 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
09-26-2007
| |||
| |||
 البنات السعوديات وسيلة لإعلاناتهم صبـــااح الخيـر للي يدخل في الصبحيـه ومســاء النــور للي يدخـــل بالمســااء <<لاياشيخ في البدايــة أحب أشكر الأعضــاء والمشـرفين الي راسلوني وقالو ليش يارمــوز ماتســوي شي مفيد لنا دايم ضحك وهبال وقصص مالها سنـع طبعاَ طفشت من حكيهم <<الأم شاميه وقلت بخربها وأنزل شي غريب علي وأحب أوجه موضوعي هذا المختلط بالجد والدجة إلى اصحاب المواقع طبعاَ الجد يغطي ع الدجة ملاحظة: ينصــح لقراءة الموضوع مــاووس أبوعجـــل عندي سـؤال محيرني للأصــحــاب المواقع الي ذبحوني بمواقعهم ليش دايم تجعلون في مواقعكم البنت السعوديةهدفاَ لكم وتجعلون عــورتـها والكلام عنها يكثر في العالم العربي.. ليـزداد عدد الأعضــااء في موقـعكم !! كثيــر مايمــر علينا في القـروبـات العــربيـة هذه العناوين والمواضيع (فتاه سعوديه عاريه) (القبض على بنات سعوديات في شقق دعاره) (ســعوديـة تكشف...إلخ) إلى متى! وجميعها مواضيع كاذبه والهدف منها تحويلك الا منتدى مغلق لا تستطيع مشاهده أي الموضوع الا بالتسجيل!! وعندما تذهب لتسجيل وتسجل في المنتدى وتبحث عن الموضوع لا تجده فقط وضع العنوان لكي يجذب الأعضاء لموقعه وعندما يشاهدونه أحد من أخواننا العرب في إميله الموضوع وش راح يقول؟؟ أكيــد بيأخذ فكــرة سيئــة عن الفتــاة الســعــودية أما أصحـــاب المواقع الله يهديهم بس مايفكر في هذا أهم شي عنده يصل عدد الأعضــاء إلى 2000 أو أكثر ولكن أغلبيتهم سجلوو فقط لمشاهدة الفتاة السعــودية العارية كما أشير العنوان التافه الي حطها صاحب الموقع وبذلك جعل أخته المسلمة عرضه للآخــرين والله شي يقهـر والله عندي إقتــراح بسيط لاأصحــاب المواقع الفاشلة الي يحط مثل هذه العنــاوين كي يجذب الأعضـــاء دامك يادلخ مع إحترامي لجمعية الدلوخ الدولية مسوي موقع ليش ماتدفع 1000 ريال في الشهر إعـــلان في إحدى المواقع الإعــلانيـة!! بتقولي مامعك دراهم! طيب ليش وأنا أخــوك تفتح مـوقع أجل؟؟؟ تبي الشهرة للموقع وإنت ماتبي تدفع ولاريال من جيــبك؟؟ صلـح لك أي شي ممــيز وخل كل هالعالم تجيــك بدال ماتكتب مواضيع تسيء لبنات بلدك ولاتنسى إن أختــك وأمــك ضمن البـلد إلى إنت منها تبون الصــراحة أنا متفاجئ من هالمواضيع التافهه وهــذا يدل ماحد يصلح هالحــركة من أصحاب المواقع إلا إنه تسحب ع وجهه أكثر من مره وهو يلاحق هالمواضيع والي يقهــرك زيــادة الي يكتب هالعناوين سعوديين يعني في جرايدنا حنا في السعوديه ماقرينا هالمواضيع ولا سمعنا عنها ولا جتنا اي خبر عنها فكيف انت يالذهين سمعت الخبر لحالك ومع ان تفاصيل الموضوع مالقاها في منتداك؟؟ طيب اكتب شي صدق والا اكتب شي معقول واقعي صحيح نقدر نقول انك صادق فيها وانك تستاهل من يسجل عندك ويكتب عندك بس تكتب شي غير واقعي وتشوه سمعت بلدك عشان موقعك يصير افضل موقع؟؟ لا والله على كذا مفروض من الرقابه تبع مدينه الملك عبدالعزيز تتابع هالشي وعلى فكره ترا سالفه برجس صارت الحين عشر سالفات له في كل منتدى تلقى فيه سالفه الحاله أتمنى من أصحــاب المواقع لايجعلون من سمعة بنت بلدهم لنجاح مواقعهم وياليت من الرقابة أن تتابع في الأمــور الي مثل هيك وتفكنا منهم الله ياخذهم فيه حديث قاله رسوله الله صلى الله عليه وسلم (( المسلم اخو المسلم لا يظلمه ولا يسلمه ومن كان في حاجه أخيه كان الله في حاجته ومن فرج عن مسلم كربه فرج الله عنه كربه من كربات يوم القيامة ومن ستر مسلماً ستره الله يوم القيامه)) وعن أبي برزه السلمي قال قال رسول الله صلى الله عليه وسلم ((يامعشر من آمن بلسانه ولم يدخل الأيمان قلبه لا تغتابوا المسلمين ولا تتبعوا عوراتهم فإنه من أتبع عوراتهم يتبع الله عورته ومن يتبع الله عورته يفضحه في بيته)) ويوجد شخص فضائحي قناص لقط قصه ونشرها وهذا الأنسان كيف يعاقب؟؟ يفضحه الله في عقر داره تنشأ في بيته مشكله كبيره وتسري في داره وبين الناس وكل إنسان يتتبع عورات المسلمين يفضحه الله في عقر داره ونبينا محمد عليه الصلاه والسلام يقول : ((لو أخذت سارق لأحببت أن الله يستره, ولو اخذت شارباً لأحببت أن يستره الله)) وهذا نبينا محمد صلى الله عليه وسلم من شده رحمته على الناس وهو يعاقب الشارب والسارق ولاكن يتمنى الله عز وجل ان يستره وكل الامور الي شفناها والأحاديث واضحه عندكم ..في النهــــــايـــــــة.. الملاحظ دائماً اللهث وراء الفضائح !!!! وخاصة التي تخص جنسية معينة وطبعاً يجب أن تكون عربية وخاصة خليجية، وقد تشاهد في فضاء الانترنت صور أو مقاطع فيديو تحمل مثل عنوان هذا الموضوع وهي في الحقيقة ليست كذلك وإن كانت صحيحة فما لغرابة ففي كل مجتمع توجد شواذ، وأنا أعتقد إن استخدام مثل هذه المسميات ليس الا للبحث عن سرعة الانتشار لأننا وكما نعرف أن مثل هذه المجتمعات وخاصة الخليجية مجتمعات محافظة ومثل هذه الصور تعتبر صفقة يستخدمها ضعاف النفوس لترويج منتج معين أو نشر الرذيلة بأسرع الطرق، سبب وضع تلك الجنسيات كعناوين واضح كوضوح الشمس بحكم العادات والتقاليد في مجتمعاتنا الخليجية وبحكم تمسكنا بديننا الإسلامي والتزامنا به ولكن سامحوني ع الإطـــالة وتحيـــــاتي لكم منقول |
|
#2
09-26-2007
| |||
| |||
| رد: البنات السعوديات وسيلة لإعلاناتهم البنت السعوديه ضلمت من المجتمع ومن الاعلام وصارة ماركه 00 هاذه نتيجة الكبت الي صاير عندنا 00 وللاسف عندناالمجتمع بلاحمايه 0 على فكره احنا يا السعوديين نلعب على انفسنا كثير لاننا عجزنا نواجه انفسنا اطلع برى اشوف السعودي مستغل بكل ماتعنيه الكلمه في كل مكان وهذا لانه يروح مشفوح لانه بكل بساطه مكبوت 00 بدايه من المطار حتى العوده 0 نسأل انفسنا ليه لو مره 0 نعرف ان مجتمعنا مستغل من برى ومن جوا 0 همسه لك انت فقط 00 تعود ان لاتنقل المواضيع اكتب فكرك انت يعطيك العافيه |
|
#3
09-26-2007
| ||||
| ||||
| رد: البنات السعوديات وسيلة لإعلاناتهم الله يعطيك العافيه وتقبل مروري ياخوي رجرج1 |
|
#4
10-09-2007
| ||||
| ||||
| رد: البنات السعوديات وسيلة لإعلاناتهم للاسف المرأة السعودية على وجه الخصوص مستهدفة بشكل واضح والدليل أنك لا تشوف مثلا أعلان فية فتاة مصرية اولبنانية فهن في كل مكان التلفزيون والنت ...الخ بينما الفتاة السعودية متحجبة طاهرة وعفيفة ليست سلعة رخيصة نتداولها كيف ما نشاء وبالتالي عندما نجد اعلان فيه فتاة سعودية تجد ان الناس بمختلف جنسياتهم وشرائحهم ينجذبون الى هذا المنتدى لانهم يريدون أن يروا هذه الفتاة السعودية التي لم يتعودوا أن يروها ولكن المؤسف حقا أن يكون أصحاب هذه المنتديات سعوديين ومن يشوه سمعة فتياتنا الطاهرات هم من بلاد الحرمين رجرج 1 
_________________ |
|
#5
10-18-2007
| |||
| |||
| رد: البنات السعوديات وسيلة لإعلاناتهم شكراااا علي اردود الحلوة |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
