جبتلكم اليوم قصيدة سمعتها بس للأسف ما أعرف الشاعر
والقصيدة قالها الشاعر بعد ما أحس أن أخته مضايقها زوجها وهو كان بعيد عن أخته
.....................
لاتنثرين الدمـع قولـي لـي وش فيـك *** تخالطت عبرات صوتـك ونـا اسمـع
تقطع خطوط الجو والصـوت مغريـك *** ودمعك غدى نيـران بالجـوف واقشـع


ووقف شعر راسـي ودكـت دواكيـك *** وضرب اخماس اسداس بالشك واجمـع


ويبسن عروق القلب وصـارن مهاليـك *** مغيـر اغـص بخافـي الريـق وابلـع


وشلـون مابـه شـي يرحـم اهاليـك *** تدريـن بغيـر الصـدق لايمكـن اقنـع


انا عهـدت الضحـك يعشـق اشافيـك *** وعيـون ماخلقـت علـشـان تـدمـع


سلامـة الـي كـل ابوهـم عزاويـك *** وليـا انتخـوا بالحيـز نيـران واشنـع


وليا وضح صوتـك باذانـي عزاويـك *** (حيزا حيزا !)ساعـة الصفـر ترجـع


تكفـخ حرار(ن)ماسبقـوهـا ممالـيـك *** وترسي جبال(ن)مانـوت يـوم تخضـع


وتـارد فهود(ن)ماتهـاب الشرابـيـك *** وتهـوي نجوم(ن)لارمـت جـال تفنـع


من اقصى الجزيرة اعصار توحي اذانيك *** مـن هيبتـه يرتـج حفـره ويـركـع


ومن اقصى الحساء بركان تونس اياديك *** مـن هيبتـه صميـدع القلـب يـربـع


لا والله الا اجيك وشلـون مـا اجيـك *** شفني عليه اقرب من الموت واسـرع


الي ازعلك يمكـن نسـي انـي اخيـك *** ولا تخيـل لاتغربـت مــا ارجــع


لاتنثريـن الدمـع حـيَّـن محاكـيـك *** والله تخضع اشناب مـن شـان مدمـع

.............................

(حيزا حيزا )....نخوه لقبيلة الشاعر ...

........................


وشرايكم في القصيده ....

بس أنا أبأعرف كيف شكل زوج أخته لم سمع القصيدة؟؟؟

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

\
/

سؤالي براسك ولاتذكر اسباب=لاصرت بايعني..توكل على الله
مابيني وبينك مشاريه وعتاب=شفت دربك اللي جيت منه تدله
ماراح تغلبني لو الحب غلاب=من حضرتك عشان قلبي تذله
رح واعتبرني واحدن اذنب وتاب=مانيب ثوب(ن)تلبسه ثم تمله

\
/