الوصية الله الله في الوصية
الام ماتت والقصيده سلمها الدكتور للولد وهو يستلم الجثة

هذة قصيدة لأم تعيش في دار المسنين تنثر كل أحزانها بصوت الامومة لولدها الذي رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة ....








يامسندي قلبي على الدوم يطريك
ماغبت عنـي وطيفـك سمايـا

هذي ثلاث سنين والعين تبكيـك
ماشفت زولك زايرآ يـا ضنايـا

تذكر حياتي يوم أشيلك وأداريـك
والاعبك دايـم وتمشـي ورايـا

ترقد على صوتي حضني يدفيـك
ماغيرك أحدآ ساكنن في حشايـا

وليا مرضت أسهر بقربك وداريك
ماذوق طعم النوم صبح ومسايـا

ياما عطيتك من حناني وبعطيـك
تكبر وتكبر بالامـل يـا منايـا


لكن خسارة بعتني اليوم وشفيـك
وأخلصت للزوجة وأنا لي شقايـا



أنا أدري أنها قاسية مـا تخليـك
قالت عجوزك مـا أبيهـا معايـا

خليتني وسط المصحة وأنا أرجيك
هذا جزا المعروف وهـذا جزايـا

ياليتني خدااامـة بيـن أياديـك
من شأن أشوفك كل يوم برضايـا

مشكور ياوليدي وتشكر مساعيك
وأدعـي لـك دايمـآ بالهدايـا

حمدان يا حمدان أمـك توصيـك
أخاف ماتلحق تشوف الوصايـا

أوصيت دكتور المصحة بيعطيـك
رسالتي وحروفهـا مـن بكايـا

وأن مت لاتبخل علـي بدعاويـك
وأطلب لي الغفران وهذا رجايـا

وأمطر ترااب القبر بدموع عينيك
ما عاد ينفعـك النـدم والعنايـا
منـــــــقول
اطلب من كل واحد بهذي الحظه مزعل والدينه يروح
يستسمح منهم واللى مافيه خير لوالديه مافي خيرحتى
لنفسه والله يجعلكم كلكم
مرضيين والدين
ودمتم


اختكم/الجارحه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي