف الداخل والطالع فيه وكنت اعرف اسم البنت يعني لقبها بالشات وماكان بيني وبينها اي تواصل وبحكم اني مراقب على الشات هذا ....
وبعد فتره طلبت مني اكلمها بالخاص (( برايفت )) فرديت عليها ...سلمت علي بعديت قالت لي لو سمحت ممكن تعطيني ايميلك !!!!! استغربت من طلبها وقلتلها امري وش عندك المهم قالت ابي منك تعطيني ايميلك لانك انت انسان طيب ووووو الخ .
فبحسن نيه عطيتها الايميل بعديت بدأت ترسلي من الاغاني الحزينه والبطاقات اللي تضيق الصدر ...
بعدين ارسلت لي رساله شوفوا الرساله هذي نصيا كاتبها لكم ...

هذي هي الرساله...................

السلام عليكم ......

انا اّسفه جدا ماكنت راح ارضى بالحاله هذي بس وربي من همومن على قلبي

الدنيا هذي اجيبها يمين توديني شمال والعكس برضو

انا انسانه محبطه مليت الدنيا هذي وخلاص ماابيها

انا انسانه وحيده لا اهل ولا أصحاب يساعدوني في محنتي بالدنيا هذي انا تعبت وربي تعبت كرهت كل شي حتى اني كرهت نفسي

بالأول على ايام امي وابوي انحرمت وماذقت طعم الأخوه لا اخوان ولا خوات وبقدر الله سبحانه انحرم من ابوي وامي الله يرحهم في حادث سياره

مااحد يسأل عني ولا يطمئن علي كأني مخلوقه غير بشريه عند الناس

معاناتي دامت سنتين من بعد امي وابوي الله يرحمهم وقعدت اتحملها لوحدي راضخه للقدر

ومايمر علي يوم الا واذوق الحسره والنكد والسكاكين اللي مازالت تطعن في قلبي وانا اتالم .

انا ماارضى اني اكون من الاشخاص اللي يساعدونهم الناس بدافع الرحمه والشفقه انا ارفض الشفقه والرحمه ولا ارضى بمساعدة من رسم هالطريق في باله

بعد امي وابوي الله يرحمهم مالقيت من ياخذني بحضنه ويقول ابكي ابكي

قعدت لحالي اتكلم لقلبي وابكي له واشكيله الحال

انا عايشه لحالي مع الخدامه في بيت ابوي الله يرحمه ومافي غيرنا

لا سؤال من الخوال ولا من العمان الخوال حاطين نفسهم في بحور السفر والعمان واحد واخذ ورثي من ابوي الله يرحمه وقال للمحكمه هذي البنت صغيره ولا نقدر نمسكها الورث هذا كله وتبذره .... قلنا اوكي بس صار وسوى عمي اشياء ماكانت بالحسبان جحد اني بنت اخوه ولمدة سنه ونصف مايسأل عني ولا يصرف علي حتى من ورثي من ابوي مايدري عني في اي شي اخذني وتركني اعيش بهالارض المليانه بالوحوش الكاسره انا مااقصدك .. اقصد اللي مايخافون الله انا قلبي يتقطع باليوم عشر مرات ويضيق قلبي وتبكي عيني طول النهار حتى اني اذا جاء الليل تجف دموعي وابكي من دون دموع قلبي في كل يوم وكل ساعه ودقيقه تدري وش يحس فيه كانك اخذت منشفه مبلله بالمويه وقعدت تلفها حولين نفسها لجل تنشفها من المويه هذا حالت قلبي

ومن ناحية الصديقات او الرفيقات اللي كنت احسبهم على ايامي اللي كنت بحق وحقيقه عايشه في هالدنيا احسبهم لا جاء وقت الضيق ماراح يقصرون معاي

بس بالاخير كانوا معي كل وقتي لجل الدنيا وملاهيها يعني انت عارف كانوا يبوني لجل الهدايا و و و و و الخ انت عارف يوم توفوا امي وابوي واخذ عمي حلالي تركني في صحرى كسيره جارحني العطش

وانا في الصحراء كسيره وعطشانه زحفت لي ما لقيت بير رميت الحبل في البير وانا في اقصى درجات الارهاق والتعب ولما وصلت نص البير قصو الحبل وطحت فيه وباّخر البير هذي قصه خياليه بس تحكي ضروفي بالواقع

انت يمكن ماتحس بأحساسي وبعذابي اولا : يمكن لانك رجال وتقدر تعتمد على نفسك في كل الظروف بس انا بنت لا حول لي ولا قوه ما اقدر اسوي اي شي

انا اتعذب عذاب واتمنى الموت ولا اصبر بعد على هالحياة البائسه اليائسه اللي مافيها لا رحمه ولا حب ولا الصديق وقت الضيق ولا اي شي حسن الكل ناكر جاحد الانسان اللحين مايحب الا نفسه .

