السلام عليكم ورحمة الله وبركاته
اقدم لكم قصيدتين للشاعر شالح بن هدلان القحطاني رثاء في شقيقه الفديع وابنه ذيب وان كانت القصيدتين مشهورتين
وقصة شالح محزنه جدآآ ويتعذب الرجل من سماعه الى تلك القصائد

انسان عانا معاناه صعبه هو من تسبب في وفاى اعز ابنائه ذيب

واخيه الفديع كان يحب ابنه ذيب انا كنت اسمع قصته من اجدادنا

رحمهم الله يقولون لي كان في احد الليالي في بيته وهو متزوج

حرمتين وقال لبنته روحي اذبحي لك ذبيحه وسوي عشاء ولما ركبت العشاء على النار

قال روحي لخوك فلان ناديه لي وكان الوقت متأخر بالليل

وذهبت لأحد ابنائه قالت ابوي يبيك وقال وش فيه ولبس شماغه

وحط بشته فوق راسه وقال وش تبي يابوي قال ولا شي وانا ابوك

ارجع لبيتك وارقد عند مرتك وقال نادي فلان ونفس اخوه الاول

وقال روحي نادي ذيب جيت ذيب وقالت ابوي يبيك فز من فراشه ولبس لبس الحرب

واخذ سيفه وسلاحه وركب الفرس وجاء ابوه قال خير يابوي

ابشر بالسعد قال وراك راكب الفرس ياذيب ولابس لباس الحرب

قال مادعيتني يابوي هالوقت لخير اكيد فيك شي

قال انزل وانا ابوك مافيه الا العوافي مغير مسوي لك عشاء

وفي احد الايام كان ابوه يقصد وقال وش فيك يابوي قال والله ياولدي ابي لي ناقه

وعزى ولده ذيب وقتل في ذالك اليوم وتأثر ابوه الين مات

واخوه الفديع كان بار في شالح لدرجة انه كان معود اخوه كل

فجر يسوي لخوه القوه وفي ذالك اليوم كان الفديع عريس ولاسوى له قهوه

وجاء له الصباح ولقى زوجته تمشط راسه لأن له شعر كبير

واخذ تراب اعزكم الله وحطه فوق راسه ولاقال شي اخوه

راح شالح لبيته وجاه اخوه وحب راسه وبكى شالح لأنه مخطي عليه

ومع ذالك اخوه جاه وحب راسه

والله اني اكتب لكم ولاني قادر اكمل لكم بس بقول شغله

لاخير في ولد مايعز ابوه ولاخير في ولد مايعز اخوه


[poem=font="Simplified Arabic,6,black,bold,normal" bkcolor="crimson" bkimage="backgrounds/35.gif" border="double,4,crimson" type=0 line=0 align=center use=ex num="0,black"]
امس الضحى عديت روس الطويلات = وهيضت في راس الحجا ماطرالي
وتسابقن دموع عيني غزيرات = وصفقت بالكف اليمين الشمالي
وجريت من خافي المعاليق ونات = والقلب من بين الصناديق جالي
واخوي يلي يم قاره خفا فات = من عاد عقبه بيستر خمالي
ليته كفاني سو بقعا ولا مات = وانا كفيته سو قبر هيالي
وليته مع الحيين راعي الجمالات = وانا فدا له من غبون الليالي
واخوي يلي يوم لخوان فلات = من خلقته ماقال ذا لك وذا لي
تبكيه هجن تالي الليل عجلات = ترقب وعدها يوم غاب الهلالي
وتبكي على شوفه بني عفيفات = من عقب فقده حرمن الدلالي
عوق العديم ان جاء نهار المثارات = والخيل من حسه يجيهن الجفالي[/poem]

في ابنه ذيب

[poem=font="Simplified Arabic,6,black,bold,normal" bkcolor="transparent" bkimage="backgrounds/1.gif" border="double,4,royalblue" type=0 line=0 align=center use=ex num="0,black"]
ياربعنا يلي على الفطر الشيب=عز الله انه ضاع منكم وداعه
رحتو على الطوعات مثل العياسب = وجيتو وخليتو لقبي بضاعه
خليتو النادر بدار الاجانيب = وضاقت بي الافاق عقب اتساعه
تكدرن لي صافيات المشاريب= وبالعون شفت الذل عقب الشجاعه
ياذيب انا بوصيك لاتاكل الذيب = كم ليلة عشاك عقب المجاعه
كم ليلة عشاك حرش العراقيب = وكم شيخ قوم كزته لك ذراعه
كفه بعدوانه شنيع المضاريب = ويسقي عدوه بالوغى سم ساعه
ويضحك ليا صكت عليه المغاليب = ويلكد على جمع العدو باندفاعه
وبيته لجيرانه يشيد على الطيب = والضيف يبني في طويل الرفاعه
جرحي عطيب ولا بقى لي مقاضيب = وافخت حبل الوصل عقب انقطاعه
كني بعد فقده بحامي اللواهيب = وكني غريب الدار مالي جماعه
من عقب ذيب الخيل عرج مهاليب = ياهل الرمك ماعاد فيهن طماعه
قالو تطيب وقلت وش لون ابا طيب = وطلبت من عند الكريم الشفاعه
انا بنذر اللي من ربوعي يبا الطيب = لاياخذ الا من بيوت الشجاعه
يجي ولدها مذرب كنه الذيب = عز لابوه وكل ماقال طاعه
وبنت الردى ياتي ولدها كما الهيب = غبن لابوه وفاشله بالجماعه
ياكبر زولك عند بيت المعازيب = متحري متى يقدم متاعه[/poem]

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي