كان ياماكان في قديم الزمان وسالف العصر والآوان

كان هناك واحد اسمه HOTMAIL وكان انسان بسيط ... يحلم بأن يكون له اسم زي الناس ... لكن ماقدر .. حاول يلقى وظيفة مالقى لأن شهادته عادية ومو محصل خبره بعد من زين الحظ ...

تعرف على صديقة أسمها MSN بطريق الصدفة ... اقول لكم قصة تعارفهم

راح للسوبر ماركات القريب من شقته يبي يتسلف منه لكن ما اعطاه وصاحب السوبر ماركت هو YAHOO

انقهر منه وقال مصير الايام تعلمك منهو HOTMAIL واخليك تندم على طردك لي يالـ YAHHO بس هين وانا HOTMAIL ولد امي وابوي

بهذي اللحظة شاف MSN وكانت جميلة فعلا ... وكانت عيونها زرقاء وشعرها اسود وتحط حاجة على راسها على شكل فراشة للزينه :D

عموماً جت له وقامت تطالع فيه بنظره متفحصه ( مادري من وين جت هالكلمة )

ومدت له دولارين >>> والله بخل ...( هذي هي وحبته من اول نظرة )

عموماً >>> شكلي طلعت برى القصة شوي .... حركات مؤلفين قصص :D

ايه المهم قام HOTMAIL ينتظر حضور سيدة الحسن والدلال MSN عند السوبر ماركت ...

وهي ماجت الا ذاك اليوم بس >>> صدفة يمكن ... مادري الا وهاذي طالعة له ... انفجع قلبه وانكمش ... قرب منها وعطاها . وردة ... واقترب منها الا وصاحب السوبر ماركت اللي يمسك من وراء ويقول وش عندك يا HOTMAIL قال وش دخلك ... البنت MSN تقلب وجها وصار يعطي 20 لون .. مو وجه قوس قزح :D قال YAHOO ذي بنتي .... ( اتحدى لغة انقلش تقول هالكلام " ذي " ) عاد
HOTMAIL حط رجله ... وانحاش ... مايبين الا غبرته بس ... وYAHOO كسر راس بنته MSN وفصلها من الجامعة علشان تحرم تغازل مرة ثانية

سافر HOTMAIL يدور شغل ونصحه احد اصدقائه يروح يم ديرة اسمها NET فيها وظايف احسن من تسكعه بالشوارع ... وهو قال ايو الله

شد رحاله وسافر يم NET وهو حاط بين عيونه وفي قلبه حبيبته MSN اللي مالحق يتهنىء فيها

عموماً لقى وظيفة وهي مصمم رسوم ( صفحات نت ) وراتبه جيد ... شوي والا مديرة الشركة حبتهّ والله بلشه عاد لو غيرها كان قد يصرفها بس المديرة مرة وحدة ... وكان اسمها WWW المديرة .

وفي مرة جاء متأخر بالدوام ... ويوم جاء يوقع حضور قالت له السكرتيرة .. المديرة قالبه الشركة عليك الحين وين فيك متأخر ... قال راحت علي نومه ... وعندي تصميم قالت رح لها وقل لها عذرك والخصم في ظهرك
قال لها خصم ولا الفصل ... دخل عليها واول مادخل قال لها ماعليه انا ادري اني متأخر بس امس جالس اخلص تصميم وسهرت عليه ... قالت وهي تبتسم ... ماعليك HOTMAIL بأصرف لك مكافأة على التأخير بس تكون راضي علينا ... طارت عيونه وهو مستغرب وش السالفة ... قالت له انت شاب طموح ولك مستقبل وذكي جداً ..وانا ودي ارقيك واخليك مسشاري لي وش رايك ...؟
قال اكيد موافق ... نزلت قرار وصدر بأن HOTMAIL هو المسشتار الخاص للمديرة WWW الناس استغربت وهي معروف عنها انها مالها نائب او مستشار وش معنى وافقت على تعين HOTMAIL ..

انصرفت لهوتميل سيارة اخر موديل وشقة محترمه ... وسوى حساب بالبنك ...

المهم بأحد الاجتماعات مع مجلس الادارة لاحظ ان المديرة تطالع فيه بنظرات .. حط نفسه ماينتبه وهو يتكلم عن الحياة وعن الالكترونيات ... وقال لازم نسوي مجتمع افتراضي ونسوي شغلات مميزة ونكون منفردين فيها عن العالم .. عاد قام يتكلم وانا ما انا بأقول كل كلامه علشان ماتقول تعبئة كلام بس :p

عموماً ماقدرت تخبي WWW عن اعجابها الشديد لـ HOTMAIL وقالت له بكل صدق احبك يا HOTMAIL حب جنوني .. ومتيمه فيك لدرجة ماتتصورها ... قال هو ويفكر MSN قال انتي تنحبي صحيح وانا بعد معجب فيك واحبك بعد ( فكّر بذكاء رجل ... يتمسكن ألين يتمكن ) المهم اتفقوا وسوى العرس وعزموا المعازيم لكن المفاجأة ان YAHOO حظر الزواج وانقهر لأن MSN بتدري .. جاء YAHOO يم HOTMAIL وهو يقول له .. مبروك ياولدي HOTMAIL والله فرحت لك ..
قال وش دراك بالزواج ... قال لا تنسى ان من كبار القوم بمدينتنا اللي ترعرعت فيها ... وانعزمت بحكمي من الوجهاء ... قال له وش اخبار بنتك MSN قال تخرجت وجالسه بالبيت تدور وظيفة ... قال هالبطالة بكل مكان ... والسبب هي الحكومه واللي بس همها كيف تطلع فلوس من المواطنين

جاء العشاء وتعشوا وانتهى العرس

وفي اليوم الأول ... جاء لزوجته WWW وقال لها انا ودي اسوي مشروع وابي سيوله
قالت عيوني لك انا بأعطيك وكالة عامة وسو اللي تبيه فلوسي وفلوسك وحدة ( هذي اللي يبيه من زمان )

االمهم سوى مشروع وهو الهوتميل وبريد الكتروني وصناديق مجانية للزبائن وصارت الفلوس بيده زي الرز المهم ان HOTMAIL فكر بمشروع خيالي وهو الماسنجر ... فقام وطرح الفكرة ولقت استحسان كبير ... ونفذ المشروع وضرب السوق وصار يستخدمه الملايين من الناس ونزله بعده لغات وصار اسمه على كل لسان وسماه
MESSENGER MSN على اسمه حبيبته اللي مافي مرة نساها ...

وبعد كم سنه تهاوش مع زوجته WWW وطلقها طبعاً فضوا الشركة وطلع وسوى شركة بأسمه وراح يم YAHOO وطلب يد MSN لكن المفاجأة ان ابوها رفض ورفض قاطع قال HOTMAIL ليه انا احبها
قال انت منافسي ولا يمكن اوافق انت مخسرني ملايين بسبب MESSENGER حق شركتك وانا ما اعطي بنتي لواحد خر‍ّب بيتي .... قال له طيب ... واتفق مع MSN يتزوجون عرفي وتزوجوا وحطوا ابوها YAHOO تحت الامر الواقع وقالوا له .. قال خلاص بأعلن الزواج قدام الناس
وسووى عرس كبير حضرهم الكثير من كبار القوم زي MAIL و RELAL وزوجته PLAYER وحضره بعد MICROSOFT وزوجته EXPLORER والعديد من الشخصيات الكبيرة

وكذا انتهت القصة من زواجهم ببعض

انتهى

خلاصة الموضوع ... اني لما فصل مع الماسنجر من قبل كم ساعة طفشت وقلت ياولد اكتب قصة عنهم وكتبها وارجو ان تنال استحسان الجميع ورضاهم


تقبلوا تحياتي

اخوكم البندر

_________________

ههههههههههههههههههههههه

يسلمووووو اخوي البندري ,,,,


بايوووووووووووو

هلا وغلا فيك


حياك الله واتمنى القصة عجبتك

تقبل تحياتي

اخوك البندر

_________________

هههههههههههههههههههههههههههههههههههههههههههههه

الله على HOTMAIL عند سالفه وحنا ماندري :D ماشاء الله على سالفته حلووووه

مشكووورر البندر على المساهمه الحلوووه
والله يعطيك العافيه

تحياتي لك
شمعة الأمل

_________________
هكذا هو الحزن حين يجتاحنا .. وهكذا هي الجراح حين تعتلج بأضلاعنا تلتف حولنا كلون الشفق الدامي حين يلتف بالكون ..
فلا تدري هل تبكي الجرح النازف من أمل مذبوح بأعماقك .. أو الحلم الضائع في أيام غربتك .. أو الألم الذي ينثرنا في أيام بؤسنا وشقائنا ...

هلا بك اختي شمعة الامل ... واشكرك على ردك الرائع

تحياتي


البندر

_________________