|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
09-12-2007, 01:09 AM
| |||
| |||
| أمس الخميس (قصة شعرية بعنفوان النساء) الشاعر علي بن محمد القحطاني مابين غزل وذم واليكم هذه الأبيات اتمنى ان تحوز على أعجابكم [font=Arial]أمس الخميس من صباح الله خير زوجة رجل تاجر مع زوجة فقير تهاوشن وصار شي ما يصير يا الله دخيلك من مشاكل ها الحريم سمعت لجتهم وانا وسط الفراش ورحنا على الهوشات نتفرج بلاش وإن كان شفتن راح يجمعنا الهواش لا والله ابعد وش ابي في سين جيم طلعت وإلا هادي الخلايق واقفين سألتهم ياذا العرب وش شايفين قالوا حريم وبالعصي متحاذفين قلت لك النسوان يالله ياكريم ناظرت في ذيك الوجيه الكالحه اش صار فيهم والبراقع طايحة كن المهاوش صار قبل البارحه كل العرب ما صار ما فهم غشيم جت زوجة التاجر وقالت يا فلان هادي حرمة ماشغلها إلا ليلدان صوت المسجل عندها طول الزمان هي تغني وصوتها يطلع مديم وحنا فلا يوجد مسجل عندنا لا ماهو عيبا والله ودنا لكن مع الاموال نبدل جهدنا نحسب تجارتنا عل الشكل السديد لا جا الليل حطت لي حجاب وإلا خلف وإلا سميرة أو عتاب نسمع مسجلهم ونغلط في الحساب واحنا قرايتنا عل الشكل القديم من بعدها جت زوجة الشخص الفقير قالت تفضل وادخل البيت الصغير فنجان شاهي وإن تبي واحد عصير ترى الكلام يطول وفهم يافهيم يوم دخلت البيت انا شفت العجب شفت الحياة اللي لها قلبي رغب حلت بنا وبا شرتنا بأدب ليتني في بيتهم دايم مقيم قالت ترانا عايشين احلى حياة ويش عاد لو نسمع كل الاغنيات نطرب وتالي الليل عز الله ممات وهمنا أعطيناه للجار اللئيم فكرت انا اروح للمنزل الشخص الغني واجهت عند الباب شايب منحني مسكت ثوبي يالله انه هدني يقول رايح وين يبليس الرجيم قلت انت شايب قال يا علك تشيب قلت انت طيب قال جعلك ما تطيب قلت اسقني ماء قال مطلوبك صعيب عساه مايفرح بجنات النعيم قلت يا ذا العود ظنك ما تشوف قال انعمي لا شفت قدامي ضيوف فقلت انا املك ملاين والوف جيت اشتري منكم يضايع يا حنون قال انت ماودي تتطول عندنا قلت العفو ربع ساعة حدنا بشرك مني بقايل غذنا انا سعودي ومسكني وسط القصيم اقبل على مجلس جداره لينا يسأل عن المفتاح يامن عينه قالوا المجلس مسكر من سنة العام يوم زارنا ضيف كريم البيت بداخل مثل حوش الغنم وراعي البيت الغني مثل الصنم دشداشته متشققة وحافي قدم عساه دايم من هم الدنيا عديم[/font] بصراحة كيف شفتوا هاالأبيات مع الشعر القصصي؟؟  |
|
09-12-2007, 02:02 AM
| ||||
| ||||
| رد: أمس الخميس (قصة شعرية بعنفوان النساء) ينقل للمكان المناسب
_________________  |
|
09-12-2007, 03:18 AM
| |||
| |||
| رد: أمس الخميس (قصة شعرية بعنفوان النساء) غزل من الماضي , مسافات السفر , واليوم (شعر قصصي ), وغيرها من الأبداعات صراحة بدون أي مجاملة مجهود حيّ نستنشقه نحن النساء , مجهودك ..... اتمنى إن يكون البداية دائماٍ........ حتى لا اغاذر .... وابحث عن الربيع............................................ .................................................. .................................................. .................................................. .................................................. ............................ ................. هنا توقفت بي الكلمات لأقول الله لا يحرمنا منك] |
|
09-12-2007, 03:27 AM
| |||
| |||
| رد: أمس الخميس (قصة شعرية بعنفوان النساء) يوه نسييت .. ما أقول رايي في القصيدة مرة حلوة وقصتها ظريفها مرررررررره بس اتمنى توعدني انك تكثر من مواضيعك ..........................وشكرا |
|
09-12-2007, 04:13 AM
| |||
| |||
| رد: أمس الخميس (قصة شعرية بعنفوان النساء) مشكور جدأ يامسافات السفر على الكلام الجميل |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