بس انا حالتي غير عاديه انا في عرفه فيها 15 باب والغرفه ظلماء وكبيره كبيره مره وكل باب مقفل باقفال اشد من الباب الثاني وكل الابواب مافي مخرج لي ابد

شفت حياتي كيف كيف اعيش

انا الحمد لله لولا الله ثم معلمتي كانت تدرسني قبل سنتين وكانت معي تقريبا مو كل الاوقات تصير بجنبي خليتها امي وابوي واختي وصديقتي وحبيبتي لانه مااعتنى فيني الا الله ثم هي بس حتى هي ماراح تخلي وقتها كله لي هي متزوجه وعندها عيال ماهي مخليه وقتها كله لي لذالك بالاسبوع اشوفها مره وحده بس... يعني فرحه سهر ليله بس مع انسان والسوالف معه اللي هي معلمتي الله يجزاها خير ماقصرت معي بالعكس هي سوت اللي عمي اللي يقربلي بعد ابوي وبمثابة ابوي تقريبا ما

سوى اي شي من اللي سوته لي





لا تسألوني عن سبب رحلتي ليه ..... يكفي من الايام تعذبت ياناس

عزوا هوانا كفنوا كل ماضيه ..... عزوتي من بالهوى حاني الراس

وشلي بدنيا مابها منها تكفين ..... دنيا رديه كلها أنذال وأنجاس

حتى اعز الناس خاب الامل فيه ..... دامه رضيلي الدمع في كل مجلاس

مدري وش اللي لي زماني مخفيه ..... أنا الوحيد اللي مشى درب الاتعاس

في كل ليله أطلب الموت راجيه ..... ياليتني تحت الثرى بأبيض اللباس

وجدان



وهذي حياتي محد حاس فيها ولا دري عنها :

جروح + جروح +جروح = ألم وعذاب وغربه وتعاسه وظلم وهجر ونكران وحسد واجراح تدمى لو تطيب



وهذي حيات الناس اتجاهي واتجاه اللي حياتهم مثلي في هالدنيا :

سعاده + سعاده + سعاده = محبت الشخص لنفسه وغروره لحد الكبرياء محبت الخير لنفسه وكراهيت الناس



وانا مسكني او الدنيا اللي انا عايشه فيها هذي هي :

الوحده : هي مكان فسيح ووسيع ومظلم لا نور ولا هوى لا مويه ولا دوى فيها صوت الرعب والخوف وفيها تعب وموت الشخص الوحيد في اليوم 100 مره

**(( محدن يحس بجمرة اللي أعاني الا اللذي مثلي من الوقت مجروح ))**

انا ماقلتلك هالكلام ابيك تشفق علي او تحزن انا في قلبي مواجع وألم ونفسي ابوح فيها ... ونفسي ابوح فيها وبصوت عالي الكل يسمع ويقرى عيشتي لجل يعرفون طعم الحياة بالنسبه للناس اللي مثلي

هذا اللي قدر الله علي يكون بحياتي كنت برغد وسعاده والأن بنار وجحيم واسفه اني طولت عليك بس كثر ما قفلت على قلبي بمفتاح وسديت طريق الشكوى وفتحته بهالوقت ماقدرت اسكت ولو تكلمت ماراح انتهي

الدنيا غداره هالدنيا تقابل ناس وتوفي لهم وحتى وانت باخر حياتك وانت تعطيهم وتمد لهم يد الخير والمساعده واعرف اني مو قصدي بالوضع المالي قصدي بالمساعده بالاحساس والمشاعر والحب وتبادل المنفعه بين الناس ..



انا متأكده انك عندك صديق يرافقك في كل شي وصديقك هذا يوفي لك ولا ينكر مهما صار ويسوي اشياء فوق طاقته لجل يساعدك .. ومتأكده ان الغلا بينكم يساوي كل شي فيكم ..



شفت صديقك هذا اللي يسوي لك كل هذا انا كان عندي صديقه نفسه طبق الاصل وين مااروح أللقاها ابشكي وببكي القاها بس بالاخير كان كل اللي سوته معي راح في هبة ريح خفيفه وكانت في هالاخوه العضمى اللي كانت بيني وبينها لجل مصالح دنيويه وبس للاسف

**(( لاخاب ظنك بالرفيق الموالي مالك بمشاريهن على باقي الناس ))**



واسفه اسفه اشد الاسف لاني طولت عليك بس اعذرني :

اختك

وجدان

( المحرومه )

منتديات مدرسة المشاغبين - منتديات عالم الجريمة حوادث كوارث جرائم