حدث في مثل هذا اليوم (ميلاد خرافة) !!

سامحوني أحبتي سأروي لكم حكاية

من هذياني المعتاد

ولكن للأسف من سيقرأها سيحس بأنه يقبض على حبيبات جمر
فأرجو منكم الصفح وقبول العذر
هي بوح من ضمن البوح وذكرى لجرح ،،

======================

حدث في مثل هذا اليوم
(بالتاريخ الميلادي)

======================


اليوم ميعادي مع الذكرى

في مثل هاليوم .. كان ميلاد .. الخيانه

عمرها .. اليوم صار مثل عمر أطفالنا ..

أطفالنا إللي خطو .. أولى خطوات العلوم ..

دخلوا المدارس .. وكل دنياهم فرح ..

وكل منهم .. كمّل ست من السنون ..

وعمر الخيانة .. اليوم بنفس أعمارهم ..

ذيك الخيانة .. إللي بدت .. فكرة

مليئة .. بالدهاء .. وعانقتها غباوة كبرياء

يوم استلم هاك الرئيس ..

اللي راسه مليئ بكل أنواع الغباء ..

تربع على .. عرش الدولة المستأسدة

وفكر! .. وفكر!! .. كيف يسحب كل هاك الأرصدة

وبما إنه غبي .. ما لقى حل ..

وبما إنه أيضاً غبي .. صار يسأل ..

وتتوقعوا مين يسأل .. ؟

سأل .. واحد يثق بالمره فيه ..

يحبه .. ولو يموت أبد ما يخليه ..

قال وش رايك .. ياصاحبي ..

نبي نسحب من مجلس الحارة .. بنك نوت

وش الطريقة اللي .. توصلنا لهناك.. يالله شوت

رد عليه الصديق .. الخائن و بنفس الوقت الصدوق

وقال .. وهو يفخّم في حديثه .. لأن الغبي يفرح

فخامة .. سيدي ممكن تجلس معي على طاولة شطرنج

فخامة .. سيدي .. إسمح لي أبي أقفل الأبواب ..

علنا نحضى ببعض الخصوصية في الحديث

واستطرد الماكر .. وفتح علبة الشطرنج ..

وقال ..

فخامة سيدي .. ما لنا إلا نفتعل حرب ..

صدقني القافلة بتمشي .. وراح يضل الكلب ينبح

يالله .. فخامة سيدي .. نخلي العالم تنوح ..

ونبكي .. وهم يبكون .. بس يعني يعني .. مو صدق ..

والفلوس اللي بتجي صدقني لازم تروح

قال .. الغبي .. علمني بس وشهي الطريقة

فكرتك .. والله أعجبتني .. مذهلة وشكلها مثل الحقيقة

قال .. الصديق اللي كذب صديقه .. اللي دوم يصدّقه

خلنا .. نخترع كذبه .. ونخلي هالعالم تصدق

واحنا لازم .. معهم نصدق ..

بس .. النتيجة .. سيدي بتكون فضيعة

واحتمال .. ترى بس احتمال .. مو أكيد .. تصبح مريعة

وبالأخير .. راح نستفيد .. والمهم .. إننا بنستفيد

مع بعض الخسارة ..

ولكن ابشرك ياسيدي .. ماهي خسارة مال !!

الخسارة .. راح تنحصر في رجال ..

وبعض من النساء والشيوخ وكثير أطفال !!

وقام من على .. ذيك الأريكة .. إللي تزين بها قصر الرئاسة

ووجهه تعلوه ابتسامة .. وشوق للي رح ينقال ..

هاه .. يالله علمني وش الطريقة..

رد هالماكر .. وفجّر فكرته ..

ولجلجّ صوتها .. في دهاليز القصر ..

والرخام .. اللي تكتسي به أرض القصر .. كان قبل الفكرة يلمع

وبعد .. ما لجت حروف المكر ..

(((( بهت لون الرخام وتشطب ))))


إسمعوا يا سادتي وش قال هالماكر :

فخامة سيدي :

تتذكر البرجين ..

قال الرئيس .. اللي وين ؟

قال هذيك اللي فيها مرسى لكل تاجر ..

اللي تدار منها أموال البلاد ..

قال الرئيس : اللي بكوالا لا مبور .. (طبعاً غبي!)

قال .. عفواً فخامة سيدي ..

أقصد اللي على ضفاف البحور ..

في مدينتنا القديمة واللي نسميها الجديدة ..

فتح .. فاه الرئيس .. وارتمى فوق الأريكه ومدّ إيده ..

وهو يردد كلمتين ..

الأولة .. همهمه .. صوت بلا حروف

والثانية .. جو .. جو .. (GO)

وبعدها كلمة ترجمتها (رأس) بالعربي الفصيح (Ahead)

قال .. وعيونه تلوّن بكل ألوان المكر ..

فخامة سيدي .. هالبرجين .. مبنية من قرنين

وقبل كم سنة .. تعرضوا لحادث ,, بسيط

وفيه مهندس .. يقرب لي حيل .. وساكن بالمحيط

أكّدّ لي إنها معرضة بأي لحظة للانهدام ..

فخامة سيدي .. تدري هالبرجين .. رمز لأغلب هالأنام

رمز .. للرأس مالية .. رمز .. والرمز لما ينهدم

تنهدم معاه .. كثير من المبادئ والمُثل ..

