نرجسيه..!!

نرجسيه ..!! نرجسيه.. اذكر انهــا نرجسيـّـه .. كلمة مطلع قصيده راودتني من زمان..!!
كنت ابكتبهـــا ولكن.!! عيت اظروفي عليـّه ..وزمن ايضــا حداني بعدهــا كان اللي كـــان..!!


نرجسيه ..! ياعلي بنت(ن) تمادت بالخــطــيّه..اسرفت في حالي حتى عفتـــــهــا يابو رزان..!!
بعثــرت عمــري شظايــا بين ذيك وبين ذيــّه ..ولا قويت اجمع شتات العمر وطراف الحنـــان..!!


اذكر اني كنت اهوجس في غلا هالادميــّه..واحسب لحزة لقاها هالدقايق والثوان..!!
اذكر اني كنت اشكك في وجود الجاذبيــّه ..واتســأل ليه اطير ليا دعتني في مكـــان..!!


وكنت اظن ان النهاراليا ظهــرثم بان ضيّـه.. استمــد النـور منها ثم خـذى منها ضمـــان..!!
وضمـــان انها تصــون السر عن كل البريـّه..ماتخبـر به قريـب ولا يسـولف به لسـان..!!


جــادلن ربي حبـاها في مـلامح يـوسفيــّه,,عنــق ولا خصـر ولا ..!! يادخيـل المستعـان..!!
ان تهـادت في خطــــاها تسلب العقل برويــّه..وان تثنت شحـت كفي وش بقـى للخيزران..!!


ولا انـثرت مجدولها اللي لاحشــا ماشفت زيــّه..فـاح ريح العود ولا هو عبيـر القحيوان..!!
من نظـرها كنه اللي ماحسـب طعنة خويـــّه..ولا لها الا ليا تبسم ثغرهـــا عض البنـــان..!!


لو نظـــرها ابن المـلوح عاف ليلي العامريــّه..يختـلف طرقه ونهجه وتصبح العشره ثمـــان..!!
يتــرك الشعر المقفــى والحـروف الابجديــّه..او يهيجن هيجنة بدو(ن) لهـم عزه وشـــان..!!


اشهـد انها من عـذابي يـاعلي مـاهي بريــّه..قلبـــها قـــاسي ولا ذكر قد تمايــل لي ولان..!!
عرضتني للهجيـر وقالت امشي لك بفيـــّه..واتركتني لســهاد ولوعت اصفاد الهوان..!!


واستبـاحت كل عرق(ن) من عـروقي والضحيــّه..حبنــا اللي من سواها ماصفــى مره وزان..!!
عجهيـــه..نرجسيــّه..!! نرجسيــّه..عجيهــيّه..!! حلها وشلون مدري طالبك يابو رزان ..!!