قصيدة الاميره نوره

السلام عليكم ورحمه الله وبركاته
عندي قصيده يقولون للأميره نوره الرشيد لكن ماعندي
أي خلفيه عنها بخليكم مع القصيدوأرجو الي عندهم أطلاع عليها يفيدونا لأنه حاصل عليها نقاش وجدل أتركم مع القصيده




ابكي هلي اهل العلوم المليحه=ولالوم عيني لو جرى دمعها دم
اخواني ابكي والقصور المليحه=اخواني اللي لابغوا لازم تــــم
ياما انتخو باسمي لياحل صيحه=ليا انتخوبي كافر الجن يسلـم
اسمي كما نجمٍ ضرب قاع بيعه=او الصواقع يوم للضلع ترجم
نوره انا اخت الشيوخ الفليحه=ابوي حاكم واخوتي صفوة الجم
ياحيف حايل فارقن ريح شيحه=بذيك الشغايا تقل ماقيللي سم
محمد طلال اللي جرح للقريحه=وناسٍ بنا خانوا وناسٍ بنا لم
خانوا بحايل كاسبين الفضيحه=واهل العمايم جعلهم في جهنم
اهل العمايم يدّعون النصيحه=جهال بدوٍ ماتعرف التيمم
لابد ماصلف الهواء يزيل ريحه=ومثلي يذوقوا لوعة الغبن والغم
يالعبد عقب العز كبدي جريحه=حب الوطن يالعبد من عصر آدم
ويالعبد هذي من حكايا الفضيحه=خل السهر لي وانت يالعبد قم نم
من أول نآمر تجيب الذبيحه=واليـــوم ياعصر الندم صرت لي عــــــــــــم