صاحب الفاه الملئ .. بلع ريقه .. المسموم

وقال .. وش تقصد .. يا صاحبي ..

((((((((( فهمني .. أنا فهمي بطيئ ))))))))))

رد .. صاحب الفكرة ...

فخامة سيدي .. هالبرجين أكيد .. راح تطيح ..

إذا مو اليوم .. بكره لازم تطيح ..

وبدل ما تنتهي .. كذا بكل برود وسلام

خلنا .. نحيك هالمكيدة ..

قال الرئيس .. أنا فهمتك بس كيف..

قال .. يا سيدي .. صاحبك اللي كلمك قبل يومين

((الملتحي)) .. اللي ساكن في فندقك فوق هذيك الجبال

قال .. مين تقصد .. لا يكون تقصد أسدنا ..

إللي ساعدنا .. نصطاد .. الاتحاد القديم ..

قال .. ما شاء الله عليك يا سيدي دايم فهيم...

طبعاً الغبي استانس .. حس في نفسه

إنه ابتدأ يفهمها بعد ما تغفى وتنام ..

قال له .. فخامة سيدي .. إسمعني زين

دق عليه .. وكلّمه .. واطلب معاه عقد اجتماع الحين

وقول له .. عندي لك هديتين

الأولة .. معركة .. تنتصر فيها

والثانية .. أخفف عنك .. جندك و أعوانك

اللي جالس .. تصرف عليهم من ثروتك ثلثين

وحَصَلّ .. هذاك الاتصال .. قبل الكارثة بشهرين ..

وتم عقد الاجتماع ..

والبعض منهم .. اشترى مُدّ والبعض صاع

[آه .. يا عالم .. كيف المُثل .. صارت تنشرى وتنباع]

واتفق .. الماكر مع وحش الجبال .. على المكيدة ..

أرسل لنا .. بعض أتباعك .. وجندك

بس .. ضروري تفهمهم إن هذي معركة .. وبطولات تليدة

وراح نغض الطرف عنهم ..

ونسهل .. مهمتهم .. من دون لا يدرون

يعني .. راح نغمض عين .. ونفتح عين ..

والباقي .. لا يهمك راح تعرفه بعدين

وابتدت الحكاية .. وابتدى الأعوان بالتنفيذ

وحرف الفاء والباء والآي .. متابع لصيق

يسهل .. أمور المهمة .. وكأنه ما أحد(ن) يهمّه

إلا أوامر .. رئيس الغباء ..

وطار الشباب .. على جناح الأمنيات

ماحد منهم يسوق .. كلهم ركبوا سوا بس شتات

لا تسألوني .. كيف عرفت ..

أنا قبل اصير إنسان .. كنت أصلاً سحاب

شفت المعركة .. ومن بعدها تحولت لضباب

ومن هول اللي رأيته .. صحت صيحة حولتني

إلى إحساس .. إنسان عايش هالمصاب ..

المهم .. ما أبي أطول عليكم ..

اللي صار .. بعد هذا

كل أصابع الاتهام .. توجهت لهذوليك الشباب

وللي .. دقوا عليه قبلها بشهرين ..

واكتملت المكيدة .. !

وبدأ مجلس الحارة .. يعلن حالات الطوارئ

وجاء الغبي .. وقال للمجلس لازم ننتقم ..

عطوني .. دراهمكم .. أشري سلاح

واذبح .. كل واحد يردد حي على الفلاح

وبدأ الرصيد .. بالازدياد

شي .. بسيط منه يروح لشراء العتاد

والباقي .. يتحول لأرصدة رئيس البلاد

وشنّ الحرب .. على جبال .. وهضاب

والجنود .. يحاولوا في كل غارة ..

يذبحوا هذاك اللي يقولوا انه ساكن في مغارة

بس لليوم .. ومن ست سنين ..

وهو كل يوم يطل .. بشريط يعطينا فيه إشارة ..

ولا يفهمها ,, إلا شخصين ..

الغبي .. وحرف الفاء والباء والآي

وبدأ .. ينفذ هذاك الرصيد ..

ورجع .. يقطف الأثمار .. من بلاد النخل والأنهار

وألقى القبض على رئيس النهرين ..

ويمكن .. ما يكون الرئيس

((( يمكن شبيهه كل شي جايز .. )))

وسمع واحد من عربنا ..

في حديثه للإذاعة يقول : مثل عربي قديم

((( فرّق .. تسْدّ )))

وبما إنه غبي .. طبق الفكرة .. وفرق النهرين

وزاد المصاب .. وزادت همومه

ونفذ رصيده ..

كل الرصيد .. إنتهى

رصيد الحيلة .. أصبح صفر ..

إنكشف الحساب .. والظن خاب

وصاحبه .. اللي كان يصدقه .. مقتول ..

بإيد الرئيس .. بسبب خيانة مع سيدة القصر ..

وأعوان الرئيس .. البعض مات والآخرين في الأسر..

وكمل عمر الخيانة اليوم بالتحديد .. ست سنين

وكل عام .. وأمة الفلاح تتذكر الأمر ..

وتمشي واحنا نمشي معاها فوق الجمر ..

والغبي .. ما زال عايش ..

لكن .. مهما تطول هالخيانة .. ومهما تكبر

صدقوني .. راح يجي يوم ويطلع لها فجر ..

النهاية
THE END

===============

أخوكم سعيد بن محمد الحارثي

(المفارق)