|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
09-26-2007, 02:44 AM
| ||||
| ||||
 لا تترك اللي بالهوى دوم يرجيك ولالا تهينه يوم اصبح ذليلك : لا تـحسـب إنــي قــاطـعٍ فــيك مـابيك *** ولا تـــحسب إن العين عـــيت تشيلـك لا تترك اللـي بـالهــوى دوم يـرجــيك *** ولا لا تــــهينه يـوم أصـبــح ذليــــلك أبيــك تـذكرنـي وأبــي مـنك وأعطيك *** وش لـــي سوالف غـير قلبــي عميلك جــرّحـت قــلبٍ عــاشقٍ كـل مــا فيك *** وبـــــكيت عينٍ مـا رضت فــي بديلك وشـــوّقت روحٍٍ أجبرتنـي أسميــــــك *** ريـــــم الغلا ياصـاحبي هو سـمـي لك صدقني يا عمري تـرى القلب شاريك *** والـــروح ما أذكر قـــد خذاها مـثيـلك هــي حكمـةٍ يـوم إنــي أبـعد وأخليــك *** أبغـــى عيـون الناس تــركـد وأجـيـلك الجــرح يـنزف والــزمـن واقـفٍ فيك *** والــــعين تــدمــع وهـمّهـا شـدّ حـيـلك يــا مــا تـمنى خــافقـي حـيل يــغليــك *** ارحــــم شـــعورٍ قــــال تـكفى دخـيلك تـــجهل كـلام الــناس وأبـغى أوريـك *** كلـــمــة عــذولٍ قال يــــا صعب نيـلك ما قدر علــى بــعدك ومـا قـدر أعنيك *** بـصبـر على هجرك ولـــو طال ويـلك والـعاذل اللـي مــــن سمعني أنـاديــك *** ســــوى زمان وجيل مــــاهوب جيـلك يـشهد لك الخفاق وتـــــشهد مــواطيك *** ويــــشهد زمـانٍ راح كـــــمّل جميــلك ارجع ورجّـح كــــــفّة الـعشق يـمديك *** كـفّه تـــبي وزنـك وتِــــظـهــر دلـــيلك اذكـر عـــذابـــي والشقـا يـوم يـبكيـك *** طــــوّلتها يـــــا عزوتي وطـــال لـيـلك أبـغى نــهايـــــة لقصتي ولــيه أبدّيـك *** متـــى تجيني بشوق ويصفــــى سبيــلك الوقـت لو يسمـــح أنتهي منك وأنهيك *** كــان انزعك من داخلــي وش يـبـيــلك خلاص ماعاد أظنــي ارجع وأناجيك *** ارحـل وسـافر صــار عــادي رحيــلك ابــعد عــن عيوني ومـــا بغى أباريك *** وانـــــسى بـزمــانك يــوم إنــي زميـلك لا عــاد تـذكرني ولا عـــــاد ابطريك *** واتــــرك همـوم الــكون واحمـل قليـلك خـل الهوى لأيـام عاشـت بمــــاضيك *** مــا للـــفرح عنـدك مـــكان ويــعنيــلك ويــمكن أنا أشتاق وأرجـــــع أواسيك *** وادمــــح خـطــاك واقـبـلـه بتـــعليـــلك خــلاص أحبـك ولا تـفكر أعــــاديـك *** بــانســـــى الـزعل كلـه وأرجع خلــيلك لا تــحسب إنـي قـاطـعٍ فــــيك أسلّيك *** اصـــبِر، عـيون النـاس تــركد وأجـيلك وسلامتكم م ن ق و ل 
_________________   |
|
09-26-2007, 03:22 AM
| ||||
| ||||
| رد: لا تترك اللي بالهوى دوم يرجيك ولالا تهينه يوم اصبح ذليلك تسلم يمينك ويسلم لسان شاعرها
_________________  |
|
09-26-2007, 03:51 AM
| ||||
| ||||
| رد: لا تترك اللي بالهوى دوم يرجيك ولالا تهينه يوم اصبح ذليلك الله يسلمك اخووووووووي ومشكوووووووور على المرور الجميل
_________________ |
|
09-26-2007, 04:03 AM
| |||
| |||
| رد: لا تترك اللي بالهوى دوم يرجيك ولالا تهينه يوم اصبح ذليلك يعطيك العافيه قصيده جزله تستحق الشكر عليها تحياااااااتي |
|
09-26-2007, 04:18 AM
| ||||
| ||||
| رد: لا تترك اللي بالهوى دوم يرجيك ولالا تهينه يوم اصبح ذليلك الله يعافيك اخووووووووووي ويسلموووووووووووو على المرور
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
